JEREMI 6:23 - Bibəl ta Sar̄

²³ Nin̄ əlan̄ ga̰ gərā ō, nənga ō kum kə̄ dɔɔ́. Kumdə́ o̰o̰də́ aĺ ō, a̰a̰n̄ kum to ndoō yā deē aĺ ō. Kōōdə́ ɓār̄ tītə̄ kōō bā bo beé. Ngōmandə kə́ Siyo̰, nin̄ ndin̄ dɔ sə́nda gə̄ tə́, ba ran̄ kə ta naá tītə̄ ɓūtə̄ ngé rɔ̄ɔ̄ gə̄ kə́ aw̄n̄ kə̄ kənīí rɔ̄ɔ̄ tə́ beé.

Bible sar

²³ Nin̄ əlan̄ ga̰ gərā ō, nənga ō kum kə̄ dɔɔ́. Kumdə́ o̰o̰də́ aĺ ō, a̰a̰n̄ kum to ndoō yā deē aĺ ō. Kōōdə́ ɓār̄ tītə̄ kōō bā bo beé. Ngōmandə kə́ *Siyo̰, nin̄ ndin̄ dɔ sə́nda gə̄ tə́, ba ran̄ kə ta naá tītə̄ ɓūtə̄ ngé rɔ̄ɔ̄ gə̄ kə́ aw̄n̄ kə̄ kənīí rɔ̄ɔ̄ tə́ beé.

JEREMI 6:23 Referans Kwoze

IJAI 13:18

Ga̰ gərā yādə́ mbə́rē balsáa gə̄ tə́nīdə́, kumdə́ o̰o̰də́ kə ngáń kásə̄ gēé alé, nel̄də́ rāā ngán gə̄ yá̰á̰ kə́ tōr̄.

JEREMI 50:42

Nin̄ əlan̄ ga̰ gərā ō, nənga ō kum kə̄ dɔɔ́. Kumdə́ o̰o̰də́ aĺ ō, a̰a̰n̄ kum tō ndoō yā deē aĺ ō. Kōōdə́ ɓār̄ tītə̄ kōō bā bo beé. Ngōmandə kə́ Babilon, nin̄ ndin̄ dɔ sə́nda gə̄ tə́ ba ran̄ kə ta naá, tītə̄ ɓūtə̄ ngé rɔ̄ɔ̄ gə̄ kə́ aw̄n̄ kə̄ kənīí rɔ̄ɔ̄ tə́ beé.

JEREMI 30:14

Dɔ ngé sāāí gə̄ malang ndigə̄nalií kɔ̄ɔ́. Gírə̄n̄ dɔí tə́ to̰ alé. M-ə́ndaī tītə̄ ń madə̄ ba̰ā̰í ḭ̄ deē a əndaīneé ní. I yá̰á̰ kə́ tōr̄ ngá̰ý n m̄-rāā seí ní, kadə̄ ī-gerə̄ń gō majaĺ yāí kə́ ngá̰ý gə̄ ō, yá̰á̰ kə́ gōtə́ aĺ yāí kə́ ngá̰ý gə̄ ō.

JEREMI 5:16

Ngong gərā yādə́ i bəlo yo kə́ ta ra wōȳ. Nin̄ malang i go̰ rɔ̄ɔ̄ gə̄.

JEREMI 4:29

Dan ń kōō ngé kal̄ sə́nda gə̄ ō, ngé kur gə̄ra gə̄ ō a ɓār̄ anī, de kə́ kem ɓēé gə̄ malang a̰ȳn̄ naā kɔ̄ɔ́. Udən̄ kem ku kāgə̄ gə̄ tə́ ō, alə̄n̄ dɔ mbal̄ gə̄ tə́ ō, teēn̄ kɔ̄ɔ́ kem ɓē bo gə̄ tə́ malang. De kógə̄ḿ kə́ na̰y kem ɓēé gətóó bátə́.

JEREMI 4:13

Á̰a̰ī, madə̄ ba̰ā̰jí n a reē tītə̄ kil̄ man̄ yā kənījí rɔ̄ɔ̄ toó. Púsə rɔ̄ɔ̄ yān gə̄ ton̄ tītə̄ nél balway. Sə́nda yān gə̄ ɔlən̄ tɔȳ kə̄rō. Jḭḭ̄ i kə rɔ̄ tō ndoó tɔdɔ̄ nujən̄ sejí sák sák kɔ̄ɔ́.

IJAI 19:4

M-ā m-ə́la dɔ ɓē kə́ Ejiptə gíŕ tɔ́gə yā ngol kógə̄ḿ kə́ kumən o̰o̰n aĺ tə́, mban̄g kógə̄ḿ kə́ nelə̄n rāā de gə̄ yá̰á̰ kə́ tōr̄ a ndi dɔn tə́. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, ni ń i ngol ō ní, əda ní n toó:

NDŪ NAJƏ̄ 28:49

Ni a ɔy nápar de gə̄ kógə̄ḿ kə́ ḭ̄ ī-ger̄ kum najə̄ kɔr̄də́ aĺ gə̄, ta ngóy dɔ nang tə́ sa̰y yā reē ɓōkə́də́ dɔí tə́ tītə̄ kə̄rō kə́ a jə̄ngā kə̄ dɔ dā̰ tə́ yā kəhɔn beé.

IJAI 10:32

Ndɔ̄ ngeé noō tə́ ní madə̄ ba̰ā̰ gə̄ dəban̄ Nob. Nin̄-unən̄ jīdə́ kə́ ɓir̄ əlan̄ kə̄ dɔɔ́, yā kəlań ɓōĺ kem mbal̄ bo kə́ Siyo̰ tə́, kem ngōn̄ mbal̄ kə́ Jerusalem tə́.

IJAI 17:12

I yá̰á̰ kə́ to kum kaȳ aĺ kə́ ba̰ý beē! Nápar de kə́ ngá̰ý gə̄ ń toó, kōōdə́ ɓār̄ tītə̄ kōō bā bo gə̄ beé. Kōō do̰ rɔ̄ɔ̄ yādə́ ɓār̄ tītə̄ kōō bəngál bā bo kə́ ḭḭ kə tɔ́gɔ́ ngá̰ý beē.

JEREMI 6:4

Úriī kɔĺ rɔ̄ɔ̄ kə́ táĺ dɔ Siyo̰ tə́. Ḭ́ḭī dɔɔ́, ə̄nīī rɔ̄ɔ̄ dan kadə ndaá. Kɔ́l ə̄sō gōjí tə́, mbang a aw̄ i kə̄ kuduú. Loo sɔl̄ adə̄ ndíl yá̰a̰ gə̄ to i kə gō ngālaá.

JEREMI 25:9

m-ā m-ə́la gō gír de kə́ mbɔ́r ɓē kə́ ko̰ó̰ tə́ gə̄ ō, m-ā m̄-ɓār̄ nge kəla yāḿ Nabukodonosor, mban̄g kə́ Babilon tə́ ō, yā reē sedə́ kadə̄ rɔ̄ɔ̄n̄ ɓē ń toō ō, de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ malang ń gīrə̄n̄ gidə ní ō. M-ə̄ndādə́ dɔ jīḿ yā rāādə́ kadə̄ télən̄ ndágə loo kə́ to kum ko̰, kə́ de gə̄ a əgan̄ kɔŕ ɓōĺ dɔ tə́ ō, yá̰á̰ kə́ nujə sák sák kə́ njɔ́ḿ gə̄ tə́ ō.

EJEKIEL 21:31

Yá̰á̰ ń mā Kɔ́ɔ̄ɓē Nə́ɓā m-ə́dá ní n toó: A taān̄ ta kūbə̄ kənda dɔ yāí kɔ̄ɔ́ ō, a taān̄ jākā mbang yāí kɔ̄ɔ́ ō. Yá̰a̰ gə̄ a tūrə̄n̄! A ɔsən̄ de kə́ najə̄də́ gətóo gə̄ kə̄ dɔɔ́, ba a télən̄ kə de kə́ bo gə̄ kə̄ nang tə́.

JEREMI 4:16

Ī-tāāī nápar de gə̄, ə́daī Jerusalem ādə̄ ger̄ gō yá̰á̰ ní. Ngé taā ɓē gə̄ ḭḭn̄ dɔ nang kə́ sa̰y ngá̰ý tə́ a reēn̄ noó. Nin̄ a əgan̄ kɔŕ dɔ ɓē bo gə̄ kə́ Juda tə́.

JEREMI 8:16

Kōō sə́nda yān gə̄ ɓār̄ kə̄ Dan nú. Dɔ nang kə taá malang ndebə dan ń oō kōō nōō sə́nda yān gə̄ ní. Nin̄ reē nujən̄ kə dɔ nangaá ō, kə yá̰á̰ kə́ kemeé gēé ō, kə ɓēé ō, kə de kə́ kemeé gēé ō.

JEREMI 25:32

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Yá̰á̰ kə́ to kum kaȳ aĺ ɔr̄ gō gír de gə̄ tə́ kə gō naá. Néĺ kə́ bo ngá̰ý əla ta ngóy dɔ nang gə̄ tə́.

JEREMI 50:41

Gír deē kógə̄ḿ gə̄ ḭḭn̄ mbɔ́r ɓē kə́ ko̰ó̰ tə́ a reēn̄ noó, nápar de kə́ ngá̰ý gə̄ ō, mban̄g kə́ ngá̰ý gə̄ ō ḭḭn̄ ta ngóy dɔ nang tə́ a reēn̄ noó.