JEREMI 8:16 - Bibəl ta Sar̄

¹⁶ Kōō sə́nda yān gə̄ ɓār̄ kə̄ Dan nú. Dɔ nang kə taá malang ndebə dan ń oō kōō nōō sə́nda yān gə̄ ní. Nin̄ reē nujən̄ kə dɔ nangaá ō, kə yá̰á̰ kə́ kemeé gēé ō, kə ɓēé ō, kə de kə́ kemeé gēé ō.

Bible sar

¹⁶ Kōō sə́nda yān gə̄ ɓār̄ kə̄ Dan nú. Dɔ nang kə taá malang ndebə dan ń oō kōō nōō sə́nda yān gə̄ ní. Nin̄ reē nujən̄ kə dɔ nangaá ō, kə yá̰á̰ kə́ kemeé gēé ō, kə ɓēé ō, kə de kə́ kemeé gēé ō.

JEREMI 8:16 Referans Kwoze

NGÉ SARYA 18:29

Túrə̄n̄ gír rī kə́ kété ń na i Lais ní kɔ̄ɔ́ ba əndān̄ rī kaadə́ Dan ń i ngōn̄ Jakob ní tá dɔ tə́.

NGÉ SARYA 5:22

Tā anī sə́nda gə̄ mānə̄n̄ kə ngɔ̄dɔ̄ɔ́, kōō njadə́ ɓār̄ ɓuruk ɓuruk ɓuruk.

1 KORḚNTƏ 10:28

Ba ré de kə́rēý ədasí na dā̰ ń toō i dā̰ kə́ tun̄ adə̄n̄ ɓesə̄ gə̄ anī, ə́saī alé tām̄ yā deē ń ədasí najə̄ tə́ ní ō, najə̄ yā kem rāā tə́ ō.

1 KORḚNTƏ 10:26

Tɔdɔ̄ ndangən̄ kem makətūbə̄ yā Nə́ɓā tə́ na: Dɔ nang ō, yá̰a̰ malang kə́ tū tə́ ō, i yā Kɔ́ɔ̄ɓē.

HABAKUK 3:10

Mbal̄ bo gə̄ a̰a̰īn̄ anī, ɓōĺ rāādə́ adə̄ ndewn̄. Man̄ edə kə tɔ́gɔ́ ō, bā bo nōō tītə̄ ɓɔl beé ō. Ni-rāā adə̄ bəngálən gə̄ ḭḭn̄ bátə́ aw̄ ugə̄n̄ dɔ rā̰ tə́.

NAHUM 3:2

Kōō ndéy gə̄ ɓārə̄n̄ kem ɓēé ō, nja púsə gə̄ ɔsən̄ naā ō, sə́nda gə̄ a̰ȳn̄ ngɔ̄də̄ ō, púsə rɔ̄ɔ̄ gə̄ tḭ́ḭ̄n̄ bal ō.

JEREMI 47:3

əgan̄ kɔŕ kadə̄ kə dḭḭ̄n̄də́ ō, de gə̄ malang kə́ kem ɓēé nōōn̄ naā ō. Yá̰á̰ ń noō rāā tá kadə̄ bɔbə̄ ngán gə̄ rɔ̄də́ ur̄ wak kɔ̄ɔ́ ní, tə́jān̄ kumdə́ ta ngáńdə́ gə̄ tə́ kɔ̄ɔ́.

JEREMI 10:25

Ādə̄ wōn̄g yāí kə́ ngá̰ý əsō dɔ nápar de gə̄ ń gernī aĺ tə́ ní ō, dɔ gír de gə̄ ń ndɔ̄ȳn̄ī aĺ tə́ ní ō, tɔdɔ̄ de gə̄ nujən̄ Jakob. De gə̄ nujən̄ seneé ō, tɔ̄l̄nən̄ kə̄ nodə́ tə́ ō. De gə̄ nujən̄ kə loo yānneé sák sák kɔ̄ɔ́.

JEREMI 6:23

Nin̄ əlan̄ ga̰ gərā ō, nənga ō kum kə̄ dɔɔ́. Kumdə́ o̰o̰də́ aĺ ō, a̰a̰n̄ kum to ndoō yā deē aĺ ō. Kōōdə́ ɓār̄ tītə̄ kōō bā bo beé. Ngōmandə kə́ Siyo̰, nin̄ ndin̄ dɔ sə́nda gə̄ tə́, ba ran̄ kə ta naá tītə̄ ɓūtə̄ ngé rɔ̄ɔ̄ gə̄ kə́ aw̄n̄ kə̄ kənīí rɔ̄ɔ̄ tə́ beé.

JEREMI 4:24

M-á̰a̰ mbal̄ gə̄ anī, m-á̰a̰ kadə̄ a ndewn̄ ō, kadə̄ ngán mbal̄ gə̄ malang a yéȳn̄ ō.

PĀ GƏ̄ 24:1

Pā yā Dabid. Dɔ nang i yá̰a̰ yā Kɔ́ɔ̄ɓē ō, yá̰a̰ malang kə́ tū tə́ i yān ō. Dɔ nang kə taá malang i yá̰a̰ yā Kɔ́ɔ̄ɓē ō, de kə́ tū tə́ gə̄ malang i deē yān gə̄ ō.

NGÉ SARYA 20:1

Ngán Israel gə̄ malang teēn̄ gidə kógə̄ḿ kánə̄n̄ naā ta kum Kɔ́ɔ̄ɓē tə́ kem ɓē kə́ Misəpa tə́. Ḭḭn̄ i kə̄ dɔ ɓē yādə́ gə̄ tə́ malang n reēn̄ ní. Ḭḭn̄ i ɓē gə̄ ń əla gír Dan bátə́ teēń Beer Seba ní ō, ḭḭn̄ i dɔ nang kə́ Galaad tə́ ō.

Makətūbə̄ yā Job 39:20

I ḭ̄ n ī-rāān ādə̄ ḭḭ bal tītə̄ gaẃ ní a? Sō̰ḿ kɔjə rɔ̄ yān əla ɓōĺ loo tə́.

JEREMI 3:24

Banī rɔ̄sɔl̄ nujə kə kəla yā kaají gēé kɔ̄ɔ́, i kə ngōn̄ dūújí nú, nujə kə ngáń yá̰a̰ kul̄ yādə́ gə̄ ō, yá̰a̰ kul̄ kə́ bo yādə́ gə̄ ō, ngáńdə́ kə́ dəngam gə̄ ō, kə́ dəyá̰ gə̄ ō.

JEREMI 5:17

Əsan̄ kōō yāí ō, mápa yāí ō. Nin̄ əsan̄ ngání kə́ dəngam gə̄ ō kə́ dəyá̰ gə̄ ō. Əsan̄ yá̰a̰ kul̄ yāí kə́ dūú ō, kə́ bo ō. Əsan̄ kan̄ kāgə̄ nduú yāí ō, kan̄ kāgə̄ kótə̄ yāí ō. Nin̄ reēn̄ kə kaskaraá nujən̄neé ɓē yāí kə́ ngan̄g gə̄ ń ī-ndi kemeé kanjə̄ sōl̄ yá̰á̰ kógə̄ḿ ní.

JEREMI 30:5

Najə̄ ń Kɔ́ɔ̄ɓē əda ní n toó: De gə̄ oōn̄ kōō kɔŕ kə́ to ɓōĺ ngá̰ý. I ɓōĺ kə́ al̄ naā, lɔm gətóo.

JEREMI 30:16

Ɓáa de gə̄ malang ń nujən̄ seí ní, a nujən̄ sedə́ ō, a əhɔn̄ madə̄ ba̰ā̰í gə̄ náḿ náḿ yā kaw̄ sedə́ dɔ nang kə́ rang tə́ ō. De gə̄ ń nujən̄ kə yá̰a̰ yāí ní a nujən̄ kə yá̰a̰ yādə́ ō. De gə̄ malang ń ɔyn̄ yá̰a̰ yāí dɔ gúú tə́ ní m-ā m-ə́ya̰ kadə̄ ɔyn̄ yá̰a̰ yādə́ dɔ gúú tə́ ō.

JEREMI 50:42

Nin̄ əlan̄ ga̰ gərā ō, nənga ō kum kə̄ dɔɔ́. Kumdə́ o̰o̰də́ aĺ ō, a̰a̰n̄ kum tō ndoō yā deē aĺ ō. Kōōdə́ ɓār̄ tītə̄ kōō bā bo beé. Ngōmandə kə́ Babilon, nin̄ ndin̄ dɔ sə́nda gə̄ tə́ ba ran̄ kə ta naá, tītə̄ ɓūtə̄ ngé rɔ̄ɔ̄ gə̄ kə́ aw̄n̄ kə̄ kənīí rɔ̄ɔ̄ tə́ beé.

JEREMI 51:29

Dɔ nang ndebə̄ ō, ndām̄ ngin ngin ō, dan ń Kɔ́ɔ̄ɓē rāā yá̰á̰ ń ni núm̄ yā rāā kə Babilon ní. N rāān adə̄ téĺ ndágə loo kə́ to kum ko̰ ō, kə́ deē gətóo tū tə́ ō.

JEREMI 4:7

Ɓɔl teē loo ton tə́, nge nujə kə nápar de gēé əsō róbó a reē. Ni teē loo ton tə́ yā kənī yá̰á̰ kə́ to kum ko̰o̰ dɔ ɓē yāí tə́. A əlan̄ hor dɔ ɓē yāí gə̄ tə́, de kə́ kemeé gə̄ a gətóon̄ kɔ̄ɔ́ malang.