JEREMI 8:13 - Bibəl ta Sar̄

¹³ m̄-gḛy kadə̄ gír yādə́ gān̄g kɔ̄ɔ́. Kan̄ kāgə̄ nduú gətóo dɔ kāgən tə́ ō. Kan̄ kótə̄ gətóo dɔ kāgə̄ tə́ ō. Mbī kāgə̄ gə̄ ndəlē ō. M-ə́yá̰də́ kem jī ngé mān̄ róbə gə̄ tə́.

Bible sar

¹³ m̄-gḛy kadə̄ gír yādə́ gān̄g kɔ̄ɔ́. Kan̄ *kāgə̄ nduú gətóo dɔ kāgən tə́ ō. Kan̄ kótə̄ gətóo dɔ kāgə̄ tə́ ō. Mbī kāgə̄ gə̄ ndəlē ō. M-ə́yá̰də́ kem jī ngé mān̄ róbə gə̄ tə́.

JEREMI 8:13 Referans Kwoze

MATIYE 21:19

Ni-a̰a̰ kāgə̄ kótə̄ kógə̄ḿ bɔ̄gə̄ róbə́ tə́ anī aw̄ gírí, banī yá̰á̰ ń ni-ənge tū tə́ ní i mbīn gə̄ ngóy. Anī əda kāgə̄ kótə̄ ní na: Ḭ̄ ā ān̄ to̰ aĺ bátə́! Anī kāgə̄ kótə̄ ní tutə njarara kə̄ ta jī tə́ noō kɔ̄ɔ́.

JOEL 1:7

Nin̄ nujən̄ kə kāgə̄ nduú yāḿ gə̄ sák sák kɔ̄ɔ́ ō. Jéngə̄n̄ kāgə̄ kótə̄ yāḿ gə̄ náḿ náḿ kɔ̄ɔ́ ō. Nin̄ əsan̄də́ ɔrə̄n̄ ngɔ̄ɔ̄də́ gə̄ kɔ̄ɔ́ ba yá̰á̰ gə̄ ń əya̰n̄ ní i ta jīdə́ kə́ tetə ndaa gə̄ ngóy.

JEREMI 17:8

Ni to tītə̄ kāgə̄ ń əhɔn kadə man̄ tə́ ní. Əla ngəran kum kə̄ maná. Ni a ger̄ gō ngā nəngā ń a reē ní alé. Mbīn to mbōl̄ ngándáńg. Ɓāl̄ ń man̄ əhɔń laa tə́ ní, ni sōl̄ yá̰a̰ alé. Ni an̄ kə̄ non tə́.

JAKƏ 1:11

Tām̄ mbang əɓa ō, néĺ kə́ təngā əla ō, anī mu tutə kɔ̄ɔ́ ō, hútən ur̄ kɔ̄ɔ́ ō, majən nujə kɔ̄ɔ́ ō. De kə́ nge kənge yá̰á̰ ngá̰ý a gətóo kɔ̄ɔ́ ta kəla yān gə̄ tə́ i tītə̄ ń noō ō.

Makətūbə̄ yā Aje 2:17

Mā Kɔ́ɔ̄ɓē m-ə́dá wáńg na: Yá̰a̰ malang ń ī-rāāī ní, m̄-nujəń kɔ̄ɔ́: m̄-rāā adə̄ kōō gə̄ tutən̄, aláa ndumən̄ kem ndɔrɔ́ ō, m̄-rāā adə̄ kɔ̄sə̄ tə́sō ō, banī sḭḭ̄ ī-tél ī-reēī rɔ̄ḿ mā Kɔ́ɔ̄ɓē tə́ alé.

Makətūbə̄ yā Aje 1:11

m̄-rāā ādə̄ man̄ əhɔ laa kem ɓēé: Dɔ ngán mbal̄ gə̄ tə́ ō, dɔ ndɔr̄ kōō gémē tə́ ō, dɔ ndɔr̄ kāgə̄ nduú gə̄ tə́ ō, dɔ ndɔ̄r̄ kāgə̄ olibə gə̄ tə́ ō, dɔ ndɔr̄ kə́ rang gə̄ tə́ ō. Deē ndul gə̄ ō, dā̰ gə̄ ō a̰a̰n̄ tápə̄ najə̄ man̄ kə́ əhɔ laa tə́ ō, kəla malang ń ī-rāāī ní udə kɔ̄ɔ́ ō.

HABAKUK 3:17

Kāgə̄ kótə̄ gə̄ hútə̄n̄ to̰ aĺ ō, kāgə̄ nduú gə̄ anə̄n̄ to̰ aĺ ō, kan̄ kāgə̄ olibə gə̄ gətóon̄ dɔ kāgə̄ olibə gə̄ tə́ ō, ndɔr̄ teē yá̰a̰ kəsa to̰ aĺ ō. Batə̄ gə̄ gətóon̄ kem gɔngɔɔ́ ō, man̄g gə̄ gətóon̄ gír dabə gə̄ tə́ ō.

JEREMI 5:17

Əsan̄ kōō yāí ō, mápa yāí ō. Nin̄ əsan̄ ngání kə́ dəngam gə̄ ō kə́ dəyá̰ gə̄ ō. Əsan̄ yá̰a̰ kul̄ yāí kə́ dūú ō, kə́ bo ō. Əsan̄ kan̄ kāgə̄ nduú yāí ō, kan̄ kāgə̄ kótə̄ yāí ō. Nin̄ reēn̄ kə kaskaraá nujən̄neé ɓē yāí kə́ ngan̄g gə̄ ń ī-ndi kemeé kanjə̄ sōl̄ yá̰á̰ kógə̄ḿ ní.

IJAI 5:10

Ndɔr̄ kāgə̄ nduú kə́ kəlā mehḛ́ a teē lítər kasə nduú kutə mí alé. De kə́ ənda kōō gémē kə́ kɔȳn i kəlōo ɓú a ənge i njáŕ gémē kə́ kɔȳn i kəlōo kutə kógə̄ḿ beē ngóy.

LEBI GƏ̄ 26:20

Ā ī-təgāī tɔ́gə́sí i karī, dɔ nang yāsí a teē yá̰a̰ aĺ ō, kāgə̄ yāsí gə̄ a anə̄n̄ aĺ ō.

JEREMI 7:20

I tām̄ ń toō tə́ n najə̄ ń Kɔ́ɔ̄ɓē Nə́ɓā əda ní n toó: M-ā m̄-bə̄gā wōn̄g yāḿ, wōn̄g kə́ ngá̰ý yāḿ dɔ loo ń toō tə́ ō, dɔ de gə̄ tə́ ō, dɔ dā̰ gə̄ tə́ ō, dɔ kāgə̄ kə́ bembeé gə̄ tə́ ō, dɔ kum kōō gə̄ kə́ teēn̄ dɔ nang tə́ tə́ ō. I hor kə́ a oy aĺ bátə́.

JEREMI 14:12

Ré ndin̄ ɓō tām̄ yāḿ tə́ a, m-ā m-ōō nōō yādə́ alé. Ré ndējə̄mə̄n̄ dā̰ gə̄ kə́ yā róō horoó ō, yá̰a̰ ndējə̄ kə́ rang gə̄ ō anī, a nelə̄m̄ kə yá̰a̰ gə̄ ń noō alé. M-ā m̄-tɔ̄l̄də́ kə kaskaraá ō, kə ɓōó ō, kə mo̰y ngāl̄bɔ̄gīí ō, kadə̄ təgān̄.

OJEE 2:12

Ngɔlaā ní m-ā m̄-ɔ̄r̄ yá̰a̰ rɔ̄n tə́ ta kum ngé sāān gə̄ tə́, ba de kə́ yā kɔgə̄m̄ a gətóo.

JEREMI 14:15

I tām̄ ń toō tə́ n Kɔ́ɔ̄ɓē ɔr̄ najə̄ tītə̄ ń toō beé ní: Yá̰á̰ kə́ sɔɔ̄ dɔ ngé koō ta gə̄ ń unən̄ rīḿ ɔrə̄n̄neé najə̄ banī m-ə́ládə́ aĺ ní n toó. Ká ré nin̄ gírə̄n̄ kadə̄ kaskar ō, ɓō ō, a gətóon̄ kem ɓē ń toō tə́ gə̄gē anī, ngé koō ta gə̄ ń noō a oyn̄ i yo kaskar ō, yo ɓō ō.

EJEKIEL 22:31

Loo ń noō tə́ m̄-bə̄gā wōn̄g yāḿ kə́ ngá̰ý dɔdə́ tə́. m̄-rāā adə̄ nin̄ gətóon̄ kɔ̄ɔ́ kum hor wōn̄g ní tə́, m̄-rāā adə̄ nin̄ əgān̄ kə̄rā yá̰a̰ rāādə́ kə́ majaĺ gə̄. Najə̄ ń Kɔ́ɔ̄ɓē Nə́ɓā əda ní n noó.

MALASI 3:11

M-ā m̄-tūr̄ ta gaẃ gə̄ kɔ̄ɔ́ dɔsí tə́: Nin̄ a nujən̄ kōō yāsí gə̄ aĺ ō, a ɔgə̄n̄ kāgə̄ nduú yāsí gə̄ ka̰a̰n̄ aĺ ō. I mā Kɔ́ɔ̄ɓē kə́ bo kə́ tɔ́gə́ḿ i ngá̰ý n m-ə̄nī ndūḿ ní.