JEREMI 7:25 - Bibəl ta Sar̄

²⁵ Jóo nəkɔ́ ń kaadə́ gə̄ teēn̄neé kɔ̄ɔ́ kem ɓē kə́ Ejiptə tə́ ní, m-ə́lá ngé kəla yāḿ gə̄ malang ń i ngé koō ta gə̄ ní rɔ̄də́ tə́ kə dɔ ndɔ̄ gə̄, kanjə̄ kɔr ta tə́.

Bible sar

²⁵ Jóo nəkɔ́ ń kaadə́ gə̄ teēn̄neé kɔ̄ɔ́ kem ɓē kə́ Ejiptə tə́ ní, m-ə́lá ngé kəla yāḿ gə̄ malang ń i *ngé koō ta gə̄ ní rɔ̄də́ tə́ kə dɔ ndɔ̄ gə̄, kanjə̄ kɔr ta tə́.

JEREMI 7:25 Referans Kwoze

JEREMI 25:4

Kɔ́ɔ̄ɓē əla ngé kəla yān gə̄ malang ń i ngé koō ta gə̄ ní rɔ̄sí tə́ kanjə̄ kɔr ta tə́, banī sḭḭ̄ ōōī najə̄ yādə́ aĺ ō, ī-nēlī mbīsí ōōīneé najə̄ kɔr̄də́ aĺ ō.

2 YÁ̰A̰ GƏ̄ 36:15

Kɔ́ɔ̄ɓē Nə́ɓā yā kaadə́ gə̄ əla ngámbang kəla yān gə̄ adə̄ tāān̄də́ kə kum mbang kə́ majaá ō, tāān̄də́ i kə̄ nja naā tə́ ō. Tām̄ kumən o̰o̰n najə̄ yā gḭ́r deē yān gə̄ tə́ ō, kújə yān tə́ ō.

EJEKIEL 2:3

Ni ədam̄ na: Ḭ̄ ń i ngōn̄ deē ní, m-ā m-ə́laī kə̄ rɔ̄ ngán Israel gə̄ tə́. Nin̄ i ɓūtə̄ de kə́ ngé mbātə́ najə̄ gə̄ kə́ mbātə́mə̄n̄ kɔ̄ɔ́. Nin̄ gə̄gē, kaadə́ gə̄gē, mbātə́mə̄n̄ bátə́ ɓōólaā.

JEREMI 7:13

Dan ń sḭḭ̄ ī-rāāī yá̰a̰ gə̄ ń toō malang ō, m-ɔ̄r̄ najə̄ sesí kə̄ nja naā tə́ ba ī-mbātíī koō ō, m̄-ɓārsí ba ī-mbātíī ndigə ō ní,

NEHEMI 9:26

Banī nin̄ rāān̄ dɔ ngan̄g, mbātə́n̄ kadə̄ ó̰o̰ ɓē dɔdə́ tə́. Taān̄ ndū najə̄ yāí ənīn̄ gidədə́ tə́ ta kaw̄ kə̄ nú. Nin̄ tɔ̄lə̄n̄ ngé koō ta yāí gə̄ ń i ngé ra sedə́ gagar ta tél reē gogə̄ rɔ̄í tə́ ní. Háĺdə́ ń rāān̄ ní majaĺ ngá̰ý,

NEHEMI 9:30

Ī-tə́gā taí dɔdə́ tə́ ɓāl̄ ngá̰ý. Ī-ndán̄gdə́ dɔ háĺdə́ kə́ majaĺ tə́ kə ta kūl̄ Ndílí, tɔdɔ̄ ə̄ndā najə̄ ta ngé koō ta yāí gə̄ tə́ adə̄ ədan̄də́, banī nin̄ nēlə̄n̄ mbīdə́ oōn̄neé najə̄ ní alé. Adə̄ ə́ládə́ kem jī de gə̄ kə dɔ ɓē kə́ rang gə̄ tə́.

ESDRAS 9:7

Əla gír ɓāl̄ yā kaají gə̄ tə́ bátə́ ɓōólaā ní, gír deē yājí gə̄ rāān̄ yá̰á̰ kə́ gōtə́ aĺ gə̄ ngá̰ý. I tām̄ najə̄ ń noō tə́ n mban̄g kə́ tə̄rā gə̄ ndin̄neé dɔjí tə́ ō, dɔ mban̄g yājí gə̄ tə́ ō, dɔ ngé tun̄ yá̰a̰ yājí gə̄ tə́ ō, rɔ̄ɔ̄n̄neéjí ō, aw̄n̄neé sejí ɓəloó ō, ɔyn̄neé yá̰a̰ kənge yājí gə̄ ō, əlan̄neé rɔ̄sɔl̄ dɔjí tə́ ō tītə̄ ń rāān̄neé ɓōólaā ɓáý ní.

NDŪ NAJƏ̄ 9:7

Ādə̄ əga kemsí dɔ rāā ń ī-rāāī Kɔ́ɔ̄ɓē Nə́ɓā yāsí adə̄ wōn̄g rāān kem dəla loo tə́ ní. Ī-lōōī kadə̄ dɔsí ndígə̄nal nge ń noō. Əla gír dɔ ndɔ̄ ń ī-teēīneé kɔ̄ɔ́ kem ɓē kə́ Ejiptə tə́ ī-reēīneé bátə́ ūgīneé loo ń toō tə́ laā ní, sḭḭ̄ ī-rāāī i kəla mbātə́ najə̄ ta Kɔ́ɔ̄ɓē tə́.

Najə̄ kə́ Majə yā Jeju ń Luk ndang ní 11:49

I tām̄ najə̄ ń noō tə́ n Nə́ɓā əda kə kum kedēé na: M-ā m-ə́la kə ngé koō ta gēé ō, kə ngámbang kəla gēé ō yā kadə̄də́. Nin̄ a tɔ̄lə̄n̄ ngé kə́rēý gə̄ dandə́ tə́ ō, a rāān̄ ngé kə́rēý gə̄ ndoō tə́ ō.

2 YÁ̰A̰ GƏ̄ 24:19

Gō tə́ anī Kɔ́ɔ̄ɓē əla ngé koō ta yān gə̄ kadə̄ tél reēn̄ sedə́ gogə́ rɔ̄n tə́, banī deē oō najə̄ yādə́ alé.

IJAI 5:4

Yá̰a̰ malang kə́ tām̄ yā ndɔr̄ kāgə̄ nduú tə́ ní m̄-rāā. Yá̰á̰ kə́ dɔ nge ń noō tə́ ɓáý kə́ kadə̄ m̄-rāā tām̄ yān tə́ gətóo. m̄-ndi m-ā m̄-ngóō i ta kan̄ nduú kə́ majə, banī ndɔr̄ kāgə̄ nduú yāḿ teē i kə kan̄ nduú kə́ masə̄ n adə̄m̄ ní. Ní, i tām̄ yā rí tə́?

JEREMI 11:7

m̄-tā kaasí gə̄ ɓang ɓang ndɔ̄ ń m̄-teēń sedə́ kɔ̄ɔ́ kem ɓē kə́ Ejiptə tə́ ní bátə́ ɓōólaā. m̄-tāādə́ kanjə̄ kɔr ta tə́ m-ə́da na: Ōōī ndūḿ.

JEREMI 25:3

Əla gír kem ɓāl̄ kə́ nge ko̰ kutə gidə i mətá ń Josias ngōn̄ Amon ndiń mban̄g dɔ ɓē kə́ Juda tə́ bátə́ ɓōólaā, adə̄ i kem ɓāl̄ kutə jōó gidə i mətá tə́ ní, Kɔ́ɔ̄ɓē ɔr̄ najə̄ seḿ ō, m̄-to dan kɔr̄ najə̄ sesí ō, banī sḭḭ̄ ōōī najə̄ ń m-ɔ̄r̄ ní alé.

JEREMI 29:19

Tɔdɔ̄ nin̄ oōn̄ najə̄ yāḿ alé. Nin̄ ń m̄-to dan kəla ngé kəla yāḿ gə̄ ń i ngé koō ta gə̄ rɔ̄də́ tə́ ní, oōn̄ najə̄ yāḿ alé. Najə̄ ń Kɔ́ɔ̄ɓē əda ní n noó.

JEREMI 35:14

Yonadab, ngōn̄ Rekab ɔgə̄ ngánən gə̄ ka̰ȳ kasə nduú anī nin̄ ɓōlə́n̄ ndíl najə̄ ń kaadə́ ədadə́ ní, adə̄ bátə́ ɓōólaā gə̄gē ní nin̄ a̰ȳn̄ kasə nduú alé. Banī mā m̄-ɔ̄r̄ najə̄ sesí kanjə̄ kɔr ta tə́ ba ōōī najə̄ yāḿ alé.

JEREMI 35:15

m̄-to dan kəla ngé kəla yāḿ gə̄ ń i ngé koō ta gə̄ ní kə̄ rɔ̄sí tə́ kadə̄ ədan̄sí na: Sḭḭ̄ kógə̄ḿ kógə̄ḿ malang ní ī-tūrī háĺsí kə́ majaĺ gə̄ rɔ̄kum, ī-tūrī yá̰a̰ rāāsí gə̄ ō, ī-lōōī ngɔ̄də̄ gō nə́ɓā kə́ rang gə̄ yā ndɔ̄ȳdə́ ō. Anī ā ī-ndiī dɔ nang ń m-ādə̄ kaasí gə̄ ō, madə̄sí sḭḭ̄ ō ní tə́. Banī sḭḭ̄ ī-nēlī mbīsí ōōīneé najə̄ yāḿ alé.

JEREMI 44:4

M-ə́la ngé kəla yāḿ gə̄ ń i ngé koō ta gə̄ ní rɔ̄sí tə́ kanjə̄ kɔr ta tə́ kadə̄ ədan̄sí na: Ī-lōōī rāā yá̰á̰ kə́ majaĺ ngá̰ý gə̄ ń nelə̄m̄ aĺ ní.

OJEE 12:10

Əla gír i ndɔ̄ ń ḭ̄ ī-teēń kɔ̄ɔ́ kem ɓē kə́ Ejiptə tə́ ní n mā n ń i Kɔ́ɔ̄ɓē Nə́ɓā yāí ní. M-ā m̄-rāāī kadə̄ ā ī-tél yā ndi gíŕ kújə tandā gə̄ tə́, tītə̄ kə́ kété, dan ń m-ə́ngeńsí ní.

AMOS 2:11

Ɓāl̄ ngá̰ý gō tə́ anī, m̄-ɓāŕ ngáńsí kə́rēý gə̄ kə́ dan ngáńsí gə̄ tə́, kadə̄ télən̄ ngé koō ta gə̄. Ba dan balsáa yāsí gə̄ tə́ ɓáa, m̄-ɓāŕ ngé kə́rēý gə̄ kadə̄ ənīn̄ ndūdə́ yā kɔrə̄ń kam̄ rɔ̄də́ tām̄ yāḿ tə́, kə ta kūl̄ ndūdə́ kə́ nin̄ ənīn̄. Israel gə̄, i najə̄ kə́ rɔ̄kum n noó aĺ a? I mā Kɔ́ɔ̄ɓē n m-ə́da najə̄ ń noō ní.

MALASI 3:7

Jī bēl̄ loo rāā yá̰a̰ gə̄ ń m̄-ndóōsí ní, sḭḭ̄ ə́ya̰īdə́ sa̰y kɔ̄ɔ́, úniī gōdə́ alé, tītə̄ ń kaasí gə̄ rāānəń ní. Ī-téliī kə̄ rɔ̄ḿ tə́, anī m-ā m̄-tél kə̄ rɔ̄sí tə́. I mā Kɔ́ɔ̄ɓē kə́ bo kə́ tɔ́gə́ḿ i ngá̰ý n m-ə́da najə̄ ń noō ní. Banī sḭḭ̄ ī-dəjeī najə̄ ə́daī na ké ā ī-téliī kə̄ rɔ̄ḿ tə́ i ba̰ý wa.

OJEE 11:7

Gír deē yāḿ gə̄ mbātə́mə̄n̄ kɔ̄ɔ́ ō, nel̄də́ ra dɔ ndūdə́ tə́ aĺ ngá̰ý ō. Ɓārə́n̄də́ kadə̄ ḭḭ ran̄ kə njadə́ dɔɔ́, banī nge ń noō a rāā yá̰á̰ kógə̄ḿ alé.