JEREMI 8:7 - Bibəl ta Sar̄

⁷ Kóndə́la ń a nēl̄ dɔɔ́ ní gə̄gē, ger̄ kum mbang kə́ yā ndɔ́təń ɓē. Tá dér ndaa ō, gabə kɔsə ō, dāngā ō, mānə̄n̄ dɔ kum mbang kə́ yā téləń kə̄ ɓēé tə́ alé. Ba gír deē yāḿ gə̄ tá usədə́ dɔ ndū najə̄ ń Kɔ́ɔ̄ɓē adə̄də́ ní tə́ alé.

Bible sar

⁷ Kóndə́la ń a nēl̄ dɔɔ́ ní gə̄gē, ger̄ kum mbang kə́ yā ndɔ́təń ɓē. Tá dér ndaa ō, gabə kɔsə ō, dāngā ō, mānə̄n̄ dɔ kum mbang kə́ yā téləń kə̄ ɓēé tə́ alé. Ba gír deē yāḿ gə̄ tá usədə́ dɔ *ndū najə̄ ń Kɔ́ɔ̄ɓē adə̄də́ ní tə́ alé.

JEREMI 8:7 Referans Kwoze

IJAI 1:3

Man̄g ger̄ kɔ́ɔ̄n ō, kərō ger̄ loo ń kɔ́ɔn a adə̄n yá̰a̰ kəsa tū tə́ ní ō. Banī Israel ger̄ yá̰á̰ kógə̄ḿ alé, gír deē yāḿ gə̄ gerə̄n̄ najə̄ alé.

IJAI 5:12

Nin̄ əsan̄ yá̰a̰ ō, a̰ȳn̄ yá̰a̰ ō, adə̄ mān̄ dɔ majən. Dānə̄n̄ gō yá̰a̰ gə̄ ní i kə kənde kə́ laa kə́ kugə ō, i kə kənde kə́ karī kə́ kugə ō, i kə kɔdɔɔ́ ō, i kə nalaá ō. Banī yá̰á̰ ń Kɔ́ɔ̄ɓē rāā ní, nin̄ a̰a̰n̄ alé. Nin̄ a̰a̰n̄ kəla rāān alé.

PĀ KƏ́ MAJƏ 2:12

Deē a̰a̰ hútə̄ yá̰a̰ gə̄ kə́ teēn̄ dɔ nang tə́ kɔ̄ɔ́, i dan kə́ yā kadə̄ yá̰a̰ malang a ənī pā. Adə̄ dɔ nang yājí tə́ ɓáa deē oō ndū dér gutə loo nōō tə́.

IJAI 27:11

Dan ń ta jī kāgə̄ gə̄ a tutən̄ anī, nin̄ tétə̄n̄ ō, dəyá̰ gə̄ reē əlan̄ hor dɔ tə́ kɔ̄ɔ́ ō. Gír de gə̄ ń toō gerə̄n̄ kum yá̰a̰ alé. I tām̄ najə̄ ń toō tə́ n kum nge kəndān o̰o̰n tām̄ yān tə́ aĺ ní, nge rāān mā̰ȳ rɔ̄n dɔn tə́ alé.

JAKARI 5:9

M-ún kumḿ kə̄ dɔɔ́ gōtə́ anī, m-á̰a̰ dəyá̰ gə̄ jōó teēn̄. Bɔ̄gə̄də́ to tītə̄ bɔ̄gə̄ yel̄ kóndə́la beé ō, nin̄ ḭḭn̄ bɔ̄gə̄ ō, tām̄ nél əla adə̄ undə́ aw̄ sedə́. Nin̄ unən̄ yá̰a̰ ɓōkə́ yá̰á̰ ní aw̄nəń ɓōdə̄ loo tə́ dɔɔ́, dɔ dán dɔ nang ō dɔ rā̰ ō tə́.

JEREMI 4:22

Rɔ̄kum, gír deē yāḿ gə̄ i de kə́ mbóo gə̄. Nin̄ ger̄mə̄n̄ alé. I ngán kə́ sapə gə̄, asən̄ ger̄ kum yá̰á̰ kógə̄ḿ alé. Nin̄ ɔlən̄ tū rāā yá̰á̰ kə́ majaĺ tə́, ba gerə̄n̄ rāā majə alé.

JEREMI 5:6

I tām̄ ń toō tə́ n ɓɔl kə́ kem ku kāgə̄ gə̄ tə́ a əhɔdə́ ō, soó kə́ kem kə̄sā gə̄ tə́ a rə́yā̰də́ naā tə́ ō ní. Kagə gə̄ a tə́nīn̄ rɔ̄də́ yā gīr̄ gidə ɓē gə̄ ō, a rə́yā̰n̄ de gə̄ ń a teēn̄ kemeé ní naā tə́ kɔ̄ɔ́ ō. tɔdɔ̄ mbātə́ najə̄ yādə́ al̄ naā ngá̰ý ō, túy taā kem yādə́ to kə̄ ndágá ngá̰ý ō.

HABAKUK 1:4

De kə́ un ndū najə̄ rāań kəla gətóo ō, de kə́ gān̄g sarya kə gōó gətóo i kə́ bátə́ gə̄ tə́ ō. De kə́ majaĺ ənī de kə́ rɔ̄kum rɔ̄ɔ̄ ō, ngé rāā sarya gə̄ gāngə̄n̄ sarya kə gōó aĺ ō.