JEREMI 6:28 - Bibəl ta Sar̄

²⁸ Nin̄ malang i ngé mbātə́ najə̄ gə̄ rɔ̄kum ō, ngé tétə̄ najə̄ gə̄ ō, ngangə̄n̄ tītə̄ nə̄ngá kasə ō, gində̄ ō. Nin̄ malang i ngé nujə loo gə̄.

Bible sar

²⁸ Nin̄ malang i ngé mbātə́ najə̄ gə̄ rɔ̄kum ō, ngé tétə̄ najə̄ gə̄ ō, ngangə̄n̄ tītə̄ nə̄ngá kasə ō, gində̄ ō. Nin̄ malang i ngé nujə loo gə̄.

JEREMI 6:28 Referans Kwoze

JEREMI 9:4

Náā nəkɔ́ ɓáa a gól̄ i madə̄n, adə̄ najə̄ kə́ rɔ̄kum gətóó bátə́. Nin̄ ndóōn̄ ta ndo̰də́ kɔr̄ najə̄ kə́ sor̄. Nin̄ asən tél gō róbə yá̰a̰ rāādə́ kə́ gō aĺ gə̄ tə́ alé.

JEREMI 5:23

Banī gír de gə̄ ń toō kemdə́ ngan̄g ngá̰ý ō, mbātə́n̄ najə̄ ngá̰ý ō. Nin̄ ɔrə̄n̄ rɔ̄də́ kə̄ gogə́ ō, aw̄n̄ kɔ̄ɔ́ ō.

JEREMI 18:18

Anī de kə́rēý gə̄ ədan̄ na: Ī-reē j-oōī naā dɔ Jeremi tə́. Na ndū najə̄ a nal̄ ta ngé tun̄ yá̰a̰ gə̄ aĺ ō, Kɔjə̄ a nal ta kum kɔɔ̄ gə̄ aĺ ō, najə̄ yā Nə́ɓā a nal̄ ta ngé koō ta gə̄ aĺ ō. Ī-reēī jə-tə́daī najə̄ kə́ majaĺ gə̄ dɔn tə́ jə-nujiīneé rīn. J-əndāī mbījí gír najə̄ kɔrə̄n gə̄ tə́ alé.

JEJU TEĒ KUM JA̰A̰ 19:2

Tɔdɔ̄ sarya gāngə̄n i rɔ̄kum ō, i kə́ gōtə́ ō. Ni-gān̄g sarya dɔ dəyá̰ ájə́ba kə́ bo ń nujə dɔ nang kə rāā ájə́ba yānneé ní ō, əndan najə̄ ɓōkə́ ń ni ɓōkə́ mósə́ ngé kəla yān gə̄ nang tə́ ní ō.

JEJU TEĒ KUM JA̰A̰ 11:18

Nápar de gə̄ rāān̄ wōn̄g, ba i wōn̄g yāí ḭ̄ n reē rāā yá̰á̰ ní. Kum mbang kə́ yā gāngəń sarya dɔ de kə́ koy gə̄ tə́ asə ō, kum mbang kə́ yā kəndāń nja ngé kəla yāí gə̄ ń i ngé koō ta gə̄ ō, i deē yāí gə̄ ō, ngé ɓōĺ rīí gə̄ ō ń nin̄ i de kə́ dūú gə̄ ō, kə́ bo gə̄ ō ní, asə ō, kum mbang nujə ngé nujə dɔ nang gə̄ asə ō.

JEREMI 20:10

M-ōō najə̄ kə́ to ka̰ȳ ndíl gə̄ ń kósə de gə̄ ɔrə̄n̄ ní, nin̄ ədan̄ na: Ɓōĺ kə́ al̄ naā i kə̄ loo gə̄ tə́ malang. Ī-teēī kə gírneé ndágá, j-a jə-teēī kə gírneé. Madə̄ taḿ gə̄ ń m̄-gḛydə́ ngá̰ý ní ngóōn̄ taḿ sḛḛ yā ka̰a̰ ké tɔ́gə́ḿ a gətóo i rə́ngáý tə́ wa. Nin̄ ədan̄ na: Majanī yá̰á̰ kógə̄ḿ a gól̄ mbóo deē ń noō ngɔr, kadə̄ j-a jə-rāāī yá̰á̰ ń kemjí ndigə ní ta ō, j-a jə-rāāī ba̰ā̰ seneé ō.

JEREMI 6:30

Ɓārə́n̄də́ na i gində̄ arjā̰a̰ kə́ yā kídə̄, tɔdɔ̄ Kɔ́ɔ̄ɓē kídə̄də́.

IJAI 31:6

Israel gə̄, sḭḭ̄ ī-tūrī gidəsí kɔ̄ɔ́ ta Kɔ́ɔ̄ɓē tə́. I beé ní, ī-tél ī-reēī kum kə̄ rɔ̄n tə́.

PĀ GƏ̄ 50:20

Ī-ndi ī-tām̄ kə ngōkó̰ó̰í ō, ī-tə́da najə̄ kə́ majaĺ dɔ kem kó̰o̰ madí tə́ ō.

LEBI GƏ̄ 19:16

Ī-tétə̄ najə̄ dɔ ngééí gə̄ tə́ alé. Ə̄ndā najə̄ kə́ asə yo deē dɔ madí tə́ alé. Mā i Kɔ́ɔ̄ɓē.

EJEKIEL 24:13

Jerusalem, ḭ̄ i de kə́ yḛr tām̄ ī-rāā kaya. m̄-gḛy rāāī kadə̄ ūnjə̄ njáý njáý, banī ī-tél de kə́ ūnjə̄ njáý njáý alé. I beé ɓá ní, ré m-ə́ya̰ wōn̄g yāḿ kə́ ngá̰ý dɔɔ́ adə̄ rāā kəla bátə́ ta tɔ̄l̄ ta tə́ pá tá ā ūnjə̄ njáý njáý ɓáý. Ā ūnjə̄ kété no tə́ alé.

LEBI GƏ̄ 14:43

Ré ró̰ȳn̄ mbal̄ kə́ nujə gə̄ ní kɔ̄ɔ́ ō, kūsə́n̄ kem kújə́ ní ba ló̰ȳn̄ nán̄g kə́ rang longnə̄ń oy pá tá mə̄rō ní tél teē kemeé ɓáý to̰ anī,

PĀ GƏ̄ 14:1

Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid. De kə́ mbóo gə̄ ədan̄ naā dɔ dandə́ tə́ na Nə́ɓā na gətóo! Nin̄ i de kə́ nujə kɔ̄ɔ́ gə̄. Yá̰a̰ rāādə́ to yḛr kum. De kógə̄ḿ sḛ́ý dandə́ tə́ kə́ rāā yá̰a̰ kə gōó gətóo.

Gōsə̄ najə̄ gə̄ 10:18

De kə́ nge ɓɔ̄ɔ̄ dɔ kim̄ kə́ kemən tə́ i de kə́ nge kɔr̄ najə̄ góləń loo, banī de kə́ nge heĺ najə̄ kə́ tétə̄ kə̄ loo gə̄ tə́ i de kə́ mbóo.

JEREMI 7:28

Tā anī, ə́dádə́ na: Á̰a̰ī nápar de gə̄ ń oōn̄ ta Kɔ́ɔ̄ɓē Nə́ɓā yādə́ aĺ ní n toō. Nin̄ mbātə́n̄ kəndā kumdə́ gíŕ yá̰á̰ ń Nə́ɓā ɔjədə́ tə́ ní: Najə̄ kə́ rɔ̄kum gətóo, najə̄ kə́ rɔ̄kum gətóo tadə́ tə́.

JEREMI 9:3

Ə̄ndāī kum kedə̄ dɔ rɔ̄sí tə́ kə naá. Ī-lōōī kənī kemsí kadə̄ ngōkó̰ó̰sí deē, tɔdɔ̄ ngákó̰o̰ naā gə̄ malang gerə̄n̄ i kəla mbóo dɔ naā tə́ ō, madə̄ naā gə̄ malang i ngé tétə̄ najə̄ dɔ naā tə́ ō.

EJEKIEL 2:7

Sɔɔ̄ń dɔ ngan̄g yādə́ ní, ká nin̄ oōn̄ najə̄ yāí aáā, oōn̄ najə̄ yāí aĺ aáā, yá̰á̰ ń m-ā m-ə́daī ní, ə́dádə́.