JEREMI 7:23 - Bibəl ta Sar̄

²³ Yá̰á̰ ń m̄-dəjedə́ ní n toó ngóy: Ōōī najə̄ yāḿ anī m-ā m̄-téĺ Nə́ɓā yāsí ō, sḭḭ̄ ā ī-téliī gír deē yāḿ gə̄ ō. Ré úniī gō róbə́ ń m̄-rāā tām̄ yāsí tə́ ní anī, ā ī-ndiī majə.

Bible sar

²³ Yá̰á̰ ń m̄-dəjedə́ ní n toó ngóy: Ōōī najə̄ yāḿ anī m-ā m̄-téĺ Nə́ɓā yāsí ō, sḭḭ̄ ā ī-téliī gír deē yāḿ gə̄ ō. Ré úniī gō róbə́ ń m̄-rāā tām̄ yāsí tə́ ní anī, ā ī-ndiī majə.

JEREMI 7:23 Referans Kwoze

Teē Ngán Israel gə̄ 15:26

Ni-ədadə́ na ré oōn̄ tan ni Kɔ́ɔ̄ɓē Nə́ɓā yādə́ rɔ̄kum, adə̄ rāān̄ yá̰á̰ ń n-a̰a̰ kadə̄ i yá̰á̰ kə́ gōtə́ ní ō, əndān̄ mbīdə́ oōn̄neé yá̰a̰ gə̄ ń ndang kadə̄ yā rāā ní ō, rāān̄ yá̰a̰ malang ń ndū najə̄ yān gə̄ ədan̄ ní ō anī, mo̰y kə́ dáńg dáńg gə̄ ń n-adə̄ rāā de kə́ Ejiptə gə̄ ní na a rāādə́ nin̄ alé, tɔdɔ̄ ni na i Kɔ́ɔ̄ɓē nge kajədə́ dɔ mo̰y tə́.

NDŪ NAJƏ̄ 5:33

I róbə́ ń Kɔ́ɔ̄ɓē Nə́ɓā yāsí njar nosí tə́ ní n ā úniī kə ndɔ̄ gə̄ ní, yā kadə̄ ī-ndiīneé kə kumsí ō, rɔ̄sí nelə̄ńsí ō, ī-ndiīneé ta kaw̄ jóo dɔ nang ń ā ī-taāī tə́ ní ō.

JEREMI 42:6

Ká ré najə̄ ní nel̄jí aáā, nel̄jí aĺ aáā, j-a j-oō najə̄ ta Kɔ́ɔ̄ɓē Nə́ɓā yājí ń j-əlaī rɔ̄n tə́ ní, yā kadə̄ yá̰a̰ malang əsō naā tə́ majə najə̄ koō ń j-oō tan ní tə́.

HEBƏRO 5:9

Dan ń Nə́ɓā rāān adə̄ tél de kə́ majə ɔtə̄ kə taá oy anī, ngé gə̄ malang ń oōn̄ tan ní əngen̄ kajə kə́ ngándáńg kə ta kūl̄neé.

NDŪ NAJƏ̄ 6:3

Ngán Israel gə̄ ōōī ō, ə̄ndāī kumsí gírí kadə̄ úniī gō ō, ɓáa rɔ̄sí a nel̄sí ō, kutəsí a reē ngá̰ý dɔ madə̄ tə́ ō, kem ɓē ń mba ō, yibə̄ tejə ō, i ngá̰ý tū tə́ ní tə́ tītə̄ ń Kɔ́ɔ̄ɓē Nə́ɓā yā kaasí ənīń míndən adə̄sí ní.

NDŪ NAJƏ̄ 30:20

Ā ī-táŕ Kɔ́ɔ̄ɓē Nə́ɓā yāí ō, ōō tan ō, ī-tə́ya̰ gon tə́ ō. I beé n ā ī-ndiń kə kumií ɓāl̄ ngá̰ý dɔ nang ń Kɔ́ɔ̄ɓē ənī ndūn yā kadə̄ kaaí Abəraham ō, Isaak ō, Jakob ō tə́ ní.

NDŪ NAJƏ̄ 13:4

ī-lōōī koō najə̄ yān. Tɔdɔ̄ nge ń noō i Kɔ́ɔ̄ɓē Nə́ɓā yāsí n a nāāsí yā ka̰a̰ń ké ī-tárniī kə ngarā̰ kemsí mámák ō, kə rɔ̄sí malang ō, wa noó.

JEREMI 11:4

Najə̄ ń m̄-ndang m-ādə̄ kaasí gə̄ dan ń m̄-teēń sedə́ kɔ̄ɔ́ kem ɓē kə́ Ejiptə tə́ ō, kum hor nō gində̄ tə́ ō ní, m-ə́dá na: Ōōī ndūḿ ō, ī-rāāī yá̰a̰ malang ń m̄-ndang m-ādə̄sí ō. I beé n sḭḭ̄ a ī-téliīneé gír deē yāḿ gə̄ ō, mā mā i Nə́ɓā yāsí ō ní.

NDŪ NAJƏ̄ 5:29

Ré ran̄ dɔ míndə́də́ tə́ ō, ɓōlə́n̄ ndílə́ḿ adə̄ rāān̄ yá̰a̰ malang ń m-ə́dádə́ kadə̄ rāān̄ ní ō, kə ndɔ̄ gə̄ anī, nin̄ ō, ngáńdə́ gə̄ ō, ngán kaadə́ gə̄ ō ní rɔ̄də́ a nel̄də́ i ta kaw̄ kə̄ jóo.

2 KORḚNTƏ 10:5

yá̰a̰ gə̄ malang ń de gə̄ rāān̄ kə kɔjə rɔ̄ɔ́ yā kɔgə̄ń de gə̄ ger̄ Nə́ɓā ní ō. J-əhɔ j-a gír̄ kə́ kem de gə̄ tə́ malang ɓəlo tə́ kadə̄ oōn̄ ta Kərist.

NDŪ NAJƏ̄ 30:2

Ā ī-tél yā reē rɔ̄ Kɔ́ɔ̄ɓē Nə́ɓā yāí tə́ yā koō tan. Yá̰a̰ gə̄ ń ədaī kadə̄ ī-rāā á m-ɔ́jiī ɓōólaā ní, ḭ̄ ō, ngání gə̄ ō, ngán kaaí gə̄ ō, ā ī-rāāī kə gōó kə ngarā̰ kemsí malang ō, kə rɔ̄sí malang ō.

JEREMI 11:7

m̄-tā kaasí gə̄ ɓang ɓang ndɔ̄ ń m̄-teēń sedə́ kɔ̄ɔ́ kem ɓē kə́ Ejiptə tə́ ní bátə́ ɓōólaā. m̄-tāādə́ kanjə̄ kɔr ta tə́ m-ə́da na: Ōōī ndūḿ.

NDŪ NAJƏ̄ 30:8

banī sḭḭ̄ ā ī-téliī yā koō tan gogə́ rang, adə̄ ā ī-rāāī gō míndə malang ń ədasí kadə̄ ī-rāāī á m-ɔ́jə́sí ɓōólaā ní.

Makətūbə̄ ń Pol ndang adə̄ Rom gə̄ ní 16:26

Yá̰á̰ ní rāā yá̰a̰ kem ndɔ̄ yājí gə̄ ń toō tə́ adə̄ to i kə̄ dɔ ndágá. Tītə̄ ń Nə́ɓā kə́ ndi ngándáńg əda ń yá̰a̰ gə̄ kə́ ɔsə kə de gēé kadə̄ rāān̄ ní, nápar de gə̄ malang gerə̄n̄ najə̄ ní ta kūl̄ najə̄ gə̄ ń ngé koō ta gə̄ ndangən̄ ní, yā kadə̄ ré nin̄-taān̄ kem anī oōn̄ ta Nə́ɓā.

NDŪ NAJƏ̄ 4:10

Ādə̄ əga kemsí dɔ ndɔ̄ ń āw̄ ī-rāīneé no Kɔ́ɔ̄ɓē Nə́ɓā yāsí tə́ nja mbal̄ Horeb tə́ ní. Kɔ́ɔ̄ɓē ədam̄ na: Ɔ́sə dɔ gír de gə̄ kə̄ naā tə́ rɔ̄ḿ tə́ ādə̄ m-ɔ̄r̄ najə̄ sedə́, kadə̄ ndóōn̄ loo ɓōĺ ndílə́ḿ dan ń a ndin̄neé kə kumdə́ dɔ nang tə́ ní ō, kadə̄ ndóōn̄ ngáńdə́ gə̄ kadə̄ gerə̄n̄ ō.

JEREMI 31:33

Madə̄ naā ń m-ā m̄-rāā kə de kə́ gír yā Israel tə́ gə̄ gō ndɔ̄ gə̄ ń noō tə́ ní n toó: M-ā m-ə̄ndā ndū najə̄ yāḿ gə̄ mósə́də́ tə́ ō, m-ā m̄-ndangən ngarān̄g kemdə́ tə́ ō. M-ā m̄-téĺ Nə́ɓā yādə́ ō, nin̄ a télən̄ gír deē yāḿ gə̄ ō. Najə̄ ń Kɔ́ɔ̄ɓē əda ní n noó.

NDŪ NAJƏ̄ 11:27

Ré ī-rāāī yá̰a̰ gə̄ ń Kɔ́ɔ̄ɓē Nə́ɓā yāsí əndā dɔsí tə́ kadə̄ ī-rāāī á m-ə́dásí ɓōólaā ní anī, tɔ́r̄ ta i dɔsí tə́.

NDŪ NAJƏ̄ 5:16

Ī-rɔȳ bɔbí nin̄ kə kó̰ó̰í tītə̄ ń Kɔ́ɔ̄ɓē Nə́ɓā yāí ədaīneé ní, yā kadə̄ ī-ndiń kə kumií ta kaw̄ jóo ō, kadə̄ rɔ̄í nelīiń dɔ nang ń Kɔ́ɔ̄ɓē Nə́ɓā yāí adī tə́ ní ō.

Teē Ngán Israel gə̄ 16:32

Moijə əda ngán Israel gə̄ na Kɔ́ɔ̄ɓē əda na kə yā kɔy mána kem kórō kógə̄ḿ yā ɓōkə́ kem yá̰á̰ yā ngɔ̄m̄ tām̄ yā ngáńdə́ gə̄ tə́ ō, ngán kaadə́ gə̄ tə́ ō, yā kadə̄ nin̄ a̰a̰n̄neé yá̰a̰ kəsa ń Kɔ́ɔ̄ɓē ngɔ̄məńdə́ kem dəla loo tə́ dan ń teēń sedə́ kem ɓē kə́ Ejiptə tə́ kɔ̄ɔ́ ní.

1 SAMUEL 15:22

Banī Samuel əda na: Dā̰ gə̄ kə́ róō horoó ō, yá̰á̰ kə́ tun̄ gə̄ ō ní, nel̄ Kɔ́ɔ̄ɓē tītə̄ ń koō tan nelə̄nneé ní a? Yḛtə alé. Koō ta Kɔ́ɔ̄ɓē majə tɔȳ yá̰á̰ kə́ tun̄ kadən̄ ō, sɔl̄ dɔ majə tɔȳ yibə̄ bal batə̄ gə̄ ō.

PĀ GƏ̄ 40:6

Kɔ́ɔ̄ɓē Nə́ɓā yāḿ, yá̰á̰ ń ī-nóm̄ ō, yá̰á̰ kə́ to kɔr kum gə̄ ń ī-rāā tām̄ yājí tə́ ō ní, i yá̰á̰ kə́ bo ngá̰ý gə̄! De kə́ tītīí gətóo. m̄-gḛy kəda najə̄ yá̰a̰ gə̄ ní ō, tél kəda kə̄ nja naā tə́ ō, tā ba yá̰á̰ kə́ yā kəda gə̄ ní alə̄n̄ naā ngá̰ý.

PĀ GƏ̄ 81:13

Loo ń noō tə́ m-ə́yá̰də́ kə kem ngan̄g yādə́, kadə̄ rāān̄ yá̰á̰ ń kemdə́ gḛy ní tā!

IJAI 3:10

Ngé gə̄ ń oōn̄ ta Nə́ɓā ní, ásiī kəda na nin̄ i ngé rɔ̄nel̄ gə̄. Yá̰á̰ ń nin̄ rāān̄ ní, a əngen̄ yá̰á̰ kə́ majə tām̄ yādə́ tə́ gírí.

JEREMI 13:11

M-ə́hɔ de gə̄ malang kə́ gír yā Israel tə́ ō, kə́ gír yā Juda tə́ ō kə̄ rɔ̄ḿ tə́, tītə̄ loo do̰ō̰ ta kūbə̄ lḛ́ḛ ɓōdə̄ tə́ beé. I yā kadə̄ télən̄ gír deē yāḿ gə̄ ō, rī ɓār̄ yāḿ ō, yá̰a̰ tɔ̄ȳ yāḿ ō, yá̰á̰ súū rɔ̄ yāḿ ō, banī usədə́ nin̄ dɔ tə́ alé. Najə̄ ń Kɔ́ɔ̄ɓē əda ní n noó.

JEREMI 22:3

Najə̄ ń Kɔ́ɔ̄ɓē əda ní n toó: Ī-rɔ̄ɔ̄ī dɔ yá̰á̰ kə́ súmūú tə́ ō, yá̰á̰ kə́ gōtə́ tə́ ō. Ī-taāī deē ń rāān̄ kumən ndoō tə́ ní jī nge kəsa tətō de gə̄ tə́. Ī-lōōī rāā kum de gə̄ ndoō tə́, ī-lōōī rāā nge nam̄ ɓē ō, ngōn̄ hal ō, dəyá̰ kə́ ngaa koy ō, yá̰á̰ kə́ tōr̄. Ī-lōōī ɓōkə́ mósə de kə́ najə̄ gətóo dɔn tə́ loo ń toō tə́.

JEREMI 24:7

M-ā m-ādə̄də́ kur̄ dɔ kə́ kadə̄ nin̄ gerə̄n̄neé na mā i Kɔ́ɔ̄ɓē. A télən̄ gír deē yāḿ gə̄ ō, mā i Nə́ɓā yādə́ ō, a télən̄ yā reē rɔ̄ḿ tə́ kə ngarā̰ kemdə́ malang.

JEREMI 38:20

Jeremi tél əda na: A əlanī jīdə́ tə́ alé. Ōō ndū Kɔ́ɔ̄ɓē kem najə̄ gə̄ ń m-ɔ̄r̄ seí tə́ toō anī, yá̰a̰ malang a əsō naā tə́ majə ō, ā ī-teē ta yo tə́ ō.

SOPONI 3:2

Ɓē ní oō ɓār̄ yā Kɔ́ɔ̄ɓē alé. Ni ndigə tāā ń Kɔ́ɔ̄ɓē tāān ní aĺ ō, ənī kemən adə̄ Kɔ́ɔ̄ɓē aĺ ō, ndɔ́tə̄ ngɔr kə̄ rɔ̄ Nə́ɓā yān tə́ aĺ ō.

JAKARI 6:15

Ngé gə̄ ń nin̄ i sa̰y ní, a reēn̄ yā tél rāā kújə yā Kɔ́ɔ̄ɓē gogə́ rang. Loo ń noō tə́ ā ī-gerī kadə̄ i Kɔ́ɔ̄ɓē kə́ bo kə́ tɔ́gən i ngá̰ý rɔ̄kum n əlam̄ kə̄ rɔ̄sí tə́ ní. Yá̰á̰ ń noō a rāā yá̰a̰ dan ń ōōī ta Kɔ́ɔ̄ɓē Nə́ɓā yāsí rɔ̄kum ní.

JAKARI 7:7

Kɔ́ɔ̄ɓē əndā najə̄ gə̄ ń noō ta ngé koō gə̄ tə́ adə̄ nin̄ gɔŕyɔ̄nəń de gə̄ kété kɔ̄ɔ́ ɓá. Dan ngeé ń noō tə́ ní, de kə́ Jerusalem gə̄ ō, kə́ kem ɓē gə̄ ń gīrə̄n̄ gidə ɓē kə́ Jerusalem ō tə́ ní, ndin̄ lɔm. Gō nang kə́ Negeb ō, gō nang kə́ mbal̄ bo gə̄ gətóon̄ tū tə́ ō ní, de gə̄ ndin̄ tū tə́.

NDŪ NAJƏ̄ 4:40

Ndū najə̄ yān gə̄ ō, yá̰a̰ gə̄ ń ni-əndā dɔsí tə́ kadə̄ ī-rāāī ō ń m-ɔ́jə́sí ɓōólaā ní, úniī gō, kadə̄ sḭḭ̄ ō, ngáńsí gə̄ ō, ngán kaasí gə̄ ń a utə̄n̄ gōsí ní ō, ə́ngeīneé rɔ̄nel̄ ō, ī-ndiīneé kə kumsí ta kaw̄ kə̄ jóo dɔ nang ń Kɔ́ɔ̄ɓē Nə́ɓā yāsí adə̄sí kə́ kə́ njɔ́ḿ gə̄ tə́ gə̄ tə́ ní ō.

NDŪ NAJƏ̄ 13:5

I Kɔ́ɔ̄ɓē Nə́ɓā yāsí ngóy n ā úniī gōn ō, ā ī-ɓōlíī ndílən ō ní. I yá̰a̰ gə̄ ń ni ədasí kadə̄ ī-rāāī ní ngóy n ā ī-rāāī ní ō. Ā ōōī i ndūn ni ō, ā ī-rāāī i kəla yān ni ō, ā ī-tə́ya̰ī i gōn ni tə́ ō.

Makətūbə̄ yā Job 36:11

Ré nin̄ oōn̄ ba sɔlə̄n̄ dɔdə́ kə̄ no Nə́ɓā tə́ anī, a tɔ̄lə̄n̄ ta ndɔ̄də́ i dan ndi majə tə́ ō, a tɔ̄lə̄n̄ ta ɓāl̄də́ gə̄ i dan rɔ̄nel̄ tə́ ō.

PĀ GƏ̄ 119:3

Nin̄ rāān̄ yá̰á̰ kə́ majaĺ alé, banī rāān̄ i yá̰á̰ ń Nə́ɓā mēr̄də́ rāā ní.

JEREMI 22:21

M-ɔ̄r̄ najə̄ seí dan ń usiīneé dɔ yá̰a̰ tə́ aĺ ní. ba ī-tél ə́da na: m̄-gḛy koō ngōn̄ najə̄ sḛ́ý aĺ bátə́. I yá̰á̰ ń noō n ī-rāā kə ngōn̄ dūúí bátə́ ɓōólaā ní. Ḭ̄ ōō najə̄ yāḿ nja kógə̄ḿ alé.

JEREMI 32:23

Nin̄ udən̄ kem ɓē ní tə́ ō, taān̄ kə́ yādə́ tə́ ō, banī mbātə́n̄ ndūí ō, mbātə́n̄ rāā yá̰á̰ ń ndū najə̄ yāí gə̄ ədan̄ ní ō. Nin̄ mbātə́n̄ rāā yá̰a̰ malang ń ə́dádə́ kadə̄ rāān̄ ní kɔ̄ɔ́. I tām̄ ń toō tə́ n ḭ̄ ī-rāā ādə̄ yá̰á̰ kə́ to kum kaȳ aĺ gə̄ malang ń toō rāādə́ ní.