JEREMI 7:34 - Bibəl ta Sar̄

³⁴ M-ā m̄-rāā kadə̄ pā walya ō, najə̄ kə́ to rɔ̄nel̄ ō, pā yā ngaa dəyá̰ ō, rɔ̄nel̄ yā nge taā ngaa ō, a ɓār̄ kem ɓē gə̄ kə́ Juda tə́ to̰ aĺ ō, kum róbə kɔsə gə̄ kə́ Jerusalem tə́ to̰ aĺ ō. Tɔdɔ̄ ɓē a tél loo kə́ nujə sák sák.

Bible sar

³⁴ M-ā m̄-rāā kadə̄ pā walya ō, najə̄ kə́ to rɔ̄nel̄ ō, pā yā ngaa dəyá̰ ō, rɔ̄nel̄ yā nge taā ngaa ō, a ɓār̄ kem ɓē gə̄ kə́ *Juda tə́ to̰ aĺ ō, kum róbə kɔsə gə̄ kə́ Jerusalem tə́ to̰ aĺ ō. Tɔdɔ̄ ɓē a tél loo kə́ nujə sák sák.

JEREMI 7:34 Referans Kwoze

JEJU TEĒ KUM JA̰A̰ 18:23

Deē a a̰a̰ hor kə́ tū lámbá tə́ ɓēé looí to̰ aĺ ō, nge nong kə́ dəngam ō, dəyá̰ nong yān ō ní, deē a oō ndūdə́ ɓēé looí to̰ aĺ ō. Tɔdɔ̄ ngé rāā gātə̄ yāí gə̄ i de kə́ bo gə̄ kə́ dɔ nang tə́, tām̄ rāā kəga yāí rāā adə̄ nápar de gə̄ malang ndúmə̄n̄ kɔ̄ɔ́.

OJEE 2:11

I tām̄ najə̄ ń toō tə́ n dan yā sāā kōō gémē gə̄ tə́ anī, m-ā m̄-tél yā reē taā gémē yāḿ ní ō, m-ā m̄-tél yā reē taā kasə nduú yāḿ kə́ kijə dan yā mbə́rē kan̄ nduú gə̄ tə́ ní ō. M-ā m̄-taā kūbə̄ bḭḭ̄ batə̄ yāḿ kɔ̄ɔ́ ō, m-ā m̄-taā kūbə̄ lḛ́ḛ yāḿ kɔ̄ɔ́ ō, yá̰a̰ gə̄ ń noō ń majə kadə̄ ni utə̄ń gidə rɔ̄n ní.

EJEKIEL 26:13

M-ā m̄-dəba tā pā yāí gə̄ kɔ̄ɔ́, adə̄ deē a oō kōō kənde yāí gə̄ to̰ alé.

JEREMI 25:10

M-ā m̄-rāā kadə̄ pā walya ō, najə̄ kə́ to rɔ̄nel̄ ō, pā yā ngaa dəyá̰ ō, rɔ̄nel̄ yā nge taā ngaa ō, kōō mbal̄ kusə yá̰a̰ ō, hor lámba ō gətóon̄ kɔ̄ɔ́ ɓēé loodə́.

JEREMI 16:9

Tɔdɔ̄ Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, ɔr̄ najə̄ i tītə̄ ń toō beé: M-ā m̄-rāā kadə̄ pā walya ō, najə̄ kə́ to rɔ̄nel̄ ō, pā yā ngaa dəyá̰ ō, rɔ̄nel̄ yā nge taā ngaa ō, a dəba loo ń toō tə́, ɓāl̄ yāsí tə́ ō, ta kumsí tə́ ō.

IJAI 1:7

Ɓē yāsí to i tītə̄ dəla loo kə́ rɔ̄nel̄ gətóo tū tə́ beē, hor nujəń kɔ̄ɔ́. Kōō yāsí gə̄ ń ī-sāāī ní, tə̄rā gə̄ əsan̄ ta kumsí tə́. Ndɔr̄ yāsí gə̄ i kə́ nujəń kɔ̄ɔ́ ō, yá̰á̰ kə́ tū tə́ kə́ to kə gōó gətóo ō, tītə̄ loo ń ngé taā loo gə̄ nujənə̄ń beē ní.

LEBI GƏ̄ 26:33

M-ā m̄-tə̄ndā yā tḭ̄ḭ̄sí kɔ̄ɔ́ kadə̄ āwī kə̄ dan nápar de gə̄ tə́ ō, m-ā m-ɔ̄r̄ njár̄ kaskar kem hɔ̄pə̄n tə́ yā ngɔ̄dəńsí ō, ɓē yāsí a nujə sák sák kɔ̄ɔ́ ō, ɓē bo yāsí gə̄ a telən̄ ndeba ɓē ō.

MISE 7:13

Gotə loo kə́ rang gə̄ a télən̄ i dəla loo, najə̄ kem ndul yā de gə̄ ń ndin̄ tū tə́ ní tə́.

JEREMI 4:27

Najə̄ ń Kɔ́ɔ̄ɓē əda ní n toó: Dɔ nang malang kə taá a téĺ yá̰á̰ kə́ to kum ko̰ ngá̰ý banī m-ā m̄-nujəń malang alé.

IJAI 3:26

Loo ń nōō tə́ ɓē kə taá malang a nōō rɔ̄n ō, a əhɔ ndoō ō. Ni a ndi nang tə́ tītə̄ dəyá̰ kə́ tḭ̄ḭ̄ ta yá̰a̰ malang kɔ̄ɔ́ beē.

JEREMI 33:10

Kɔ́ɔ̄ɓē ɔr̄ najə̄ i tītə̄ ń toō beé: Loo ń toō ń sḭḭ̄ ə́daī na i ndəbā ɓē ō, i loo kə́ de gə̄ ō, dā̰ gə̄ ō na gətóon̄ kemeé ō, kem ɓē kə́ Juda tə́ gə̄ ō, kum kə̄lá róbə kə́ to kum ko̰ kə́ Jerusalem gə̄ ō ń ə́daī na i loo kə́ kanjə̄ de gə̄ ō, kanjə̄ ngé ndi ɓē gə̄ ō, kanjə̄ dā̰ gə̄ ō ní, de gə̄ a oōn̄ kōō

IJAI 6:11

m̄-dəje najə̄, m-ə́da na: Kɔ́ɔ̄ɓē, i bátə́ rə́ngáý tə́? Anī ni tūr̄ əda na: I bátə́ kum mbang ń a nujənə̄ń ɓē bo gə̄ sák sák kɔ̄ɔ́ tə́ ní ō, de gə̄ a gətóonə̄ń kɔ̄ɔ́ kem ɓē bo gə̄ tə́ ní ō, de gə̄ a gətóonə̄ń kɔ̄ɔ́ kem kújə gə̄ tə́ ní ō, ndɔr̄ gə̄ a télnə̄ń dəla loo kə́ yá̰a̰ gətóo tū tə́ tə́ ní ō.

PĀ GƏ̄ 78:63

Hor o̰o̰ balsáa gə̄, deē ənī pā tɔ̄yń ngámandə gə̄ to̰ alé.

JEREMI 22:6

Najə̄ ń Kɔ́ɔ̄ɓē əda dɔ kújə yā mban̄g kə́ Juda tə́ ní toó: Ká ré ī-toń i tītə̄ Galaad aláa i tītə̄ jam mbal kə́ Liban tə́ tām̄ yāḿ tə́ gə̄gē anī, m-ā m̄-rāāī kadə̄ ī-tél dəla loo ō, ɓē kə́ de gə̄ ndin̄ kemeé alé ō, kanjə̄ ɓōĺ rɔ̄ḿ loon tə́.

JEREMI 27:17

Ōōī najə̄ yādə́ aĺ bátə́. Ī-rāāī kəla ādī mban̄g kə́ Babilon tə́, anī ā ī-ndiī kə kumsí. I tām̄ rí tə́ á ī-ndigiī kadə̄ ɓē ń toō tél ndəbā ɓē kə́ gájə́ yá̰á̰ kə́ tū tə́ gə̄ ra dɔ naā tə́ bing ní?

JEREMI 44:6

Adə̄ m-bə̄gā wōn̄g yāḿ, wōn̄g kə́ ngá̰ý yāḿ, kadə̄ nujə ɓē gə̄ kə́ Juda ō, kə̄lá róbə gə̄ kə́ Jerusalem ō, tītə̄ hor kə́ o̰o̰ loo beé. Nin̄ télən̄ loo kə́ nujə sák sák kɔ̄ɔ́ gə̄ ō, loo kə́ yá̰a̰ gətóo tū tə́ gə̄ ō, yá̰á̰ ń rāā yá̰a̰ ngɔlaā ní n toó.

NŌŌ RƆ̄ 5:14

Kum kɔɔ̄ gə̄ lōōn̄ gír kaw̄ loo koō naā dɔ najə̄ tə́ ō, balsáa gə̄ lōōn̄ gír taā pā tə́ ō.

Makətūbə̄ yā Job 3:7

A̰á̰ā̰, ādə̄ loo kə́ ndɔ̄ɔ́ kə́ ndɔ̄ ń noō tə́ i loo kə́ ndɔ̄ɔ́ kə́ teē yá̰a̰ aĺ ō, ādə̄ kɔŕ rɔ̄nel̄ ɓār̄ ndɔ̄ɔ́ ndɔ̄ ń noō tə́ aĺ ō!

JEREMI 4:26

M-á̰a̰ loo anī, m-á̰a̰ kadə̄ loo ń kāgə̄ gə̄ i ngá̰ý tū tə́ ní tél loo kə́ ndágə doy. Kɔ́ɔ̄ɓē əla hor dɔ ɓē gə̄ tə́ malang kə wōn̄g yān kə́ al̄ naā ngá̰ý.

JEREMI 33:11

pā walya ō, najə̄ kə́ to rɔ̄nel̄ ō, pā yā ngaa dəyá̰ ō, rɔ̄nel̄ yā nge taā ngaa ō, pā gə̄ yā ngé gə̄ ń reē adə̄n̄ yá̰a̰ tun̄ gə̄ kə́ yā tɔ̄yń kem kújə yā Kɔ́ɔ̄ɓē tə́ ba ədan̄ na: Ī-tɔ̄yī Kɔ́ɔ̄ɓē kə́ bo kə́ tɔ́gən i ngá̰ý, tɔdɔ̄ kem majə yān to ngándáńg ō, ni-ra dɔ ndūn tə́ ngándáńg ō ní, ā ōōī kemeé ɓáý. Rɔ̄kum, m-ā m̄-tél yā kəndā ɓē ń toō kijə ō, m-ā m̄-rāā kadə̄ tél ndi majə gogə́ tītə̄ kə́ kété ō. Najə̄ ń Kɔ́ɔ̄ɓē əda ní n noó.

EJEKIEL 7:11

Yá̰a̰ rāā kə́ kə dɔ́nɔ́ to i tītə̄ sálang kāgə̄ kə́ kun kə̄ dɔɔ́ yā kəndań deē beé. Yá̰á̰sí kə́ a teē a gətóo, yá̰a̰ kənge yāsí a teē aĺ ō, kutəsí a teē aĺ ō, deē a ɔsə gɔnsí to̰ aĺ ō.

OJEE 2:13

Yá̰a̰ malang ń adə̄n rɔ̄nel̄ á i pétə yān gə̄ ō, ndɔ̄ rāā nāā kə́ kijə yān gə̄ ō, ndɔ̄ sabat yān gə̄ ō, kán̄ naā kə́ bo yān gə̄ malang ō ní, m-ā m̄-rāā kadə̄ gíŕdə́ a gān̄g kɔ̄ɔ́.