JEREMI 6:25 - Bibəl ta Sar̄

²⁵ Ī-lōō teē kaw̄ bembeé ō, ī-dáȳ kum róbó aĺ ō, tɔdɔ̄ kaskar yā madə̄ ba̰ā̰í əla ɓōĺ kem de gə̄ tə́ kə̄ loo gə̄ tə́ malang.

Bible sar

²⁵ Ī-lōō teē kaw̄ bembeé ō, ī-dáȳ kum róbó aĺ ō, tɔdɔ̄ kaskar yā madə̄ ba̰ā̰í əla ɓōĺ kem de gə̄ tə́ kə̄ loo gə̄ tə́ malang.

JEREMI 6:25 Referans Kwoze

JEREMI 49:29

De gə̄ taān̄ tandā yādə́ gə̄ ō, ɓūtə̄ yá̰a̰ kul̄ yādə́ gə̄ ō, kūbə̄ kə́ hɔɔ́lɔ̄ yādə́ gə̄ ō, ngáń gájə́ yá̰a̰ rāā kəla yādə́ gə̄ malang ō, jīdə́ tə́ kɔ̄ɔ́. Əhɔn̄ jámbal yādə́ gə̄ aw̄n̄neé ba ədan̄ dɔdə́ na: Loo malang i ɓōĺ.

JEREMI 20:10

M-ōō najə̄ kə́ to ka̰ȳ ndíl gə̄ ń kósə de gə̄ ɔrə̄n̄ ní, nin̄ ədan̄ na: Ɓōĺ kə́ al̄ naā i kə̄ loo gə̄ tə́ malang. Ī-teēī kə gírneé ndágá, j-a jə-teēī kə gírneé. Madə̄ taḿ gə̄ ń m̄-gḛydə́ ngá̰ý ní ngóōn̄ taḿ sḛḛ yā ka̰a̰ ké tɔ́gə́ḿ a gətóo i rə́ngáý tə́ wa. Nin̄ ədan̄ na: Majanī yá̰á̰ kógə̄ḿ a gól̄ mbóo deē ń noō ngɔr, kadə̄ j-a jə-rāāī yá̰á̰ ń kemjí ndigə ní ta ō, j-a jə-rāāī ba̰ā̰ seneé ō.

JEREMI 14:18

Ré m-āw̄ kem ndɔr̄ gə̄ tə́ a, i nīń de kə́ oyn̄ yo kaskar gə̄ n ton̄ toó. Ré m-údə kə̄ kem ɓēé a, i ngé gə̄ ń ɓō rāā kumdə́ ndoō tə́ ní n ton̄ toó. Ngé koō ta gə̄ ō, ngé tun̄ yá̰a̰ gə̄ ō, njə̄rā ɔrə̄n̄ gō loo kem ɓēé kanjə̄ ger̄ kum yá̰á̰ kógə̄ḿ.

PĀ GƏ̄ 31:13

Dɔdə́ ndígə̄nal dɔḿ tə́, tītə̄ de kə́ koy ń deē gír̄ dɔn tə́ to̰ aĺ ní. m̄-to i tītə̄ gájə́ jóó kə́ deē rāań kəla to̰ alé.

Makətūbə̄ yā Job 18:11

Yá̰á̰ kə́ to ɓōĺ gə̄ teēn̄ kə̄ ta gə̄ tə́ əlan̄ ɓōĺ kə́ ngá̰ý kemən tə́. Nin̄ unən̄ gōn tḛ tḛ, tə́ndān̄ njadə́ gotə yān tə́.

Najə̄ kə́ Majə yā Jeju ń Luk ndang ní 19:43

Tɔdɔ̄ ndɔ̄ gə̄ a reēn̄ noó kadə̄ madə̄ ba̰ā̰í gə̄ a ɔrən̄ gɔng yā rɔ̄ɔ̄īneé ō, a gīrə̄n̄ gidií njek njek ō, a utə̄nī kə̄ loo gə̄ tə́ malang ō,

JEREMI 8:14

I tām̄ rí tə́ á jə-ndiī kanjə̄ kɔdə rɔ̄jí ní? Ɔ́siī dɔsí naā tə́. J-udiī kem loo ndi kə́ ngan̄g gə̄ tə́, ba j-awī loo alé. Tɔdɔ̄ Kɔ́ɔ̄ɓē Nə́ɓā yājí ɔgə̄jí ndɔ́tə̄ loo. Ni-adə̄jí man̄ kə́ yḛl kum adə̄ j-a̰ȳī. Kə́ rɔ̄kum tə́ ní, jə-rāāī majaĺ kə Kɔ́ɔ̄ɓēé.

JEREMI 4:10

M-ə́da na: Aa, Kɔ́ɔ̄ɓē Nə́ɓā, kə́ rɔ̄kum tə́ ní, ḭ̄ ī-gól̄ gír de gə̄ ń toō dan ń ḭ̄ ə́dádə́ na: A əngen̄ lɔm ní, tɔdɔ̄ jə-to dan koy yo kaskar tə́ ɓáý.

JEREMI 4:5

Ə̄nīī mbēr̄ ń toō Juda tə́. Ə̄nīī mbēr̄ ní ādə̄ de kə́ Jerusalem gə̄ oōn̄. Ī-kɔ̄rí tōw̄ kem ɓēé. Əgaī kɔŕ ə́daī na: Ī-kánī naā kadə̄ j-udiī kem loo kə́ ngan̄g gə̄ tə́.

IJAI 1:20

Ba ré sḭḭ̄ ī-mbātíī anī, ré ī-na̰yiī kə̄ loo kəsō wōn̄g tə́ taḿ tə́ anī, ā óyiī yo kaskar. Najə̄ ń Kɔ́ɔ̄ɓē əda ní n noó.

2 YÁ̰A̰ GƏ̄ 15:5

Dan ngeé ń noō tə́ ní, de gə̄ ń a aw̄n̄ ō, a télən̄ ō, ní asən̄ kənī kemdə́ alé. I ɓōĺ kə́ ngá̰ý n rāā de gə̄ malang kə̄ kem ɓē gə̄ tə́ ní.

JEREMI 30:5

Najə̄ ń Kɔ́ɔ̄ɓē əda ní n toó: De gə̄ oōn̄ kōō kɔŕ kə́ to ɓōĺ ngá̰ý. I ɓōĺ kə́ al̄ naā, lɔm gətóo.

JEREMI 46:5

I tām̄ rí tə́ á m-á̰á̰də́ ra a ndewn̄ ní? Nin̄-télən̄ kə gōdə́. Ɓōĺ əsō kə̄ loo gə̄ tə́ malang. Najə̄ ń Kɔ́ɔ̄ɓē əda ní n noó.

NŌŌ RƆ̄ 2:22

Ī-rāā ādə̄ ɓōĺ kə́ ngá̰ý teē kə̄ ta loo gə̄ tə́ reē dɔḿ tə́, tītə̄ ń de gə̄ a teēn̄neé kə̄ loo gə̄ tə́ yā reē rāā nāā tə́ noó beé. Ndɔ̄ rāā wōn̄g yā Kɔ́ɔ̄ɓē tə́ ní, de kə́ teē ta yo tə́, aláa ndi kə kumneé gətóo. Madə̄ ba̰ā̰ḿ tɔ̄l̄ ngánə́ḿ gə̄ ń m-ə̄tōdə́ kə tárá ngá̰ý ní kɔ̄ɔ́.

JEREMI 8:15

Jə-ngóōī kadə̄ rɔ̄jí ngan̄g, ba yá̰á̰ kə́ to ngáā gətóo. Jə-ngóōī kum mbang kə́ kadə̄ rɔ̄jí ngangə̄ń, ba i ɓōĺ n rāājí ní.

JEREMI 49:5

I beé tā anī, mā m-ā m-ə́la ɓōĺ kə́ ngá̰ý kemsí tə́ kə ta kūl̄ madə̄ ɓēsí gə̄. I Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý n əda ní. A tə̄ndā tḭn̄sí kə̄ loo gə̄ tə́, yā kadə̄ náā nəkɔ́ ɓáa aw̄ súmūú kə̄ non tə́ ō, de kə́ yā kɔsə dɔ ngé ka̰ȳ naā gə̄ kə̄ naā tə́ a gətóo ō.

EJEKIEL 7:18

Nin̄ a o̰o̰n̄ kūbə̄ kəhɔ ndoō ō, ɓōĺ a ndewdə́ ō. Ta kumdə́ i kə rɔ̄sɔlɔ̄ɔ́ ō, nin̄ malang a dəsān̄ dɔdə́ kɔ̄ɔ́ ō.

EJEKIEL 21:17

Ḭ̄ ngōn̄ deē, ə́ga kɔŕ kə́ ɔjə kadə̄ ə̄ndā kemií dɔ yá̰á̰ kógə̄ḿ tə́ to̰ alé! Kaskar ní i kə́ tūr̄ kə̄ dɔ gír deē yāḿ gə̄ tə́ ō, kə̄ dɔ ngār gə̄ yā ngán Israel gə̄ tə́ malang ō. A̰á̰ā̰, a tɔ̄lə̄n̄ ngār gə̄ naā tə́ kə́ gír deē yāḿ gēé. Ə́nda kadií ī-nōoń rɔ̄í.