JEREMI 7:2 - Bibəl ta Sar̄

² Ī-ra ta kújə yā Kɔ́ɔ̄ɓē tə́, ə̄nī mbēr̄ najə̄ ń toō ə́da na: Sḭḭ̄ de kə́ Juda tə́ gə̄ malang ń údiī kə ta róbə gə̄ ń toō yā kɔsə nosí nang tə́ rɔȳń Kɔ́ɔ̄ɓē ní, ōōī najə̄ yā Kɔ́ɔ̄ɓē.

Bible sar

² Ī-ra ta *kújə yā Kɔ́ɔ̄ɓē tə́, ə̄nī mbēr̄ najə̄ ń toō ə́da na: Sḭḭ̄ de kə́ *Juda tə́ gə̄ malang ń údiī kə ta róbə gə̄ ń toō yā *kɔsə nosí nang tə́ rɔȳń Kɔ́ɔ̄ɓē ní, ōōī najə̄ yā Kɔ́ɔ̄ɓē.

JEREMI 7:2 Referans Kwoze

JEREMI 26:2

Mā Kɔ́ɔ̄ɓē m-ɔ̄r̄ najə̄ i tītə̄ ń toō beé: Ī-ra ndágə loo kə́ gīr̄ gidə kújə yā Kɔ́ɔ̄ɓē tə́, ba ə́da najə̄ gə̄ malang ń m-ə́daī dɔ de gə̄ ń ndin̄ kem ɓē gə̄ kə́ Juda tə́ á ɔsən̄ nodə́ nang tə́ kem kújə yā Kɔ́ɔ̄ɓē tə́ ní, kanjə̄ kɔr̄ kumən kógə̄ḿ kə̄ gogə́.

JEJU TEĒ KUM JA̰A̰ 3:22

Deē ń i kə mbīneé anī, ādə̄ oō yá̰á̰ ń Ndíl əda Egəlijə gə̄ ní.

AMOS 7:16

Banī ḭ̄ Amasia ə́dam̄ na kə m̄-lōō kəda najə̄ kə́ Nə́ɓā əndā taḿ tə́ yā rɔ̄ɔ̄ń Israel, kə m̄-lōō kɔy najə̄ kə̄ naā tə́ dɔ kojə yā Isaak tə́!

IJAI 1:10

Sḭḭ̄ ngār gə̄ kə́ Sodom, ōōī najə̄ yā Kɔ́ɔ̄ɓē. Sḭḭ̄ gír de kə́ Gomor gə̄, ī-nēlī mbīsí ōōiń yá̰á̰ ndóō yā Nə́ɓā yājí.

MISE 1:2

Sḭḭ̄ gír de gə̄ malang, ōōī! Ḭ̄ dɔ nang ō, de kə́ dɔ nang tə́ gə̄ ō, ī-nēlī mbīsí! Kɔ́ɔ̄ɓē Nə́ɓā a ndi loo yān kə́ táĺ tə́ yā kəndāń najə̄ dɔsí tə́.

OJEE 5:1

Kɔ́ɔ̄ɓē əda na: Sḭḭ̄ ngé tun̄ yá̰a̰ gə̄, ōōī majə, sḭḭ̄ ngār gə̄ yā Israel gə̄, ī-nēlī mbīsí, ba sḭḭ̄ de kə́ ndogó mbangāá gə̄, ī-teēī mbīsí! Majə kadə̄ ī-gāngī sarya kə́ gōtə́. Ɓá tā banī sḭḭ̄ ə́hɔī de gə̄ kə gūmbūú Misəpa. Sḭḭ̄ ī-selíī réńg nodə́ tə́ dɔ mbal̄ Tabor tə́.

JEREMI 44:24

Tā anī, Jeremi əda de gə̄ ń noō malang, dəyá̰ gē dəngam gē na kə oōn̄ najə̄ yā Kɔ́ɔ̄ɓē, nin̄ de kə́ Juda gə̄ ń ndin̄ Ejiptə tə́ ní.

JEREMI 36:10

Tā anī Baruk tə́da najə̄ gə̄ yā Jeremi kə́ kem makətūbūú ɓē Kɔ́ɔ̄ɓēé, kem kújə yā Gemariya, ngōn̄ Sapan kə́ nge ndang makətūbə̄ tə́. Ni-tə́da i ndágə loo kə́ gīr̄ gidə kújə yā Kɔ́ɔ̄ɓē kə́ dɔɔ́ ta róbə kújə kə́ kijə yā Kɔ́ɔ̄ɓē tə́ ta kum kósə de gə̄ tə́ malang.

JEREMI 36:6

Ní īkɔ́ āw̄, ī-tə́da najə̄ kə́ tū tə́ ndɔ̄ ndi ɓō tām̄ yā Nə́ɓā tə́ tə́ ba ī-tə́da najə̄ gə̄ yā Kɔ́ɔ̄ɓē ń m-ādə̄ ī-ndang kem ndāŕ ndang najə̄ kógə̄ḿ kə́ ɓír̄ gidə naā tə́ ní ta kum de gə̄ malang kə́ Juda tə́ ń a ḭḭn̄ kə gō ɓē yādə́ gēé yā reē ní.

JEREMI 34:4

Ɓá tā ba Sedekias, mban̄g kə́ Juda ī-nēl̄ mbīí ōoń najə̄ ń Kɔ́ɔ̄ɓē əda ní. Kɔ́ɔ̄ɓē ɔr̄ najə̄ yāí i tītə̄ ń toō beé: Ā óy yo kaskar alé.

JEREMI 19:14

Jeremi tél Topet ń Kɔ́ɔ̄ɓē əlan kadə̄ ɔr̄ najə̄ yān tū tə́ ní reē. Ni-ra ndágə loo kə́ gīr̄ gidə kújə yā Kɔ́ɔ̄ɓē tə́ tə́ ba əda ngáń Israel gə̄ malang na:

JEREMI 10:1

De kə́ Israel tə́ gə̄, ōōī najə̄ ń Kɔ́ɔ̄ɓē əda dɔsí tə́ ní.

JEREMI 2:4

Ōōī najə̄ kɔr̄ Kɔ́ɔ̄ɓē, sḭḭ̄, deē yā Jakob gə̄, naā tə́ kə de gə̄ kə́ gír kojə yā Israel tə́ malang.

1 MBAN̄G GƏ̄ 22:19

Mise əda na: Majə, ōō najə̄ ń Kɔ́ɔ̄ɓē əda ní: M-á̰á̰ Kɔ́ɔ̄ɓē ndi dɔ kōr̄ kāgə̄ mbang yān tə́, ba de kə́ dɔ rā̰ tə́ gə̄ malang ran̄ rɔ̄n tə́ kə njadə́ dɔɔ́, ran̄ dɔ jī ko̰n tə́ ō, dɔ jī gelən tə́ ō.

JEJU TEĒ KUM JA̰A̰ 3:13

Deē ń i kə mbīneé anī, ādə̄ oō yá̰á̰ ń Ndíl əda Egəlijə gə̄ ní.

JEJU TEĒ KUM JA̰A̰ 3:6

Deē ń i kə mbīneé anī, ādə̄ oō yá̰á̰ ń Ndíl əda Egəlijə gə̄ ní.

JEJU TEĒ KUM JA̰A̰ 2:29

Deē ń i kə mbīneé anī, ādə̄ oō yá̰á̰ ń Ndíl əda Egəlijə gə̄ ní.

JEJU TEĒ KUM JA̰A̰ 2:17

Deē ń i kə mbīneé anī, ādə̄ oō yá̰á̰ ń Ndíl əda Egəlijə gə̄ ní. Deē ń tetə rɔ̄ɔ̄ anī, m-ā m-ādə̄n mána kə́ to loo ɓɔ̄ɔ̄ tə́ ō, m-ā m-ādə̄n mbal̄ kə́ ndaa kə́ ndangən̄ rī kə́ kijə dɔ tə́ ō. I deē ń a ənge mbal̄ ní ngóy n a ger̄ rī ní, ba de kə́ rang a ger̄ alé.

JEJU TEĒ KUM JA̰A̰ 2:11

Deē ń i kə mbīneé anī, ādə̄ oō yá̰á̰ ń Ndíl əda Egəlijə gə̄ ní. Deē ń tetə rɔ̄ɔ̄ anī, a a̰a̰ tápə̄ yā yo kə́ ko̰ jōó alé.

JEJU TEĒ KUM JA̰A̰ 2:7

Deē ń i kə mbīneé anī, ādə̄ oō yá̰á̰ ń Ndíl əda Egəlijə gə̄ ní. Deē ń tetə rɔ̄ɔ̄ anī m-ā m-ādə̄n kan̄ kāgə̄ ndi kə kumuú ń ra loo kə́ majə yā Nə́ɓā tə́ ní kadə̄ əsa.

KƏLA RĀĀ 5:42

Nin̄-ndóōn̄ de gə̄ yá̰a̰ ō, ɔjən̄ de gə̄ Najə̄ kə́ Majə yā Jeju Kərist ō, kə dɔ ndɔ̄ gə̄ kem kújə yā Kɔ́ɔ̄ɓē tə́ ō, kem kújə gə̄ tə́ ɓēé ō.

KƏLA RĀĀ 5:20

Āw̄ ī-raī kem kújə yā Kɔ́ɔ̄ɓē tə́ ba ɔjiī ngán Israel gə̄ najə̄ malang kə́ dɔ ndi kə kumuú ń toō tə́.

JA̰A̰ 18:20

Anī Jeju tél ədan na: M-ə́da de gə̄ najə̄ i wáńg. Mā m̄-ndóō de gə̄ yá̰á̰ ngándáńg i kem kújə́ kán̄ naā gə̄ tə́ ō, kem kújə yā Kɔ́ɔ̄ɓē ń Jipə gə̄ malang a kánə̄n̄ naā tū tə́ ní ō, m-ɔ̄r̄ najə̄ kógə̄ḿ loo mundə̄ tə́ aĺ ō.

MATIYE 13:9

Náā nəkɔ́ ń i kə mbīneé yā koōń loo anī, ādə̄ oō.

MISE 3:9

I beé ní, sḭḭ̄ ngār gə̄ kə́ dɔ kojə yā Jakob tə́, sḭḭ̄ ngé gān̄g sarya gə̄ yā gír de gə̄ yā Israel, ōōī. Yá̰á̰ kə́ gōtə́ nel̄sí aĺ gá̰ý ō, sḭḭ̄ ī-rāāī yá̰á̰ kə́ súmūú adə̄ rugə ō.

MISE 3:1

Ba mā m-ə́dásí na: I beé ɓá ní, sḭḭ̄ ngār gə̄ kə́ dɔ kojə yā Jakob tə́, sḭḭ̄ ń i ngé gān̄g sarya yā gír de gə̄ yā Israel ní, ōōī. Yá̰á̰ ń i yá̰á̰ kə́ gōtə́ ní, i sḭḭ̄ n i ngé ger̄ gə̄ ní wa ḿ?

PĀ GƏ̄ 122:2

Ɓē kə́ Jerusalem, jə-dəba jə-ra ta róbə́ kə́ yā kudəń kə̄ kemií tə́ tə́!

JEREMI 2:2

Āw̄, ə́ga kɔŕ ta mbī de gə̄ kə́ Jerusalem tə́: Najə̄ ń Kɔ́ɔ̄ɓē əda ní n toó: m̄-ter̄ kemií dɔ kəhɔ kə́ ə́hɔ gō Kɔ́ɔ̄ɓē adə̄ gan̄g dan mandií tə́ ō, dɔ tár yāí tə́ dan taí ngaa kijə tə́ ō. Ḭ̄ ún gōḿ kem dəla loo tə́ ō, dɔ nang kə́ deē ndɔr̄ tū tə́ aĺ tə́ ō.

JEREMI 7:1

Kɔ́ɔ̄ɓē ɔr̄ najə̄ kə Jeremií ədan na:

JEREMI 11:6

Kɔ́ɔ̄ɓē ədam̄ na: Āw̄ ə̄nī mbēr̄ najə̄ gə̄ ń toō malang kem ɓē gə̄ kə́ Juda tə́ ō, dɔ kə̄lá róbə gə̄ kə́ Jerusalem tə́ ō. Ōōī najə̄ kə́ dɔ madə̄ naā ń toō tə́ ō, ī-rāāī yá̰á̰ ń najə̄ ngeé ń toō mēr̄sí rāā ní ō.

EJEKIEL 37:1

Kɔ́ɔ̄ɓē əhɔm̄ kə tɔ́gəneé. Ndílən aw̄ seḿ, adə̄ m-á̰a̰ rɔ̄ḿ i kem wól loo kógə̄ḿ kə́ kə̄ngā taān̄ loo tū tə́ tə́.

JEREMI 28:5

Jeremi nge koō ta tél əda Hanania nge koō ta, ta kum ngé tun̄ yá̰á̰ gə̄ tə́ ō, ta kum ngán Juda gə̄ tə́ malang ń ran̄ kem kújə yā Kɔ́ɔ̄ɓē tə́ ní ō