JEREMI 8:6 - Bibəl ta Sar̄

⁶ m̄-nēl̄ mbīḿ majə m-ōoń ndūdə́, najə̄ kɔr̄də́ əhɔ naā alé. De kógə̄ḿ kə́ əya̰ gō kem ndul yān, aláa kə́ əda na: I rí n m̄-rāā toó ní gətóo. Nin̄ malang tél unən̄ ta ngɔ̄də̄ yādə́, tītə̄ sə́ndá kə́ a ngɔ̄də̄ ta rɔ̄ɔ̄ tə́ beé.

Bible sar

⁶ m̄-nēl̄ mbīḿ majə m-ōoń ndūdə́, najə̄ kɔr̄də́ əhɔ naā alé. De kógə̄ḿ kə́ əya̰ gō kem ndul yān, aláa kə́ əda na: I rí n m̄-rāā toó ní gətóo. Nin̄ malang tél unən̄ ta ngɔ̄də̄ yādə́, tītə̄ sə́ndá kə́ a ngɔ̄də̄ ta rɔ̄ɔ̄ tə́ beé.

JEREMI 8:6 Referans Kwoze

PĀ GƏ̄ 14:2

Kɔ́ɔ̄ɓē ndi dɔ rā̰ tə́ ba əga kumən kə̄ nang tə́ əndāń ma̰ȳ de gə̄, yā ka̰ā̰ ké nge kə́rēý kumən edə̄ sḛ́ý adə̄ a sāā Nə́ɓā wa.

EJEKIEL 18:28

Ré kumən reē teē dɔ yá̰a̰ rāān kə́ majaĺ gə̄ tə́ ō, lōō gír rāādə́ tə́ ō anī, ni a ndi kə kumneé, rɔ̄kum, ni a oy alé.

2 PIYER 3:9

Kɔ́ɔ̄ɓē ɔr bā̰ā̰ loo rāā yá̰á̰ ń ni-ənī míndən yā rāā tə́ ní alé. Ba de kə́rēý gə̄ ədan̄ na ni na ɔr bā̰ā̰ ngá̰ý, tá ni tə́gā i tan tām̄ yāsí tə́. Tɔdɔ̄ ni gḛy kadə̄ de kə́rēý gə̄ udən̄ kɔ̄ɔ́ alé, ba kadə̄ de gə̄ malang tūrə̄n̄ gidədə́ kɔ̄ɔ́ ta yá̰á̰ kə́ majaĺ tə́.

MALASI 3:16

Loo ń noō tə́ ngé ɓōĺ ndíĺ Kɔ́ɔ̄ɓē gə̄ ɔrə̄n̄ najə̄ kə naá. Kɔ́ɔ̄ɓē nēl̄ mbīn ooń najə̄ kɔr̄də́ ní. Ndangən̄ rī ngé ɓōĺ ndílən gə̄ ō, rɔȳn gə̄ ō ta kumən tə́.

MISE 7:2

Ngé ra dɔ ndūdə́ tə́ gə̄ kə Nə́ɓāá gətóon̄ kɔ̄ɔ́ kem ɓēé, deē kógə̄ḿ kə́ rɔ̄kum gətóo. Nin̄ malang a sāān̄ i ta róbə tɔ̄l̄ deē. Nin̄ kógə̄ḿ kógə̄ḿ ní, a əyān̄ gūmbə̄ i yā kəhɔń madə̄də́ gə̄.

JEJU TEĒ KUM JA̰A̰ 9:20

Ba gotə de gə̄ ń yá̰á̰ kə́ tōr̄ tɔ̄l̄də́ aĺ ní, tūrə̄n̄ gidədə́ kɔ̄ɔ́ ta ɓesə̄ gə̄ ń nin̄ kɔ́ gə̄ túdə̄n̄ kə jīdə́ ní tə́ alé. Nin̄-lōōn̄ gír rɔȳ ndíĺ kə́ majaĺ gə̄ tə́ aĺ ō, gír rāā ɓesə̄ lɔ́r gə̄ tə́ aĺ ō, ɓesə̄ gində̄ arjā̰a̰ gə̄ tə́ aĺ ō, ɓesə̄ gində̄ nə̄ngá kasə gə̄ tə́ aĺ ō, ɓesə̄ mbal̄ gə̄ tə́ aĺ ō, ɓesə̄ kāgə̄ gə̄ tə́ aĺ ō. Ɓesə̄ gə̄ ní asən̄ ka̰a̰ loo aĺ ō, koō loo aĺ ō, njə̄rā aĺ ō.

Makətūbə̄ yā Aje 1:7

Kɔ́ɔ̄ɓē kə́ bo kə́ tɔ́gən i ngá̰ý ədasí ɓáý to̰: Ī-gírī yá̰á̰ ń ī-rāāī ní.

Makətūbə̄ yā Aje 1:5

Ngɔlaā ní, Kɔ́ɔ̄ɓē kə́ bo kə́ tɔ́gən i ngá̰ý dəjesí kadə̄ ī-gírī yá̰á̰ ń ī-rāāī ní.

EJEKIEL 22:30

m̄-sāā deē kógə̄ḿ dandə́ tə́ kə́ əndā ndogə̄ mbal̄ yā rɔ̄ɔń dɔ rɔ̄n tə́, kə́ ra ta kumḿ tə́ a ngɔ̄məń ndogə̄ mbal̄ tām̄ majə yā ɓē tə́, tá kadə̄ m̄-nujəń ɓē alé. Banī m-ə́nge deē kógə̄ḿ alé.

JEREMI 5:1

Ī-njə̄rāī kum róbə kɔsə kə́ Jerusalem tə́ gə̄, ə̄ndāī ma̰ȳ loo ō, ī-dəjeī gír najə̄ ō. Āw̄ ī-sāāī loo ndágə loo gə̄ tə́ ké ə́ngeī deē kógə̄ḿ tū tə́ wa. Ké deē kógə̄ḿ kə́ a rɔ̄ɔ̄ tām̄ kadə̄ náā nəkɔ́ ənge yá̰á̰ kə́ sɔɔ̄ dɔn, aláa kə́ nge ra dɔ ndūn tə́ i tū tə́ wa. Ré ə́ngeī anī m-ā m̄-mā̰ȳ rɔ̄ḿ dɔ Jerusalem tə́.

IJAI 59:16

Yá̰á̰ ń rāā yá̰á̰ ní ni-a̰a̰ kadə̄ deē kógə̄ḿ kə́ mbātə́ gətóo, kadə̄ de kə́ ḭḭ rāā yá̰á̰ kógə̄ḿ gətóó bátə́ ní ɔr kumən. Loo ń noō tə́ nəkɔ́ kə dɔneé gḛy rāā yá̰á̰ kógə̄ḿ ō, yá̰á̰ ń adə̄n tɔ́gə́ ní i yá̰a̰ rāā kə́ gōtə́ yān ō.

IJAI 30:18

Tá Kɔ́ɔ̄ɓē a ngóō i kum mbang kə́ yā kɔjəńsí kem majə yān kə́ tām̄ yāsí tə́. Ni a ḭḭ dɔɔ́ yā kɔjəsí táŕ kə́ kemən tə́. A̰á̰ā̰, Kɔ́ɔ̄ɓē i Nə́ɓā kə́ nge rāā yá̰á̰ kə́ gōtə́. Ngé gə̄ ń əndān̄ kemdə́ dɔn tə́ ō, ndi a ngóōnən̄ ō ní, rɔ̄də́ nel̄də́.

Makətūbə̄ yā Job 10:2

M-ā m-ə́dá Nə́ɓā na: Ī-lōō kəndā najə̄ dɔḿ tə́, ba ɔ́jəm̄ yá̰á̰ kə́ majaĺ ń m̄-rāā á ī-ndángə̄m̄ najə̄ n tə́ ní.

JEREMI 23:25

M-ōō najə̄ kə́ sor̄ gə̄ ń ngé koō ta gə̄ ədan̄ kə rīḿ na: Nī rāām̄, nī rāām̄ ní.

Makətūbə̄ yā Job 34:31

Ba ré deē kógə̄ḿ əda Nə́ɓā na n-taā ndéy tām̄ yā yá̰á̰ kə́ majaĺ kə́ n-rāā tə́ kɔ̄ɔ́ ɓá ní, n-a n-rāā yá̰á̰ kə́ majaĺ to̰ alé.

Makətūbə̄ yā Job 34:32

Banī yá̰á̰ kə́ majaĺ ń na n-rāā ba kumən teē dɔ tə́ aĺ ní, kə Nə́ɓā nəkɔ́ kə ɔjən kum. Ré n-rāā yá̰á̰ kə́ majaĺ anī, na n-tél yā rāā gogə́ to̰ alé.

IJAI 57:17

Israel rāā yá̰a̰ adə̄ najə̄ i dɔn tə́, kə ta kūl̄ gḛy yá̰a̰ malang sɔɔ̄ń ngurən. Nge ń noō rāā adə̄ wōn̄g rāām̄ ō, dan ń wōn̄g rāām̄ ní, m-ə́ndan ō. Kété ní m̄-ndigə ka̰a̰n to̰ alé. Tá ni dum̄ naā ngá̰ý, adə̄ ni na̰y kə̄ loo kun róbə yān nəkɔ́ tə́.

JEREMI 3:5

Nə́ɓā a rāā wōn̄g seḿ kə̄ non tə́ a? Ni a əhɔm̄ kemən tə́ kə́ njɔ́ḿ gə̄ tə́ a? Banī, taí a ɔ̄r najə̄ ō, ā ī-rāań yá̰á̰ kə́ majaĺ kə̄ noí tə́ kə́ nja ngáā tə́ ō.

DANIEL 9:11

Israel gə̄ mānə̄n̄ dɔ ndū najə̄ yāí ō, tūrə̄n̄ gidədə́ kɔ̄ɔ́ taí tə́ kanjə̄ koō ndūí ō. Loo ń noō tə́ ndɔ̄ĺ ō kōnjə̄ ō ń ndangən̄ kem makətūbə̄ ndū najə̄ yā nge kəla yāí Moijə tə́ ní reē dɔjí tə́ sɔɔ̄n̄ mbātə́ najə̄ yājí.

SOPONI 3:7

M-ə́da rɔ̄ḿ najə̄, m-ə́da na: ngɔlaā ní ɓē a ɓōĺ gidəḿ, a ndigə tāā yāḿ gə̄. Adə̄ najə̄ gə̄ ń m-ə́lań ɓōĺ kemən tə́ ní, m-ā m̄-rāā yá̰a̰ gə̄ ń m-ə́dá ní aĺ ō, m-ā m̄-rāā yá̰a̰ kə ɓēé aĺ ō. I beé aĺ bátə́, tām̄ de kə́ kemeé gə̄ nāgə́n̄ láẃ rāān̄ yá̰á̰ kə́ majaĺ gə̄.