JEREMI 7:10 - Bibəl ta Sar̄

¹⁰ ba kə ī-reēī ta kumḿ tə́ kem kújə ń toō ń rīḿ ɓār̄ dɔ tə́ ní yā kəda na: Ajən̄jí kɔ̄ɔ́ ɓá ō, kə ī-toī dan rāā yá̰á̰ kə́ majaĺ gə̄ malang ń noō tə́ ō a?

Bible sar

¹⁰ ba kə ī-reēī ta kumḿ tə́ kem kújə ń toō ń rīḿ ɓār̄ dɔ tə́ ní yā kəda na: Ajən̄jí kɔ̄ɔ́ ɓá ō, kə ī-toī dan rāā yá̰á̰ kə́ majaĺ gə̄ malang ń noō tə́ ō a?

JEREMI 7:10 Referans Kwoze

JEREMI 32:34

Nin̄ tə́ndān̄ yá̰á̰ kə́ to yḛr gə̄ ń i ɓesə̄ yādə́ gə̄ ní kem kújə́ ń rīḿ ɓār̄ dɔ tə́ ní. Tām̄ ń toō tə́ ní, nin̄-rāān̄ beé adə̄ kújə́ ní téĺ kə́ yḛr.

EJEKIEL 23:39

Tām̄ ndɔ̄ ń nin̄ tə́ngānəń ngáńdə́ kə́ dəngam gə̄ adə̄n̄ nə́ɓā yādə́ kə́ rɔ̄kum aĺ gə̄ tə́ ní, nin̄ udən̄ kem loo kə́ táĺ yāḿ tə́, udən̄ kem kújə yāḿ tə́, nin̄ rāān̄ kújə yāḿ i yá̰á̰ kə́ karī tə́.

EJEKIEL 23:37

Nin̄ i dəyá̰ kə́ ngé rāȳ gə̄ ō, nin̄ tɔ̄lə̄n̄ de gə̄ ō. Nin̄ rāān̄ rāȳ, tām̄ nin̄ rɔȳn̄ nə́ɓā yādə́ kə́ rɔ̄kum aĺ gə̄. Nin̄ tɔlə̄n̄ de gə̄, tām̄ ngáńdə́ gə̄ ń ojən̄ tām̄ yāḿ tə́ ní, nin̄ tɔ̄lə̄n̄də́ ba tun̄ adə̄n̄ nə́ɓā yādə́ kə́ rɔ̄kum aĺ gə̄.

JEREMI 34:15

Ń toō ní, sḭḭ̄ ī-tūrī háĺsí adə̄ ī-rāāī yá̰á̰ kə́ gōtə́ ta kumḿ tə́. Sḭḭ̄ kógə̄ḿ kógə̄ḿ ə́daī na a ə́ya̰ī ngáń ngé ɓē madə̄sí gə̄ dɔɔ́ ō, ə̄nīī ndūsí ta kumḿ tə́ i kem kújə́ ń rīḿ ɓār̄ dɔ tə́ ní ō.

JEREMI 7:30

De kə́ Juda tə́ gə̄ rāān̄ yá̰á̰ kə́ majaĺ kə́ nelə̄m̄ aĺ ngá̰ý tə́ndān̄ yá̰á̰ kə́ yḛr yādə́ gə̄ kem kújə́ ń rīḿ ɓār̄ dɔ tə́ ní tə́, adə̄ téĺ yá̰á̰ kə́ yḛr. Najə̄ ń Kɔ́ɔ̄ɓē əda ní ń noó.

JEREMI 7:14

kújə́ ń rīḿ i dɔ tə́ ō, ī-taāī kemən mámák ō, loo ń m-ādə̄sí ō, m-ādə̄ kaasí gə̄ ō ní, ngɔlaā m-ā m̄-rāań yá̰á̰ ń m̄-rāā kə Silo ní.

JEREMI 7:11

Sḭḭ̄, ī-rāāī kújə́ ń rīḿ ɓār̄ dɔ tə́ ní i loo ɓɔ̄ɔ̄ rɔ̄ yā ngé tɔ̄l̄ de gə̄ tə́ a? Mā tā a, m-á̰a̰ kadə̄ i beé. Najə̄ ń Kɔ́ɔ̄ɓē əda ní n noó.

JA̰A̰ 18:28

Ḭḭn̄ kə Jeju ɓē Kaipə aw̄n̄ seneé kem kújə ndi nge ko̰o̰ ɓē tə́. Loo i dəloí ɓatə. Nin̄ kɔ́ gə̄ udən̄ kem kújə ndi nge ko̰o̰ ɓē tə́ alé, na sōgə́ majaĺ tákə̄də́ kadə̄ ɔgə̄də́ kəsa yá̰a̰ nāā Pákə.

JA̰A̰ 13:18

M-ɔ̄r̄ i najə̄ yāsí sḭḭ̄ malang alé, m̄-ger̄ ngé gə̄ ń m̄-gə̄rādə́ ní. Banī i gáŕ kadə̄ najə̄ ń toō ń ndangən̄ kem makətūbə̄ tə́ ní udə gírí: Deē ń əsa yá̰a̰ seḿ ní, ɔr̄ gándən əɓamə̄ń.

MATIYE 23:13

Sḭḭ̄ ngé ndóō de gə̄ ndū najə̄ gə̄ ō, Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Tɔdɔ̄ sḭḭ̄ ūtī ta róbə Ɓē ko̰o̰ kə́ dɔ rā̰ tə́ kɔ̄ɔ́ ta de gə̄ tə́. Sḭḭ̄ kɔ́ gə̄ údiī kemeé aĺ ō, ngé gə̄ ń gḛyn̄ kudə kemeé ní a sḭḭ̄ ɔ̄gīdə́ kudə kemeé kɔ̄ɔ́ ō.

EJEKIEL 23:29

Nin̄ a rāāīn̄ yá̰á̰ kə́ tōr̄ tām̄ nel̄də́ seí aĺ ngá̰ý. Yá̰a̰ malang ń ḭ̄ ə́nge kə ta kūl̄ kəla rāāí ní, nin̄ a ɓogən̄ kɔ̄ɔ́. Nin̄ a əya̰īn̄ gírí karī. Loo ń noō tə́ de gə̄ malang a gerə̄n̄ hálí kə́ to rɔ̄sɔl̄ ń i hál rāā ájə́ba ní.

EJEKIEL 20:39

Yá̰á̰ ń mā Kɔ́ɔ̄ɓē Nə́ɓā m-ə́dásí sḭḭ̄ ngán Israel gə̄ ní n toó: Sḭḭ̄ kógə̄ḿ kógə̄ḿ āw̄ ī-rɔyī nə́ɓā kə́ rɔ̄kum aĺ yāsí gə̄! Ba gō tə́ anī, ā ōōī taḿ dɔ gúú tə́. Ā ī-ndējī nə́ɓā yāsí kə́ rɔ̄kum aĺ gə̄ yá̰a̰ yā kídəń rīḿ kə́ kɔr̄ kam̄ to̰ alé.

IJAI 48:2

Tá sḭḭ̄ ā ī-ɓāríī naā na i ngé ndi kem ɓē kə́ táĺ tə́ gə̄ ō, ā ə̄ndāī tɔ́gə́sí i dɔ Nə́ɓā yā Israel ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní tə́ ō. Sḭḭ̄ ōōī najə̄ ń toō:

2 YÁ̰A̰ GƏ̄ 33:7

Ni udə ɓesə̄ kāgə̄ kə́ tɔ́sə̄ kem kújə yā Nə́ɓā tə́ ō. Tá kété ní Nə́ɓā əda Dabid nin̄ kə ngōnən Salomo̰ na: Kújə ń toō ō, ɓē kə́ Jerusalem ō ń i ɓē ń m̄-gə̄rā dan gír ɓē gə̄ malang kə́ Israel tə́ ní rīḿ a ɓār̄ dɔ tə́ ngándáńg.

2 YÁ̰A̰ GƏ̄ 33:4

Kújə yā Kɔ́ɔ̄ɓē ń Kɔ́ɔ̄ɓē əda najə̄ kə́ dɔ tə́ na rīn na a to Jerusalem ngándáńg ní, Manase rāā kə́ yā tunə̄ń yá̰a̰ kadə̄ ɓesə̄ gə̄ kemeé ō.

2 MBAN̄G 21:4

Ni-rāā loo tun̄ yá̰a̰ gə̄ kem kújə yā Kɔ́ɔ̄ɓē ń Kɔ́ɔ̄ɓē nəkɔ́ əda na n-a n-əndā rīn dɔ tə́ kem ɓē kə́ Jerusalem tə́ ní.

EJEKIEL 33:31

Adə̄ nin̄ reēn̄ ngá̰ý ndin̄ nang tə́ noí tə́. Nin̄ oōn̄ najə̄ kɔrīí gə̄, banī rāān̄ yá̰a̰ gə̄ ń ə́dá ní alé. Nin̄ a rāān̄ i yá̰á̰ kə́ nel̄də́ gə̄ ō, a sāān̄ i yá̰á̰ kə́ majə tām̄ yādə́ tə́ gə̄ ō ngóy.

Gōsə̄ najə̄ gə̄ 15:8

Yá̰a̰ tun̄ yā ngé kem majaĺ gə̄ i yá̰á̰ kə́ yḛr ta kum Kɔ́ɔ̄ɓē tə́, banī ndɔ̄ȳ yā de kə́ súmūú gə̄ nelə̄n.

JEREMI 44:9

Dɔsí ndígə̄nal yá̰á̰ kə́ majaĺ gə̄ ń kó̰ó̰sí gə̄ ō, mban̄g kə́ Juda tə́ gə̄ ō, nə̄yá̰də́ gə̄ ō, sḭḭ̄ kɔ́ gə̄ ō, nə̄yá̰sí gə̄ ō, ī-rāāī kem ɓē kə́ Juda tə́ ō, dɔ kə̄lá róbə gə̄ kə́ Jerusalem tə́ ní ō kɔ̄ɔ́ a?

EJEKIEL 33:25

I beé ní, ə́dádə́ na: Najə̄ kɔr̄ Kɔ́ɔ̄ɓē Nə́ɓā n toó: Sḭḭ̄ ə́saī dā̰ kə mósó ō, ī-rɔyī ɓesə̄ gə̄ ō, sḭḭ̄ ī-tɔ̄lī de gə̄ ō. Ní, loo kadə̄ ɓē i yāsí i ba̰ý?

DANIEL 9:18

Ɓɔ́ Nə́ɓā yāḿ, ī-nēl̄ mbīí ōoń! Ī-teē kumií ba á̰a̰ loo yājí kə́ nujə sák sák gə̄ ō, á̰a̰ ɓē ń rīí ɓār̄ dɔ tə́ ní ō! tɔdɔ̄ jə-rāāī ɓɔ́ i kə ta kūl̄ yá̰a̰ rāājí kə́ gōtə́ gə̄ alé, ba i tām̄ kum ko̰ yāí kə́ ngá̰ý tə́.

OJEE 6:9

Ɓūtə̄ ngé tun̄ yá̰a̰ gə̄ kógə̄ḿ a tɔ̄l̄ i de gə̄ dɔ róbə́ kə́ Sisem tə́, tītə̄ ngé gān̄g róbə gə̄ kə́ ndin̄ dɔ rɔ̄də́ tə́ yā kənī rɔ̄ɔ̄ beé. A̰á̰ā̰, nin̄ rāān̄ yá̰á̰ kə́ to rɔ̄sɔl̄ gə̄!

AMOS 4:5

Ī-róōī mápá kə́ kaa mápa i tū tə́ dɔ loo tun̄ yá̰á̰ tə́, kadə̄ i yá̰a̰ tun̄ yāsí kə́ yā ɓōkə́nń tɔ̄ȳ. Israel gə̄, yá̰a̰ ndējə̄ yāsí gə̄ ń ī-ndējə̄mī kə gō kem ndigə yāsí ní, ə̄nīī mbēr̄ dɔ tə́ ta kum de gə̄ tə́ malang, tām̄ i nge ń noō n nel̄sí ní! Najə̄ ń Kɔ́ɔ̄ɓē Nə́ɓā əda ní n noó.

SOPONI 1:5

Ngé kal̄ dɔ kújə́ dúŕ dur gə̄ tə́ yā ndɔ̄yń tə́yō̰ gə̄ ní, m-ā m̄-rāādə́ kadə̄ nin̄ a gətóon̄ kɔ̄ɔ́. Ngé gə̄ ń a rɔȳmə̄n̄ ō, a túbən̄ kə nə́ɓā Milkom ō ní, m-ā m̄-rāādə́ kadə̄ nin̄ a gətóon̄ kɔ̄ɔ́.

MALASI 3:15

J-a̰ā̰ ngɔlaā kadə̄ ngé rɔ̄nel̄ gə̄ i ngé kɔjə rɔ̄də́ gə̄. Yá̰a̰ malang ń ngé rāā yá̰a̰ majaĺ gə̄ rāān̄ ní, teē majə. Ká ré nin̄ sāān̄ ta Nə́ɓā gə̄gē anī, nin̄ teēn̄ kum tə́ ngándáńg!

1 MBAN̄G GƏ̄ 9:3

Kɔ́ɔ̄ɓē ədan na n-oō ndɔ̄ȳ yān ō, rāā ń na rāān ɓɔ́ ní na n-oō ō: Kújə́ ń na rāā ní na n-ɔr̄ kamə̄n tayā kadə̄ rīn kə ɓār̄ dɔ tə́ ngándáńg. Kumən na a ra dɔ tə́ ō, kemən na i dɔ tə́ ō, ngándáńg.

EJEKIEL 5:11

I tām̄ ń toō tə́ ní, m̄-ndi kə kumḿ, i najə̄ yā Kɔ́ɔ̄ɓē Nə́ɓā. Tītə̄ ń ī-tákəń loo kə́ táĺ yāḿ kə yá̰á̰ kə́ majaĺ ngá̰ý gə̄ malang yāí ō, kə yá̰á̰ kə́ to nāsə̄ míndə gə̄ malang yāí ō ní, mā m-ā m-ɔ̄r̄ rɔ̄ḿ kɔ̄ɔ́ ō, kumḿ a o̰o̰m̄ aĺ ō, m-ā m-á̰a̰ kum to ndoō yāí aĺ ō.