JEREMI 7:11 - Bibəl ta Sar̄

¹¹ Sḭḭ̄, ī-rāāī kújə́ ń rīḿ ɓār̄ dɔ tə́ ní i loo ɓɔ̄ɔ̄ rɔ̄ yā ngé tɔ̄l̄ de gə̄ tə́ a? Mā tā a, m-á̰a̰ kadə̄ i beé. Najə̄ ń Kɔ́ɔ̄ɓē əda ní n noó.

Bible sar

¹¹ Sḭḭ̄, ī-rāāī kújə́ ń rīḿ ɓār̄ dɔ tə́ ní i loo ɓɔ̄ɔ̄ rɔ̄ yā ngé tɔ̄l̄ de gə̄ tə́ a? Mā tā a, m-á̰a̰ kadə̄ i beé. Najə̄ ń Kɔ́ɔ̄ɓē əda ní n noó.

JEREMI 7:11 Referans Kwoze

IJAI 56:7

m-ā m̄-rāā kadə̄ nin̄ a reēn̄ dɔ mbal̄ bo yāḿ kə́ táĺ tə́, m-ā m̄-rāā kadə̄ rɔ̄də́ a nel̄də́ ngá̰ý kem kújə ndɔ̄ȳ yāḿ tə́. M-ā m̄-ndigə yá̰á̰ kə́ tun̄ gə̄ ō, yá̰á̰ kə́ kadə̄ karī yādə́ gə̄ ō ń nin̄ ndējə̄mə̄n̄ dɔ loo tun̄ yá̰á̰ tə́ ní. A̰á̰ā̰, a ɓārə́n̄ kújə yāḿ na i kújə ndɔ̄ȳ kə́ tām̄ yā gír de gə̄ tə́ malang.

MATIYE 21:13

ba ədadə́ na: I kə́ ndang kem makətūbūú na a ɓārə́n̄ kújə yāḿ na i kújə ndɔ̄ȳ. Ba sḭḭ̄ ī-rāāī adə̄ tél i bəlo mbal̄ ɓɔ̄ɔ̄ rɔ̄ yā ngé ngān̄g róbə gə̄!

MARK 11:17

Anī ni-ndóōdə́ yá̰a̰, ədadə́ na: I kə́ ndang kem makətūbə̄ tə́ na: A ɓārə́n̄ kújə yāḿ na i kújə ndɔ̄ȳ kə́ tām̄ yā nápar de gə̄ tə́ malang aĺ a? Ba sḭḭ̄ ī-rāāī adə̄ tél i bəlo mbal̄ ɓɔ̄ɔ̄ rɔ̄ yā ngé gān̄g róbə gə̄!

2 YÁ̰A̰ GƏ̄ 6:33

ḭ̄ Kɔ́ɔ̄ɓē ń loo ndií i dɔ rā̰ tə́ ní, ī-ndi tū tə́ ōoń ndū tə̄rā ní ba ī-rāā yá̰a̰ malang ń dəjeī ní. I beé tá gír de kə́ dɔ nang tə́ gə̄ malang a gerə̄n̄neé rīí ō, a ɓōlə́n̄neé ndílí tītə̄ ń gír deē yāí gə̄ a ɓōlə́n̄neé ndílí ní ō, a gerə̄n̄neé kadə̄ rīí ɓār̄ dɔ kújə́ ń toō ń m̄-rāā tə́ ní ō.

JA̰A̰ 2:16

ba əda ngé kigə dér dum gə̄ na kə ɔyn̄ yá̰á̰ ń noō kɔ̄ɔ́, ba kə lōōn̄ rāā kújə yā Bɔbə̄n kújə gātə̄ tə́.

JEREMI 23:24

Deē a ɓɔ̄ɔ̄ rɔ̄n kɔgə̄ loo yān tə́ kanjə̄ kadə̄ mā m-á̰a̰n a? Najə̄ ń Kɔ́ɔ̄ɓē əda ní n noó. I mā n m̄-ndi m̄-taā kem loo kə́ dɔ rā̰ tə́ ō, kə́ dɔ nang tə́ ō ní aĺ a? Najə̄ ń Kɔ́ɔ̄ɓē əda ní n noó.

HEBƏRO 4:13

Yá̰a̰ malang ń Nə́ɓā rāā ní, nge kógə̄ḿ kə́ kumən a̰ā̰ aĺ gətóo. Gíŕ yá̰a̰ malang to i kə̄ dɔ ndágá ta kumən tə́. Kumən aw̄ kə tɔ́gə dɔ yá̰a̰ malang tə́ ō. I ni n j-a j-ɔjiī-n gíŕ yá̰a̰ rāājí gə̄ malang ní ō.

JEREMI 29:23

Majaĺ yādə́ i yá̰á̰ kə́ to rɔ̄sɔl̄ ń rāān̄ Israel tə́ ní. Rāȳn̄ kə nə̄yá̰ madə̄də́ gēé ō, ɔrə̄n̄ najə̄ kə́ rɔ̄kum alé kə rīḿ ō, banī m̄-mēr̄də́ kəda najə̄ kógə̄ḿ alé. Mā m̄-ger̄ ō, m-á̰a̰ kə́ kumḿ ō. Najə̄ ń Kɔ́ɔ̄ɓē əda ní n noó.

JEREMI 2:34

Mósə́ ngé rɔ̄ tō ndoō gə̄ kə́ kanjə̄ najə̄ dɔdə́ tə́ ō, kə́ ə́hɔ́də́ dɔ rāā yá̰á̰ kógə̄ḿ kə́ majaĺ tə́ aĺ gə̄ ō, aw̄ mbóńg to ta kūbə̄ yāí gə̄ tə́.

JEREMI 7:10

ba kə ī-reēī ta kumḿ tə́ kem kújə ń toō ń rīḿ ɓār̄ dɔ tə́ ní yā kəda na: Ajən̄jí kɔ̄ɔ́ ɓá ō, kə ī-toī dan rāā yá̰á̰ kə́ majaĺ gə̄ malang ń noō tə́ ō a?

EJEKIEL 35:13

Najə̄ ń ɔ̄rī seḿ ní ɔjə kadə̄ sḭḭ̄ ī-kídə̄mī. Najə̄ gə̄ ń ɔ̄rī ī-rɔ̄ɔ̄īneé seḿ ní, kɔjə rɔ̄ i ngá̰ý tū tə́. Mā m-ōō majə.

IJAI 1:12

Dan ń ī-reē ī-raī ta kumḿ tə́ anī, sḭḭ̄ ī-taaī ndágə loo gə̄ kə́ gīr̄ gidə kújə yāḿ. Ní m̄-dəjesí kadə̄ ī-rāāī yá̰á̰ ń noō a?

DANIEL 9:18

Ɓɔ́ Nə́ɓā yāḿ, ī-nēl̄ mbīí ōoń! Ī-teē kumií ba á̰a̰ loo yājí kə́ nujə sák sák gə̄ ō, á̰a̰ ɓē ń rīí ɓār̄ dɔ tə́ ní ō! tɔdɔ̄ jə-rāāī ɓɔ́ i kə ta kūl̄ yá̰a̰ rāājí kə́ gōtə́ gə̄ alé, ba i tām̄ kum ko̰ yāí kə́ ngá̰ý tə́.