JEREMI 8:14 - Bibəl ta Sar̄

¹⁴ I tām̄ rí tə́ á jə-ndiī kanjə̄ kɔdə rɔ̄jí ní? Ɔ́siī dɔsí naā tə́. J-udiī kem loo ndi kə́ ngan̄g gə̄ tə́, ba j-awī loo alé. Tɔdɔ̄ Kɔ́ɔ̄ɓē Nə́ɓā yājí ɔgə̄jí ndɔ́tə̄ loo. Ni-adə̄jí man̄ kə́ yḛl kum adə̄ j-a̰ȳī. Kə́ rɔ̄kum tə́ ní, jə-rāāī majaĺ kə Kɔ́ɔ̄ɓēé.

Bible sar

¹⁴ I tām̄ rí tə́ á jə-ndiī kanjə̄ kɔdə rɔ̄jí ní? Ɔ́siī dɔsí naā tə́. J-udiī kem loo ndi kə́ ngan̄g gə̄ tə́, ba j-awī loo alé. Tɔdɔ̄ Kɔ́ɔ̄ɓē Nə́ɓā yājí ɔgə̄jí ndɔ́tə̄ loo. Ni-adə̄jí man̄ kə́ yḛl kum adə̄ j-a̰ȳī. Kə́ rɔ̄kum tə́ ní, jə-rāāī majaĺ kə Kɔ́ɔ̄ɓēé.

JEREMI 8:14 Referans Kwoze

JEREMI 23:15

Anī Kɔ́ɔ̄ɓē kə́ bo kə́ tɔ́gən i ngá̰ý ɔr̄ najə̄ kə́ dɔ ngé koō ta gə̄ tə́ əda na: M-ā m-ādə̄də́ man̄ ngəra kāgə̄ kə́ katə̄ kárárá ō, man̄ kə́ yḛl kum ō, kadə̄ a̰ȳn̄, tɔdɔ̄ i ngé koō ta kə́ Jerusalem tə́ gə̄ n ndóōn̄ ɓē kə taá malang loo kim̄ Nə́ɓā ní.

JEREMI 9:15

M-ā m̄-tə̄ndā m̄-tḭ̄ḭ̄də́ kə̄ dan nápar de gə̄ kə́ nin̄ kɔ́ gə̄ gə̄gē, kaadə́ gə̄ gə̄gē, gerə̄n̄də́ aĺ ɓáý tə́ ō, m-ā m̄-ngɔ̄də̄də́ kə kaskaraá bátə́ kadə̄ m̄-tɔ̄l̄də́ təgā ō.

NŌŌ RƆ̄ 3:19

Ādə̄ əga kemií dɔ rɔ̄sɔl̄ ń əlan̄ dɔḿ tə́ ní ō, dɔ dáȳ ń m̄-dáȳ dɔɔ́ tə́ ní ō, i tītə̄ yá̰a̰ yḛl de kə́ atə̄ kárá beē.

JEREMI 35:11

I dan ń Nabukodonosor, mban̄g kə́ Babilon taāń ɓē tə́ ní n j-əda naā na: I só tə́ kadə̄ j-a̰yī ɓūtə̄ ngé rɔ̄ɔ̄ yā Kalde gə̄ ō, Aram gə̄ ō, ba j-awī Jerusalem. Gír ndijí Jerusalem n noó.

MATIYE 27:34

Anī adə̄n̄ Jeju kasə nduú kə́ rāā man̄ yá̰a̰ kə́ atə̄ kárárá kum tə́ kadə̄ a̰ȳ. Ni nāā tan tə́ anī, mbātə́ ka̰ȳ kɔ̄ɔ́.

PĀ GƏ̄ 69:21

Ndū ń tájə̄mə̄n̄ ní nujə kem sák sák ō, rāām̄ kə moyo̰ó̰ ō, m-ə̄ndā kemḿ dɔ ka̰a̰ deē kógə̄ḿ loo rāā yá̰á̰ kə́ ɔjə kadə̄ kumən o̰o̰n tām̄ yāḿ tə́ ō, banī m-á̰a̰ deē loo rāā yá̰á̰ kógə̄ḿ tə́ alé. m̄-sāā deē kógə̄ḿ kə́ kadə̄ sɔl̄ kemḿ, banī m-ə́nge alé.

2 SAMUEL 20:6

Dabid əda Abisai na: Seba ngōn̄ Bikri a rāājí yá̰á̰ kə́ majaĺ tɔȳ Absalom, adə̄ ɔ́ý deē yāḿ gə̄, ba ī-sōn̄g gōn na sōgə́ ənge ɓē bo gə̄ kə́ ndogə̄ mbal̄ i gidə tə́ gə̄ anī a a̰ȳjí.

NDŪ NAJƏ̄ 29:18

Ré de kə́rēý oō najə̄ gə̄ ń túbən̄neé toō ba kɔ́ɔ̄ gír̄ kemən tə́ na Nə́ɓā na rāā majə seneé kɔ̄ɔ́ ɓá, adə̄ əda kə̄ kemən tə́ na: M-ə́ngé yá̰a̰ malang tɔdɔ̄ i yá̰a̰ gə̄ ń kemḿ ndigə ní n m-ə́hɔ gōdə́ m̄-rāādə́ ní, tām̄ dɔ nang ń adə̄nən̄ man̄ kɔ̄ɔ́ ɓá ní kəndā man̄ rāān to̰ alé anī,

JAKARI 2:13

A̰á̰ā̰, m-ā m̄-rāā yá̰á̰ kógə̄ḿ kə gotə gír de kə́ rang gēé. Loo ń noō tə́ ngé gə̄ ń kété nin̄ i ɓəlo yādə́ gə̄ ní, ta i dɔdə́ tə́ kadə̄ ɔyn̄ yá̰a̰ yādə́ gə̄ dɔ gúú tə́. Dan ń yá̰á̰ ń noō a rāā yá̰a̰ anī, ā ī-gerī kadə̄ i Kɔ́ɔ̄ɓē kə́ bo kə́ tɔ́gən i ngá̰ý n əlam̄ ní.

HABAKUK 2:20

Kɔ́ɔ̄ɓē ni-ndi i kem kújə́ yān kə́ táĺ tə́. Ādə̄ de gə̄ malang kə́ dɔ nang tə́ ndin̄ kə tadə́ kə́ mbóó non tə́!

AMOS 6:10

Loo ń noō tə́ ngeedə́ kógə̄ḿ a teē kə nīńdə́ kɔ̄ɔ́ kem kújú yā róō horoó. Kem kújə́ kə́ ta tɔ̄l̄ ta tə́ ní, ré deē kógə̄ḿ na̰y kemeé kə kumneé ɓáý anī, ngeen a dəjen najə̄ a əda na: De gə̄ i seí ɓáý a? Anī ni a tél yā kədan na: A̰ á̰, deē gətóo. Ba gō tə́ anī a əda na: Ūtə̄ taí! I kum mbang kəda rī Kɔ́ɔ̄ɓē n toó alé!

JEREMI 14:20

Kɔ́ɔ̄ɓē, jə-ger̄ majə kadə̄ jḭḭ i kə najá dɔjí tə́ ō, jə-ger̄ gō yá̰á̰ kə́ gōtə́ aĺ gə̄ ń kaají gə̄ rāān̄ ní ō.

PĀ GƏ̄ 39:2

M-ə́da na: M-ā m-ə́hɔ rɔ̄ḿ tɔgə kadə̄ m-ɔ̄r̄ najə̄ kə́ majaĺ alé. Ré m̄-ndi loo kə nge kem nduluú anī, m-ā m-ə́hɔ taḿ dɔ najə̄ tə́.

NDŪ NAJƏ̄ 32:32

Kāgə̄ nduú yādə́ teē i dan kāgə̄ nduú gə̄ kə́ Sodom tə́, teē i kem ndɔr̄ gə̄ kə́ Gomor tə́. Kan̄ kāgə̄ nduú yādə́ gə̄ i kan̄ gə̄ kə́ yá̰á̰ kə́ yā yḛl deē i tū tə́. Dɔ bəra nduú yādə́ gə̄ i dɔ bəra nduú kə́ katə̄ kárárá gə̄.

LEBI GƏ̄ 10:3

Moijə əda Aaro̰ na: I yá̰á̰ ń Kɔ́ɔ̄ɓē tāādə́ dɔ tə́ kété əda na: I kə ta kūl̄ ngé reē rɔ̄n tə́ ngɔr gə̄ n de gə̄ a ger̄nəń kadə̄ ni i kə́ táĺ ní ō, i nin̄ n a ɔsən̄ gɔnən ta kum ngán Israel gə̄ tə́ malang ní ō. Aaro̰ ndi kə tan kə́ mbóó.

IJAI 47:5

Ɓē yā Babilon gə̄, ī-ndi nang tə́ kə taí kə́ mbóó, ī-ɓɔ̄ɔ̄ rɔ̄í kum loo kə́ ndɔ̄ɔ́ tə́. Tām̄ a ɓāríīn̄ na i mban̄g kə́ dəyá̰ yā ɓē ko̰o̰ gə̄ to̰ aĺ i kə́ bátə́ gə̄ tə́.

JEREMI 3:25

Ādə̄ jə-laaī kemjí nang tə́ kə rɔ̄sɔlɔ̄ɔ́, ādə̄ yá̰á̰ kə́ to rɔ̄sɔl̄ yājí taā loo dɔjí tə́, tɔdɔ̄ jə-rāāī yá̰á̰ kə́ gōtə́ aĺ kə Kɔ́ɔ̄ɓē Nə́ɓā yājí, jḭḭ̄ ō, bɔbə̄jí gə̄ ō, i kə ngōn̄ dūújí nú bátə́ ɓōólaā. Jə-mbātíī koō ndū Kɔ́ɔ̄ɓē Nə́ɓā yājí kɔ̄ɔ́.

JEREMI 14:7

Ré majaĺ yājí gə̄ ənīn̄ najə̄ dɔjí tə́ anī, ī-rāā yá̰á̰ ń sɔɔ̄ kadə̄ ī-rāā ní ādə̄ de gə̄ tɔ̄ȳn̄neé rīí. jə-mbātíī kə̄ nja naā tə́, adə̄ kə́ rɔ̄kum tə́ ní, jə-rāā yá̰á̰ kə́ gōtə́ aĺ seí.

JEREMI 9:14

I tām̄ ń toō tə́ n Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, ɔr̄ najə̄ tītə̄ ń toō beé ní: M-ā m-ādə̄ gír de gə̄ ń toō man̄ ngəra kāgə̄ kə́ katə̄ kárárá ō, man̄ kə́ yḛl kum ō kadə̄ a̰ȳn̄.