JEREMI 7:6 - Bibəl ta Sar̄

⁶ ī-rāāī kum nge nam̄ ɓē ō, ngōn̄ hal ō, nge ngaa koy ō ndoō tə́ alé. Ī-ɓōkíī mósə́ kə́ kanjə̄ najə̄ dɔn tə́ nang tə́ loo ń toō tə́ alé, ī-ngɔ̄dī gō nə́ɓā kə́ rang gə̄ alé na sōgə́ yá̰á̰ kə́ to kum kaȳ aĺ əsō dɔsí tə́.

Bible sar

⁶ ī-rāāī kum nge nam̄ ɓē ō, ngōn̄ hal ō, nge ngaa koy ō ndoō tə́ alé. Ī-ɓōkíī mósə́ kə́ kanjə̄ najə̄ dɔn tə́ nang tə́ loo ń toō tə́ alé, ī-ngɔ̄dī gō nə́ɓā kə́ rang gə̄ alé na sōgə́ yá̰á̰ kə́ to kum kaȳ aĺ əsō dɔsí tə́.

JEREMI 7:6 Referans Kwoze

JEREMI 13:10

Gír de kə́ ngé kem ndul gə̄ ń mbātə́n̄ koō najə̄ yāḿ ba rāān̄ dɔ ngan̄g kə̄ nodə́ tə́ ō, ngɔ̄də̄n̄ gō nə́ɓā kə́ rang gə̄ tə́ yā ndɔ̄ȳdə́ ō, ɔsən̄ nodə́ nang tə́ nodə́ tə́ rɔȳn̄də́ ō ní, ādə̄ tél ton̄ tītə̄ ta kūbə̄ do̰ō̰ ɓōdə̄ ń toō ń majə rāań yá̰a̰ to̰ alé ní.

NDŪ NAJƏ̄ 8:19

Ré dɔsí ndígə̄nal dɔ Kɔ́ɔ̄ɓē Nə́ɓā yāsí tə́, adə̄ ə́laī dɔsí gír ɓesə̄ gə̄ tə́ ī-rāāī kəla ādīdə́ ō, ɔ́siī nosí nang tə́ nodə́ tə́ ō anī, m-ə́dásí kə́ ngáā tə́ ɓōólaā m-ādə̄ ōōī, ā ī-gətóoī kɔ̄ɔ́ malang.

NDŪ NAJƏ̄ 11:28

Ba ré ī-rāāī aĺ ō, ī-tūrī gidəsí kɔ̄ɔ́ ta róbə́ ń m-ɔ́jə́sí ɓōólaā tə́ ní, ba āw̄ ī-ndɔ̄yī ɓesə̄ gə̄ ń i nə́ɓā gə̄ kə́ ī-gerīdə́ aĺ ní ō anī, ndɔ̄ĺ i dɔsí tə́.

JEREMI 2:34

Mósə́ ngé rɔ̄ tō ndoō gə̄ kə́ kanjə̄ najə̄ dɔdə́ tə́ ō, kə́ ə́hɔ́də́ dɔ rāā yá̰á̰ kógə̄ḿ kə́ majaĺ tə́ aĺ gə̄ ō, aw̄ mbóńg to ta kūbə̄ yāí gə̄ tə́.

JAKƏ 1:27

Rɔȳ Nə́ɓā kə́ kə gō ń Bɔbə̄jí Nə́ɓā ndigə ní, i go̰ō̰ ngán hal gə̄, kə dəyá̰ kə́ ngaa koy gə̄, dan wur kɔl yādə́ tə́ ō, i ngɔ̄m̄ rɔ̄ najə̄ yá̰á̰ kə́ yḛr gə̄ malang kə́ dɔ nang tə́ ō.

MALASI 3:5

A̰á̰ā̰, Kɔ́ɔ̄ɓē kə́ bo kə́ tɔ́gən i ngá̰ý əda najə̄ ń toō: M-ā m̄-reē dansí tə́ yā rāā sarya sesí. M-ā m-ɔ́r bā̰ā̰ loo kəndā najə̄ dɔ ngé kəga gə̄ tə́ aĺ ō, ngé rāȳ gə̄ tə́ aĺ ō, ngé túbə dɔ lám̄ gə̄ tə́ aĺ ō, ngé kəgā ngé kəla yādə́ gə̄ kə gōó aĺ gə̄ ō, ngé rējə̄ dəyá̰ kə́ ngaa koy gə̄ ō, ngán hal gə̄ ō, kə yá̰a̰ rāādə́ kə́ gōtə́ aĺ ō, ngé rāā tə̄rā gə̄ majaĺ ō, de gə̄ malang ń ɓōlə́n̄ ndílə́ḿ aĺ ní ō.

JEREMI 19:4

Tɔdɔ̄ əya̰mə̄n̄ kɔ̄ɔ́, nin̄ rāān̄ loo ń toō adə̄ tél to rim kɔ̄ɔ́. Róōn̄ yá̰a̰ ndējə̄ gə̄ horoó tū tə́ adə̄n nə́ɓā kə́ rang gə̄ kə́ nin̄ kɔ́ gə̄ ō, kaadə́ gə̄ ō, mban̄g kə́ Juda tə́ gə̄ ō gerə̄n̄də́ alé. Ɓōkə́n̄ mósə ngán gə̄ kə́ najə̄ gətóo dɔdə́ tə́ gə̄ nang tə́ adə̄ taā loo ní.

IJAI 59:7

Njasí gə̄ a a̰ȳn̄ ngɔ̄də̄ a aw̄n̄ i kə̄ rāā yá̰á̰ kə́ majaĺ tə́, de gə̄ kə́ najə̄ gətóo dɔdə́ tə́ ní, sḭḭ̄ ī-tewleī loo tɔ̄l̄də́ tə́. Sḭḭ̄ ī-gírī i rāā yá̰á̰ kə́ majaĺ ngóy. Loo malang ń sḭḭ̄ ī-teēī tū tə́ ní, i yá̰a̰ rāā kə́ kə dɔ́nɔ́ n a to tū tə́ ō, i yá̰á̰ kə́ nujən a to tū tə́ ō.

NDŪ NAJƏ̄ 27:19

Deē ń a ɔgə̄ tə̄rā kə́ nge nam̄ ō, ngōn̄ hal ō dəyá̰ kə́ ngaa koy ō yá̰á̰ kə́ sɔɔ̄ dɔdə́ ní, ndɔ̄ĺ i dɔn tə́. Loo ń noō tə́ gír de gə̄ malang a ədan̄ na: A̰á̰ā̰ ādə̄ i tītə̄ ń noō.

NDŪ NAJƏ̄ 24:17

Ā ī-tūr̄ gidə yá̰á̰ kə́ gōtə́ yā tə̄rā kə́ nge nam̄ aĺ ō, yā ngōn̄ hal aĺ ō. Ā ə́hɔ kūbə̄ yā dəyá̰ kə́ ngaa koy kə̄rā tə́ gíŕ yá̰á̰ kə́ ādə̄n loo tə̄nā tə́ tə́ aĺ ō.

MATIYE 27:25

Anī kósə de gə̄ malang tél ədan̄ na: Ādə̄ mósən əsō dɔjí tə́ ō, dɔ ngáńjí gə̄ tə́ ō!

MATIYE 27:4

ba ədadə́ na: m̄-rāā majaĺ, tɔdɔ̄ m-ə́la de kə́ kanjə̄ najə̄ dɔn tə́ jī de gə̄ tə́ kadə̄ tɔ̄l̄nən̄. Banī nin̄-tél ədanən̄ na: Nge ń noō usəjí i rí? I najə̄ yāí īkɔ́!

EJEKIEL 18:6

Ni-əsa yá̰á̰ kə́ tun̄ gə̄ dɔ mbal̄ gə̄ tə́ aĺ ō, rāā kəla adə̄ ɓesə̄ gə̄ yā ngán Israel gə̄ aĺ ō. Ni-əla rɔ̄sɔl̄ dɔ nə̄yá̰ deē tə́ aĺ ō, sāā dəyá̰ kə́ mósə əhɔn aĺ ō.

NŌŌ RƆ̄ 4:13

Yá̰á̰ ń noō rāā yá̰a̰ i najə̄ majaĺ yā ngé koō ta yān gə̄ tə́ ō, najə̄ yá̰á̰ kə́ gōtə́ aĺ gə̄ yā ngé tun̄ yá̰a̰ yān gə̄ ń ɓōkə́n̄ mósə de kə́ gōtə́ gə̄ nang tə́ kem ɓēé ní ō.

JEREMI 26:23

Nin̄ teēn̄ kə Uria kɔ̄ɔ́ kem ɓē kə́ Ejiptə tə́ ba aw̄n̄ seneé adə̄nən̄ kə mban̄g Joakim. Mban̄g tɔ̄lən ba ənī nīnə́n kem bəlo kə́ nīń de gə̄ i ngá̰ý i tū tə́ tə́.

JEREMI 26:15

Banī ōōī majə. Ré ī-tɔ̄l̄mī anī, najə̄ yā de kə́ najə̄ gətóo dɔn tə́ a əsō dɔsí sḭḭ̄ kɔ́ gə̄ tə́ ō, dɔ ɓē ń toō tə́ ō, dɔ de gə̄ ń ndin̄ kemeé tə́ ní ō, tɔdɔ̄ kə́ rɔ̄kum tə́ ní, i Kɔ́ɔ̄ɓē n əlam̄ kəda najə̄ gə̄ malang ń toō tə́ kadə̄ ōōī ní.

JEREMI 7:5

Ba ī-tūrī háĺsí ō, yá̰a̰ rāāsí gə̄ ō, ādī de gə̄ yá̰á̰ kə́ sɔɔ̄ dɔdə́ kógə̄ḿ kógə̄ḿ ō,

JEREMI 2:30

M-ə́ndá ngáńsí gə̄ i ndāńg karī, nin̄ ndigən̄ kɔjə̄ ní alé. Kaskar yāsí tɔ̄l̄ ngé koō ta yāsí gə̄ tītə̄ ɓɔl kə́ nge kəhɔ yá̰a̰.

PĀ GƏ̄ 106:38

Ɓōkə́n̄ mósə de kə́ kanjə̄ najə̄ dɔdə́ tə́ gə̄ nang tə́, adə̄ i mósə ngáńdə́ kə́ dəngam gə̄ ō kə́ dəyá̰ gə̄ ō ń nin̄ tɔ̄lə̄n̄ ba tun̄ adə̄n̄ nə́ɓā gə̄ yā Kanaan gə̄ ní. Mósə́ ń a̰ȳ nang tə́ ní rāā adə̄ yá̰á̰ kə́ majaĺ tákə̄ ɓē.

2 MBAN̄G 24:4

ni tɔ̄l̄ de kə́ kanjə̄ najə̄ dɔdə́ tə́ ngá̰ý adə̄ majaĺ i ngá̰ý kem ɓē kə́ Jerusalem tə́. I tām̄ najə̄ ń noō tə́ n Kɔ́ɔ̄ɓē gḛyń mā̰ȳ rɔ̄n aĺ ní.

2 MBAN̄G 21:6

Róō ngōnən kə́ dəngam horoó adə̄ ɓesə̄ ō, rāā kəga kə́ tayā tayā gə̄ ō, aw̄ ndḛḛ̄ sāá rɔ̄ kɔdə̄ sāā gə̄ tə́ ō. To dan rāā yá̰á̰ kə́ majaĺ ta kum Kɔ́ɔ̄ɓē tə́ kə̄ non tə́ adə̄ń Kɔ́ɔ̄ɓē wōn̄g.

LEBI GƏ̄ 25:17

Deē kógə̄ḿ dansí tə́ a gól ngōn̄ nge ɓē madə̄n alé. Ā ī-ɓōĺ Nə́ɓā yāí tām̄ mā i Kɔ́ɔ̄ɓē Nə́ɓā yāsí.

JEREMI 5:28

Nin̄ boon̄ majə ō, ndə́lēn̄ ō, rāān̄ majaĺ al̄ naā ō. Nin̄ ɓōlə́n̄ ndíl najə̄, aláa yá̰a̰ yā deē aĺ ō, yā ngōn̄ hal aĺ ō. Yá̰a̰ rāādə́ malang teēdə́ yá̰á̰ tə́ usədə́ dɔ najə̄ yā ngé rɔ̄ tō ndoō gə̄ tə́ alé.

JEREMI 7:9

Ní kə sḭḭ̄ ī-ɓogiī ō, ī-tɔ̄lī de gə̄ ō, ī-rāāī rāȳ ō, ī-túbī dɔ najə̄ kə́ rɔ̄kum aĺ tə́ ō, ī-róōī yá̰a̰ ndejə̄ gə̄ ādī Baal ō, ī-ngɔ̄dī gō nə́ɓā kə́ rang gə̄ kə́ ī-gerīdə́ aĺ tə́ ō,

JEREMI 35:15

m̄-to dan kəla ngé kəla yāḿ gə̄ ń i ngé koō ta gə̄ ní kə̄ rɔ̄sí tə́ kadə̄ ədan̄sí na: Sḭḭ̄ kógə̄ḿ kógə̄ḿ malang ní ī-tūrī háĺsí kə́ majaĺ gə̄ rɔ̄kum, ī-tūrī yá̰a̰ rāāsí gə̄ ō, ī-lōōī ngɔ̄də̄ gō nə́ɓā kə́ rang gə̄ yā ndɔ̄ȳdə́ ō. Anī ā ī-ndiī dɔ nang ń m-ādə̄ kaasí gə̄ ō, madə̄sí sḭḭ̄ ō ní tə́. Banī sḭḭ̄ ī-nēlī mbīsí ōōīneé najə̄ yāḿ alé.

EJEKIEL 22:7

De gə̄ a kídə̄n̄ i bɔbə̄də́ gə̄ kə kó̰ó̰də́ gə̄ ɓēé looí ō, a rāān̄ i kum ngé nam̄ ɓē gə̄ ndoō tə́ ō, a əsan̄ i tətō ngán hal gə̄ ō dəyá̰ kə́ ngaa koy gə̄ ō.

LEBI GƏ̄ 19:33

Ré de kə́ tə̄rā reē ndi ɓē sesí anī, ā ī-rāāī kumən ndoō tə́ alé.

Gōsə̄ najə̄ gə̄ 23:10

Dɔ nin̄ loo ń kaaí gə̄ udən̄ mbal̄ tū tə́ kété jóó ní ī-lōō ndɔ́təń ō ī-lōō kudə kem ndɔr̄ yā ngán hal gə̄ tə́ ō,