JEREMI 7:32 - Bibəl ta Sar̄

³² Tām̄ ń toō tə́ ní, á̰a̰ī, ndɔ̄ gə̄ a reēn̄ noó, de gə̄ a ədan̄ kem ndɔ̄gə̄ ń noō tə́ na: Topet aláa na i wól loo kə́ Ben Hinom to̰ alé, ba a ədan̄ na i wól loo tɔ̄l̄ de gə̄, tɔdɔ̄ loo gətóo, adə̄ Topet nəkɔ́ tél i loo ɓōkə́ nīń gə̄. Najə̄ ń Kɔ́ɔ̄ɓē əda ní ń noó.

Bible sar

³² Tām̄ ń toō tə́ ní, á̰a̰ī, ndɔ̄ gə̄ a reēn̄ noó, de gə̄ a ədan̄ kem ndɔ̄gə̄ ń noō tə́ na: Topet aláa na i wól loo kə́ Ben Hinom to̰ alé, ba a ədan̄ na i wól loo tɔ̄l̄ de gə̄, tɔdɔ̄ loo gətóo, adə̄ Topet nəkɔ́ tél i loo ɓōkə́ nīń gə̄. Najə̄ ń Kɔ́ɔ̄ɓē əda ní ń noó.

JEREMI 7:32 Referans Kwoze

JEREMI 19:11

Gō tə́ anī, ā ə́dádə́ na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: m̄-nujə kə gír de gə̄ ń toō ō, kə ɓē ń toō ō, tītə̄ loo tɔ̄ɔ̄ jóó ń kɔdə̄ jóo əɓā ní beē, adə̄ deē a asə kəndā ta naā tə́ to̰ alé. Loo kə́ yā dubə̄ń yo a asə alé, adə̄ de gə̄ a dubə̄n̄ nīń Topet tə́ gə̄ gə̄gē.

JEREMI 19:6

I tām̄ najə̄ ń noō tə́ n ndɔ̄ gə̄ a reēn̄ noō kadə̄ a ɓārə́n̄ loo ń toō na i Topet to̰ aĺ ō, wól loo kə́ Ben Hinom to̰ aĺ ō, ba a ɓārə́n̄ na i wól loo tɔ̄l̄ naā ní. Najə̄ ń Kɔ́ɔ̄ɓē əda ní n noó. M-ā m̄-tɔ̄l̄də́ kə kaskaraá ta kum madə̄ ba̰ā̰də́ gə̄ tə́,

2 MBAN̄G 23:10

Mban̄g rāā adə̄ majaĺ tákə̄ loo kə́ Topet ń ra kum wól loo kə́ Ben Hinom tə́ ní adə̄ de gə̄ róō ngáńdə́ kə́ dəngam gə̄ ō kə́ dəyá̰ gə̄ ō, horoó kadə̄ ɓesə̄ Molok ɓáý to̰ alé.

JEREMI 19:13

Kújə́ kə́ Jerusalem tə́ gə̄ ō, Juda tə́ gə̄ ō, a télən̄ yá̰á̰ kə́ yḛr tītə̄ loo kə́ Topet tə́. Rɔ̄kum, kújə gə̄ ń noō malang ń de gə̄ róōn̄ yá̰a̰ ndējə̄ gə̄ ndágə loo gə̄ kə́ dɔ tə́ tə́ adə̄n̄ tə́yō̰ gə̄ ō, tə́ten̄ kasə nang tə́ tū tə́ adə̄n̄ nə́ɓā kə́ rang gə̄ ō ní, a télən̄ yá̰á̰ kə́ yḛr.

JEREMI 7:31

Nin̄ rāān̄ loo kə́ ḭḭ kə̄ dɔɔ́ gə̄ Topet tə́, kem wól loo kə́ Ben Hinom tə́, yā róoń ngáńdə́ kə́ dəngam gə̄ ō, kə́ dəyá̰ gə̄ ō horoó. Yá̰á̰ ń noō i mā n m̄-dəje ní alé, m̄-gír̄ dɔ tə́ sḛ́ý aĺ bátə́ ō.

LEBI GƏ̄ 26:30

Wurəḿ a atə̄m̄ sesí ngá̰ý, adə̄ m-ā m̄-nujə loo ndɔ̄ȳ yāsí gə̄ kɔ̄ɔ́ ō, m-ā m̄-tɔ̄ɔ̄ loo róō ndujə̄ yá̰á̰ kə́ kotə majə yāsí gə̄ kɔ̄ɔ́ ō, m-ā m̄-tétə̄ ɓesə̄ yāsí gə̄ ba m-ā m̄-kán̄ nīńsí gə̄ dɔ tə́ ō.

JEREMI 19:2

Gō tə́ anī, ī-teē kum kə̄ wól loo kə́ Ben Hinom ń i ta róbə yā jóo man̄ kə́ tɔ̄ɔ̄ gə̄ tə́ ní kadə̄ ə̄nī mbēr̄ najə̄ gə̄ ń m-ā m-ə́daī ní loo ń noō tə́.

JEREMI 31:40

Wól loo ɓōkə́ nīń gə̄ ō, kúĺ yá̰á̰ kə́ tun̄ gə̄ ō, loo kə́ kə gō ngāl̄ wól loo kə́ Sedəro̰ tə́, bátə́ ugə̄ń kíl róbə yā Sə́nda gə̄ tə́ gír ɓē tə́ ō ní, a télən̄ i loo kə́ yā ɓōĺ gidə malang tām̄ yā Kɔ́ɔ̄ɓē. Deē a ɔr̄ kə gír ngəraá aĺ ō, a bótə̄yō̰ aĺ ō, i kə́ njɔ́ḿ gə̄ tə́.

EJEKIEL 6:4

A nujən̄ kə loo tun̄ yá̰a̰ yāsí gēé sák sák kɔ̄ɔ́ ō, a tɔ̄ɔ̄n̄ loo róō ndujə̄ yá̰á̰ kə́ kotə majə yāsí gə̄ kɔ̄ɔ́ ō, m-ā m̄-rāā kadə̄ de kə́ koy yāsí gə̄ a tə́sōn̄ no ɓesə̄ gə̄ tə́ ō.