JEREMI 7:7 - Bibəl ta Sar̄

⁷ Ta anī m-ā m-ə́yá̰sí kadə̄ ī-ndiī loo ń toō tə́, kem ɓē ń m-ādə̄ kaasí gə̄ i jóo kə́ njɔ́ḿ gə̄ tə́ ní.

Bible sar

⁷ Ta anī m-ā m-ə́yá̰sí kadə̄ ī-ndiī loo ń toō tə́, kem ɓē ń m-ādə̄ kaasí gə̄ i jóo kə́ njɔ́ḿ gə̄ tə́ ní.

JEREMI 7:7 Referans Kwoze

NDŪ NAJƏ̄ 4:40

Ndū najə̄ yān gə̄ ō, yá̰a̰ gə̄ ń ni-əndā dɔsí tə́ kadə̄ ī-rāāī ō ń m-ɔ́jə́sí ɓōólaā ní, úniī gō, kadə̄ sḭḭ̄ ō, ngáńsí gə̄ ō, ngán kaasí gə̄ ń a utə̄n̄ gōsí ní ō, ə́ngeīneé rɔ̄nel̄ ō, ī-ndiīneé kə kumsí ta kaw̄ kə̄ jóo dɔ nang ń Kɔ́ɔ̄ɓē Nə́ɓā yāsí adə̄sí kə́ kə́ njɔ́ḿ gə̄ tə́ gə̄ tə́ ní ō.

JEREMI 25:5

Ni ədasí na: Ī-tūrī háĺsí kə́ majaĺ gə̄ ō, ə́ya̰ī gō kəla rāāsí kə́ gōtə́ aĺ gə̄ ō kɔ̄ɔ́, anī ā ī-ndiī dɔ nang ń Kɔ́ɔ̄ɓē adə̄sí sḭḭ̄ ō, kaasí gə̄ ō, kété jóo, i kə́ njɔ́ḿ gə̄ tə́ ní.

JEREMI 3:18

Kem ndɔ̄ gə̄ ń noō tə́ ní, ngé kə́ Juda tə́ gə̄ ō, ngé kə́ Israel tə́ gə̄ ō, a télən̄ yā reē naā tə́ mbak. Nin̄ a ḭḭn̄ dām̄ mbɔ́r ɓē kə́ ko̰ó̰ tə́ yā reē kugə̄ kem ɓēé ń m-ādə̄ kaadə́ gə̄ ní tə́.

2 YÁ̰A̰ GƏ̄ 33:8

yá̰a̰ gə̄ malang ń m̄-ndang kadə̄ yā rāā ní ō, ndū najə̄ gə̄ ō, jī bēl̄ loo rāā yá̰a̰ gə̄ ō ń m̄-ndang m-ādə̄ ngán Israel gə̄ kə ta kūl̄ Moijə ní, ré ngán Israel gə̄ əndān̄ kumdə́ gírí malang rāān̄ anī, m-ā m̄-rā sedə́ kə gúu ta teē kɔ̄ɔ́ kem ɓē ń m-ādə̄ kaadə́ gə̄ tə́ ní to̰ alé.

Teē Ngán Israel gə̄ 22:22

Ré ī-rāāī kumdə́ ndoō tə́ adə̄ ɓāŕmə̄n̄ mā Kɔ́ɔ̄ɓē kadə̄ m̄-dḭḭ̄də́ anī, m-ā m-ōō ɓār̄ yādə́.

JEREMI 4:1

Israel, ré ī-tél ī-reē anī, majə kadə̄ ī-reē i rɔ̄ḿ mā tə́.

JEREMI 35:15

m̄-to dan kəla ngé kəla yāḿ gə̄ ń i ngé koō ta gə̄ ní kə̄ rɔ̄sí tə́ kadə̄ ədan̄sí na: Sḭḭ̄ kógə̄ḿ kógə̄ḿ malang ní ī-tūrī háĺsí kə́ majaĺ gə̄ rɔ̄kum, ī-tūrī yá̰a̰ rāāsí gə̄ ō, ī-lōōī ngɔ̄də̄ gō nə́ɓā kə́ rang gə̄ yā ndɔ̄ȳdə́ ō. Anī ā ī-ndiī dɔ nang ń m-ādə̄ kaasí gə̄ ō, madə̄sí sḭḭ̄ ō ní tə́. Banī sḭḭ̄ ī-nēlī mbīsí ōōīneé najə̄ yāḿ alé.

SOPONI 3:7

M-ə́da rɔ̄ḿ najə̄, m-ə́da na: ngɔlaā ní ɓē a ɓōĺ gidəḿ, a ndigə tāā yāḿ gə̄. Adə̄ najə̄ gə̄ ń m-ə́lań ɓōĺ kemən tə́ ní, m-ā m̄-rāā yá̰a̰ gə̄ ń m-ə́dá ní aĺ ō, m-ā m̄-rāā yá̰a̰ kə ɓēé aĺ ō. I beé aĺ bátə́, tām̄ de kə́ kemeé gə̄ nāgə́n̄ láẃ rāān̄ yá̰á̰ kə́ majaĺ gə̄.

IJAI 1:19

Ré síī ī-ndigiī kadə̄ dɔsí oō loo anī, ā ásiī kəsa yá̰á̰ kə́ majə gə̄ kə́ kem ɓēé.

JEREMI 26:13

Ngɔlaā ń toō ní, ə́hɔī hángalsí sḛ́ý ō, ī-tūrī kəla rāāsí ādə̄ to só tə́ sḛ́ý ō. Ōōī ndū Kɔ́ɔ̄ɓē Nə́ɓā yāsí kə́ a ɓāŕsí, anī ni a loo gíŕ yá̰á̰ kə́ to kum kaȳ aĺ ń əda kadə̄ rāāsí ní tə́.