JEREMI 8:8 - Bibəl ta Sar̄

⁸ I ba̰ý á sḭḭ̄ ə́daī na: Sḭḭ̄ na i ngé kum kedə̄ gə̄, tɔdɔ̄ ndū najə̄ yā Kɔ́ɔ̄ɓē na to na i tām̄ yāsí tə́ ní? Majə tā ba yá̰a̰ ndang makətūbə̄ yā ngé sór̄ gə̄ rāā adə̄ tél i ndū najə̄ kə́ rɔ̄kum aĺ kɔ̄ɔ́

Bible sar

⁸ I ba̰ý á sḭḭ̄ ə́daī na: Sḭḭ̄ na i ngé kum kedə̄ gə̄, tɔdɔ̄ *ndū najə̄ yā Kɔ́ɔ̄ɓē na to na i tām̄ yāsí tə́ ní? Majə tā ba yá̰a̰ ndang makətūbə̄ yā ngé sór̄ gə̄ rāā adə̄ tél i *ndū najə̄ kə́ rɔ̄kum aĺ kɔ̄ɔ́

JEREMI 8:8 Referans Kwoze

JA̰A̰ 9:41

Jeju tél ədadə́ na: Ré sḭḭ̄ i ngé ka̰a̰ loo aĺ gə̄ anī, majaĺ yāsí a gətóo. Banī ngɔlaā ń toō ə́daī na sḭḭ̄ na á̰a̰ī loo, ādə̄ i tāmən ń toō tə́ n majaĺ yāsí toń gotoó ní.

Makətūbə̄ ń Pol ndang adə̄ Rom gə̄ ní 1:22

Ədan̄ na nin̄ i ngé kum kedə̄ gə̄ banī nin̄ i mbóo gə̄.

MATIYE 15:6

anī sḭḭ̄ ədaī na kɔ́ɔ̄ na i kə najá dɔn tə́ alé, adə̄ na a rāā kə bɔbə̄neé to̰ alé. Ní, i tītə̄ ń noō n sḭḭ̄ ī-nujiīneé najə̄ yā Nə́ɓā kɔ̄ɔ́, ba ī-rāāīneé yá̰a̰ kə gō yá̰a̰ kāgə̄ ɓē yāsí ní.

PĀ GƏ̄ 147:19

Ni-əda gír deē yān gə̄ najə̄ yān ō, ɔjə Israel yá̰a̰ gə̄ ń ndang kadə̄ yā rāā ní ō, gō míndən gə̄ ō.

Makətūbə̄ yā Job 12:20

Ni i nge rāā kadə̄ najə̄ gətóo kɔ̄ɔ́ ta ngé ger̄ kɔjə najə̄ ngá̰ý gə̄ tə́ ō, nge rāā kadə̄ kəndā ma̰ȳ yá̰a̰ teē kɔ̄ɔ́ jī ɓə́ga gə̄ tə́ ō.

OJEE 8:12

M-ásə ndang yá̰á̰ kə́ yā rāā gə̄ dūbūú tām̄ yān tə́, banī tām̄ yān tə́ ɓáa a ton̄ i tītə̄ yá̰á̰ kə́ mbā beé.

Gōsə̄ najə̄ gə̄ 17:6

Jākā mbang yā ɓə́ga gə̄ i ngán kaadə́ gə̄ ō, jākā mbang yā ngán gə̄ i bɔbə̄də́ gə̄ ō.

Makətūbə̄ yā Job 11:12

De ń yá̰a̰ tɔȳ tɔ́gən ní ger̄ najə̄ to̰ alé. Deē malang ń i ngōn̄ kásə́ ɓáý ní, to i tītə̄ ngōn̄ kərō kə́ bembeé beé.

JEREMI 4:22

Rɔ̄kum, gír deē yāḿ gə̄ i de kə́ mbóo gə̄. Nin̄ ger̄mə̄n̄ alé. I ngán kə́ sapə gə̄, asən̄ ger̄ kum yá̰á̰ kógə̄ḿ alé. Nin̄ ɔlən̄ tū rāā yá̰á̰ kə́ majaĺ tə́, ba gerə̄n̄ rāā majə alé.

JEREMI 18:18

Anī de kə́rēý gə̄ ədan̄ na: Ī-reē j-oōī naā dɔ Jeremi tə́. Na ndū najə̄ a nal̄ ta ngé tun̄ yá̰a̰ gə̄ aĺ ō, Kɔjə̄ a nal ta kum kɔɔ̄ gə̄ aĺ ō, najə̄ yā Nə́ɓā a nal̄ ta ngé koō ta gə̄ aĺ ō. Ī-reēī jə-tə́daī najə̄ kə́ majaĺ gə̄ dɔn tə́ jə-nujiīneé rīn. J-əndāī mbījí gír najə̄ kɔrə̄n gə̄ tə́ alé.

JEREMI 19:7

m-ā m-ādə̄ i ngé ndə̄ngān̄də́ yo gə̄ n a tɔ̄lə̄n̄də́ kə jīdə́ ní. M-ā m-ādə̄ nīń de kə́ ngá̰ý gə̄ ń toō yel̄ kə́ dɔ rā̰ tə́ gə̄ ō, dā̰ kə́ dɔ nang tə́ gə̄ ō kadə̄ əsan̄.

IJAI 43:27

Kaaí kə́ ta kəga dɔ n rāā majaĺ kɔ̄ɔ́ ɓá toō, ō tá ngé gə̄ ń ə̄ndā najə̄ tadə́ tə́ ní, əsōn̄ wōn̄g taḿ tə́ ō

JEREMI 2:8

Ngé tun̄ yá̰a̰ gə̄ mbātén̄ kəda na: Kɔ́ɔ̄ɓē i rá? Ngé ger̄ ndū najə̄ gə̄ gerə̄mə̄n̄ alé. Ngé ngɔ̄m̄ yá̰a̰ kul̄ gə̄ mbātə́mə̄n̄ kɔ̄ɔ́. Ngé koō ta gə̄ ɔrə̄n̄ najə̄ kə rī ɓesə̄ Baal ō, nin̄ a̰ȳn̄ ngɔ̄də̄ gō nə́ɓā gə̄ kə́ kanjə̄ kumən gə̄ tə́ ō.

JEREMI 48:14

I najə̄ rí tə́ á ə́daī na sḭḭ̄ na i go̰ rɔ̄ɔ̄ gə̄ ō, áskar gə̄ kə́ tām̄ yā rɔ̄ɔ̄ tə́ ō ní?