JEREMI 9:11 - Bibəl ta Sar̄

¹¹ Ré deē kógə̄ḿ i kə kum kedēé anī, ādə̄ kɔ́ɔ̄ ger̄ kum ō, ɔjə najə̄ ń Kɔ́ɔ̄ɓē ədan kə taneé ní ō. i tām̄ rí tə́ á ɓē i kə́ nujə sák sák ō, i kə́ kəla hor dɔ tə́ tītə̄ dəla loo ń deē mān̄ tū tə́ aĺ bátə́ ō ní?

Bible sar

¹¹ Ré deē kógə̄ḿ i kə kum kedēé anī, ādə̄ kɔ́ɔ̄ ger̄ kum ō, ɔjə najə̄ ń Kɔ́ɔ̄ɓē ədan kə taneé ní ō. i tām̄ rí tə́ á ɓē i kə́ nujə sák sák ō, i kə́ kəla hor dɔ tə́ tītə̄ dəla loo ń deē mān̄ tū tə́ aĺ bátə́ ō ní?

JEREMI 9:11 Referans Kwoze

IJAI 25:2

Ḭ̄ ī-rāā ɓē ādə̄ tél i kɔkərɔ kə́ kán̄ dɔ naā tə́ bing. Ɓē ngeé ń toō ń ngɔ̄mə̄n̄ majə ní, i kə́ tétə̄ nang tə́ kɔ̄ɔ́. Ɓē kə́ ngan̄g ngá̰ý gə̄ yā tə̄rā gə̄ tél i ɓē to̰ alé, deē a tél yā rāān gogə́ to̰ aĺ i kə́ bátə́ gə̄ tə́.

JEREMI 51:37

Babilon a tél yā to tītə̄ mbal̄ kə́ kán̄ dɔ naā tə́ ō, tītə̄ loo ra tal̄ gə̄ ō, yá̰á̰ kə́ to kum ko̰ kə́ de gə̄ a əgan̄ kɔŕ ɓōĺ dɔ tə́ ō. De kə́ kemeé gə̄ a gətóon̄ malang kɔ̄ɔ́.

JEREMI 10:22

De gə̄ oōn̄ kōō yá̰á̰ kógə̄ḿ kə́ a reē kə̄ dɔdə́ tə́ ō, kə́ ḭḭ dām̄ mbɔ́r ɓē kə́ ko̰ó̰ tə́ ba yéȳ yá̰a̰ kə ngangāá ngá̰ý ō. A reē yā rāā ɓē kə́ Juda tə́ kadə̄ tél loo kə́ to kum ko̰ ō, kadə̄ telən̄ loo ra tal̄ gə̄ ō.

IJAI 34:13

Túpə̄ kōn̄ gə̄ a əɓan̄ kem kújə ngol gə̄ tə́, mu kə́ majaĺ gə̄ ō, ngar̄ gə̄ ō, a taān̄ loo dɔ ndogə̄ mbal̄ gə̄ kə́ yā rɔ̄ɔń dɔ ɓē tə́ kɔ̄ɔ́. Tal̄ gə̄ a rāān̄ ɓē loo ń noō tə́ ō, burum gə̄ a ndin̄ tū tə́ ō.

IJAI 13:22

Ɓon̄g gə̄ a nōōn̄ kem kújə́ kə́ ngāl̄ ɓururu kə́ tū tə́ gə̄ tə́ ō, tal̄ gə̄ a nōōn̄ kem kújə ngol kə́ tū tə́ gə̄ ń yá̰a̰ i ngá̰ý kemeé ní tə́ ō. Kum mbang ń gír yā Babilon a gāgəń ní, dɔ i ngɔr, a reē noó. Ndɔ̄n gə̄ i kə́ tə́da kɔ̄ɔ́.

MISE 3:12

Ɓá tā banī Siyo̰ a tél ndɔr̄ kə́ de gə̄ ndɔrə̄n̄ kɔ̄ɔ́, i tām̄ yāsí sḭḭ̄ tə́. A̰á̰ā̰, Jerusalem a nujə sák sák kɔ̄ɔ́ ō, mbal̄ bo ń kújə yā Kɔ́ɔ̄ɓē i dɔ tə́ ní, túpə kō̰n̄ gə̄ a taān̄ loo dɔ tə́ kɔ̄ɔ́ ō.

NŌŌ RƆ̄ 3:47

Jə-ɓōĺ ngá̰ý ō, j-udə kem bəlo kə́ lú ngá̰ý tə́ ō, jə-nujə sák sák ō, jə-tétə̄ naā tə́ rárák ō.

NŌŌ RƆ̄ 2:2

Kɔ́ɔ̄ɓē nujə kə loo ndi gə̄ yā Jakob malang kanjə̄ kadə̄ kumən o̰o̰n. Ni tɔ̄ɔ̄ kújə́ kə́ ngan̄g ngá̰ý gə̄ kə́ Juda tə́ kə wōngōó ngá̰ý. Tɔɔ̄də́ nang tə́ kɔ̄ɔ́ ba əla rɔ̄sɔl̄ dɔ ɓē ko̰o̰ tə́ ō, ngār yān gə̄ tə́ ō.

JEREMI 34:22

M-ā m-ādə̄də́ ndūḿ kadə̄ tél reē rɔ̄ɔ̄n̄ ɓē ń toō. A ənīnən̄ rɔ̄ɔ̄ ō, a əsō kem jīdə́ tə́ ō, a əlan̄ hor dɔ tə́ ō. M-ā m̄-rāā kadə̄ ɓē gə̄ kə́ Juda télən̄ loo kə́ to kum ko̰ gə̄ ō, kə́ de gə̄ gətóon̄ tū tə́ gə̄ ō.

JEREMI 26:18

Mise nge koō ta kə́ Moreset tə́ ɔr̄ najə̄ ɓāl̄ yā Ejekias, mban̄g kə́ Juda tə́, əda gír de gə̄ malang kə́ Juda tə́ na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: A ndɔrə̄n̄ ɓē kə́ Siyo̰ tītə̄ loo ndɔr̄ loo beé ō, Jerusalem a tél ndəbā ɓē kə́ gájə́ yá̰á̰ kə́ tū tə́ gə̄ ra dɔ naā tə́ bing ō, mbal̄ kə́ kújə yā Kɔ́ɔ̄ɓē tə́ a tél loo kə́ kḭḭ kə̄ dɔɔ́ kə́ mu taā dɔ ō.

JEREMI 25:11

Ɓē ń noō kə taá malang a tél loo kə́ nujə sák sák kɔ̄ɔ́ ō, ndágə loo kə́ to kum ko̰ ō, nápar de gə̄ ń noō a rāān̄ kəla adə̄n̄ mban̄g kə́ Babilon kem ɓāl̄ kutə sīrí.

PĀ GƏ̄ 79:1

Pā yā Asap. Nə́ɓā, nápar de gə̄ taān̄ loo dɔ nang yāí tə́. Nin̄ rāān̄ adə̄ kújə́ kə́ táĺ yāí téĺ kújə́ kə́ yḛr ō, nin̄ nujən̄ ɓē kə́ Jerusalem sák sák kɔ̄ɔ́ ō.

MISE 6:16

Sḭḭ̄ ī-ndájī jī bēl̄ loo rāā yá̰a̰ gə̄ yā mban̄g Omri ō, yā ngōnə̄n Akab ō, yā kojə yān ō. Sḭḭ̄ ī-ndájī jī bēl̄ loo rāā yá̰a̰ yādə́. Adə̄ m-ā m̄-nujə ɓē bo yāsí kɔ̄ɔ́. I beé n de kə́ rang gə̄ a əgōn̄neésí sḭḭ̄ de gə̄ ń ī-ndiī kemeé ní. Rɔ̄sɔl̄ ń rāā gír deē yāḿ gə̄ ní, a rāāsí.

MISE 1:6

Kɔ́ɔ̄ɓē əda na: Tām̄ najə̄ ń noō tə́ ní, m-ā m̄-rāā ɓē kə́ Samari kadə̄ a tél ndɔr̄ kə́ gájə́ yá̰a̰ gə̄ i tū tə́ ō, dɔ nang kə́ i kāgə̄ nduú tá deē a asə ndɔr̄ tū tə́ ngóy ō. M-ā m̄-rāā kadə̄ mbal̄ kə́ tū tə́ gə̄ ndūbə̄rūn̄ kum wól loo tə́ ō, m-ā m-nujə yá̰á̰ ń a ngɔ̄m̄ gír gisən ní kɔ̄ɔ́ ō.

JEREMI 26:9

Tām̄ ɔ̄r̄ najə̄ kə rī Kɔ́ɔ̄ɓēé əda na: Kújə́ ń toō na a to tītə̄ Silo ō, ɓē ń toō na a nujə sák sák ō, de kə́ kemeé gə̄ na a gətóon̄ kɔ̄ɔ́ ō. Loo ń noō tə́ de gə̄ malang kə́ kem ɓēé kánə̄n̄ naā kə̄ dɔ Jeremi tə́ kem kújə yā Kɔ́ɔ̄ɓē tə́.

JEREMI 25:18

M-ādə̄ Jerusalem ō, ɓē kə́ Juda tə́ gə̄ ō, mban̄g yān gə̄ ō, de kə́ bo yān gə̄ ō, kadə̄ a̰ȳn̄ ba télən̄ yá̰á̰ kə́ nujə sák sák ō, kə́ to kum ko̰ kə́ de gə̄ a əgan̄ kɔŕ ɓōĺ dɔ tə́ ō, yá̰á̰ kə́ de gə̄ a ndɔ̄lə́n̄ naā kə rīneé ō. I yá̰á̰ ń noō n a rāā yá̰a̰ ngɔlaā toó.

IJAI 44:26

Banī najə̄ kɔr̄ ngé kəla yāḿ gə̄ ní, m̄-rāā adə̄ reē udə gírí ō, najə̄ ń ngé kaw̄ kəla yāḿ gə̄ ədan̄ kété ní, m̄-rāā adə̄ ojə yá̰á̰ kə́ majə ō. m̄-ɔ̄r̄ najə̄ kə́ dɔ Jerusalem tə́ m-ə́da na: De gə̄ a télən̄ yā ndi kemeé gogə́ ɓáý, ndogə̄ mbal̄ yān gə̄ ń nujən̄neé kɔ̄ɔ́ ní, a télən̄ yā kun dɔɔ́ gogə́. M-ɔ̄r̄ najə̄ kə́ dɔ ɓē gə̄ yā Juda tə́ m-ə́da na: A télən̄ yā rāā ɓē ní gogə́.

NEHEMI 4:2

Nin̄ oōn̄ naā yā reē malang gidə kógə̄ḿ yā kənī ɓē kə́ Jerusalem rɔ̄ɔ̄ ō, yā nujə loo kemeé ō.

JEJU TEĒ KUM JA̰A̰ 18:2

Ni-əga kɔŕ ngá̰ý əda na: Babilon ń i ɓē kə́ bo ní əsō kɔ̄ɔ́, əsō kɔ̄ɔ́! Adə̄ tél i loo ndi ndíĺ kə́ majaĺ gə̄ ō, loo ɓɔ̄ɔ̄ rɔ̄ yā ndíĺ kə́ yḛr gə̄ malang ō, yā yel̄ kə́ yḛr gə̄ malang ō, yā dā̰ kə́ yḛr gə̄ malang kə́ majən̄ aĺ ta kum de gə̄ tə́ ō.

LEBI GƏ̄ 26:32

M-ā m̄-nujə ɓē yāsí sák sák kadə̄ a ɔr kum madə̄ ba̰ā̰sí gə̄ ń a reēn̄ yā ndi kemeé ní.

PĀ GƏ̄ 44:19

J-əya̰ gōí aĺ ō, jə-tɔ̄ kɔ̄ɔ́ dɔ róbə yāí tə́ aĺ ō.

JEREMI 1:15

M-ā m̄-ɓāŕ gír kaa gə̄ malang yā ɓē ko̰o̰ gə̄ kə́ mbɔ́r ɓē kə́ ko̰ó̰ tə́. Najə̄ ń Kɔ́ɔ̄ɓē əda ní n noó. Nin̄ a reēn̄ yā tə́ndā kōr̄ kāgə̄ mban̄g yādə́ gə̄ ta róbə́ gə̄ kə́ yā kudə ń kə̄ Jerusalem tə́, ta ndogə̄ gə̄ kə́ kəndā kə mbalá adə̄ gīr̄ gidə tə́ ō, ta ɓē bo gə̄ kə́ Juda tə́ malang ō.

JEREMI 4:27

Najə̄ ń Kɔ́ɔ̄ɓē əda ní n toó: Dɔ nang malang kə taá a téĺ yá̰á̰ kə́ to kum ko̰ ngá̰ý banī m-ā m̄-nujəń malang alé.

JEREMI 44:2

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: Sḭḭ̄ á̰a̰ī yá̰á̰ kə́ to kum kaȳ aĺ gə̄ malang ń m̄-rāā kə Jerusalem ō, kə ɓē gə̄ kə́ Juda tə́ ō ní majə. Á̰a̰ī kadə̄ ngɔlaā ní nin̄ nujə sák sák kɔ̄ɔ́ ō, de gə̄ ndin̄ kemeé to̰ alé ō.

JEREMI 49:33

Hasor tél loo ra tal̄ gə̄ ō, tél ndágə loo kə́ to kum ko̰ kə́ njɔ́ḿ gə̄ tə́ ō, de kə́ yā kaw̄ ndi kemeé gətóo ō.

JEREMI 50:3

A̰á̰ā̰, nápar de gə̄ teēn̄ mbɔ́r ɓē kə́ ko̰ó̰ tə́ reē ənīnən̄ rɔ̄ɔ̄. Nin̄ rāān̄ ɓē yān adə̄ tél ndágə loo kə́ to kum ko̰ ngá̰ý, i ndágə loo kə de kə́ yā ndi ɓē tū tə́ gətóo. De gə̄ ō, dā̰ gə̄ ō, a̰ȳn̄ nāā malang, yá̰á̰ kógə̄ḿ gē gətóo.

NŌŌ RƆ̄ 1:4

Róbə́ kə́ ta reē kə̄ Siyo̰ tə́ gə̄ ndə̄ngān̄ rɔ̄də́, tɔdɔ̄ de gə̄ njə̄rān̄ dɔ tə́ yā reēń rāā nāā gə̄ tə́ to̰ alé. Bápə́ kə́ ta róbə ndogə̄ kə́ Siyo̰ tə́ gə̄ malang i kə́ nujəń kɔ̄ɔ́. Ngé tun̄ yá̰a̰ yān gə̄ malang to̰ō̰n̄ rus rus. Rɔ̄ ngámandə yān gə̄ nel̄də́ aĺ ō, wurən nəkɔ́ atə̄n ngá̰ý ō.

NDŪ NAJƏ̄ 29:23

Nápar de gə̄ malang a dəjen̄ najə̄, a ədan̄ na: Kɔ́ɔ̄ɓē rāā kə ɓē ń toō yá̰á̰ kə́ beé i tām̄ rí tə́? I tām̄ rí tə́ á wōn̄g rāān ngá̰ý dɔ tə́ beé?

PĀ GƏ̄ 107:43

De kə́ nge kum kedə̄ a əndā kumən gíŕ yá̰a̰ gə̄ ń noō tə́ malang ō, a ger̄ kem majə yā Kɔ́ɔ̄ɓē ō.

JEREMI 8:22

Bəto kə kāgə̄ kə́ yā rāā ta do tə́ gətóo Galaad i mbée a? Nge rāā de gə̄ mo̰y gətóo noó a? I tām̄ rí tə́ á rɔ̄ gír deē yāḿ gə̄ əsō naā tə́ aĺ ní?

JEREMI 16:10

Dan ń ḭ̄ ā ə́dá gír de gə̄ ń toō najə̄ gə̄ ń noō malang, ba nin̄ a ədanī na ké i tām̄ rí tə́ á Kɔ́ɔ̄ɓē əda kadə̄ yá̰á̰ kə́ to kum kaȳ aĺ kə rāādə́ ō, ké yá̰á̰ kə́ gōtə́ aĺ ō, kə́ majaĺ ō ń n-rāān̄ kə Kɔ́ɔ̄ɓē Nə́ɓā yādə́ ní ké i rí ō wa anī,