JEREMI 9:15 - Bibəl ta Sar̄

¹⁵ M-ā m̄-tə̄ndā m̄-tḭ̄ḭ̄də́ kə̄ dan nápar de gə̄ kə́ nin̄ kɔ́ gə̄ gə̄gē, kaadə́ gə̄ gə̄gē, gerə̄n̄də́ aĺ ɓáý tə́ ō, m-ā m̄-ngɔ̄də̄də́ kə kaskaraá bátə́ kadə̄ m̄-tɔ̄l̄də́ təgā ō.

Bible sar

¹⁵ M-ā m̄-tə̄ndā m̄-tḭ̄ḭ̄də́ kə̄ dan nápar de gə̄ kə́ nin̄ kɔ́ gə̄ gə̄gē, kaadə́ gə̄ gə̄gē, gerə̄n̄də́ aĺ ɓáý tə́ ō, m-ā m̄-ngɔ̄də̄də́ kə kaskaraá bátə́ kadə̄ m̄-tɔ̄l̄də́ təgā ō.

JEREMI 9:15 Referans Kwoze

JEREMI 8:14

I tām̄ rí tə́ á jə-ndiī kanjə̄ kɔdə rɔ̄jí ní? Ɔ́siī dɔsí naā tə́. J-udiī kem loo ndi kə́ ngan̄g gə̄ tə́, ba j-awī loo alé. Tɔdɔ̄ Kɔ́ɔ̄ɓē Nə́ɓā yājí ɔgə̄jí ndɔ́tə̄ loo. Ni-adə̄jí man̄ kə́ yḛl kum adə̄ j-a̰ȳī. Kə́ rɔ̄kum tə́ ní, jə-rāāī majaĺ kə Kɔ́ɔ̄ɓēé.

NŌŌ RƆ̄ 3:15

Ni rāām̄ adə̄ wurəḿ atə̄m̄ ngá̰ý ō, adə̄m̄ man̄ mu kə́ atə̄ kárárá adə̄ m-ā̰ȳ ō.

PĀ GƏ̄ 80:5

Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý, ā ī-rāā wōn̄g ta ndɔ̄ȳ yā gír deē yāí gə̄ tə́ i bátə́ ta kə́ ra?

JEREMI 23:15

Anī Kɔ́ɔ̄ɓē kə́ bo kə́ tɔ́gən i ngá̰ý ɔr̄ najə̄ kə́ dɔ ngé koō ta gə̄ tə́ əda na: M-ā m-ādə̄də́ man̄ ngəra kāgə̄ kə́ katə̄ kárárá ō, man̄ kə́ yḛl kum ō, kadə̄ a̰ȳn̄, tɔdɔ̄ i ngé koō ta kə́ Jerusalem tə́ gə̄ n ndóōn̄ ɓē kə taá malang loo kim̄ Nə́ɓā ní.

JEJU TEĒ KUM JA̰A̰ 8:11

Rī tə́yō̰ ní na i Wur Katə̄. Ré gángə̄n̄ man̄ gə̄ gír loo mətá anī, gírən kə́ kógə̄ḿ tél i wur katə̄. Adə̄ de gə̄ ngá̰ý oyn̄, tɔdɔ̄ man̄ gə̄ ní atə̄n̄ kɔ̄ɔ́.

NŌŌ RƆ̄ 3:19

Ādə̄ əga kemií dɔ rɔ̄sɔl̄ ń əlan̄ dɔḿ tə́ ní ō, dɔ dáȳ ń m̄-dáȳ dɔɔ́ tə́ ní ō, i tītə̄ yá̰a̰ yḛl de kə́ atə̄ kárá beē.

JEREMI 25:15

Yá̰á̰ ń Kɔ́ɔ̄ɓē, Nə́ɓā yā Israel ədam̄ ní n toó: Ī-taā kópə kasə nduú ń toō jīḿ tə́, ādə̄ nápar de gə̄ malang ń m-ā m-ə́laī kə̄ rɔ̄də́ tə́ ní ādə̄ a̰ȳn̄, i kasə wōn̄g yāḿ.

IJAI 2:22

I beé ní, ə́ya̰ī deē ndul gə̄! Ndidə́ kə kumdə́ i koō ngóy. Ní, nin̄ i rí kógə̄ḿ?

IJAI 2:17

I gáŕ kadə̄ ngé kɔjə rɔ̄də́ gə̄ malang rugən̄ nang tə́ ō, ngé kənda kadədə́ gə̄ télən̄ kə rɔ̄də́ kə̄ nang tə́ ō. Ndɔ̄ ngeé ń noō tə́ ní, i Kɔ́ɔ̄ɓē kal kógə̄ḿ beē ngóy n i de kə́ bo ní.

PĀ GƏ̄ 75:8

Tɔdɔ̄ i Nə́ɓā n i nge gān̄g sarya ní. Ni-tél kə nge kə́rēý kə̄ nang tə́ ō, tél un nge kə́ noō dɔɔ́ gogə́ ō.

PĀ GƏ̄ 69:21

Ndū ń tájə̄mə̄n̄ ní nujə kem sák sák ō, rāām̄ kə moyo̰ó̰ ō, m-ə̄ndā kemḿ dɔ ka̰a̰ deē kógə̄ḿ loo rāā yá̰á̰ kə́ ɔjə kadə̄ kumən o̰o̰n tām̄ yāḿ tə́ ō, banī m-á̰a̰ deē loo rāā yá̰á̰ kógə̄ḿ tə́ alé. m̄-sāā deē kógə̄ḿ kə́ kadə̄ sɔl̄ kemḿ, banī m-ə́nge alé.

PĀ GƏ̄ 60:3

Nə́ɓā ḭ̄ ī-mbātə́jí, ī-tə̄ndā ī-tḭ̄jí kə̄ loo gə̄ tə́. I wōn̄g n rāāī ní ba úńjí dɔɔ́ gogə́ rang.

NDŪ NAJƏ̄ 29:18

Ré de kə́rēý oō najə̄ gə̄ ń túbən̄neé toō ba kɔ́ɔ̄ gír̄ kemən tə́ na Nə́ɓā na rāā majə seneé kɔ̄ɔ́ ɓá, adə̄ əda kə̄ kemən tə́ na: M-ə́ngé yá̰a̰ malang tɔdɔ̄ i yá̰a̰ gə̄ ń kemḿ ndigə ní n m-ə́hɔ gōdə́ m̄-rāādə́ ní, tām̄ dɔ nang ń adə̄nən̄ man̄ kɔ̄ɔ́ ɓá ní kəndā man̄ rāān to̰ alé anī,

NDŪ NAJƏ̄ 28:36

Kɔ́ɔ̄ɓē a əlaī, ḭ̄ ō, mban̄g yāí ń ā ə̄ndā dɔí tə́ ní ō, jī nápar de gə̄ kə́ ḭ̄ gə̄gē, bɔbí gə̄gē ī-gerīdə́ aĺ tə́, kadə̄ ī-rāā kəla adə̄ ɓesə̄ kāgə̄ gə̄ kə ɓesə̄ mbal̄ gə̄ kem ɓē yādə́ tə́.

JEREMI 24:10

M-ā m-ə́la kə kaskaraá ō, kə ɓōó ō, kə mo̰y ngāl̄bɔ̄gīí ō dɔ dáńdə́ tə́, bátə́ kadə̄ gətóoneé kɔ̄ɔ́ dɔ nang ń m-ādə̄də́ nin̄ ō kaadə́ gə̄ ō ní tə́.

JEREMI 44:27

M-ə̄ndā kumḿ gíŕdə́ tə́ i yā rāādə́ yá̰á̰ kə́ majaĺ, banī i yá̰á̰ kə́ majə alé. Juda gə̄ ń ndin̄ kem ɓē kə́ Ejiptə tə́ ní a oyn̄ yo kaskar ō, yo ɓō ō, bátə́ kadə̄ təgān̄neé.

JEREMI 49:37

m̄-rāā Elam gə̄ adə̄ ndewn̄ ta kum madə̄ ba̰ā̰də́ gə̄ ń i nge sāā tɔ̄l̄də́ gə̄ ní tə́, ta kum ngé gə̄ ń ndigən̄ ka̰a̰də́ kə kumdə́ aĺ ní tə́. m̄-rāā adə̄ yá̰á̰ kə́ to kum kaȳ aĺ əsō dɔdə́ tə́, adə̄ i wōn̄g yāḿ kə́ al̄ naā. Najə̄ ń Kɔ́ɔ̄ɓē əda ní n noó. m̄-ngɔ̄də̄də́ kə kaskaraá yā tɔ̄l̄də́ bátə́ kadə̄ təgān̄.

EJEKIEL 5:2

Dan ń ndɔ̄ gə̄ ń ɓē i kə́ gīrəń gidə ní a tə́gān̄ kɔ̄ɔ́ ní, ī-róō gírən kə́ ta kəga dɔ kum hor tə́ dan ɓēé. Ā ɔ́y gírən kə́ nge ko̰ jōó ba ā ə́nda kə kaskaraá ī-gīrəń gidə ɓē. Gírən kə́ ko̰ mətá ní, ā ī-tə̄ndā ā ī-tḭ̄ḭ̄ kum néĺ tə́, banī m-ā m̄-ngɔ̄də̄ gō kə kaskar yāḿ.

EJEKIEL 5:12

Núsə de kə́ kem ɓēé gə̄ kə́ ta kəga dɔ a oyn̄ yo mo̰y ngāl̄bɔ̄gīí, aláa yo ɓō kem ɓēé. Núsə de kə́ kem ɓēé kə́ nge ko̰ jōó a oyn̄ yo kaskar kə gō gidə ɓēé. Núsə de kə́ kem ɓēé gə̄ kə́ nge ko̰ mətá ní, m-ā m̄-tə̄ndā yā tḭ̄ḭ̄də́ kə̄ loo gə̄ tə́, ba m-ā m̄-ngɔ̄də̄də́ kə kaskaraá.