JEREMI 7:30 - Bibəl ta Sar̄

³⁰ De kə́ Juda tə́ gə̄ rāān̄ yá̰á̰ kə́ majaĺ kə́ nelə̄m̄ aĺ ngá̰ý tə́ndān̄ yá̰á̰ kə́ yḛr yādə́ gə̄ kem kújə́ ń rīḿ ɓār̄ dɔ tə́ ní tə́, adə̄ téĺ yá̰á̰ kə́ yḛr. Najə̄ ń Kɔ́ɔ̄ɓē əda ní ń noó.

Bible sar

³⁰ De kə́ *Juda tə́ gə̄ rāān̄ yá̰á̰ kə́ majaĺ kə́ nelə̄m̄ aĺ ngá̰ý tə́ndān̄ yá̰á̰ kə́ yḛr yādə́ gə̄ kem kújə́ ń rīḿ ɓār̄ dɔ tə́ ní tə́, adə̄ téĺ yá̰á̰ kə́ yḛr. Najə̄ ń Kɔ́ɔ̄ɓē əda ní ń noó.

JEREMI 7:30 Referans Kwoze

EJEKIEL 7:20

Nin̄ ɔjən̄ rɔ̄də́ kə yá̰a̰ yādə́ kə́ majə ngá̰ý gə̄ kə́ to loo ɓɔ̄ɔ̄ tə́. Nin̄ ɔyn̄ yá̰a̰ gə̄ ní rāānəń ɓesə̄ kə́ to yḛr kum gə̄ ō, kə́ majə ka̰ā̰ aĺ gə̄ ō, kum gotə nə́ɓā gə̄ tə́. Kɔ́ɔ̄ɓē əda na: I tām̄ najə̄ ń noō tə́ n nə́ɓā gə̄ ní a télən̄ yā to tītə̄ dɔ bū loo beé tām̄ yādə́ tə́ ní.

JEREMI 32:34

Nin̄ tə́ndān̄ yá̰á̰ kə́ to yḛr gə̄ ń i ɓesə̄ yādə́ gə̄ ní kem kújə́ ń rīḿ ɓār̄ dɔ tə́ ní. Tām̄ ń toō tə́ ní, nin̄-rāān̄ beé adə̄ kújə́ ní téĺ kə́ yḛr.

DANIEL 9:27

Dan yā ɓāl̄ kə́ sīrí gə̄ kə́ ta tɔ̄l̄ ta tə́ ní, ni a əndā tɔ́gə dɔ de kə́ ngá̰ý gə̄ tə́ yā ə́hɔń madə̄ naā sedə́ ō, kem núsə ɓāl̄ kə́ sīrí gə̄ tə́ ní, ni a rāā kadə̄ gír tun̄ yá̰a̰ gān̄g ō, gír ndējə̄ yá̰a̰ gān̄g ō. Nge nujə loo kógə̄ḿ a ndi dɔ bɔ̄gə̄ yá̰á̰ kə́ to yḛr kum gə̄ tə́ ō, i bátə́ kadə̄ nujən̄neé nge nujə loo ní tītə̄ ń ɔjən̄neé ní ō.

2 YÁ̰A̰ GƏ̄ 33:7

Ni udə ɓesə̄ kāgə̄ kə́ tɔ́sə̄ kem kújə yā Nə́ɓā tə́ ō. Tá kété ní Nə́ɓā əda Dabid nin̄ kə ngōnən Salomo̰ na: Kújə ń toō ō, ɓē kə́ Jerusalem ō ń i ɓē ń m̄-gə̄rā dan gír ɓē gə̄ malang kə́ Israel tə́ ní rīḿ a ɓār̄ dɔ tə́ ngándáńg.

2 MBAN̄G 21:7

Rāā ɓesə̄ Asera aw̄ń əndā kem kújə́ ń Kɔ́ɔ̄ɓē əda Dabid ō, ngōnən Salomo̰ ō, najə̄n kété na n-a n-əndā rīn dɔ tə́ ō, dɔ ɓē kə́ Jerusalem ń n-gə̄rā dan gír ɓē gə̄ malang kə́ Israel tə́ ō, kadə̄ to ngándáńg ní.

2 MBAN̄G 21:4

Ni-rāā loo tun̄ yá̰a̰ gə̄ kem kújə yā Kɔ́ɔ̄ɓē ń Kɔ́ɔ̄ɓē nəkɔ́ əda na n-a n-əndā rīn dɔ tə́ kem ɓē kə́ Jerusalem tə́ ní.

JEREMI 23:11

Ngé koō ta gə̄ ō, ngé tun̄ yá̰a̰ gə̄ ō nujən̄ háĺdə́ adə̄ m-á̰a̰ kem ndul yādə́ kem kújə yāḿ tə́ gə̄gē. Najə̄ ń Kɔ́ɔ̄ɓē əda ní n noó.

2 YÁ̰A̰ GƏ̄ 33:15

nə́ɓā kə́ mbā gə̄ ō, ɓesə̄ kāgə̄ kə́ tɔ́sə̄ ō ń aw̄ tə́ndādə́ kem kújə yā Kɔ́ɔ̄ɓē tə́ ní ɔy teēń ndágá kɔ̄ɔ́ ō, loo tun̄ yá̰a̰ gə̄ ń rāādə́ dɔ mbal̄ kújə yā Kɔ́ɔ̄ɓē tə́ ō, kem ɓē kə́ Jerusalem tə́ ō ní, nujən̄ kɔ̄ɔ́ malang ba ɔydə́ ɓōkə́də́ gidə ɓē tə́ ndágə́ kɔ̄ɔ́ ō.

2 MBAN̄G 23:12

Ni tɔ̄ɔ̄ loo tun̄ yá̰a̰ gə̄ ń mban̄g kə́ Juda gə̄ rāān̄ dɔ kújə́ kə́ dɔɔ́ yā Akaj tə́ ní kɔ̄ɔ́ ō, tɔ̄ɔ̄ loo tun̄ yá̰a̰ gə̄ ń Manase rāādə́ ndágə loo kə́ gīr̄ gidə kújə yā Kɔ́ɔ̄ɓē kə́ jōó gə̄ kə́ ta kújə yā Kɔ́ɔ̄ɓē tə́ ní kɔ̄ɔ́ ō. Ni ɔydə́ loo ní tə́ kɔ̄ɔ́ ba ɓōkə́ būdə́ kum wól loo kə́ Sedəron tə́.

2 MBAN̄G 21:3

Ni-tél rāā loo ndɔ̄ȳ gə̄ ń bɔbə̄n Ejekias nujəń kɔ̄ɔ́ ní gogə́. Ni-rāā loo tun̄ yá̰a̰ gə̄ adə̄ ɓesə̄ Baal ō, udə kāgə̄ ɓesə̄ kə́ yā ɓōĺ gidə kógə̄ḿ tītə̄ ń Akab mban̄g kə́ Israel rāań ní ō. Ni-ɔsə non nang tə́ no tə́yō̰ gə̄ malang kə́ dɔ rā̰ tə́ ō, rāā kəla adə̄də́ ō.

2 YÁ̰A̰ GƏ̄ 33:3

Loo ndɔ̄ȳ gə̄ ń bɔbə̄n Ejekias nujəń kɔ̄ɔ́ ní ni tél rāādə́ gogə́ rang. Ni rāā loo tun̄ yá̰a̰ gə̄ kə́ yā tunəń yá̰a̰ kadə̄ ɓesə̄ Baal gə̄ ō, túdə̄ kāgə̄ ɓesə̄ kə́ yā ɓōĺ gidə gə̄ ō, ɔsə non nang tə́ no tə́yō̰ gə̄ malang kə́ dɔ rā̰ tə́ tə́ rɔȳńdə́ ō, rāā kəla adə̄də́ ō.

IJAI 66:4

I beé ní, mā m̄-gə̄rā i kəya̰də́ kem jī yá̰a̰ gə̄ ń yə̄ngā yādə́ gə̄ a reēnəń dɔdə́ tə́ ní ō. M-ā m̄-rāā kadə̄ yá̰á̰ ń a adə̄də́ ɓōĺ ní reē dɔdə́ tə́. Tām̄ mā m̄-ɓāŕ yá̰a̰ banī deē ndigəm̄ alé, m-ɔ̄r̄ najə̄, banī deē oō alé. Nin̄ rāān̄ yá̰á̰ kə́ majaĺ ta kumḿ tə́, gə̄rān̄ yá̰á̰ kə́ nelə̄m̄ alé.

JEREMI 16:18

M-ā m-ə̄gādə́ kə̄rā loo nja kə́ jōó tə́, tām̄ mósə́ kə́ ɓōkə́n̄ nang tə́ tə́ ō, tām̄ yá̰á̰ kə́ majaĺ kə́ rāān̄ tə́ ō, tɔdɔ̄ nujən̄ kə ɓē yāḿ. Nin̄ ɓōkə́n̄ nīń yá̰á̰ kə́ yḛr yādə́ gə̄ ō, yá̰a̰ rāādə́ kə́ majaĺ gə̄ ō, adə̄ taā kem yá̰á̰ kənge yāḿ ń i ɓē yāḿ ní.

JEREMI 32:35

Rāān̄ loo kə́ ḭḭ kə̄ dɔɔ́ gə̄ tām̄ yā ɓesə̄ Baal tə́ wól loo kə́ Ben Hinom tə́, yā tɔ̄lə̄ń ngáńdə́ kə́ dəngam gə̄, kə kə́ dəyá̰ gə̄ dɔ tə́ yā kadə̄ ɓesə̄ Molok. I yá̰á̰ kə́ m-ə́dádə́ kadə̄ rāān̄ aĺ ō, i majaĺ kə́ to ɓōĺ ngá̰ý kə́ m̄-gír̄ mēr̄ ngán Juda gə̄ rāā kadə̄ nin̄ ndɔmə̄n̄neé ta róbə aĺ ō.

DANIEL 11:31

Áskar gə̄ ń ni a əla sedə́ ní a reēn̄ yā ndi ta loo kə́ táĺ ń i loo kə́ ngan̄g ní tə́ ō, a rāān̄ loo kə́ táĺ ní loo kə́ karī tə́ ō, a rāān̄ kadə̄ gír tun̄ yá̰á̰ kə́ kə dɔ ndɔ̄ gə̄ gān̄g ō, a udən̄ yá̰á̰ kə́ to yḛr kum kə́ nge nujə loo dɔ loo tun̄ yá̰á̰ tə́ ō.

EJEKIEL 8:3

Ni-əla yá̰á̰ kógə̄ḿ kə́ to tītə̄ jīn beé əhɔń nənga. Anī loo ka̰a̰ yá̰á̰ kə́ ḭḭ rɔ̄ Nə́ɓā tə́ ngeé ń noō ní, Ndíl unəm̄ aw̄ seḿ ɓōdə̄ loo tə́, dɔ dán dɔ rā̰ nin̄ kə dɔ nangaá tə́, ba aw̄ seḿ Jerusalem. Ta róbə́ kə́ dām̄ mbɔ́r ɓē kə́ ko̰ó̰ tə́ kə́ yā kudəń kə̄ kem ɓēé ní, m-á̰a̰ rɔ̄ḿ i kemeé, loo ń udən̄ ɓesə̄ tū tə́ ní tə́. Ɓesə̄ ní i ndū kə́ tájə̄n̄neé Nə́ɓā.