JEREMI 9:12 - Bibəl ta Sar̄

¹² Kɔ́ɔ̄ɓē əda na: Nin̄ əya̰n̄ gō yá̰á̰ ndóō yāḿ ń m-ə̄ndā nodə́ tə́ ní kɔ̄ɔ́, tɔdɔ̄ nin̄ oōn̄ najə̄ yāḿ aĺ ō, unən̄ gō najə̄ ní aĺ ō,

Bible sar

¹² Kɔ́ɔ̄ɓē əda na: Nin̄ əya̰n̄ gō yá̰á̰ ndóō yāḿ ń m-ə̄ndā nodə́ tə́ ní kɔ̄ɔ́, tɔdɔ̄ nin̄ oōn̄ najə̄ yāḿ aĺ ō, unən̄ gō najə̄ ní aĺ ō,

JEREMI 9:12 Referans Kwoze

OJEE 14:9

Epəraim, yá̰á̰ kə́ ɓoojí naā tə́, mā ō, nə́ɓā kə́ rɔ̄kum aĺ gə̄ ō to nuú ɓáý a? Mā m̄-tūrī najə̄ tə́ ō, m-ə̄ndā kumḿ gōí tə́ ō. Mā m̄-to tītə̄ kāgə̄ sipəres beé, ni i kāgə̄ kə́ mbīn to mbōl̄ nduju ngándáńg. Kōō yāí gə̄ ń ī-sāādə́ kɔ̄ɔ́ ní, i mā n m-ādī ní.

PĀ GƏ̄ 107:43

De kə́ nge kum kedə̄ a əndā kumən gíŕ yá̰a̰ gə̄ ń noō tə́ malang ō, a ger̄ kem majə yā Kɔ́ɔ̄ɓē ō.

PĀ GƏ̄ 107:34

I ni n i nge rāā kadə̄ dɔ nang kə́ teē yá̰a̰ tél dɔ nang kə́ teē yá̰a̰ aĺ, sɔɔ̄ń kem ndul yā de gə̄ kə́ ndin̄ tū tə́ ní.

NDŪ NAJƏ̄ 32:29

Ré nin̄ i de kə́ ngáā gə̄ anī, a gerə̄n̄ loo ń yá̰a̰ gə̄ ń noō malang a aw̄n̄ sedə́ kə̄ tū tə́ ní.

JEJU TEĒ KUM JA̰A̰ 1:3

Deē ń tə́da makətūbə̄ ń toō ō, de gə̄ ń oōn̄ najə̄ kə́ Nə́ɓā əndā ta deē tə́ ń toō ō, ba ngɔ̄mə̄n̄ yá̰á̰ ń ndangən̄ kemeé ní, rɔ̄də́ nel̄də́. Tɔdɔ̄ kum mbang ń kadə̄ yá̰a̰ gə̄ ń noō rāān̄neé yá̰á̰ ní dɔ i ngɔr.

MATIYE 24:15

Dan ń ā á̰a̰ī yá̰á̰ kə́ majaĺ kə́ to yḛr kum ń Daniel nge koō ta əda najə̄n ní ndi kem loo kə́ táĺ tə́ anī, ādə̄ nge tə́da najə̄ ní ger̄ kum najə̄ ní majə,

EJEKIEL 14:23

Dan ń ā á̰a̰īdə́ anī kemsí a sɔl̄. Tām̄ ā ī-gerī kadə̄ yá̰á̰ ń m̄-rāā kə ɓē ń toō ní najə̄ i yāḿ. Yá̰á̰ Kɔ́ɔ̄ɓē Nə́ɓā əda ní n noó.

IJAI 42:23

I náā kə́ dansí tə́ n əndā kumən gíŕ yá̰á̰ ń noō tə́ ní? I náā a oō ní? I náā n a ger̄ kum ngɔlaā ní?

JEREMI 9:20

Tɔdɔ̄ yo al̄ ko̰rō̰ kújə yājí kə́ majə ngá̰ý gə̄ tə́, ba udə kemeé. Ni-reē tɔ̄l̄ ngán gə̄ kum róbó ō, tɔ̄l̄ balsáa gə̄ ndágə loo gə̄ tə́ ō.

JEREMI 23:10

De gə̄ malang kə́ kem ɓēé rāān̄ rāȳ, adə̄ ɓē nujə ō, ndɔ̄ĺ i dɔ tə́ ō. Yá̰a̰ tutə malang loo ń yá̰a̰ kul̄ gə̄ a o̰o̰n̄ tū tə́ ní. O̰o̰ de gə̄ i ta rāā yá̰á̰ kə́ majaĺ ō, əhɔn̄ rɔ̄də́ tɔgə i ta nujə loo ō ngóy.

JEREMI 23:16

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Ə̄ndāī mbīsí gír najə̄ ń ngé koō ta gə̄ ədan̄sí ní tə́ alé. Tɔdɔ̄ nin̄ gólə̄n̄ i kumsí. Yá̰a̰ gə̄ ń a̰a̰n̄ á ənīn̄sí gotə ní i gír̄ yādə́ nin̄ kɔ́ gə̄. Yá̰a̰ ń noō teē i ta Kɔ́ɔ̄ɓē tə́ alé.

JEREMI 23:22

Nə́ngētə́ gēé ndin̄ loo koō naā dɔ najə̄ tə́ seḿ anī. A gerə̄n̄ loo kɔr̄ najə̄ yāḿ kadə̄ gír deē yāḿ gə̄ oōn̄ ō, a gerə̄n̄ loo rāā sedə́ kadə̄ əya̰n̄ gō háĺdə́ kə́ majaĺ gə̄ ō, kəla rāādə́ kə́ majaĺ gə̄ ō kɔ̄ɔ́.

JEREMI 23:28

Ādə̄ nge koō ta ń nī rāān ní, ənī gotə nī yān ní, ba ādə̄ deē ń m-ə̄ndā najə̄ yāḿ tan tə́ ní, ənī mbēr̄ dɔ ngarā̰ kum najə̄ ní tə́ kə ndū boó. Kádə́ yá̰á̰ ō, kumən ō ton̄ tītə̄ naā a? Najə̄ ń Kɔ́ɔ̄ɓē əda ní n noó.

JOEL 1:11

Jī ngé ndɔr̄ gə̄ ur̄ wak. Ngé ndɔr̄ kāgə̄ nduú gə̄, nōōn̄ rɔ̄də́. Kōō gémē ō kōō ɔ́rjə ō nujə kɔ̄ɔ́. Kōō kə́ ndɔrɔ́ nujə malang kɔ̄ɔ́.

SOPONI 3:6

Kɔ́ɔ̄ɓē əda na: m̄-rāā adə̄ nápar de kə́ ngá̰ý gə̄ gətóon̄ kɔ̄ɔ́. Ndogə̄ mbal̄ yādə́ gə̄ ń a rɔ̄ɔ̄n̄neé dɔ rɔ̄də́ tə́ ní, m̄-nujəń kɔ̄ɔ́. m̄-rāā adə̄ deē gətóo kum róbə kɔsə yādə́ gə̄ tə́. Deē mān̄ tū tə́ to̰ alé! Ɓē bo yādə́ gə̄ i kə́ nujəń kɔ̄ɔ́: deē kógə̄ḿ kə́ kemeé to̰ gətóo.

OJEE 4:10

Nin̄ a əsan̄ yá̰a̰, banī ɓō a rāādə́ ngándáńg. A rāān̄ ájə́ba, banī a ojən̄ ngōn̄ alé. A̰á̰ā̰, mā ń i Kɔ́ɔ̄ɓē ní, nin̄ əya̰mə̄n̄ kɔ̄ɔ́ ba rāānəń ájə́ba.