JEREMI 7:31 - Bibəl ta Sar̄

³¹ Nin̄ rāān̄ loo kə́ ḭḭ kə̄ dɔɔ́ gə̄ Topet tə́, kem wól loo kə́ Ben Hinom tə́, yā róoń ngáńdə́ kə́ dəngam gə̄ ō, kə́ dəyá̰ gə̄ ō horoó. Yá̰á̰ ń noō i mā n m̄-dəje ní alé, m̄-gír̄ dɔ tə́ sḛ́ý aĺ bátə́ ō.

Bible sar

³¹ Nin̄ rāān̄ loo kə́ ḭḭ kə̄ dɔɔ́ gə̄ Topet tə́, kem wól loo kə́ Ben Hinom tə́, yā róoń ngáńdə́ kə́ dəngam gə̄ ō, kə́ dəyá̰ gə̄ ō horoó. Yá̰á̰ ń noō i mā n m̄-dəje ní alé, m̄-gír̄ dɔ tə́ sḛ́ý aĺ bátə́ ō.

JEREMI 7:31 Referans Kwoze

2 MBAN̄G 23:10

Mban̄g rāā adə̄ majaĺ tákə̄ loo kə́ Topet ń ra kum wól loo kə́ Ben Hinom tə́ ní adə̄ de gə̄ róō ngáńdə́ kə́ dəngam gə̄ ō kə́ dəyá̰ gə̄ ō, horoó kadə̄ ɓesə̄ Molok ɓáý to̰ alé.

JEREMI 32:35

Rāān̄ loo kə́ ḭḭ kə̄ dɔɔ́ gə̄ tām̄ yā ɓesə̄ Baal tə́ wól loo kə́ Ben Hinom tə́, yā tɔ̄lə̄ń ngáńdə́ kə́ dəngam gə̄, kə kə́ dəyá̰ gə̄ dɔ tə́ yā kadə̄ ɓesə̄ Molok. I yá̰á̰ kə́ m-ə́dádə́ kadə̄ rāān̄ aĺ ō, i majaĺ kə́ to ɓōĺ ngá̰ý kə́ m̄-gír̄ mēr̄ ngán Juda gə̄ rāā kadə̄ nin̄ ndɔmə̄n̄neé ta róbə aĺ ō.

2 MBAN̄G 17:17

Ngáńdə́ kə́ dəngam gə̄ ō, kə́ dəyá̰ gə̄ ō ní, nin̄ róōn̄də́ horoó. Ndḛḛ̄n̄ sāā ō, ōōn̄ ta kɔdə̄ sāā gə̄ ō, rāān̄ yá̰á̰ kə́ majaĺ ta kum Kɔ́ɔ̄ɓē tə́ bátə́ adə̄ wōn̄g rāān ō.

LEBI GƏ̄ 18:21

Ā ī-tun̄ ngōnīí yā kadə̄ ɓesə̄ Molok alé, tɔdɔ̄ ré ī-rāā beé anī, ā ī-nujə i rī Nə́ɓā yāí. Mā i Kɔ́ɔ̄ɓē Nə́ɓā yāsí.

EJEKIEL 16:20

Ngání kə́ dəngam gə̄ ō, kə́ dəyá̰ gə̄ ō ń ójə ādə̄m̄ ní, ḭ̄ ī-tɔ̄l̄də́ ba ī-tun̄ ādə̄ nə́ɓā kə́ rɔ̄kum aĺ gə̄ ngeé ń noō kadə̄ i yá̰a̰ kəsa yādə́ tə́. Ájə́ba ń ī-rāā asiī aĺ i mbéé ɓáý a?

2 YÁ̰A̰ GƏ̄ 33:6

Ni-aw̄ bátə́ tɔ̄l̄ ngánən kə́ dəngam gə̄ ba tun̄də́ wól loo kə́ Ben Hinom tə́. Ni-rāā mbōlí kə́ tayā tayā gə̄ ō, rāā kəga kə́ tayā tayā gə̄ ō, aw̄ ndḛḛ̄ sāá ɓē kɔdə̄ sāā gə̄ tə́ ō. Ni-rāā yá̰á̰ kə́ nel̄ Kɔ́ɔ̄ɓē aĺ gə̄ ngá̰ý adə̄ wōn̄g rāā Kɔ́ɔ̄ɓē seneé.

2 YÁ̰A̰ GƏ̄ 28:3

Ni-rāā yá̰á̰ kə́ yḛr kum gə̄ yā nápar de gə̄ ń Kɔ́ɔ̄ɓē tə̄ɓādə́ kɔ̄ɔ́ ba əya̰ń loo adə̄ ngán Israel gə̄ ní: Róō kajaja wól loo kə́ Ben Hinom tə́ ō, róō ngánən kə́ dəngam gə̄ horoó ō.

NDŪ NAJƏ̄ 12:31

Ā ī-ndɔ̄yī Kɔ́ɔ̄ɓē Nə́ɓā yāsí tītə̄ ń nin̄ a ndɔ̄ȳn̄neé ɓesə̄ yādə́ gə̄ ní alé. Tɔdɔ̄ yá̰a̰ malang kə́ to yḛr ta kum Kɔ́ɔ̄ɓē tə́ ō, yá̰a̰ malang ń nelə̄n aĺ ō ní, nin̄ rāān̄ tām̄ yā ɓesə̄ yādə́ gə̄ tə́. Nin̄ aw̄n̄ bátə́ tɔ̄lə̄n̄ ngán kemdə́ kə́ dəngam gə̄ ō, kə́ dəyá̰ gə̄ ō, ba róōn̄də́ horoó adə̄n̄ ɓesə̄ yādə́ gə̄.

NDŪ NAJƏ̄ 17:3

adə̄ rāā kəla adə̄ i ɓesə̄ gə̄ ō, ɔsə i non nang tə́ nodə́ tə́ ō, no mbang tə́ ō, no nāā tə́ ō, tə́yō̰ gə̄ malang kə́ dɔ rā̰ tə́ tə́ ō, ndɔ̄yńdə́, nge ń noō ń i yá̰á̰ kə́ m-ə́daī kadə̄ ī-rāā aĺ ní,

2 MBAN̄G 23:20

Ni tɔ̄l̄ ngé tun̄ yá̰a̰ gə̄ ń a tunən̄ yá̰a̰ dɔ loo ndɔ̄ȳ gə̄ tə́ ní kɔ̄ɔ́ malang dɔ loo tun̄ yá̰a̰ gə̄ tə́ ō, róō kə̄ngā de gə̄ dɔ tə́ ō. Gō tə́ anī Josias tél dɔ tə́ reē gogə́ Jerusalem.

JEREMI 19:2

Gō tə́ anī, ī-teē kum kə̄ wól loo kə́ Ben Hinom ń i ta róbə yā jóo man̄ kə́ tɔ̄ɔ̄ gə̄ tə́ ní kadə̄ ə̄nī mbēr̄ najə̄ gə̄ ń m-ā m-ə́daī ní loo ń noō tə́.

JOJUE 15:8

Tél un gō wól loo kə́ Ben Hinom kə gō kadə mbal̄ yā Yebus gə̄ kə́ dām̄ mbɔ́r ɓē kə́ geleé tə́ ń ɓē kə́ Jerusalem i tū tə́ ní, gō tə́ anī teē dɔ mbal̄ ń deē ra wól loo kə́ Hinom tə́ anī i kə̄ dām̄ kə́ no ɓē tə́ ō, deē ra wól loo yā Repay gə̄ tə́ anī, i ta ngóy wól loo yā Repay gə̄ tə́ kə̄ dām̄ mbɔ́r ɓē kə́ ko̰ó̰ tə́ ō ní.

IJAI 30:33

Rāān̄ hor kógə̄ḿ jóó ngá̰ý kɔ̄ɔ́. Hor ní i tām̄ yā mban̄g tə́ ō. Ɓōkə́n̄ kīr̄ ngá̰ý kem bəlo kógə̄ḿ kə́ laa tə́ ō, ɗúú tə́ ō, adə̄ gōr̄ gong tām̄ yā hor tə́. Koō kə́ ta Kɔ́ɔ̄ɓē tə́ ń to tītə̄ bā bursu kə́ təngā ní, a əla hor tū kīr̄ ní tə́.

IJAI 57:5

Ngur asəsí nák kadə̄ kāgə̄ kə́ yā ɓōĺ gidə gə̄ tə́, gír kāgə̄ gə̄ malang kə́ mbīdə́ əga ku tə́. Sḭḭ̄ ī-tɔ̄lī ngán gə̄ ba ī-tunīdə́ kadə ngán man̄ gə̄ tə́, bəlo mbal̄ gə̄ tə́.

JEREMI 2:23

I ba̰ý á ī-nāā kəda na: Yá̰á̰ kə́ yḛr tákə̄m̄ aĺ ō, m̄-ngɔ̄də̄ gō ɓesə̄ Baal gə̄ tə́ aĺ ō ní? Á̰a̰ kəla rāāí kə́ kem wól loo tə́, ḭ̄kɔ́ ī-ger̄ yá̰á̰ ń ī-rāā ní. Kó̰ó̰ jámbal kə́ nge dáȳ dɔɔ́ kanjə̄ kɔr̄ koō.

EJEKIEL 20:26

M-ə́yá̰də́ adə̄ nin̄ télən̄ de kə́ yḛr gə̄ kə ta kūl̄ kadə̄ yá̰a̰ ndējə̄ gə̄. Yá̰a̰ ndējə̄ gə̄ ní i ngáń hágə́də́ gə̄ kə́ nin̄ róōn̄də́ horoó. m̄-ndigə kadə̄ yá̰a̰ rāādə́ nin̄ kɔ́ gə̄ əla ɓōĺ kemdə́ tə́. I tītə̄ ń noō n nin̄ ger̄nəń kadə̄ Kɔ́ɔ̄ɓē i mā ní.

EJEKIEL 20:31

Ngɔlaā gə̄gē ní, dan ń ā ī-reēī kə yá̰a̰ ndējə̄ yāsí gə̄ ō, ā ī-róōī ngáńsí gə̄ horoó yá̰a̰ tun̄ tə́ ādī nə́ɓā kə́ rɔ̄kum aĺ gə̄ ō ní, sḭḭ̄ ī-rāāī adə̄ ī-téliī i de kə́ yḛr gə̄. Sḭḭ̄ Israel gə̄, ɔ́jiīń na m-ā m-ə́ya̰ kadə̄ ā ī-dəjemī najə̄ a? M-ā m-ə́ya̰ aĺ bátə́! Tītə̄ ń m̄-ndiń kə kumḿ rɔ̄kum noó, yá̰á̰ ń mā Kɔ́ɔ̄ɓē Nə́ɓā m-ə́dá ní n toó: M-ā m-ə́ya̰ kadə̄ sḭḭ̄ ī-dəjemī najə̄ alé!

MISE 6:7

Kɔ́ɔ̄ɓē ndigə i bal batə̄ kə́ dūbūú ngá̰ý gə̄ a? Ni ndigə i yibə̄ kə́ a̰ā̰ ngá̰ý tītə̄ man̄ dɔ mbal̄ kə́ nūgə́ beé a? Yā kadə̄ ni mā̰yń rɔ̄n dɔ yá̰a̰ rāāḿ gə̄ kə́ gōtə́ aĺ tə́ ō, dɔ ra dɔ ndū tə́ aĺ yāḿ gə̄ tə́ ō ní, kə m-ún i ngōn̄ hágə́ḿ n kə m̄-ndējə̄ ní a?

NDŪ NAJƏ̄ 18:10

Ādə̄ de kə́ nge kənī ngōnən kə́ dəngam, aké kə́ dəyá̰ kum hor tə́ gətóo mbo̰ō̰í tə́ ō, de kə́ nge koō ta ɓádə gə̄, aláa kɔdə̄ wor, aláa kɔdə̄ gara, aláa nge bógə̄rō de gə̄,

JEREMI 32:34

Nin̄ tə́ndān̄ yá̰á̰ kə́ to yḛr gə̄ ń i ɓesə̄ yādə́ gə̄ ní kem kújə́ ń rīḿ ɓār̄ dɔ tə́ ní. Tām̄ ń toō tə́ ní, nin̄-rāān̄ beé adə̄ kújə́ ní téĺ kə́ yḛr.