JEREMI 9:1 - Bibəl ta Sar̄

¹ Ré de gə̄ adə̄mə̄n̄ loo ɓɔ̄ɔ̄ rɔ̄ yā ngé njə̄rā mbā kə jámbal gə̄ dəla loo tə́ anī, m-ā m-ə́yá̰ gír deē yāḿ gə̄ kɔ̄ɔ́ ō, m-ā m-ɔ̄r̄ rɔ̄ḿ kɔ̄ɔ́ rɔ̄də́ tə́ ō. Nin̄ malang i ngé sāā naā gír naā tə́ ō, ngé kɔr̄ gír naā gə̄ ō.

Bible sar

¹ Ré de gə̄ adə̄mə̄n̄ loo ɓɔ̄ɔ̄ rɔ̄ yā ngé njə̄rā mbā kə jámbal gə̄ dəla loo tə́ anī, m-ā m-ə́yá̰ gír deē yāḿ gə̄ kɔ̄ɔ́ ō, m-ā m-ɔ̄r̄ rɔ̄ḿ kɔ̄ɔ́ rɔ̄də́ tə́ ō. Nin̄ malang i ngé sāā naā gír naā tə́ ō, ngé kɔr̄ gír naā gə̄ ō.

JEREMI 9:1 Referans Kwoze

JEREMI 13:17

Ré ōōī yá̰á̰ ń toō aĺ anī, m-ā m̄-rāā rɔ̄ḿ ndoō loo ɓɔ̄ɔ̄ rɔ̄ yāḿ tə́, najə̄ kɔjə rɔ̄ yāsí kə́ ngá̰ý ń toō tə́. Kumḿ i kə nōó, i kə nōó. Man̄ nōō a reē kumḿ tə́. Əhɔn̄ ɓūtə̄ yá̰a̰ kul̄ yā Kɔ́ɔ̄ɓē gə̄ dɔ gúú tə́ aw̄n̄ sedə́ dɔ ɓē kə́ rang tə́.

IJAI 22:4

I tām̄ najə̄ ń toō tə́ n m-ə́dásí najə̄ ń toō ní: Ə̄ndāī kumsí gōḿ tə́ to̰ alé, ə́ya̰mī ādə̄ m̄-nōō kə wur katāá. Nujən̄ gír deē yāḿ gə̄ kɔ̄ɔ́, ba ī-lōōī nāā sɔl̄ kemḿ.

NŌŌ RƆ̄ 2:11

Man̄ nōō utə̄ kumḿ ō, kemḿ təngām̄ ngá̰ý ō. Tɔ́gə́ḿ gətóo kɔ̄ɔ́ adə̄ m-ə̄sō m-ɔ́də nang. Tɔdɔ̄ ngōmandə yā gír deē yāḿ gə̄ nujə kɔ̄ɔ́ ō. ngán kə́ dūú gə̄ ō, kə́ ta mba tə́ gə̄ ō, ton̄ kə́ yo tə́ ndágə loo gə̄ kə́ kem ɓēé tə́.

JEREMI 6:26

Sḭḭ̄ gír deē yāḿ gə̄, ə́laī kūbə̄ kəhɔ ndoō rɔ̄sí tə́. Ī-wángə̄lāī kum bumbə́rú tə́. Əhɔī ndoō tītə̄ loo rāā ndoō ngōn̄ kə́ dəngam kə́ kal kógə̄ḿ beē kə́ oy. Ī-nōōī rɔ̄sí kə wur katāá. Tɔdɔ̄ nge nujə loo a teē sejí rétə́ gēé.

JEREMI 14:17

Ḭ̄ ā ə́dádə́ najə̄ ń toō: m̄-ndi i kə man̄ nōó kumḿ tə́ ndɔ̄ɔ́ ō, kadaá ō, kanjə̄ dəba. Tɔdɔ̄ yá̰á̰ kə́ to kum ko̰ ngá̰ý nujə kə ngōmandə ń i gír deē yāḿ gə̄ ní.

IJAI 16:9

I tām̄ najə̄ ń toō tə́ n m̄-nōō kə de kə́ Yajer gēé tām̄ yā kāgə̄ nduú gə̄ kə́ Sibəma tə́ ní. M-ā m̄-ɓōkə́ man̄ kumḿ gíŕsí tə́, ḭ̄ Hesəbon ō, ḭ̄ Elale ō. Tām̄ kɔĺ rɔ̄ɔ̄ ɓār̄ dɔ kan̄ nduú yāsí tə́ ō, dɔ kan̄ nduú yāsí kə́ ə́jaī tə́ ō.

PĀ GƏ̄ 119:136

m̄-nōō kə man̄ kumḿ, tɔdɔ̄ de gə̄ rāān̄ yá̰á̰ ń ndū najə̄ yāí əda ní alé.

PĀ GƏ̄ 42:3

Kəndā Nə́ɓā rāām̄, kəndā Nə́ɓā kə́ ndi kə kumneé rāām̄. I rə́ngáý tə́ n m-ā m-údə kem kújə yān tə́ yā ra ta kumən tə́ ní?

JEREMI 4:19

Kemḿ wa kemḿ wa. Rɔ̄ḿ tōrə̄m̄ mgá̰ý. Kemḿ əgam̄ biting biting. Ángaləḿ ndi sew alé. M-ásə ndi taḿ mbóo aĺ bátə́,

JEREMI 8:18

Yá̰á̰ kə́ asə kɔr̄ wur kɔl yāḿ gətóo. Rɔ̄ḿ kə taá malang oy yélélé.

JEREMI 9:18

De kə́ Siyo̰ gə̄ oōn̄ ndū de kə́ a nōō rɔ̄n. Aa! De gə̄ nujən̄ sejí sák sák kɔ̄ɔ́ ō, rɔ̄sɔl̄ taā tɔ́gə́jí kɔ̄ɔ́ ō, De gə̄ bótə̄yō̰n̄ kújə yājí gə̄ kɔ̄ɔ́ adə̄ j-a j-əya̰ī ɓē kɔ̄ɔ́.

PĀ GƏ̄ 55:7

Tā anī m-ə́da na nə́ngētə́ m-ə́ɓa i bɔ̄gə̄ tītə̄ yā dér anī, m-ā m-ḭ́ḭ yā kaw̄ ndi loo kə́ yá̰á̰ kógə̄ḿ a rāām̄ tū tə́ aĺ tə́.

JEREMI 3:10

Ngōkó̰o̰ Israel kə́ dəyá̰ ń i Juda kə́ sew aĺ ní rāā yá̰a̰ gə̄ ń noō malang banī tél reē rɔ̄ḿ tə́ gogə́ kə ngarā̰ kemənneé alé, ni gól̄ i loo. Najə̄ ń Kɔ́ɔ̄ɓē əda ní n noó.

JEREMI 5:7

Ń noō ní, loo kadə̄ m-ā m̄-mā̰ȳ rɔ̄ḿ dɔí tə́ i ba̰ý? Ngání gə̄ mbātə́mə̄n̄ kɔ̄ɔ́, ba túbə̄n̄ kə rī nə́ɓā kə́ rɔ̄kum aĺ gə̄. M-ādə̄də́ yá̰a̰ malang, banī nin̄ rāān̄ rāȳ. Nin̄ rɔ̄ɔ̄n̄ naā dɔ loo tə́ kem kújə yā dəyá̰ ájə́ba tə́.

EJEKIEL 22:12

Ḭ̄ Jerusalem, ɓēé looí de gə̄ a taān̄ kadə̄ karī gə̄ jī de gə̄ tə́ a tɔ̄l̄nəń de gə̄ ō, de gə̄ a adə̄n̄ de gə̄ nar loo tə̄nā tə́ a taānəń manə̄n kə́ ngá̰ý al̄ naā dɔ tə́ ō, de gə̄ a kə́ran̄ madə̄də́ gə̄ dɔ yá̰a̰ yādə́ gə̄ tə́ ō. Ba mā ɓáa dɔdə́ ndígə̄naləḿ kɔ̄ɔ́ i kə́ njɔ́ḿ gə̄ tə́. Najə̄ ń mā Kɔ́ɔ̄ɓē Nə́ɓā m-ə́dá ní n noó.

OJEE 7:4

Nin̄ malang rāān̄ rāȳ. Nin̄ ton̄ i tītə̄ púŕ kə́ təngā ngá̰ý, kə́ nge kɔr̄ mápa əndā kumən gírí to̰ alé. Ni-əla gír ka̰a̰ púŕ ní to̰ alé i dan ń ni ló̰yń ndujə̄ tə́ ní, bátə́ kadə̄ ndujə̄ kə́ ló̰ȳ ní agə̄ń.