JEREMI 7:24 - Bibəl ta Sar̄

²⁴ Banī nin̄ oōn̄ ndūḿ alé. Nin̄ nēlə̄n̄ mbīdə́ aĺ ō, ba rāān̄ yá̰a̰ kə gō kemdə́ ɔjəń dɔ dɔ ngan̄g yādə́ kə́ al̄ naā ngá̰ý ō, tūrə̄n̄ gidədə́ taḿ tə́ kɔ̄ɔ́ ō.

Bible sar

²⁴ Banī nin̄ oōn̄ ndūḿ alé. Nin̄ nēlə̄n̄ mbīdə́ aĺ ō, ba rāān̄ yá̰a̰ kə gō kemdə́ ɔjəń dɔ dɔ ngan̄g yādə́ kə́ al̄ naā ngá̰ý ō, tūrə̄n̄ gidədə́ taḿ tə́ kɔ̄ɔ́ ō.

JEREMI 7:24 Referans Kwoze

JEREMI 8:5

Jerusalem, i tām̄ rí tə́ á gír de gə̄ ń toō tūrə̄n̄ gidədə́ kɔ̄ɔ́ taḿ tə́ ō, túyn̄ taā kem yādə́ kə̄ nodə́ tə́ kanjə̄ kadə̄ asədə́ ō ní? Nin̄ gólə̄n̄ rɔ̄də́ kə̄ nodə́ tə́ ba mbātə́n̄ tél dɔ njadə́ tə́.

JEREMI 7:26

Banī nin̄ oōn̄ ndūḿ alé, nin̄ nēlə̄n̄ mbīdə́ alé, ba rāān̄ dɔ ngan̄g, kemdə́ ndul mān̄ yā kaadə́ gə̄.

NDŪ NAJƏ̄ 29:19

Kɔ́ɔ̄ɓē a mā̰ȳ rɔ̄n dɔn tə́ alé. Wōn̄g a rāān seneé ngá̰ý ō, jang a rāān seneé ngá̰ý ō, adə̄ ni a əya̰n karī alé. A əndan kə yá̰á̰ kə́ tōr̄ gə̄ malang ń ndangən̄ najə̄ yādə́ kem makətūbə̄ ń toō tə́ ní ō, a rāā kadə̄ əga kem de gə̄ dɔn tə́ dɔ nang tə́ to̰ aĺ ō.

EJEKIEL 20:13

Banī Israel gə̄ mbātə́mə̄n̄ kem dəla loo tə́. Nin̄ unən̄ gō ndū najə̄ yāḿ gə̄ aĺ ō, mbātə́n̄ jī bēl̄ loo rāā yá̰a̰ yāḿ gə̄ ō. Tá i nin̄ n a rāān̄ ngé kundə́ rāań kəla gə̄ kadə̄ ndin̄ kə kumdə́ ní. Nin̄ kídə̄n̄ ndɔ̄ sabat nja i ngá̰ý. m̄-tél m̄-gír̄ bə̄gā wōn̄g yāḿ kə́ ngá̰ý dɔdə́ tə́ ɓáý kadə̄ oyn̄.

JEREMI 32:33

nin̄ tūrə̄n̄ i gə́ra gōdə́ n adə̄mə̄n̄ ní ba i nɔtə nodə́ alé. m̄-ndóōdə́ yá̰a̰ kanjə̄ kɔr ta tə́ gə̄gē, ba nin̄ əndān̄ mbīdə́ gírí aĺ ō, ndigən̄ yá̰a̰ gə̄ ń m̄-ndóōdə́ ní aĺ ō.

OJEE 4:16

Israel rāā dɔ ngan̄g tītə̄ man̄g kə́ mbātə́ rāā kəla beé. Ní, ngɔlaā ní Kɔ́ɔ̄ɓē a rāā gír deē yān gə̄ i ngán batə̄ gə̄ ń deē a aw̄ sedə́ dɔ mu kə́ ngá̰ý tə́ ní a?

EJEKIEL 20:21

Banī ngáńdə́ gə̄ rāān̄ dɔ ngan̄g seḿ. Nin̄ rāān̄ yá̰a̰ gə̄ ń ndū najə̄ yāḿ əda ní aĺ ō, unən̄ gō jī bēl̄ loo rāā yá̰a̰ yāḿ gə̄ aĺ ō. Tá i nin̄ n a rāān̄ ngé kundə́ rāań kəla gə̄ kadə̄ ndin̄ kə kumdə́ ní. Nin̄ kídə̄n̄ ndɔ̄ sabat. Loo ń noō tə́ m̄-gír̄ bə̄gā wōn̄g yāḿ kə́ ngá̰ý dɔdə́ tə́ kem dəla loo tə́, kadə̄ wōn̄g yāḿ ní rāā kəla bátə́ ta tɔ̄l̄ ta tə́.

EJEKIEL 20:8

Banī kaasí gə̄ rāān̄ dɔ ngan̄g, nin̄ mbātə́n̄ koō najə̄ yāḿ. Ɓesə̄ kə́ majaĺ ngá̰ý gə̄ ń əsōn̄ kumdə́ ní, deē kógə̄ḿ dandə́ tə́ kə́ mbātə́də́ gətóo. Adə̄ ɓesə̄ gə̄ kə́ Ejiptə tə́ ní, deē kógə̄ḿ kə́ əya̰də́ kɔ̄ɔ́ gətóo. Loo ń noō tə́ m̄-gír̄ bə̄gā wōn̄g yāḿ kə́ ngá̰ý dɔdə́ tə́ dɔ nang kə́ Ejiptə tə́, kadə̄ wōn̄g yāḿ ní rāā kəla bátə́ ta tɔ̄l̄ ta tə́.

JEREMI 15:6

I ḭ̄ n ə́yam̄ kɔ̄ɔ́ ō, ī-tūr̄ gidií taḿ tə́ kɔ̄ɔ́ ō ní. M-ə́la jīḿ kə̄ dɔí tə́ kadə̄ m̄-nujə seí. Kɔr asəm̄ ta tə́gā taḿ tə́.

JEREMI 3:17

Kem ndɔ̄ gə̄ ń noō tə́ ní, a ɓārə́n̄ Jerusalem na i ‹Kōr̄ kāgə̄ mbang yā Kɔ́ɔ̄ɓē›. Nápar de gə̄ malang a a̰ȳn̄ kum kə̄ rɔ̄n tə́ najə̄ yā rī Kɔ́ɔ̄ɓē ń əndān̄ dɔn tə́ ní. A ton̄ gír rāā dɔ ngan̄g yādə́ kə́ majaĺ al̄ naā tə́ to̰ alé.

JEREMI 2:27

Nin̄ ədan̄ kāgə̄ na: Ḭ̄ i bɔbə́ḿ, nin̄ ədan̄ mbal̄ na: I ḭ̄ n ójəm̄. Rɔ̄kum, nin̄ tūrə̄n̄ i gə́ra gōdə́ n ɔjəmə̄n̄ ba i nɔtə nodə́ alé. Ba dan nəkɔ́ ń yá̰á̰ kə́ to kum tō ndoō teē dɔdə́ tə́ anī, nin̄ ədamə̄n̄ na: Ḭ́ḭ dɔɔ́, ájə́jí!

NEHEMI 9:29

Ī-ra sedə́ ta tél reē gogə́ dɔ ndū najə̄ yāí tə́, banī nin̄ rāān̄ dɔ ngan̄g oōn̄ yá̰a̰ gə̄ ń ə́dádə́ ní alé. Gō míndə gə̄ ń ə́da kadə̄ deē rāā anī a ndi kə kumuú ní, nin̄ mbātə́n̄ rāā kɔ̄ɔ́. Nin̄ dumə̄n̄ naā ō, rāān̄ dɔ ngan̄g ō. Nin̄ mbātə́n̄ koō najə̄ yāí ō kɔ̄ɔ́.

EJEKIEL 20:16

m̄-túbə i tām̄ usədə́ dɔ jī bēl̄ loo rāā yá̰a̰ yāḿ gə̄ tə́ aĺ ō, mbātə́n̄ rāā yá̰a̰ gə̄ ń ndū najə̄ yāḿ gə̄ ədan̄ ní ō, nin̄ kídə̄n̄ ndɔ̄ sabat ō. Tɔdɔ̄ kemdə́ i dɔ nə́ɓā yādə́ kə́ rɔ̄kum aĺ gə̄ tə́.

JEREMI 23:17

Nin̄ nāān̄ kəda ngé gə̄ ń kídə̄n̄ najə̄ yā Kɔ́ɔ̄ɓē ní na, Kɔ́ɔ̄ɓē əda na: Yá̰a̰ malang a njə̄rā majə tām̄ yāsí tə́. Nin̄ ədan̄ náā nəkɔ́ ń a rāā dɔ ngan̄g kə̄ non tə́ ní na: Yá̰á̰ kə́ to kum kaȳ aĺ a əsō dɔí tə́ alé.

JEREMI 9:14

I tām̄ ń toō tə́ n Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, ɔr̄ najə̄ tītə̄ ń toō beé ní: M-ā m-ādə̄ gír de gə̄ ń toō man̄ ngəra kāgə̄ kə́ katə̄ kárárá ō, man̄ kə́ yḛl kum ō kadə̄ a̰ȳn̄.

JEREMI 13:11

M-ə́hɔ de gə̄ malang kə́ gír yā Israel tə́ ō, kə́ gír yā Juda tə́ ō kə̄ rɔ̄ḿ tə́, tītə̄ loo do̰ō̰ ta kūbə̄ lḛ́ḛ ɓōdə̄ tə́ beé. I yā kadə̄ télən̄ gír deē yāḿ gə̄ ō, rī ɓār̄ yāḿ ō, yá̰a̰ tɔ̄ȳ yāḿ ō, yá̰á̰ súū rɔ̄ yāḿ ō, banī usədə́ nin̄ dɔ tə́ alé. Najə̄ ń Kɔ́ɔ̄ɓē əda ní n noó.

JEREMI 16:12

Sḭḭ̄ tā anī ī-rāāī yá̰a̰ majaĺ tɔȳ yā kaasí gə̄ ɓáý. Náā nəkɔ́ ɓáa rāā dɔ ngan̄g kə́ dum̄ kəda ta tə́ kə̄ non tə́ ba ōōī najə̄ yāḿ alé.

JEREMI 17:23

Nin̄ oōn̄ najə̄ yāḿ alé ō, nēlə̄n̄ mbīdə́ alé ō. Ba rāān̄ dɔ ngan̄g adə̄ mbātə́n̄ koō yá̰a̰ gə̄ ń m-ɔ́jə́də́ ní ō, mbātə́n̄ kun dɔdə́ tə́ ō.

JEREMI 18:10

Banī ré nin̄ rāān̄ yá̰á̰ kə́ majaĺ ń m̄-mbātə́ kɔ̄ɔ́ ní kanjə̄ kadə̄ oōn̄ najə̄ yāḿ anī, m-ā m̄-lōō gír rāā yá̰á̰ kə́ majə ń m-ɔ́jə rāā sedə́ tə́ ní.

JEREMI 18:12

Banī nin̄ ədan̄ na: Yá̰á̰ kə́ yā rāā to̰ gətóo. Jḭḭ, j-a j-un i gō yá̰á̰ ń jə-gír̄ yā rāā ní ō, náā nəkɔ́ ɓáa a rāā dɔ ngan̄g kə́ al̄ naā kə̄ non tə́ ō.

JEREMI 35:15

m̄-to dan kəla ngé kəla yāḿ gə̄ ń i ngé koō ta gə̄ ní kə̄ rɔ̄sí tə́ kadə̄ ədan̄sí na: Sḭḭ̄ kógə̄ḿ kógə̄ḿ malang ní ī-tūrī háĺsí kə́ majaĺ gə̄ rɔ̄kum, ī-tūrī yá̰a̰ rāāsí gə̄ ō, ī-lōōī ngɔ̄də̄ gō nə́ɓā kə́ rang gə̄ yā ndɔ̄ȳdə́ ō. Anī ā ī-ndiī dɔ nang ń m-ādə̄ kaasí gə̄ ō, madə̄sí sḭḭ̄ ō ní tə́. Banī sḭḭ̄ ī-nēlī mbīsí ōōīneé najə̄ yāḿ alé.

OJEE 10:6

A unən̄ ngōn̄ man̄g yā kaw̄ seneé dɔ nang kə́ Asiri tə́ ō. A adə̄n̄ mban̄g kə́ bo kə́ dɔ nang ngeé ń noō tə́ ngōn̄ man̄g ní kadə̄ karī tə́. A télən̄ kə Epəraim kə̄ nang tə́, a̰á̰ā̰, rɔ̄ Israel a sɔlə̄n najə̄ yā yá̰a̰ gə̄ ń ni núm̄ rāā tə́ ní.

MISE 6:16

Sḭḭ̄ ī-ndájī jī bēl̄ loo rāā yá̰a̰ gə̄ yā mban̄g Omri ō, yā ngōnə̄n Akab ō, yā kojə yān ō. Sḭḭ̄ ī-ndájī jī bēl̄ loo rāā yá̰a̰ yādə́. Adə̄ m-ā m̄-nujə ɓē bo yāsí kɔ̄ɔ́. I beé n de kə́ rang gə̄ a əgōn̄neésí sḭḭ̄ de gə̄ ń ī-ndiī kemeé ní. Rɔ̄sɔl̄ ń rāā gír deē yāḿ gə̄ ní, a rāāsí.

PĀ GƏ̄ 81:13

Loo ń noō tə́ m-ə́yá̰də́ kə kem ngan̄g yādə́, kadə̄ rāān̄ yá̰á̰ ń kemdə́ gḛy ní tā!

JEREMI 3:13

Majə kadə̄ ī-gēr̄ gō majaĺ ń ī-rāā ní. I Kɔ́ɔ̄ɓē Nə́ɓā yāí n ī-mbātə́n ní. ī-ndi gotə kógə̄ḿ alé ba ī-tə́lá halí naā tə́ kə nə́ɓā kə́ mbā gēé kə gír kāgə̄ kə́ mbōl̄ gə̄ malang. Sḭḭ̄ ōōī ndūḿ alé. Najə̄ ń Kɔ́ɔ̄ɓē əda ní n noó.

JEREMI 6:16

Najə̄ ń Kɔ́ɔ̄ɓē əda ní n toó: Ī-dəbaī kum róbə gə̄ tə́, ba á̰a̰ī loo, ī-dəjeī najə̄ kə́ dɔ róbə́ kə́ jóó ngá̰ý gə̄ tə́. I róbə́ kə́ rá n i róbə́ kə́ majə ní? Ī-njə̄rāī tū tə́ anī, ā ə́ngeī loo kə́ kadə̄ ī-taāīneé koō. Ba nin̄ ədan̄ na: J-a jə-njə̄rā tū tə́ alé.

JEREMI 13:10

Gír de kə́ ngé kem ndul gə̄ ń mbātə́n̄ koō najə̄ yāḿ ba rāān̄ dɔ ngan̄g kə̄ nodə́ tə́ ō, ngɔ̄də̄n̄ gō nə́ɓā kə́ rang gə̄ tə́ yā ndɔ̄ȳdə́ ō, ɔsən̄ nodə́ nang tə́ nodə́ tə́ rɔȳn̄də́ ō ní, ādə̄ tél ton̄ tītə̄ ta kūbə̄ do̰ō̰ ɓōdə̄ ń toō ń majə rāań yá̰a̰ to̰ alé ní.

JEREMI 17:9

Gír̄ kə́ kem de gə̄ tə́ tə́la naā ngá̰ý. Dum̄ kadə̄ ḭ̄ deē ɔ̄r̄də́ dɔ tə́.

JEREMI 22:21

M-ɔ̄r̄ najə̄ seí dan ń usiīneé dɔ yá̰a̰ tə́ aĺ ní. ba ī-tél ə́da na: m̄-gḛy koō ngōn̄ najə̄ sḛ́ý aĺ bátə́. I yá̰á̰ ń noō n ī-rāā kə ngōn̄ dūúí bátə́ ɓōólaā ní. Ḭ̄ ōō najə̄ yāḿ nja kógə̄ḿ alé.

JEREMI 32:23

Nin̄ udən̄ kem ɓē ní tə́ ō, taān̄ kə́ yādə́ tə́ ō, banī mbātə́n̄ ndūí ō, mbātə́n̄ rāā yá̰á̰ ń ndū najə̄ yāí gə̄ ədan̄ ní ō. Nin̄ mbātə́n̄ rāā yá̰a̰ malang ń ə́dádə́ kadə̄ rāān̄ ní kɔ̄ɔ́. I tām̄ ń toō tə́ n ḭ̄ ī-rāā ādə̄ yá̰á̰ kə́ to kum kaȳ aĺ gə̄ malang ń toō rāādə́ ní.

DANIEL 9:6

Ngé kəla yāí kə́ ngé koō ta gə̄ ń unən̄ rīí ɔr̄nneé najə̄ kə mban̄g yājí gə̄ ō, ngār yājí gə̄ ō, kaají gə̄ ō, de gə̄ malang kə́ kem ɓēé gə̄ ō ní, jə-mbātə́ koō najə̄ yādə́.

JAKARI 7:11

Banī de gə̄ mbātə́n̄ koō najə̄ ń toō kété kɔ̄ɔ́ ɓá. Nin̄ tūrə̄n̄ gidədə́ ta tə́ ō, utə̄n̄ mbīdə́ kɔ̄ɔ́ ō, yā koōń najə̄ ní alé.