JEREMI 8:17 - Bibəl ta Sar̄

¹⁷ m̄-ɓōkə́ lī kakə́m gə̄ ō, lī kə́ rang gə̄ ō dɔsí tə́. Ā ī-gólīdə́ sétə́. Nin̄ a tṵ́ṵ̄n̄sí.

Bible sar

¹⁷ m̄-ɓōkə́ lī kakə́m gə̄ ō, lī kə́ rang gə̄ ō dɔsí tə́. Ā ī-gólīdə́ sétə́. Nin̄ a tṵ́ṵ̄n̄sí.

JEREMI 8:17 Referans Kwoze

KOHELET 10:11

Ré lī do̰ nge kɔ́lən tām̄ ni kɔ́lən aĺ anī, nge kɔ́l lī a ənge i yá̰á̰ rí gír kɔ́l lī tə́?

NDŪ NAJƏ̄ 32:24

Dan ń ɓō a taā tɔ́gə́də́ kɔ̄ɔ́ ō, mo̰y gajə ō, mo̰y ngāl̄bɔ̄gīí ō, a taān̄ tɔ́gə́də́ kɔ̄ɔ́ ō anī, m-ā m̄-sə̄lā dā̰ kə́ do̰ gə̄ dɔdə́ tə́ ō, m-ā m̄-ɓōkə́ lī kə́ kongdə́ majaĺ gə̄ dɔdə́ tə́ ō.

TƏ́DA 21:6

Anī Kɔ́ɔ̄ɓē əla lī kə́ do̰ tór̄ ngá̰ý gə̄ dɔ de gə̄ tə́ adə̄ tṵ́ṵ̄n̄də́. De gə̄ ngá̰ý oyn̄ dan ngán Israel gə̄ tə́.

JEJU TEĒ KUM JA̰A̰ 9:19

Tɔdɔ̄ tɔ́gə́ sə́nda gə̄ ní to i tadə́ tə́ ō, kə̄ládə́ tə́ ō. Tām̄ kə̄ládə́ gə̄ ton̄ i tītə̄ lī gə̄ beé, kə dɔdə́ gēé ta tə́, yā rāań de gə̄ yá̰á̰ kə́ tōr̄.

AMOS 9:3

Ré nin̄ aw̄ ɓɔ̄ɔ̄n̄ rɔ̄də́ dɔ mbal̄ Karmel tə́ anī, m-ā m-āw̄ yā sāādə́ ba kɔydə́. Ré nin̄ ndigən̄ kadə̄ m-á̰á̰də́ alé, adə̄ aw̄n̄ gír bā bo tə́ anī, m-ā m-ə́da lī kə́ kum bā bo tə́ kadə̄ do̰o̰də́.

AMOS 5:19

Ndɔ̄ ní a to i tītə̄ deē kógə̄ḿ kə́ a̰ȳ ɓɔl ba əsō ta dā̰ kə́ rang kə́ majaĺ tə́ beē. Gō tə́ anī, deē ní aw̄ udə kújú ɓēé, ba əndā jīn kadə bɔr tə́, anī lī kógə̄ḿ do̰o̰n!

IJAI 14:29

Kāgə̄ ń kété əndasí sḭḭ̄ Pilistin gə̄ ní, tetən̄ kāgə̄ ní kɔ̄ɔ́, banī ī-lōōī rāā rɔ̄nel̄ najə̄n tə́. Tām̄ lī kakə́m a teē kem lī ń oy kɔ̄ɔ́ tə́ ní ō, lī kakə́ḿ ní a ojə dā̰ kə́ majaĺ ngá̰ý kə́ a ḭḭ bɔ̄gə̄ ō.

PĀ GƏ̄ 58:6

kə́ mbātə́ koō ndū ngé bógə̄rō de gə̄ ō, ndū mbōlí kə́ ger̄ yá̰a̰ tɔȳ madə̄n gə̄ malang ō beé.