JEREMI 7:21 - Bibəl ta Sar̄

²¹ Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: Ī-reēī kə yá̰a̰ tun̄ kə́ yā róō horoó gə̄ dɔ yá̰a̰ tun̄ yāsí gə̄ tə́, ba ə́saī dā̰də́.

Bible sar

²¹ Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā *Israel, əda ní n toó: Ī-reēī kə *yá̰a̰ tun̄ kə́ yā róō horoó gə̄ dɔ *yá̰a̰ tun̄ yāsí gə̄ tə́, ba ə́saī dā̰də́.

JEREMI 7:21 Referans Kwoze

OJEE 8:13

Nin̄ ndə̄jə̄mə̄n̄ yá̰á̰ kə́ tun̄ gə̄, i tɔdɔ̄ nin̄ gḛyn̄ kəsa dā̰. Banī mā Kɔ́ɔ̄ɓē m̄-ndigə yá̰a̰ tun̄ yādə́ gə̄ alé. Ngɔlaā ní, a əga kemḿ dɔ yá̰a̰ rāādə́ gə̄ kə́ gōtə́ aĺ gə̄ tə́, m-ā m̄-rāādə́ yá̰á̰ kə́ tōr̄ najə̄ mān̄ ń nin̄ mānə̄n̄ dɔ ndūḿ gə̄ ní tə́. I gáŕ kadə̄ nin̄ a télən̄ yā kaw̄ gogə́ dɔ nang kə́ Ejiptə tə́.

JEREMI 6:20

Usəm̄ i rí dɔ kajaja kə́ kḭḭ Saba tə́ ō, dɔ tə̄ɓā kə́ kotə majə kə́ kḭḭ dɔ ɓē kə́ sa̰y ngá̰ý tə́ ō? m̄-gḛy yá̰a̰ tun̄ yāsí kə́ róō horoó gə̄ alé, yá̰á̰ ndējə̄ yāsí gə̄ nelə̄m alé.

IJAI 43:23

Tá ī-reē kə ngán batə̄ gə̄ ī-tɔ̄l̄ ādə̄m̄ alé, dan ń ā ī-ndējə̄də́ ní ḭ̄ ɔ́sə gɔnəḿ alé. m̄-rāāī ɓəlo tə́ kə ta kūl̄ ra seí ta ndējə̄m̄ yá̰a̰ alé. m̄-rāāī adə̄ kɔr rāāī kə ta kūl̄ dəjeī kajaja alé.

JEREMI 14:12

Ré ndin̄ ɓō tām̄ yāḿ tə́ a, m-ā m-ōō nōō yādə́ alé. Ré ndējə̄mə̄n̄ dā̰ gə̄ kə́ yā róō horoó ō, yá̰a̰ ndējə̄ kə́ rang gə̄ ō anī, a nelə̄m̄ kə yá̰a̰ gə̄ ń noō alé. M-ā m̄-tɔ̄l̄də́ kə kaskaraá ō, kə ɓōó ō, kə mo̰y ngāl̄bɔ̄gīí ō, kadə̄ təgān̄.

EJEKIEL 33:25

I beé ní, ə́dádə́ na: Najə̄ kɔr̄ Kɔ́ɔ̄ɓē Nə́ɓā n toó: Sḭḭ̄ ə́saī dā̰ kə mósó ō, ī-rɔyī ɓesə̄ gə̄ ō, sḭḭ̄ ī-tɔ̄lī de gə̄ ō. Ní, loo kadə̄ ɓē i yāsí i ba̰ý?

NDŪ NAJƏ̄ 12:27

Ré i dā̰ kə́ yā róō horoó kə taá malang anī, ā ī-ndējī Nə́ɓā dā̰n ō, mósən ō, dɔ loo tun̄ yá̰a̰ yā Kɔ́ɔ̄ɓē Nə́ɓā yāsí tə́. Ré i dā̰ kə́ yā tun̄ tām̄ yā kem kógə̄ḿ tə́ anī, ā ī-ɓōkíī mósən dɔ loo tun̄ yá̰a̰ yā Kɔ́ɔ̄ɓē tə́ ba ā ə́saī dā̰ ní.

PĀ GƏ̄ 50:8

M-ə̄ndā najə̄ dɔí tə́ i tām̄ yá̰a̰ tun̄ yāí gə̄ tə́ alé. Yá̰a̰ tun̄ yāí kə́ róō horoó gə̄ ton̄ ta kumḿ tə́ ngándáńg.