JEREMI 8:22 - Bibəl ta Sar̄

²² Bəto kə kāgə̄ kə́ yā rāā ta do tə́ gətóo Galaad i mbée a? Nge rāā de gə̄ mo̰y gətóo noó a? I tām̄ rí tə́ á rɔ̄ gír deē yāḿ gə̄ əsō naā tə́ aĺ ní?

Bible sar

²² Bəto kə kāgə̄ kə́ yā rāā ta do tə́ gətóo Galaad i mbée a? Nge rāā de gə̄ mo̰y gətóo noó a? I tām̄ rí tə́ á rɔ̄ gír deē yāḿ gə̄ əsō naā tə́ aĺ ní?

JEREMI 8:22 Referans Kwoze

JEREMI 46:11

Ngōmandə kə́ Ejiptə, āw̄ Galaad ī-sāā bəto kāgə̄ kə́ yā rāā ta do tə́. Ī-rɔ̄ɔ̄ dɔ rɔ̄í tə́ kə kḭ̄ḭ̄ gə̄ kə́ gíŕdə́ i ngá̰ý ɓá tā, ba i ndańg karī, yá̰á̰ kógə̄ḿ kə́ asə kadī rɔ̄ ngān̄g gətóo.

TA KƏLA 37:25

ba tél ndin̄ nang tə́ a əsan̄ yá̰a̰. Nin̄ unən̄ kumdə́ kə̄ dɔɔ́ anī, a̰a̰n̄ ɓūtə̄ ngán Ismael gə̄ kə́ ngé njə̄rā mbā gə̄. Ḭḭn̄ Galaad a reēn̄. Jámbal yādə́ gə̄ ətōn̄ nō kāgə̄ kə́ kotə majə gə̄ kə́ rīdə́ na i adəragantə ō, bomə ō, ladanum ō, yā kaw̄ń kə̄ Ejiptə tə́.

JEREMI 51:8

Ba Babilon teē əsō gidə kógə̄ḿ ō, tétə̄ rárák ō. Ī-nōōī najə̄ yān tə́, ī-rāāī bəto kāgə̄ ta don tə́, na majanī do ní a edə̄.

Najə̄ kə́ Majə yā Jeju ń Luk ndang ní 8:43

Anī dəyá̰ kógə̄ḿ kə́ mósə téēn dan gān̄g aĺ ɓāl̄ kutə gidə i jōó i noó. Yá̰a̰ kənge yān udə gír doktór gə̄ tə́ malang ō, nge kógə̄ḿ sḛ́ý kə́ asə rāā seneé gətóo ō.

TA KƏLA 43:11

Bɔbə̄də́ Israel ədadə́ na ré i tītə̄ ń noō ɓáa kə rāān̄ yá̰á̰ ń toō: Kə ɔyn̄ yá̰á̰ kə́ majə kə́ ɓē yādə́ tə́ gə̄ kem ngɔngɔɔ́, kə aw̄ kə ndējə̄n̄ deē ní. Kə ɔyn̄ nō kāgə̄ kə́ kotə majə sḛ́ý, bomə ō, adəragantə ō, ladanum ō, yibə̄ tejə sḛ́ý ō, kan̄ kāgə̄ pistasə ō, kan̄ kāgə̄ amand ō.

JEREMI 9:1

Ré de gə̄ adə̄mə̄n̄ loo ɓɔ̄ɔ̄ rɔ̄ yā ngé njə̄rā mbā kə jámbal gə̄ dəla loo tə́ anī, m-ā m-ə́yá̰ gír deē yāḿ gə̄ kɔ̄ɔ́ ō, m-ā m-ɔ̄r̄ rɔ̄ḿ kɔ̄ɔ́ rɔ̄də́ tə́ ō. Nin̄ malang i ngé sāā naā gír naā tə́ ō, ngé kɔr̄ gír naā gə̄ ō.

JEREMI 14:19

Ḭ̄ ī-mbātə́ Juda kə̄ noí tə́ a? Nelī kə Siyo̰ to̰ aĺ a? I tām̄ rí tə́ á ə́ndájí kə yá̰á̰ kə́ majaĺ kə́ dum̄ təgā beé? Jə-rāā kemjí tə́ kadə̄ rɔ̄jí a ngan̄g ba yá̰á̰ kógə̄ḿ kə́ ngáā gətóo i ɓōĺ n teē kə̄ róbó.

NŌŌ RƆ̄ 2:13

Jerusalem ngōmandə yāḿ, kə m-ə́daī na i rí ɓáý to̰? I náā n to tītīí ta kumḿ mā tə́ ní? ngōn̄ kə́ madə̄ yāḿ, ngōmandə kə́ Siyo̰, i rí n kə m̄-sɔlə̄ń kemií ní? Tɔdɔ̄ ī-nujə i nujə kə́ to ɓōĺ ngá̰ý tītə̄ man̄ bā bo ń i yá̰á̰ kə́ laa to ɓōĺ ngá̰ý ní beē. I náā n a ajiī ní?

TƏ́DA 32:1

Yá̰a̰ kul̄ yā de gə̄ kə́ gír ɓē yā Ruben tə́ ō, kə́ gír ɓē yā Gad tə́ ō i ngá̰ý. Nin̄ a̰a̰n̄ kadə̄ dɔ nang kə́ Yajer ō, kə́ Galaad ō, majə tām̄ yā yá̰a̰ kul̄ gə̄ tə́,

JEREMI 6:7

Ni ngɔ̄m̄ kem ndul yān tītə̄ ń bəlo man̄ a ngɔ̄məń man̄ ní. ɓēé looneé ní a ɔrə̄n̄ i najə̄ rāā yá̰á̰ kə gúú ō, kɔy yá̰a̰ yā de gə̄ loo ɓogə tə́ ō ngóy. Wur kɔl ō, yá̰á̰ kə́ tōr̄ gə̄ ō ń m-á̰a̰ā̰ dejə ní adə̄mə̄n̄ rɔ̄nel̄ alé.

JEREMI 9:11

Ré deē kógə̄ḿ i kə kum kedēé anī, ādə̄ kɔ́ɔ̄ ger̄ kum ō, ɔjə najə̄ ń Kɔ́ɔ̄ɓē ədan kə taneé ní ō. i tām̄ rí tə́ á ɓē i kə́ nujə sák sák ō, i kə́ kəla hor dɔ tə́ tītə̄ dəla loo ń deē mān̄ tū tə́ aĺ bátə́ ō ní?

JEREMI 22:6

Najə̄ ń Kɔ́ɔ̄ɓē əda dɔ kújə yā mban̄g kə́ Juda tə́ ní toó: Ká ré ī-toń i tītə̄ Galaad aláa i tītə̄ jam mbal kə́ Liban tə́ tām̄ yāḿ tə́ gə̄gē anī, m-ā m̄-rāāī kadə̄ ī-tél dəla loo ō, ɓē kə́ de gə̄ ndin̄ kemeé alé ō, kanjə̄ ɓōĺ rɔ̄ḿ loon tə́.

EJEKIEL 27:17

Gír de gə̄ kə́ Juda tə́ ō, kə́ Israel tə́ ō a rāān̄ gātə̄ i seí ḭ̄ḭ́ ō. Kōō gémē ō, tḛ̄ȳ ō, tejə ō, yibə̄ ō, nō kāgə̄ kə́ otə majə ō ní, nin̄ igənə̄ń i jīí ḭ̄ tə́.