JEREMI 8:5 - Bibəl ta Sar̄

⁵ Jerusalem, i tām̄ rí tə́ á gír de gə̄ ń toō tūrə̄n̄ gidədə́ kɔ̄ɔ́ taḿ tə́ ō, túyn̄ taā kem yādə́ kə̄ nodə́ tə́ kanjə̄ kadə̄ asədə́ ō ní? Nin̄ gólə̄n̄ rɔ̄də́ kə̄ nodə́ tə́ ba mbātə́n̄ tél dɔ njadə́ tə́.

Bible sar

⁵ Jerusalem, i tām̄ rí tə́ á gír de gə̄ ń toō tūrə̄n̄ gidədə́ kɔ̄ɔ́ taḿ tə́ ō, túyn̄ taā kem yādə́ kə̄ nodə́ tə́ kanjə̄ kadə̄ asədə́ ō ní? Nin̄ gólə̄n̄ rɔ̄də́ kə̄ nodə́ tə́ ba mbātə́n̄ tél dɔ njadə́ tə́.

JEREMI 8:5 Referans Kwoze

JEREMI 9:6

I tām̄ ń toō tə́ n Kɔ́ɔ̄ɓē kə́ bo kə́ tɔ́gən i ngá̰ý ɔr̄ najə̄ i tītə̄ ń toō beé ní: M-ā m̄-nōōdə́ horoó ō, m-ā m-ə̄ndā ma̰ȳdə́ ō. Tɔdɔ̄ m-ā m-ə́ndá gír deē yāḿ gə̄ najə̄ kem ndul yādə́ tə́.

JEREMI 5:3

Kɔ́ɔ̄ɓē, ā ī-ngóō i ra dɔ ndū tə́ yādə́ yā ka̰ā̰ kə kumií aĺ a? Ḭ̄ ə́ndádə́, banī tōr̄də́ aĺ bátə́. Ḭ̄ ī-tɔ̄l̄də́ ngá̰ý, banī nin̄ mbātə́n̄ ger̄ kum. Dɔdə́ ngan̄g tɔȳ mbal̄ ō, mbātə́n̄ tél reē rɔ̄í tə́ ō.

JAKARI 7:11

Banī de gə̄ mbātə́n̄ koō najə̄ ń toō kété kɔ̄ɔ́ ɓá. Nin̄ tūrə̄n̄ gidədə́ ta tə́ ō, utə̄n̄ mbīdə́ kɔ̄ɔ́ ō, yā koōń najə̄ ní alé.

HEBƏRO 12:25

I beé ní, ī-ndāī kumsí gíŕ yá̰á̰ ń toō tə́ majə. Ī-lōōī mbātə́ koō najə̄ yā nge ń a ɔr̄ najə̄ sesí ní. Tɔdɔ̄ Moijə tāā ngán Israel gə̄ dɔ nang tə́ laā, ba nin̄-mbātə́n̄ koō najə̄ yān ní, ndéy ɔdədə́. Yājí jḭḭ̄ ɓáa, Nə́ɓā ndi i dɔ rā̰ tə́ n ɔrə̄ń najə̄ sejí ní. Ré jə-tūrī gidəjí tan tə́ anī, j-a j-əngeī ndéy kadə̄ tɔȳ loo ń noō aĺ a?

JA̰A̰ 5:40

Banī sḭḭ̄ ī-ndigiī reē rɔ̄ḿ tə́ kadə̄ ə́ngeīń ndi kə kumuú kə́ rɔ̄kum alé.

OJEE 11:7

Gír deē yāḿ gə̄ mbātə́mə̄n̄ kɔ̄ɔ́ ō, nel̄də́ ra dɔ ndūdə́ tə́ aĺ ngá̰ý ō. Ɓārə́n̄də́ kadə̄ ḭḭ ran̄ kə njadə́ dɔɔ́, banī nge ń noō a rāā yá̰á̰ kógə̄ḿ alé.

JEREMI 5:27

Yá̰á̰ kə́ kɔy loo ɓogə tə́ taā kem kújə yādə́ gə̄, tītə̄ jáńg kə́ yel̄ gə̄ rosən̄ kem beé. I beé n nin̄ télən̄neé de kə́ ngan̄g ngá̰ý gə̄ ō, kə́ ngé kənge yá̰á̰ ngá̰ý gə̄ ō ní.

IJAI 44:20

A̰ á̰, yá̰á̰ ń i bū ngóý ní n de gə̄ ń toō əhɔn̄ gō ní. Ndíĺdə́ rāā yá̰a̰ gōtə́ aĺ ō, gír̄ najə̄ yādə́ i gōtə́ aĺ ō. Nə́ɓā yādə́ a ajədə́ alé. De kógə̄ḿ dandə́ tə́ kə́ yā kəda na: Yá̰á̰ ń m-āwń jīḿ tə́ toō i nə́ɓā kə́ rɔ̄kum alé adə̄ to i kə̄ ndágá ní gətóo.

IJAI 30:10

Nin̄ ədan̄ ngé koō ta gə̄ na: Ī-lōōī ka̰a̰ yá̰á̰ ɓáý to̰! Ī-lōōī kədají yá̰á̰ kə́ rɔ̄kum! Ə́daījí yá̰á̰ kə́ nel̄ gə̄, ə́daījí yá̰á̰ kə́ nel̄jí ādə̄ j-oō kété, ká ré i yá̰á̰ rɔ̄kum aĺ gə̄gē ní.

JEJU TEĒ KUM JA̰A̰ 2:25

Ba yá̰á̰ ń sḭḭ̄ āwīneé ɓá ní, ə́hɔī sásáp bátə́ kadə̄ m-ūgəń.

1 TESALONIK 5:21

Ə̄ndāī ma̰ȳ najə̄ gə̄ malang, ba ī-ndigiī ngé kə́ majə gə̄.

OJEE 4:16

Israel rāā dɔ ngan̄g tītə̄ man̄g kə́ mbātə́ rāā kəla beé. Ní, ngɔlaā ní Kɔ́ɔ̄ɓē a rāā gír deē yān gə̄ i ngán batə̄ gə̄ ń deē a aw̄ sedə́ dɔ mu kə́ ngá̰ý tə́ ní a?

JEREMI 2:32

Dɔ ngōmandə a ndígə̄nal yá̰á̰ súū rɔ̄ yān? Dəyá̰ ń a aw̄ kə̄ ngaawaá ní, dɔn a ndígə̄nal dɔ kəlā do̰ō̰ ɓōdə̄n tə́ a? Banī ngé kə́ dan gír deē yāḿ gə̄ tə́ mbātə́mə̄n̄ dan i ngá̰ý kɔ̄ɔ́.

IJAI 1:20

Ba ré sḭḭ̄ ī-mbātíī anī, ré ī-na̰yiī kə̄ loo kəsō wōn̄g tə́ taḿ tə́ anī, ā óyiī yo kaskar. Najə̄ ń Kɔ́ɔ̄ɓē əda ní n noó.

Gōsə̄ najə̄ gə̄ 4:13

Yá̰á̰ ń ndóōnī ní ī-lōō kəya̰ kɔ̄ɔ́, ī-ra dɔ tə́ ādə̄ ngan̄g. Ī-ngɔ̄m̄ yá̰á̰ ń ndóōnī ní, tɔdɔ̄ nge ń noō n a rāāī kadə̄ i-ndi kə kumií ní!

JEREMI 5:6

I tām̄ ń toō tə́ n ɓɔl kə́ kem ku kāgə̄ gə̄ tə́ a əhɔdə́ ō, soó kə́ kem kə̄sā gə̄ tə́ a rə́yā̰də́ naā tə́ ō ní. Kagə gə̄ a tə́nīn̄ rɔ̄də́ yā gīr̄ gidə ɓē gə̄ ō, a rə́yā̰n̄ de gə̄ ń a teēn̄ kemeé ní naā tə́ kɔ̄ɔ́ ō. tɔdɔ̄ mbātə́ najə̄ yādə́ al̄ naā ngá̰ý ō, túy taā kem yādə́ to kə̄ ndágá ngá̰ý ō.

JEREMI 14:7

Ré majaĺ yājí gə̄ ənīn̄ najə̄ dɔjí tə́ anī, ī-rāā yá̰á̰ ń sɔɔ̄ kadə̄ ī-rāā ní ādə̄ de gə̄ tɔ̄ȳn̄neé rīí. jə-mbātíī kə̄ nja naā tə́, adə̄ kə́ rɔ̄kum tə́ ní, jə-rāā yá̰á̰ kə́ gōtə́ aĺ seí.

DANIEL 9:11

Israel gə̄ mānə̄n̄ dɔ ndū najə̄ yāí ō, tūrə̄n̄ gidədə́ kɔ̄ɔ́ taí tə́ kanjə̄ koō ndūí ō. Loo ń noō tə́ ndɔ̄ĺ ō kōnjə̄ ō ń ndangən̄ kem makətūbə̄ ndū najə̄ yā nge kəla yāí Moijə tə́ ní reē dɔjí tə́ sɔɔ̄n̄ mbātə́ najə̄ yājí.

JEREMI 3:5

Nə́ɓā a rāā wōn̄g seḿ kə̄ non tə́ a? Ni a əhɔm̄ kemən tə́ kə́ njɔ́ḿ gə̄ tə́ a? Banī, taí a ɔ̄r najə̄ ō, ā ī-rāań yá̰á̰ kə́ majaĺ kə̄ noí tə́ kə́ nja ngáā tə́ ō.

JEREMI 6:17

m̄-ɓāŕ ngé ngɔ̄m̄ loo gə̄ kadə̄ əndān̄ kumdə́ gíŕsí tə́. Ī-nēlī mbīsí majə ōōneé kōō tōw̄. Ba nin̄ ədan̄ na: J-a jə-nēl̄ mbījí alé.

JEREMI 6:19

Dɔ nang, ī-nēl̄ mbīí ōoń. Mā, m-ā m̄-rāā kadə̄ yá̰á̰ kə́ to kum kaȳ aĺ əsō dɔ gír de gə̄ ń toō tə́, i yá̰á̰ kə́ teē tū kəla rāādə́ gə̄ tə́. Nin̄ nēlə̄n̄ mbīdə́ oōnneé najə̄ kɔrə̄ḿ alé, kídə̄n̄ ndū najə̄ yāḿ gə̄.

OJEE 11:5

Ngán Israel gə̄ a tə́lən̄ yā kaw̄ gogə́ dɔ nang kə́ Ejiptə tə́ alé, banī i dɔ nang kə́ Asiri n a téĺ kɔ́ɔ̄də́ ní. Tɔdɔ̄ nin̄ mbātə́n̄ tél reē gogə́ rɔ̄ḿ tə́.

OJEE 13:2

Ba ɓōólaā Epəraim gə̄ na̰yn̄ kə̄ loo rāā yá̰á̰ kə́ majaĺ tə́ ɓáý: Nin̄ nōōn̄ gində̄ rāān̄ kum gotə yá̰a̰ gə̄ tə́. Nin̄ rāān̄ nə́ɓā kə́ rɔ̄kum aĺ gə̄ kə gində̄ arjā̰a̰ yādə́ ō, kə jīī ger̄ yá̰a̰ yādə́ ō. I kɔdə̄ gə̄ n rāān̄ yá̰a̰ gə̄ ní, banī nin̄ ədan̄ na: Ī-ndējīdə́ yá̰á̰ kə́ tun̄ gə̄! Deē ndul gə̄ əhɔn̄ ngán man̄g gə̄ ɓirə̄n̄də́ dagə kə̄ rɔ̄də́ tə́ wa!