JEREMI 7:15 - Bibəl ta Sar̄

¹⁵ M-ā m̄-tə̄ɓāsí rɔ̄ḿ tə́ kɔ̄ɔ́ sa̰y tītə̄ ń m̄-tə̄ɓāń ngákó̰ó̰sí gə̄ malang kə́ gír kaa yā Epəraim tə́ ní ō.

Bible sar

¹⁵ M-ā m̄-tə̄ɓāsí rɔ̄ḿ tə́ kɔ̄ɔ́ sa̰y tītə̄ ń m̄-tə̄ɓāń ngákó̰ó̰sí gə̄ malang kə́ gír kaa yā *Epəraim tə́ ní ō.

JEREMI 7:15 Referans Kwoze

JEREMI 15:1

Kɔ́ɔ̄ɓē ədam̄ na: Ká ré Moijə nin̄ kə Samuel reē ran̄neé ta kumḿ tə́ gə̄gē anī, m-ā m-ōō ndɔ̄ȳ yādə́ kə́ tām̄ yā de gə̄ ń noō tə́ alé. Ī-tə́ɓādə́ kɔ̄ɔ́ ta kumḿ tə́, ādə̄ aw̄n̄.

JEREMI 52:3

I wōn̄g n ndḛḛ̄ Kɔ́ɔ̄ɓē rāā kadə̄ yá̰á̰ kə́ majaĺ gə̄ ń noō reēn̄ dɔ ɓē kə́ Jerusalem tə́ ō, kə́ Juda tə́ ō ní. Ta tɔ̄l̄ ta anī, ni-tə̄ɓā de kə́ kemeé gə̄ əndādə́ sa̰y kɔ̄ɔ́ rɔ̄n tə́. Sedekias mbātə́ kəla dɔn gír tɔ́gə yā mban̄g kə́ Babilon tə́.

2 MBAN̄G 17:23

Ta tɔ̄l̄ ta anī Kɔ́ɔ̄ɓē gḛy ka̰a̰də́ ta kumən tə́ to̰ alé. Ni ɔydə́ aw̄ sedə́ dɔ nang kə́ Asiri tə́, adə̄ ndin̄ noó bátə́ ɓōólaā gə̄gē. I beé n Kɔ́ɔ̄ɓē rāań adə̄ najə̄ ń ni-əda kété ní reē udəń gírí ní. Ni-əndā najə̄ ní i ta ngé kəla gə̄ ń i ngé koō ta yān gə̄ tə́ ní.

OJEE 12:1

Kɔ́ɔ̄ɓē əda na: Gír deē yā Epəraim gə̄ sorə̄n̄ gīr̄nəń gidəḿ. A̰á̰ā̰, Israel gə̄ ɓír̄mə̄n̄ kə gól̄ looó. Deē yā Juda gə̄ i seḿ ɓáý, banī nin̄ na̰yn̄ kə̄ loo kəhɔ gō nə́ɓā kə́ rang gə̄ tə́.

OJEE 9:9

Sḭḭ̄ ə̄sōī kum yá̰a̰ rāā kə́ majaĺ ngá̰ý tə́, tītə̄ ń ə̄sōiń kum tə́ kété kem ɓē kə́ Gibea tə́ ní. A əga kem Nə́ɓā dɔ yá̰a̰ rāāsí gə̄ kə́ majaĺ ngá̰ý tə́, ni a rāā yá̰á̰ kógə̄ḿ sesí najə̄ mān̄ kə́ ī-mānī dɔ ndūn tə́ tə́.

OJEE 9:3

Epəraim gə̄ a asən̄ ndi dɔ nang yā Kɔ́ɔ̄ɓē tə́ alé. Nin̄ a télən̄ yā kaw̄ gogə́ dɔ nang kə́ Ejiptə tə́, aĺ ɓáa a aw̄n̄ Asiri. Nin̄ a əsan̄ yá̰á̰ kə́ yḛr loo ń noō tə́.

OJEE 1:4

Anī Kɔ́ɔ̄ɓē əda Ojee na kə əndā rīn na i Isreel, tɔdɔ̄ sḛ́ý laā anī, m-ā m̄ rɔ̄ɔ̄ kə kojə yā mban̄g Yehu najə̄ yā mósə́ ń ɓōkə́n̄ nang tə́ wól loo kə́ Jisreel tə́ ní. M-ā m̄-nujə ko̰o̰ ɓē yā mban̄g kə́ dɔ nang kə́ Israel tə́ kɔ̄ɔ́.

JEREMI 23:39

á̰a̰ī m-ā m-ə́yá̰sí kɔ̄ɔ́ ō, m-ā m̄-tə̄ɓāsí kɔ̄ɔ́ ta kumḿ tə́ ō. M-ā m-ə́yá̰sí sḭḭ̄ ō, ɓē ń m-ādə̄sí ō, m-ādə̄ kaasí gə̄ ō ní kɔ̄ɔ́.

JEREMI 3:8

mā m-á̰a̰ā̰ ō. Kə́ rɔ̄kum tə́ m̄-mbātə́ Israel kə́ nge túy taā kem yān ō, m-ādə̄n makətūbə̄ mbātə́ naā ō i najə̄ rāā rāȳ yān tə́. Banī yá̰á̰ ń toō əla ɓōĺ kem ngōkó̰o̰n kə́ dəyá̰ ń i Juda kə́ sew aĺ tə́ ní sḛ́ý aĺ bátə́. Adə̄ ni yḛr loo kə́ dɔ nang tə́ tɔdɔ̄ ni-əndā kum kedə̄ dɔ rɔ̄n tə́ alé, ba əla gír rāā ájə́ba ō. Ni-rāā rāȳ tɔdɔ̄ ndɔ̄ȳ mbal̄ ō ndɔ̄ȳ kāgə̄ ō.

2 YÁ̰A̰ GƏ̄ 15:9

Israel gə̄ ngá̰ý kə́ gír ɓē yā Epəraim tə́ ō, Manase tə́ ō, Simeo̰ tə́ ō, tél reēn̄ gō mban̄g Asa tə́. Nin̄ ndin̄ kem ɓē ko̰o̰ yān tə́ tɔdɔ̄ a̰a̰n̄ kadə̄ Kɔ́ɔ̄ɓē i naā tə́ seneé. Mban̄g ɓāŕdə́ ō, ɓāŕ Juda gə̄ malang ō, Benjamḛ gə̄ ō.

2 MBAN̄G 24:20

I wōn̄g n ndḛḛ̄ Kɔ́ɔ̄ɓē rāā kadə̄ yá̰á̰ kə́ majaĺ gə̄ ń noō reēn̄ dɔ ɓē kə́ Jerusalem tə́ ō, dɔ ɓē ko̰o̰ kə́ Juda tə́ ō ní. Ta tɔ̄l̄ ta anī ni-tə̄ɓādə́ əndādə́ sa̰y kɔ̄ɔ́ rɔ̄n tə́. Sedekias mbātə́ kəla dɔn gír tɔ́gə yā mban̄g kə́ Babilon tə́.

PĀ GƏ̄ 51:11

Ún kumií kɔ̄ɔ́ ta yá̰á̰ kə́ majaĺ gə̄ ń m̄-rāā tə́ ní. Ɔ̄l̄ yá̰á̰ kə́ gōtə́ aĺ gə̄ malang ń m̄-rāā ní kɔ̄ɔ́.

IJAI 7:16

Ngɔlaā ní ḭ̄ ī-ɓōĺ mban̄g gə̄ kə́ Aram ō, kə́ Israel ō. Ɓá tā, ba pá tá kadə̄ ngōn̄ ní asə mbātə́ yá̰á̰ kə́ majaĺ ba gə̄rā yá̰á̰ kə́ majə ní, de gə̄ kə́ kem ɓē ko̰o̰ gə̄ kə́ gír i jōó gə̄ ń toō tə́ a əya̰n̄ ɓē yādə́ kɔ̄ɔ́.

JEREMI 9:19

Dəyá̰ gə̄, ōōī najə̄ yā Kɔ́ɔ̄ɓē. Ādə̄ najə̄ kɔrə̄n əsō mbīsí tə́. Ī-ndóōī ngáńsí kə́ dəyá̰ gə̄ pā nōō yo, ī-ndóōī madə̄sí kə́ dəyá̰ gə̄ pā nōō rɔ̄ ō.

EJEKIEL 23:31

Ḭ̄ ī-ndájə̄ ngōkó̰ó̰í kə́ dəyá̰ ń rīn na i Ohola ní. I beé ní, m-ā m̄-rāā kadə̄ ā ā̰ȳ yá̰á̰ kə́ kem bay wōn̄g yāḿ tə́ ō.

OJEE 7:13

Yá̰á̰ kə́ to kum kaȳ aĺ kə́ ba̰ý beē tām̄ yā Epəraim gə̄ tə́! Nin̄ a̰ȳn̄ rɔ̄ḿ tə́ kɔ̄ɔ́ aw̄n̄ sa̰y! A nujən̄də́ kɔ̄ɔ́, tɔdɔ̄ nin̄ əsōn̄ wōn̄g taḿ tə́. Nin̄ ɔrə̄n̄ najə̄ kə́ sor̄ gə̄ dɔḿ tə́. Loo ń noō tə́ ní, m-ā m̄-rāā i ba̰ý n m-ā m-ásəń gān̄g dɔdə́ ní?

OJEE 9:13

Tītə̄ ń m-á̰a̰ń ní, Epəraim rāā ngánən gə̄ i dā̰ gə̄ ń deē a tɔ̄l̄də́ bembeé loo ndo̰o̰ tə́ ní tə́. Ni əya̰də́ adə̄ a tínə̄n̄ ta nge ndo̰o̰.

JONAS 2:4

Ḭ̄ ə̄nīm̄ kem bəlo kə́ ɗúú ngá̰ý tə́ dan ɓūl̄ bā bo tə́ ō, man̄ gīr̄ gidəḿ ō. Ɓəngál man̄ yāí gə̄ malang ō, man̄ yāí malang ō, reēn̄ dɔḿ tə́.

JEREMI 23:33

Ré de gə̄ ń toō adə̄ i nge koō ta, aláa i nge tun̄ yá̰a̰ dəjeī najə̄ əda na: I yá̰á̰ rí yā Kɔ́ɔ̄ɓē n i yá̰a̰ kətō kə́ ɔȳ ngá̰ý ní anī, ə́dan na: I sḭḭ̄ n i yá̰a̰ kətō kə́ ɔȳ ngá̰ý ní, adə̄ m-ā m̄-mbātə́sí kɔ̄ɔ́. Najə̄ ń Kɔ́ɔ̄ɓē əda ní n noó.

EJEKIEL 33:25

I beé ní, ə́dádə́ na: Najə̄ kɔr̄ Kɔ́ɔ̄ɓē Nə́ɓā n toó: Sḭḭ̄ ə́saī dā̰ kə mósó ō, ī-rɔyī ɓesə̄ gə̄ ō, sḭḭ̄ ī-tɔ̄lī de gə̄ ō. Ní, loo kadə̄ ɓē i yāsí i ba̰ý?