JEREMI 6:8 - Bibəl ta Sar̄

⁸ Jerusalem, ādə̄ yá̰á̰ ń m̄-ndóōī ní udə dɔí tə́. Ré i beé aĺ anī, m-ā m-ɔ̄r̄ jīḿ gírí tə́ kɔ̄ɔ́. M-ā m̄-rāāī kadə̄ ī-tél loo kə́ nujə sák sák kɔ̄ɔ́ ō, ɓē kə́ de gə̄ ndin̄ kemeé aĺ ō.

Bible sar

⁸ Jerusalem, ādə̄ yá̰á̰ ń m̄-ndóōī ní udə dɔí tə́. Ré i beé aĺ anī, m-ā m-ɔ̄r̄ jīḿ gírí tə́ kɔ̄ɔ́. M-ā m̄-rāāī kadə̄ ī-tél loo kə́ nujə sák sák kɔ̄ɔ́ ō, ɓē kə́ de gə̄ ndin̄ kemeé aĺ ō.

JEREMI 6:8 Referans Kwoze

OJEE 9:12

Ká ré nin̄ a ngɔ̄mə̄n̄ ngán gə̄ gə̄gē anī, m-ā m̄-taādə́ jīdə́ tə́ kɔ̄ɔ́ yā kadə̄ deē kógə̄ḿ na̰yń alé. A̰á̰ā̰, kə́ rɔ̄kum tə́ ní, i yá̰á̰ kə́ to kum kaȳ aĺ kə́ ba̰ý beē tām̄ yā Epəraim gə̄ tə́ dan ń m-ā-ə́yá̰də́ ba m-ā m-āw̄ sa̰y kɔ̄ɔ́ ní!

EJEKIEL 23:18

Ni-rāā ájə́ba i ta kum de gə̄ tə́ malang, rāā adə̄ de gə̄ a̰ā̰n̄ rɔ̄n kə́ karī. Loo ń noō tə́ nelə̄m̄ seneé aĺ ngá̰ý, tītə̄ ń nel̄məń kə ngōkó̰o̰n kə́ dəyá̰ aĺ ngá̰ý ní.

JEREMI 17:23

Nin̄ oōn̄ najə̄ yāḿ alé ō, nēlə̄n̄ mbīdə́ alé ō. Ba rāān̄ dɔ ngan̄g adə̄ mbātə́n̄ koō yá̰a̰ gə̄ ń m-ɔ́jə́də́ ní ō, mbātə́n̄ kun dɔdə́ tə́ ō.

SOPONI 3:7

M-ə́da rɔ̄ḿ najə̄, m-ə́da na: ngɔlaā ní ɓē a ɓōĺ gidəḿ, a ndigə tāā yāḿ gə̄. Adə̄ najə̄ gə̄ ń m-ə́lań ɓōĺ kemən tə́ ní, m-ā m̄-rāā yá̰a̰ gə̄ ń m-ə́dá ní aĺ ō, m-ā m̄-rāā yá̰a̰ kə ɓēé aĺ ō. I beé aĺ bátə́, tām̄ de kə́ kemeé gə̄ nāgə́n̄ láẃ rāān̄ yá̰á̰ kə́ majaĺ gə̄.

JEREMI 32:33

nin̄ tūrə̄n̄ i gə́ra gōdə́ n adə̄mə̄n̄ ní ba i nɔtə nodə́ alé. m̄-ndóōdə́ yá̰a̰ kanjə̄ kɔr ta tə́ gə̄gē, ba nin̄ əndān̄ mbīdə́ gírí aĺ ō, ndigən̄ yá̰a̰ gə̄ ń m̄-ndóōdə́ ní aĺ ō.

PĀ GƏ̄ 50:17

Ḭ̄ ń ī-gḛy ndéy kɔjə̄ aĺ ō, ī-mbātə́ najə̄ yāḿ ō ní.

JEREMI 31:19

Dan ń m-ə́lá gír reē kə̄ rɔ̄í tə́ anī, m̄-ndə̄ngā rɔ̄ḿ ngá̰ý, najə̄ yā tūr̄ ń m̄-tūr̄ gidəḿ taí tə́ kɔ̄ɔ́ ní. tá dan ń kumḿ teē dɔ yá̰a̰ gə̄ ń m̄-rāā tə́ ní anī, kemḿ rāām̄ sarya. Rɔ̄ḿ sɔlə̄m̄ ō, m̄-ger̄ yá̰á̰ kə́ yā rāā aĺ ō, i yá̰á̰ kə́ to rɔ̄sɔl̄ gə̄ ń m̄-rāā kə ngōn̄ dūúḿ ní n m-ā m-ə́ngá ndéyn toó.

JEREMI 9:11

Ré deē kógə̄ḿ i kə kum kedēé anī, ādə̄ kɔ́ɔ̄ ger̄ kum ō, ɔjə najə̄ ń Kɔ́ɔ̄ɓē ədan kə taneé ní ō. i tām̄ rí tə́ á ɓē i kə́ nujə sák sák ō, i kə́ kəla hor dɔ tə́ tītə̄ dəla loo ń deē mān̄ tū tə́ aĺ bátə́ ō ní?

JEREMI 7:34

M-ā m̄-rāā kadə̄ pā walya ō, najə̄ kə́ to rɔ̄nel̄ ō, pā yā ngaa dəyá̰ ō, rɔ̄nel̄ yā nge taā ngaa ō, a ɓār̄ kem ɓē gə̄ kə́ Juda tə́ to̰ aĺ ō, kum róbə kɔsə gə̄ kə́ Jerusalem tə́ to̰ aĺ ō. Tɔdɔ̄ ɓē a tél loo kə́ nujə sák sák.

JEREMI 7:20

I tām̄ ń toō tə́ n najə̄ ń Kɔ́ɔ̄ɓē Nə́ɓā əda ní n toó: M-ā m̄-bə̄gā wōn̄g yāḿ, wōn̄g kə́ ngá̰ý yāḿ dɔ loo ń toō tə́ ō, dɔ de gə̄ tə́ ō, dɔ dā̰ gə̄ tə́ ō, dɔ kāgə̄ kə́ bembeé gə̄ tə́ ō, dɔ kum kōō gə̄ kə́ teēn̄ dɔ nang tə́ tə́ ō. I hor kə́ a oy aĺ bátə́.

JEREMI 4:14

Ī-tə́go kem ndul kə́ kemií tə́ kɔ̄ɔ́ malang yā kadə̄ ə́ngeń gān̄g dɔ. I rə́ngáý tə́ n gir̄ kə́ majaĺ gə̄ a teēn̄ kemií tə́ kɔ̄ɔ́ ní?

JEREMI 2:15

Ngán ɓɔl gə̄ do̰o̰nən̄ rɔ̄ɔ̄, nin̄ nōōn̄ kə kɔrɔ́. De gə̄ rāān̄ adə̄ ɓē yān nujə sák sák kɔ̄ɔ́. Əlan̄ hor dɔ ɓē bo yān gə̄ tə́, De gə̄ təgān̄ kɔ̄ɔ́ kem ɓē bo gə̄ ní tə́.

Gōsə̄ najə̄ gə̄ 4:13

Yá̰á̰ ń ndóōnī ní ī-lōō kəya̰ kɔ̄ɔ́, ī-ra dɔ tə́ ādə̄ ngan̄g. Ī-ngɔ̄m̄ yá̰á̰ ń ndóōnī ní, tɔdɔ̄ nge ń noō n a rāāī kadə̄ i-ndi kə kumií ní!

PĀ GƏ̄ 94:12

Kɔ́ɔ̄ɓē, rɔ̄nel̄ i kə deē ń ɔ̄jən kə ndéyé ō, ī-ndóōn yá̰a̰ kə ndū najə̄ yāí ō ní.

PĀ GƏ̄ 2:10

Ɓá anī sḭḭ̄ mban̄g gə̄, ɔ́jiī kadə̄ sḭḭ̄ i de kə́ ger̄ kum najə̄ gə̄! Ngé gān̄g sarya kə́ dɔ nang tə́ gə̄, ādə̄ ɔjə̄n̄sí!

NDŪ NAJƏ̄ 32:29

Ré nin̄ i de kə́ ngáā gə̄ anī, a gerə̄n̄ loo ń yá̰a̰ gə̄ ń noō malang a aw̄n̄ sedə́ kə̄ tū tə́ ní.

LEBI GƏ̄ 26:34

Ɓáa dan ń ā ī-na̰yiī dɔ nang yā madə̄ ba̰ā̰sí gē tə́ ní, dɔ nang yāsí ń ə́ya̰ī kɔ̄ɔ́ ní a tél yā kɔr̄ koō ō, a ngɔ̄m̄ ndɔ̄ gə̄ ń noō ō.

JEREMI 7:28

Tā anī, ə́dádə́ na: Á̰a̰ī nápar de gə̄ ń oōn̄ ta Kɔ́ɔ̄ɓē Nə́ɓā yādə́ aĺ ní n toō. Nin̄ mbātə́n̄ kəndā kumdə́ gíŕ yá̰á̰ ń Nə́ɓā ɔjədə́ tə́ ní: Najə̄ kə́ rɔ̄kum gətóo, najə̄ kə́ rɔ̄kum gətóo tadə́ tə́.

Gōsə̄ najə̄ gə̄ 19:20

Ōō kɔjə̄ ō, ī-ndigə háĺ kə́ majə ń ndóōnī ní ō, kadə̄ ī-téləń de kə́ nge kum kedə̄.

OJEE 2:5

Ré i beé aĺ anī, m-ā m-ɔ̄r̄ yá̰a̰ rɔ̄n tə́ kɔ̄ɔ́ kadə̄ rɔ̄n i karī tītə̄ kə́ ndɔ̄ kojən tə́. M-ā m̄-rāā dɔ nang kə́ Israel kadə̄ tél to tītə̄ loo kə́ dəla loo tə́. M-ā m̄-tūrə̄n kadə̄ tél to tītə̄ dɔ nang kə́ tutə káḿ káḿ. M-ā m̄-rāā kadə̄ kəndā man̄ tɔ̄lən.