JEREMI 7:18 - Bibəl ta Sar̄

¹⁸ Ngán gə̄ ɔyn̄ kīr̄ ō, bɔbə̄də́ gə̄ unjə̄n̄ hor ō, dəyá̰ gə̄ ló̰ȳn̄ ndujə̄ ō yā rāań mápá kə́ kə yibīí yā kadə̄ Mban̄g kə́ dəyá̰ kə́ dɔ rā̰ tə́. Sḭḭ̄ ī-téteī kasə nang tə́ ādī nə́ɓā kə́ rang gə̄ ādə̄mīneé wōn̄g.

Bible sar

¹⁸ Ngán gə̄ ɔyn̄ kīr̄ ō, bɔbə̄də́ gə̄ unjə̄n̄ hor ō, dəyá̰ gə̄ ló̰ȳn̄ ndujə̄ ō yā rāań mápá kə́ kə yibīí yā kadə̄ Mban̄g kə́ dəyá̰ kə́ dɔ rā̰ tə́. Sḭḭ̄ ī-téteī kasə nang tə́ ādī nə́ɓā kə́ rang gə̄ ādə̄mīneé wōn̄g.

JEREMI 7:18 Referans Kwoze

JEREMI 19:13

Kújə́ kə́ Jerusalem tə́ gə̄ ō, Juda tə́ gə̄ ō, a télən̄ yá̰á̰ kə́ yḛr tītə̄ loo kə́ Topet tə́. Rɔ̄kum, kújə gə̄ ń noō malang ń de gə̄ róōn̄ yá̰a̰ ndējə̄ gə̄ ndágə loo gə̄ kə́ dɔ tə́ tə́ adə̄n̄ tə́yō̰ gə̄ ō, tə́ten̄ kasə nang tə́ tū tə́ adə̄n̄ nə́ɓā kə́ rang gə̄ ō ní, a télən̄ yá̰á̰ kə́ yḛr.

1 KORḚNTƏ 10:22

Aké jə-gḛyī i kadə̄ wōn̄g rāā Kɔ́ɔ̄ɓē a? Jḭḭ̄ jə-ngangī ngá̰ý jə-tɔȳniī a?

1 MBAN̄G GƏ̄ 14:9

Ḭ̄ ī-rāā yá̰á̰ kə́ majaĺ tɔȳ de gə̄ malang ń reēn̄ kété noí tə́ ní. Ḭ̄ ə́ya̰m̄ kɔ̄ɔ́ ba ī-rāā nə́ɓā kə́ rang gə̄ tām̄ yāí tə́, ī-nō nə̄ngá kasə horoó ī-rāā yá̰á̰ kə́rēý kə́ ɔsə kum gotə yá̰a̰ gə̄ ń a ndɔ̄ȳn̄ tə́ ní ī-rāań adə̄ wōn̄g rāām̄.

JEREMI 32:29

Kalde gə̄ ń ənīn̄ ɓē ń toō rɔ̄ɔ̄ ní a udən̄ kemeé. A əlan̄ hor dɔ tə́ yā róōnəń naā tə́ kə kújə gə̄ ń de gə̄ róōn̄ yá̰a̰ ndējə̄ gə̄ kə́ tām̄ yā Baal tə́ ō, tə́ten̄ kasə adə̄n̄ nə́ɓā kə́ rang gə̄ ō, dɔ tə́ dɔɔ́ adə̄ wōn̄g rāām̄ ní. Kɔ́ɔ̄ɓē ɔr̄ najə̄ i tītə̄ ń noō.

JEREMI 25:7

Banī ōōī najə̄ kɔrə̄ḿ alé. Ī-tél ī-nujiī kemḿ kə kəla rāāsí gə̄ ə̄nīīneé yá̰á̰ kə́ to kum kaȳ aĺ kə̄ dɔsí tə́. Najə̄ ń Kɔ́ɔ̄ɓē əda ní n noó.

JEREMI 11:17

I Kɔ́ɔ̄ɓē kə́ bo kə́ tɔ́gən i ngá̰ý ń əndāī ní n, ɓāŕ yá̰á̰ kə́ yá̰á̰ kə́ to kum kaȳ aĺ kadə̄ reē dɔí tə́, najə̄ majaĺ ń de kə́ Israel tə́ gə̄ ō, kə́ Juda gə̄ ō rāān̄ tə́ ní. Nin̄ rāān̄ yá̰á̰ kə́ majaĺ seneé tɔdɔ̄ róōn̄ yá̰á̰ kə́ tun̄ gə̄ adə̄n̄ Baal.

IJAI 3:8

Ɓē kə́ Jerusalem əsō, ɓē ko̰o̰ kə́ Juda teē əsō kərim. Nin̄ əsōn̄ wōn̄g ta tɔ́gə yā Kɔ́ɔ̄ɓē tə́. Rɔ̄ɔ̄n̄ Kɔ́ɔ̄ɓē kə najə̄ kɔr̄də́ ō, kə yá̰a̰ rāādə́ ō.

1 MBAN̄G GƏ̄ 16:2

M-úniī i dan bumbə́rú tə́ n m-ə̄ndāī mban̄g dɔ ngán Israel gə̄ tə́ ní. Ba ī-ndájə̄ kəla rāā Jeroboam ō, ī-sə̄lā ngán Israel gə̄ ādə̄ rāān̄ majaĺ adə̄mə̄n̄neé wōn̄g ō.

NDŪ NAJƏ̄ 32:21

Nin̄ rāān̄ adə̄ m̄-rāā jang kə yá̰á̰ ń i nə́ɓā aĺ ní, rāān̄ adə̄ wōn̄g rāām̄ kə ɓesə̄ gēé. Banī mā m-ā m̄-rāā kadə̄ nin̄ a rāān̄ jang kə de gə̄ kə́ nin̄ i gír de kə́ rɔ̄kum aĺ gə̄ ō, kadə̄ rāān̄ wōn̄g kə nápar de kə́ ger̄ yá̰a̰ aĺ gə̄ ō.

NDŪ NAJƏ̄ 32:16

Israel gə̄ rāān̄ yá̰á̰ kə́ majaĺ gə̄ ngá̰ý adə̄n̄neé Kɔ́ɔ̄ɓē wōn̄g ō. Nin̄ ndɔ̄ȳn̄ ɓesə̄ gə̄ adə̄ tōr̄ Kɔ́ɔ̄ɓē sedə́ ngá̰ý ō.

NDŪ NAJƏ̄ 4:19

Ī-lōōī kənī kumsí kə̄ dɔɔ́ ka̰a̰ń mbang ō, nāā ō, tə́yō̰ gə̄ ō, ɓūtə̄ yá̰a̰ gə̄ kə́ dɔ rā̰ tə́ malang ō, ba kəya̰ rɔ̄sí kadə̄ gólə̄n̄sí kadə̄ ɔ́siī nosí nang tə́ nodə́ tə́ ō, ī-rāāī kəla ādīdə́ ō. Tɔdɔ̄ háĺ yá̰a̰ rāā kə́ tītə̄ ń noō ní, Kɔ́ɔ̄ɓē Nə́ɓā yāsí adə̄ i gír de kə́ rang gə̄ malang ń ndin̄ dɔ nang tə́ ní.

EJEKIEL 20:28

Kété ní m̄-túbə kadə̄ m-ādə̄də́ dɔ nang kógə̄ḿ ō, m-ɔ́ŕdə́ ta róbə m-āw̄ sedə́ dɔ nang ní tə́ ō. Ba dan ń a̰a̰n̄ kāgə̄ kə́ mbīdə́ əga ku gə̄ dɔ ngán mbal̄ gə̄ kə́ kem ɓē ní tə́ anī, ndējə̄n̄ yá̰a̰ tun̄ yādə́ gə̄ tū tə́. Nin̄ ndējə̄n̄ yá̰a̰ ō, tunən̄ yá̰á̰ kə́ kotə majə gə̄ ō, ndējə̄n̄ kasə nduú gə̄ ō loo gə̄ ní tə́ adə̄mə̄n̄neé wōn̄g.

JEREMI 44:25

Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, ɔr̄ najə̄ i tītə̄ ń toō beē: Sḭḭ̄ ō, nə̄yá̰sí gə̄ ō, ɔ̄rī najə̄ ré tasí a̰ȳ aĺ ɓáý anī ī-rāāī yá̰á̰ ń ə́daī ní kɔ̄ɔ́ ɓá. Sḭḭ̄ ə́daī na j-a jə-rāā yá̰á̰ ń j-ənī ndūjí yā rāā ní. J-a jə-róō yá̰a̰ ndējə̄ gə̄ yā kadə̄ Mban̄g kə́ dəyá̰ kə́ dɔ rā̰ tə́ ō, j-a jə-tə́te kasə tə́ nang tə́ yā kadə̄n ō. Tā anī ī-rāāī yá̰a̰ gə̄ ń ə̄nīī ndūsí yā rāā ní ī-tɔ̄lī ta ō, ī-tə́teī kasə yāsí gə̄ nang tə́ ō.

IJAI 65:11

Banī sḭḭ̄ gotə gə̄ ə́ya̰mī kɔ̄ɔ́, dɔsí ndígə̄nal mbal̄ bo yāḿ kə́ táĺ kɔ̄ɔ́. Sḭḭ̄ ī-ndējī Gad ń i nə́ɓā yā kaā majə ní yá̰a̰ kəsa, ī-ndējī Meni ń i nə́ɓā yā yá̰a̰ gə̄ ń a rāān̄ yá̰á̰ ní kasə kə́ guŕ naā tə́.

IJAI 65:3

Gír de gə̄ ń too sāān̄ tām̄ kə̄ nja naā tə́ ō, i kə̄ dɔ ndágá wáńg ō. Nin̄-tunə̄n̄ yá̰á̰ kə́ kem ndɔr̄ gə̄ tə́. Nin̄ róōn̄ ndujə̄ yá̰á̰ kə́ kotə majə gə̄ dɔ bəríkə gə̄ tə́ adə̄n̄ nə́ɓā kə́ rɔ̄kum aĺ gə̄.

IJAI 57:6

Israel, ngán mbal̄ kə́ gidə ndə́lē gə̄ kə́ kum ngōn̄ man̄ tə́ i tām̄ yāí tə́, i núsə́ yá̰á̰ kə́ tām̄ yāí tə́ n noó. Kasə nduú ń ī-tə́te nang tə́ ní, i nin̄ n ī-tun̄ ādə̄də́ ní. I nīn n ī-ndējə̄də́ kadə̄ karī gə̄ ní. Kɔ́ɔ̄ɓē dəje najə̄ əda na: Majə kadə̄ m̄-ndigə yá̰á̰ ń noō a?

PĀ GƏ̄ 16:4

nujən̄ loo ngɔlaā tɔȳ kə́ kété ɓáý. De gə̄ bə̄gān̄ naā aw̄n̄ gōdə́ tə́. Banī mā m-ā m̄-tə́té mósə nang tə́ yā ndējə̄də́ to̰ aĺ ō taḿ a əda rīdə́ to̰ aĺ ō.

JEREMI 7:17

Á̰á̰ yá̰á̰ ń nin̄ a rāān̄ kem ɓē gə̄ kə́ Juda tə́ ō, kum róbə kɔsə gə̄ kə́ Jerusalem tə́ ō ní aĺ a?

JEREMI 17:2

Loo tun̄ yá̰a̰ yādə́ gə̄ ō, kāgə̄ kə́ yā ɓōĺ gidə yādə́ gə̄ ń ran̄ ngɔr kadə ngé gə̄ ń ton̄ mbōl̄ ngándáńg tə́ dɔ ngán mbal̄ kə́ ngāl̄ gə̄ tə́ ō, ní a ɔrə̄n̄ najə̄də́ i tītə̄ loo kɔr̄ najə̄ ngáńdə́ gə̄.

NŌŌ RƆ̄ 5:13

Balsáa gə̄ ətōn̄ mbal̄ riī yá̰a̰ ō, ngán gə̄ bḭ́ḭ̄n̄ kə kāgə̄ kə́ kɔȳ ngá̰ý gə̄ dɔdə́ tə́ ō.

EJEKIEL 8:17

loo ń noō tə́ Nə́ɓā dəjem̄ najə̄, əda na: Ḭ̄ ngōn̄ deē, á̰á̰ yá̰á̰ ń noō a? Yá̰á̰ kə́ majaĺ ngá̰ý gə̄ ń de kə́ Juda tə́ gə̄ ń toō a rāān̄ laā ní asədə́ aĺ ɓáý. Nin̄ ran̄ dɔ tə́ noō rāān̄ adə̄ yá̰a̰ rāā kə́ kə dɔ́nɔ́ taā loo kem ɓēé ō, rāān̄ yá̰a̰ malang yā kadə̄məń wōn̄g ō. Ngɔlaā nin̄ a ndɔ́tə̄n̄ i kə ta jī kāgāá kə̄ ta kóńdə́ tə́ ngɔr.

EJEKIEL 16:26

Ḭ̄ ī-rāā ájə́ba kə de kə́ Ejiptə tə́ gə̄ ń i madə̄ ɓēí gə̄ kə́ rɔ̄də́ majə ngá̰ý ní ō, ī-rāā ájə́ba ní al̄ naā adə̄məń wōn̄g ngá̰ý ō.

JEREMI 1:16

M-ā m̄-gān̄g sarya yāḿ dɔdə́ tə́ sɔɔ̄ń dɔ yá̰á̰ kə́ gōtə́ aĺ gə̄ ń rāān̄ ní: Nin̄ mbātə́mə̄n̄ kɔ̄ɔ́, nin̄ róōn̄ yá̰a̰ ndējə̄ gə̄ adə̄n̄ nə́ɓā kə́ rang gə̄, nin̄-*ɔsən̄ nodə́ nang tə́ no yá̰á̰ kə́ nin̄ kɔ́ gə̄ rāān̄ kə jīdə́ tə́ rɔȳn̄neédə́.

JEREMI 44:4

M-ə́la ngé kəla yāḿ gə̄ ń i ngé koō ta gə̄ ní rɔ̄sí tə́ kanjə̄ kɔr ta tə́ kadə̄ ədan̄sí na: Ī-lōōī rāā yá̰á̰ kə́ majaĺ ngá̰ý gə̄ ń nelə̄m̄ aĺ ní.

EJEKIEL 8:16

Loo ń noō tə́ ni unəm̄ aw̄ seḿ kum kə̄ ndágə loo kə́ gīr̄ gidə kújə yā Kɔ́ɔ̄ɓē kə́ kem kújə yā Kɔ́ɔ̄ɓē tə́. De kə́ dəngam gə̄ kə́ asən̄ kutə jōó gidə i mí ń noō ndin̄ ta róbə́ kə́ yā kudəń kə̄ kem loo kə́ táĺ tə́, dɔ dáń ngōn̄ kújə́ kə́ ta róbə́ tə́ kə loo tun̄ yá̰á̰ tə́. Nin̄ tūrə̄n̄ gidədə́ adə̄n̄ loo kə́ táĺ ba ɔsən̄ kejədə́ nang tə́ ō, ɔsən̄ nodə́ nang tə́ ō, kumdə́ sɔɔ̄ gír ɓē, yā rɔȳń mbang.