JEREMI 7:20 - Bibəl ta Sar̄

²⁰ I tām̄ ń toō tə́ n najə̄ ń Kɔ́ɔ̄ɓē Nə́ɓā əda ní n toó: M-ā m̄-bə̄gā wōn̄g yāḿ, wōn̄g kə́ ngá̰ý yāḿ dɔ loo ń toō tə́ ō, dɔ de gə̄ tə́ ō, dɔ dā̰ gə̄ tə́ ō, dɔ kāgə̄ kə́ bembeé gə̄ tə́ ō, dɔ kum kōō gə̄ kə́ teēn̄ dɔ nang tə́ tə́ ō. I hor kə́ a oy aĺ bátə́.

Bible sar

²⁰ I tām̄ ń toō tə́ n najə̄ ń Kɔ́ɔ̄ɓē Nə́ɓā əda ní n toó: M-ā m̄-bə̄gā wōn̄g yāḿ, wōn̄g kə́ ngá̰ý yāḿ dɔ loo ń toō tə́ ō, dɔ de gə̄ tə́ ō, dɔ dā̰ gə̄ tə́ ō, dɔ kāgə̄ kə́ bembeé gə̄ tə́ ō, dɔ kum kōō gə̄ kə́ teēn̄ dɔ nang tə́ tə́ ō. I hor kə́ a oy aĺ bátə́.

JEREMI 7:20 Referans Kwoze

JEREMI 42:18

Rɔ̄kum, najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: Tītə̄ ń wōn̄g yāḿ ō, wōn̄g kə́ ngá̰ý yāḿ ō rāāmə̄nneé dɔ de kə́ Jerusalem tə́ gə̄ ní, wōn̄g kə́ ngá̰ý yāḿ a rāām̄ dɔsí tə́ i tītə̄ ń noō ō, dan ń ā ūgīneé Ejiptə tə́ ní. Sḭḭ̄ ā ī-téliī i yá̰á̰ kə́ nujə sák sák kɔ̄ɔ́ ō, kə́ túbə ō, ndɔ̄ĺ ō i dɔ tə́, kə́ de gə̄ kídə̄n̄ ō, kə́ to rɔ̄sɔl̄ ō.

JEREMI 17:27

Banī ré sḭḭ̄ ī-mbātíī koō najə̄ yāḿ, adə̄ ɔ̄rī kam̄ ndɔ̄ sabat aĺ ō, ə̄tōī yá̰á̰ kə́ kɔȳ gə̄ ō, údiī kə ta róbə́ kə́ Jerusalem tə́ gə̄ ndɔ̄ sabat tə́ ō anī, m-ā m̄-rāā hor ta róbə ɓē gə̄ tə́ kadə̄ a o̰o̰ kújə́ kə́ majə ngá̰ý kə́ Jerusalem tə́ gə̄ ō, a oy aĺ ō.

IJAI 42:25

I tām̄ najə̄ ń toō tə́ n Kɔ́ɔ̄ɓē bə̄gā wōn̄g yān kə́ ngá̰ý dɔdə́ tə́ ō, rāā adə̄ yá̰á̰ kə́ to ka̰ā̰ aĺ ngá̰ý gə̄ ń rɔ̄ɔ̄ a reēń ní, teē dɔdə́ tə́ ō ní. Wōn̄g yān ní əla hor kə̄ loo gə̄ tə́, banī Israel gə̄ gerə̄n̄ kum alé. Hor o̰o̰ Israel gə̄, banī nin̄ rāān̄ i yá̰a̰ ngōn̄ ndām̄ tə́.

NAHUM 1:6

I náā n asə ra ta wōn̄g yān tə́ ní? I náā n asə ndi kə kumneé dan ń wōn̄g yān o̰o̰ yá̰a̰ malang kə́ hor tə́ ní? Wōn̄g ní taā loo tītə̄ hor kə́ o̰o̰ loo beé. Mbal̄ gə̄ njárə̄n̄ non tə́.

EJEKIEL 22:22

Ā ī-toī tītə̄ gində̄ arjā̰a̰ kə́ yḛḛ̄ kum hor tə́ beē. Loo ń noō tə́ ā ī-gerī kadə̄ i mā Kɔ́ɔ̄ɓē n m̄-bə̄gā wōn̄g yāḿ kə́ ngá̰ý dɔsí tə́ ní.

NŌŌ RƆ̄ 4:11

Wōn̄g rāā Kɔ́ɔ̄ɓē al̄ naā, adə̄ bə̄gā wōn̄g kə́ ngá̰ý ní dɔ ɓē kə́ Siyo̰ tə́. Ni-əla hor dɔ tə́ adə̄ o̰o̰ gír gisə ɓē.

JEREMI 44:6

Adə̄ m-bə̄gā wōn̄g yāḿ, wōn̄g kə́ ngá̰ý yāḿ, kadə̄ nujə ɓē gə̄ kə́ Juda ō, kə̄lá róbə gə̄ kə́ Jerusalem ō, tītə̄ hor kə́ o̰o̰ loo beé. Nin̄ télən̄ loo kə́ nujə sák sák kɔ̄ɔ́ gə̄ ō, loo kə́ yá̰a̰ gətóo tū tə́ gə̄ ō, yá̰á̰ ń rāā yá̰a̰ ngɔlaā ní n toó.

IJAI 66:24

Dan ń de gə̄ a teēn̄ kem ɓēé kə̄ ndágá anī, a a̰a̰n̄ nīń de gə̄ ń mbātə́n̄ najə̄ gōḿ tə́ ba əsōn̄ wōn̄g ní. Kəde gə̄ ń əsan̄də́ ní a oyn̄ aĺ bátə́ ō, hor ń o̰o̰də́ ní a oy aĺ bátə́ ō. I yá̰á̰ kógə̄ḿ kə́ majə ka̰ā̰ aĺ ngá̰ý kə́ a to tām̄ yā de gə̄ malang kə́ dɔ nang tə́ tə́.

2 MBAN̄G 22:17

De kə́ Jerusalem gə̄ əya̰mə̄n̄ kɔ̄ɔ́, nin̄-tunə̄n̄ yá̰a̰ adə̄n̄ nə́ɓā gə̄ ń i ɓesə̄ gə̄ ní. Yá̰a̰ malang ń nin̄ rāān̄ ní adə̄m̄ wōn̄g. Ba wōn̄g ń rāām̄ kə ɓē ń toō ní i wōn̄g kə́ ngá̰ý adə̄ a dəba alé.

JEJU TEĒ KUM JA̰A̰ 14:10

kɔ́ɔ̄ a a̰ȳ kasə nduú wōn̄g yā Nə́ɓā ō. Ɓōkə́n̄ kasə nduú ní kem kópə wōn̄g yā Nə́ɓā tə́ i kanjə̄ yá̰á̰ kə́ rang kum tə́. Adə̄ yá̰á̰ kə́ tōr̄ a rāā kɔ́ɔ̄ kum hor tə́ ō, kum bursu tə́ ō, ta kum de kə́ dɔ rā̰ tə́ kə́ táĺ gə̄ tə́ ō, ta kum Ngōn̄ batə̄ tə́ ō.

DANIEL 9:11

Israel gə̄ mānə̄n̄ dɔ ndū najə̄ yāí ō, tūrə̄n̄ gidədə́ kɔ̄ɔ́ taí tə́ kanjə̄ koō ndūí ō. Loo ń noō tə́ ndɔ̄ĺ ō kōnjə̄ ō ń ndangən̄ kem makətūbə̄ ndū najə̄ yā nge kəla yāí Moijə tə́ ní reē dɔjí tə́ sɔɔ̄n̄ mbātə́ najə̄ yājí.

JEREMI 14:16

De gə̄ ń oōn̄ najə̄ kɔr̄ ngé koō ta gə̄ ngeé ń toō ní, a oyn̄ ō. A oyn̄ yo ɓō ō, yo kaskar ō, adə̄ nīńdə́ a taā kum kə̄lá róbə gə̄ kə́ Jerusalem. Nin̄ ō, nə̄yá̰də́ gə̄ ō, ngáńdə́ gə̄ kə́ dəngam ō, kə́ dəyá̰ gə̄ ō a əngen̄ deē kógə̄ḿ kə́ yā dubə̄də́ alé. I loo rāā ń m-ā m̄-rāā kadə̄ majaĺ yādə́ nin̄ kɔ́ gə̄ tél kə̄ dɔdə́ tə́ ní n noó.

JEREMI 12:4

Dɔ nang a əhɔ ndoō i bátə́ ta kə́ rá? Mu kə́ ndɔrɔ́ a tutə kɔ̄ɔ́ malang i bátə́ ta kə́ rá? De kə́ kem ɓēé gə̄ ń ədan̄ na Nə́ɓā a̰a̰ yá̰á̰ kə́ ndɔ̄ń tə́ alé ní, kem ndul yādə́ a tɔ̄l̄ dā̰ kə́ bembeé gə̄ ō, yel̄ gə̄ ō yā təgā.

MATIYE 3:12

Yá̰á̰ tóó yá̰a̰ i jīn tə́. Ni a ɔr̄ njár̄ kōō tayā ō, a ɔr̄ təsá kōō tayā ō. Ni a ɔy njár̄ kōō yān kə́ kem gárāá kə̄ mō̰yō̰ó̰, ba təsán tá a róō kum hor kə́ a oy aĺ bátə́ tə́.

IJAI 10:17

Kɔ́ɔ̄ɓē ń i loo kə́ unjə̄ kow yā Israel ní, a tél hor kógə̄ḿ. Ta ndo̰ hor gə̄ yā Nə́ɓā kə́ táĺ a əla hor tū túpə kōn̄ gə̄ tə́ ō, hor ní a o̰o̰də́ i kem ndɔ̄ kógə̄ḿ beē ō.

JEREMI 6:11

Wōn̄g kə́ ngá̰ý yā Kɔ́ɔ̄ɓē rosə kemḿ. M-ə́hɔ rɔ̄ḿ dɔ tə́ sétə́. I bə̄gā wōn̄g ní dɔ ngáń kə́ kum róbó gə̄ tə́ ō, balsáa gə̄ ń ɔsən̄ dɔdə́ naā tə́ malang ní ō. Əhɔn̄ de kə́ dəngam gə̄ ō, de kə́ dəyá̰ gə̄ ō, de kə́ tɔgə ɓə́ga ō, de kə́ ɓālə̄n i ngá̰ý ō.

JEREMI 6:12

I de kə́ rang gə̄ n a ndin̄ kem kújə yādə́ gə̄ tə́ ní. Ndɔr̄ yādə́ gə̄ a télən̄ i ndɔr̄ yā de kə́ rang gə̄ ō, I de kə́ rang gə̄ n a ɓīīn̄ kə nə̄yá̰də́ gēé ō ní. M-ə́la jīḿ kə̄ dɔ de kə́ kem ɓēé gə̄ tə́. Najə̄ ń Kɔ́ɔ̄ɓē əda ní n noó.

JEREMI 8:13

m̄-gḛy kadə̄ gír yādə́ gān̄g kɔ̄ɔ́. Kan̄ kāgə̄ nduú gətóo dɔ kāgən tə́ ō. Kan̄ kótə̄ gətóo dɔ kāgə̄ tə́ ō. Mbī kāgə̄ gə̄ ndəlē ō. M-ə́yá̰də́ kem jī ngé mān̄ róbə gə̄ tə́.

JEREMI 11:16

Rī ń Kɔ́ɔ̄ɓē əndā dɔí tə́ ní n toó: Kāgə̄ olibə kə́ to mbōl̄ ngándáńg ō, balsáá ngá̰ý kə ta kūl kanə̄n gə̄ kə́ majə páráńg ō. Kɔ́ɔ̄ɓē əla hor ādə̄ o̰o̰ mbīn gə̄ ō, de gə̄ tétə̄n̄ ta jīn gə̄ ō i dan ń kōō yá̰a̰ a ɓārəń kə ngangá ngá̰ý ní tə́.

JEREMI 17:4

A ə́ya̰ ɓē ń m-ādī ní ba ā ɔ̄r̄ rɔ̄í yā ndi kə kérí sa̰y rɔ̄ tə́. M-ā m-ə́la dɔí gír tɔ́gə yā madə̄ ba̰ā̰í gə̄ tə́ kem ɓē kə́ ī-ger̄ aĺ tə́. Tɔdɔ̄ ī-rāāī ādə̄ wōn̄g yāḿ əɓa hor tə́ bup yā ko̰o̰sí kə́ njɔ́ḿ gə̄ tə́.

JEREMI 18:23

Ḭ̄ Kɔ́ɔ̄ɓē ḭ̄ ī-ger̄ najə̄ kə́ asə yoḿ gə̄ malang ń tétə̄n̄ dɔḿ tə́ ní majə. Ɔ̄r̄ yá̰á̰ kə́ gōtə́ aĺ yādə́ ń rāān̄ ní kɔ̄ɔ́ alé. Ādə̄ majaĺ yādə́ gə̄ ń rāān̄ ta kumií tə́ ní gotə to karī alé. Ādə̄ tə́sōn̄ nang tə́ ta kumií tə́. Dan ń wōn̄g yāí a ḭḭ seí ní ɔ́jə́də́ kum.

JEREMI 21:12

Kɔ́ɔ̄ɓē ɔr̄ najə̄ i tītə̄ ń toō beé, sḭḭ̄ de kə́ gír kojə yā Dabid tə́ gə̄ ī-rāāī yá̰á̰ kə́ kə gōó dəloí kə ndɔ̄ gə̄. Ī-taāī deē ń rāān̄ kumən ndoō tə́ ní jī nge kəsa tətō de gə̄ tə́, na sōgə́ wōn̄g yāḿ kə́ ngá̰ý əɓa bup tītə̄ hor beé ō, o̰o̰ loo kanjə̄ kadə̄ deē asə tɔ̄l̄ ō, sɔɔ̄ń kəla rāāsí gə̄ kə́ kə kem nduluú.

SOPONI 1:2

Kɔ́ɔ̄ɓē əda wáńg na: M-ā m-ɔ̄r̄ yá̰a̰ malang kɔ̄ɔ́ dɔ nang tə́.

LEBI GƏ̄ 26:28

m-ā m̄-mbātə́ najə̄ tasí tə́ kə wōngōó ngá̰ý. M-ā m-ə́ndásí tām̄ majaĺ yāsí gə̄ tə́ kadə̄ mān̄ dɔ kə́ kété nja sīrí.

EJEKIEL 7:12

Kum mbang ugə̄, dɔ ndɔ̄ gān̄g sarya i ngɔr. Ādə̄ nge mang yá̰a̰ rāā rɔ̄nel̄ aĺ ō, ādə̄ nge kigə yá̰a̰ əhɔ ndoō aĺ ō. Tɔdɔ̄ wōn̄g rāām̄ i kə ngán Israel gēé malang.

EJEKIEL 7:14

De gə̄ a kɔ̄rə́n̄ bərúnjə ngá̰ý ō, a əndān̄ dɔ yá̰a̰ malang danaá kɔ̄ɔ́ ō ɓá tā, ba deē kógə̄ḿ kə́ yā kaw̄ ta rɔ̄ɔ̄ tə́ a gətóo. Tɔdɔ̄ wōn̄g rāām̄ i kə ngán Israel gēé malang.

SOPONI 1:3

M-ā m̄-rāā kadə̄ deē ndul gə̄ gətóon̄ ō, dā̰ gə̄ gətóon̄ ō, yel̄ kə́ dɔɔ́ gə̄ gətóon̄ ō, kānjə̄ gə̄ kə́ kum bā bo tə́ gətóon̄ ō. M-ā m̄-rāā kadə̄ de kə́ majaĺ gə̄ gətóon̄ ō, yá̰á̰ ń rāādə́ adə̄ a rāān̄ yá̰a̰ majaĺ ní gətóo ō. M-ā m̄-rāā kadə̄ deē ndul gə̄ a gətóon̄ kɔ̄ɔ́ dɔ nang tə́.

JAKARI 7:12

Nin̄ rāān̄ kemdə́ adə̄ ngan̄g tītə̄ mbal̄ diyamā̰a̰ beé. Yá̰á̰ ndóō gə̄ ō, najə̄ gə̄ ō, ń Kɔ́ɔ̄ɓē kə́ bo kə́ tɔ́gən i ngá̰ý ɔjədə́ kə ta kūl̄ ndílən, kə ta kūl̄ ngé koō ta gə̄ kété jóó ní, nin̄ mbātə́n̄ koō. Loo ń noō tə́ wōn̄g rāā Kɔ́ɔ̄ɓē kə́ bo kə́ tɔ́gən i ngá̰ý ngá̰ý