JEREMI 7:3 - Bibəl ta Sar̄

³ Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda ní n toó: Ī-tūrī háĺsí ō, yá̰a̰ rāāsí gə̄ ō, anī m-ā m-ə́yá̰sí kadə̄ ā ī-ndiī loo ní tə́.

Bible sar

³ Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā *Israel əda ní n toó: Ī-tūrī háĺsí ō, yá̰a̰ rāāsí gə̄ ō, anī m-ā m-ə́yá̰sí kadə̄ ā ī-ndiī loo ní tə́.

JEREMI 7:3 Referans Kwoze

JEREMI 26:13

Ngɔlaā ń toō ní, ə́hɔī hángalsí sḛ́ý ō, ī-tūrī kəla rāāsí ādə̄ to só tə́ sḛ́ý ō. Ōōī ndū Kɔ́ɔ̄ɓē Nə́ɓā yāsí kə́ a ɓāŕsí, anī ni a loo gíŕ yá̰á̰ kə́ to kum kaȳ aĺ ń əda kadə̄ rāāsí ní tə́.

JEREMI 18:11

Ngɔlaā ní ɔ̄r̄ najə̄ kə de kə́ Juda tə́ gə̄ ō, kə de gə̄ ń ndin̄ Jerusalem tə́ ní ō, ə́dádə́ na: Najə̄ ń Kɔ́ɔ̄ɓē əda ní n toó: Á̰a̰ī, m̄-nóm̄ yá̰á̰ kə́ to kum kaȳ aĺ yā rāā sesí. m̄-gír̄ rāā yá̰á̰ kógə̄ḿ sesí. Ī-tūrī hálsí kógə̄ḿ kógə̄ḿ ba ə́ya̰ī yá̰a̰ kə́ majaĺ gə̄ kɔ̄ɔ́. Rɔ̄kum, ī-rāāī ādə̄ pā njə̄rāsí majə ō, kəla rāāsí majə ō.

IJAI 55:7

Majə kadə̄ de kə́ majaĺ gə̄ əya̰n̄ háĺdə́ kɔ̄ɔ́. Majə kadə̄ nge rāā yá̰á̰ kə́ majaĺ əya̰ gír̄ yān kə́ to kem ndul gə̄ kɔ̄ɔ́. Majə kadə̄ de gə̄ malang tél reēn̄ kə̄ rɔ̄ Kɔ́ɔ̄ɓē tə́, tɔdɔ̄ kumən a o̰o̰n tām̄ yādə́ tə́. Majə kadə̄ de gə̄ malang tél reēn̄ kə̄ rɔ̄ Nə́ɓā yājí tə́, tɔdɔ̄ ni mā̰ȳ rɔ̄n ngá̰ý.

Gōsə̄ najə̄ gə̄ 28:13

De kə́ nge ɓɔ̄ɔ̄ dɔ yá̰a̰ rāān kə́ gōtə́ aĺ gə̄ i de kə́ a teē deē alé, banī deē ń ɔjə yá̰a̰ rāān kə́ gōtə́ aĺ gə̄ kə́ ndágá wáńg ō, lōō gír rāā tə́ ō ní, a a̰a̰n̄ kum tō ndoō yān.

JAKƏ 4:8

Ī-ndɔ́tī kə̄ rɔ̄ Nə́ɓā tə́, anī ni a ndɔ́tə̄ kə̄ rɔ̄sí tə́ ō. Sḭḭ̄ ngé kem jōó gə̄, ī-tə́goī ngarān̄g kemsí ādī unjə̄ njáý njáý.

JEREMI 35:15

m̄-to dan kəla ngé kəla yāḿ gə̄ ń i ngé koō ta gə̄ ní kə̄ rɔ̄sí tə́ kadə̄ ədan̄sí na: Sḭḭ̄ kógə̄ḿ kógə̄ḿ malang ní ī-tūrī háĺsí kə́ majaĺ gə̄ rɔ̄kum, ī-tūrī yá̰a̰ rāāsí gə̄ ō, ī-lōōī ngɔ̄də̄ gō nə́ɓā kə́ rang gə̄ yā ndɔ̄ȳdə́ ō. Anī ā ī-ndiī dɔ nang ń m-ādə̄ kaasí gə̄ ō, madə̄sí sḭḭ̄ ō ní tə́. Banī sḭḭ̄ ī-nēlī mbīsí ōōīneé najə̄ yāḿ alé.

2 MBAN̄G 17:13

Kɔ́ɔ̄ɓē əndā najə̄ ta ngé koō ta yān gə̄ tə́ malang ō, ta ngé ka̰a̰ yá̰a̰ yān gə̄ tə́ malang ō, tāań Israel gə̄ ō, Juda gə̄ ō, kété, ədadə́ na: Əya̰ī kəla rāāsí kə́ majaĺ gə̄ kɔ̄ɔ́ ba ī-rāāī gō míndə gə̄ ń m-ə́dásí kadə̄ ī-rāāī ní ō, yá̰a̰ gə̄ ń m̄-ndang kadə̄ yā rāā ní ō, kə gō ndū najə̄ malang ń m-ādə̄ kaasí gə̄ ō, m-ə̄ndā ta ngé kəla yāḿ gə̄ ń i ngé koō ta yāḿ gə̄ ní tə́ adə̄ ədan̄sí ní ō.

JEREMI 4:1

Israel, ré ī-tél ī-reē anī, majə kadə̄ ī-reē i rɔ̄ḿ mā tə́.

JEREMI 18:8

Ba ré nápar de gə̄ ń m-ɔ̄r̄ najə̄ sɔɔ̄ dɔdə́ ní lōōn̄ gír rāā yá̰á̰ kə́ majaĺ tə́ anī, m-ā m̄-lōō gíŕ yá̰á̰ ń m̄-gír̄ ra sedə́ tə́ ní.

ESDRAS 10:11

Ngɔlaā ní ə́daī Kɔ́ɔ̄ɓē Nə́ɓā yā kaasí gə̄ yá̰á̰ kə́ gōtə́ aĺ ń ī-rāāī ní ō, ī-rāāī yá̰á̰ ń kemən ndigə ní ō. Ɔ̄rī rɔ̄sí kɔ̄ɔ́ rɔ̄ de kə́ kem ɓēé gə̄ tə́ ō, ī-mbātíī nə̄yá̰sí kə́ tə̄rā gə̄ kɔ̄ɔ́ ō.

JEREMI 6:16

Najə̄ ń Kɔ́ɔ̄ɓē əda ní n toó: Ī-dəbaī kum róbə gə̄ tə́, ba á̰a̰ī loo, ī-dəjeī najə̄ kə́ dɔ róbə́ kə́ jóó ngá̰ý gə̄ tə́. I róbə́ kə́ rá n i róbə́ kə́ majə ní? Ī-njə̄rāī tū tə́ anī, ā ə́ngeī loo kə́ kadə̄ ī-taāīneé koō. Ba nin̄ ədan̄ na: J-a jə-njə̄rā tū tə́ alé.

JEREMI 17:25

mban̄g gə̄ ń ndin̄ dɔ kōr̄ kāgə̄ mbang yā Dabid tə́ ō, alə̄n̄ kem púsə́ sə́nda gə̄ tə́ ō, dɔ sə́nda gə̄ tə́ ō ní, nin̄ ō, de kə́ bo yādə́ gə̄ ō, de kə́ Juda tə́ gə̄ ō, de kə́ kem ɓē kə́ Jerusalem tə́ gə̄ ō, a udən̄ kə ta róbə ɓē gə̄ ń toō. De gə̄ a ndin̄ kem ɓē ń toō tə́ ngándáńg. Najə̄ ń Kɔ́ɔ̄ɓē əda ní n noó.

JEREMI 35:16

Ngán Yonadab gə̄ ɓōlə́n̄ ndíl najə̄ ń kaadə́ ədadə́ ní, ba gír de gə̄ ń toō oōn̄ najə̄ yāḿ alé.