JEREMI 7:33 - Bibəl ta Sar̄

³³ Nīń gír de gə̄ ń toō a téĺ yá̰a̰ kəsa yā yel̄ kə́ dɔ rā̰ tə́ gə̄ ō, yā dā̰ kə́ dɔ nang tə́ gə̄ ō, de kə́ yā tə̄ɓādə́ dɔ tə́ gətóo.

Bible sar

³³ Nīń gír de gə̄ ń toō a téĺ yá̰a̰ kəsa yā yel̄ kə́ dɔ rā̰ tə́ gə̄ ō, yā dā̰ kə́ dɔ nang tə́ gə̄ ō, de kə́ yā tə̄ɓādə́ dɔ tə́ gətóo.

JEREMI 7:33 Referans Kwoze

JEREMI 12:9

Yá̰a̰ kənge yāḿ ní i yel̄ kə́ tɔ́r̄ ɓál, kə́ yá̰a̰ gə̄ a teēn̄ kə̄ ta loo gə̄ tə́ a tə́sōn̄ dɔn tə́ yā nār̄ a? Āw̄ ɔ́siī dɔ dā̰ kə́ bembeé gə̄ naā tə́. Āwī sedə́ loo kəsa yá̰a̰ nāā kə́ bo tə́.

NDŪ NAJƏ̄ 28:26

I yel̄ kə́ dɔɔ́ gə̄, kə dā̰ kə́ bembeé gə̄ n a əsan̄ nīní ní. De kə́ yā tə̄ɓādə́ dɔ tə́ a gətóo.

EJEKIEL 39:4

Ḭ̄ ō, ngé rɔ̄ɔ̄ yāí gə̄ malang ō, de kə́ ngá̰ý gə̄ ń ɓoon̄ rɔ̄də́ tū yāí tə́ ní ō, ā óyiī dɔ mbal̄ gə̄ kə́ Israel tə́. M-ā m-ə́ya̰ mbal̄ gə̄ ō, dā̰ kə́ bembeé gə̄ ō, kadə̄ əsan̄ nīńsí.

JEREMI 34:20

M-ə́ládə́ kem jī madə̄ ba̰ā̰də́ gə̄ tə́ ō, jī ngé ndə̄ngādə́ yo tə́ ō. Nīńdə́ a tél yá̰a̰ kəsa yā yel̄ kə́ dɔ rā̰ tə́ gə̄ ō, dā̰ kə́ dɔ nang tə́ gə̄ ō.

JEREMI 25:33

Əla gír dām̄ dɔ nang kógə̄ḿ tə́ bátə́ gān̄g kə́ noō tə́ ní, de gə̄ a əndān̄ yo ngé gə̄ ń Kɔ́ɔ̄ɓē a tɔldə́ ní, ndɔ̄ ń noō tə́ alé. De gə̄ a ɔyn̄də́ yā dubə̄də́ alé, adə̄ a télən̄ dɔ bū loo kə́ dɔ nang tə́.

JEREMI 22:19

A dubə̄nən̄ i tītə̄ loo dubə̄ kərō beé. adə̄ a ndɔ́r̄nən̄ nang tə́ ō, a teēn̄ seneé ta róbə gə̄ kə́ Jerusalem tə́ yā kaw̄ kənīn ndágá.

JEREMI 19:7

m-ā m-ādə̄ i ngé ndə̄ngān̄də́ yo gə̄ n a tɔ̄lə̄n̄də́ kə jīdə́ ní. M-ā m-ādə̄ nīń de kə́ ngá̰ý gə̄ ń toō yel̄ kə́ dɔ rā̰ tə́ gə̄ ō, dā̰ kə́ dɔ nang tə́ gə̄ ō kadə̄ əsan̄.

JEREMI 16:4

Ɓō a rāādə́ bátə́ yā tɔ̄l̄də́. Deē a nōōdə́ aĺ ō, dubə̄də́ aĺ ō, a télən̄ bū loo dɔ dā̰ nang tə́ ō, a oyn̄ yo kaskar ō, yo ɓō ō. Nīńdə́ a téĺ yá̰a̰ kəsa yā yel̄ kə́ no rā̰ tə́ gə̄ ō, dā̰ kə́ dɔ nang tə́ gə̄ ō.

JEREMI 9:22

Najə̄ ń Kɔ́ɔ̄ɓē əda ní n toó: Ādə̄ nge kum kedə̄ tɔ̄ȳ rɔ̄n tām̄ kum kedə̄ yān tə́ aĺ ō, ādə̄ de kə́ tɔ́gən i ngá̰ý tɔ̄ȳ rɔ̄n dɔ tɔ́gən kə́ ngá̰ý tə́ aĺ ō. ādə̄ nge kənge yá̰a̰ tɔ̄ȳ rɔ̄n tām̄ yá̰a̰ kənge yān tə́ aĺ ō.

IJAI 18:6

Yā Etiopi gə̄ i tītə̄ ń noó ō, a əya̰n̄də́ kɔ̄ɔ́ yā kadə̄ kə̄rō gə̄ kə́ dɔ mbal̄ bo gə̄ tə́ ō, dā̰ kə́ kem bembeé gə̄ ō. Kə̄rō gə̄ a əsan̄də́ dan kə́ majə tə́ ō, dā̰ kə́ bembeé gə̄ a əsan̄də́ dan kə́ majaĺ tə́ ō.

JEREMI 14:16

De gə̄ ń oōn̄ najə̄ kɔr̄ ngé koō ta gə̄ ngeé ń toō ní, a oyn̄ ō. A oyn̄ yo ɓō ō, yo kaskar ō, adə̄ nīńdə́ a taā kum kə̄lá róbə gə̄ kə́ Jerusalem. Nin̄ ō, nə̄yá̰də́ gə̄ ō, ngáńdə́ gə̄ kə́ dəngam ō, kə́ dəyá̰ gə̄ ō a əngen̄ deē kógə̄ḿ kə́ yā dubə̄də́ alé. I loo rāā ń m-ā m̄-rāā kadə̄ majaĺ yādə́ nin̄ kɔ́ gə̄ tél kə̄ dɔdə́ tə́ ní n noó.

JEREMI 15:3

M-ā m-ə́la kə yá̰á̰ kə́ majaĺ gə̄ gíŕ sɔ́ dɔdə́ tə́: M-ā m-ə́la kə kaskaraá yā tɔ̄ləńdə́ ō, kə bísə gēé yā ndɔ́rəńdə́ nang tə́ ō, kə yel̄ kə́ no rā̰ tə́ gə̄ ō, kə dā̰ kə́ dɔ nang tə́ gə̄ ō yā rə́yańdə́ naā tə́ ō, yā gāngəń gír yādə́ kɔ̄ɔ́ ō. Najə̄ ń Kɔ́ɔ̄ɓē əda ní n toó.

EJEKIEL 29:5

M-ā m-ə̄nīsí kem dəla loo tə́, ḭ̄ ō kānjə̄ gə̄ ń noō malang ō. Ā óy nang tə́. De kə́ yā kuniī a gətóo, de kə́ yā kənī kem bəlo yo tə́ a gətóo. M-ā m-ādə̄ ā ī-téĺ yá̰a̰ kəsa yā dā̰ kə́ bembeé gə̄ ō, yā yel̄ gə̄ ō.

NDŪ NAJƏ̄ 8:20

Rɔ̄kum, ré ōōī ta Kɔ́ɔ̄ɓē Nə́ɓā yāsí aĺ anī, ā ī-gətóoī kɔ̄ɔ́ tītə̄ yā nápar de gə̄ ń Kɔ́ɔ̄ɓē rāādə́ adə̄ gətóon̄ kɔ̄ɔ́ nosí tə́ ní.

JEREMI 9:21

Ɔ̄r̄ najə̄ ə́da na, najə̄ ń Kɔ́ɔ̄ɓē əda ní n toó: Nīń de gə̄ tə́sō, tītə̄ yedə̄ yá̰á̰ kə́ seĺ kem ndɔrɔ́ ō, tītə̄ dɔ kōō kə́ teē tə́sō gō nge sāā kōō tə́ ō, ba de kə́ yā kɔy gətóo ō.