JEREMI 6:19 - Bibəl ta Sar̄

¹⁹ Dɔ nang, ī-nēl̄ mbīí ōoń. Mā, m-ā m̄-rāā kadə̄ yá̰á̰ kə́ to kum kaȳ aĺ əsō dɔ gír de gə̄ ń toō tə́, i yá̰á̰ kə́ teē tū kəla rāādə́ gə̄ tə́. Nin̄ nēlə̄n̄ mbīdə́ oōnneé najə̄ kɔrə̄ḿ alé, kídə̄n̄ ndū najə̄ yāḿ gə̄.

Bible sar

¹⁹ Dɔ nang, ī-nēl̄ mbīí ōoń. Mā, m-ā m̄-rāā kadə̄ yá̰á̰ kə́ to kum kaȳ aĺ əsō dɔ gír de gə̄ ń toō tə́, i yá̰á̰ kə́ teē tū kəla rāādə́ gə̄ tə́. Nin̄ nēlə̄n̄ mbīdə́ oōnneé najə̄ kɔrə̄ḿ alé, kídə̄n̄ *ndū najə̄ yāḿ gə̄.

JEREMI 6:19 Referans Kwoze

IJAI 1:2

Dɔ rā̰, ōō! Ba ḭ̄ dɔ nang, ī-nēl̄ mbīí! I Kɔ́ɔ̄ɓē n a ɔr̄ najə̄ ní: M-ūl̄ ngán gə̄ adə̄ tɔgən̄, m-ə̄tō ngán gə̄, banī nin̄ əsōn̄ wōn̄g taḿ tə́ kɔ̄ɔ́.

KƏLA RĀĀ 8:22

Ní, ī-tūr̄ hálí dɔ yá̰á̰ kə́ majaĺ ń ī-sāā rāā tə́ ní. Ba ī-ndɔ̄ȳ Kɔ́ɔ̄ɓē, yā kadə̄ ré majanī ni m ā̰ȳ rɔ̄n dɔ gír̄ kə́ kemií tə́ n toō.

JEREMI 17:10

I náā n asə ger̄ gír̄ gə̄ ní? Mā Kɔ́ɔ̄ɓē m-á̰a̰ gír̄ kə́ kem de gə̄ tə́ ō, m-ə̄ndā ma̰ȳ ngarā̰ kemdə́ ō, yā kadə̄ m-ə̄ndań nja deē kógə̄ḿ kógə̄ḿ kə gō hál rāān ō, yá̰a̰ gə̄ ń teēn̄ tū kəla rāān gə̄ tə́ ní ō.

JEREMI 8:9

Rɔ̄ ngé kum kedə̄ gə̄ sɔl̄də́, gerə̄n̄ yá̰á̰ kə́ yā rāā alé, əsōn̄ kum gūmbə̄ tə́. Dan ń nin̄ kídə̄n̄ najə̄ yā Kɔ́ɔ̄ɓē ní, yá̰a̰ ger̄ yādə́ kə́ ngá̰ý i rí?

JA̰A̰ 12:48

Deē ń mbātə́m̄ ō, ndigə najə̄ yāḿ aĺ ō ní, ni-ənge nge gān̄g sarya dɔn tə́ kɔ̄ɔ́ ɓá: Najə̄ ń m-ə́dá ní a gān̄g sarya dɔn tə́ ta ngóy ndɔ̄ gə̄ tə́.

MISE 6:2

Mbal̄ gə̄ ō, sḭḭ̄ gír gisə dɔ nang kə́ ra ngan̄g gə̄ ō, ōōī najə̄ ń Kɔ́ɔ̄ɓē a rāań sarya kə gír deē yān gēé ní. A̰á̰ā̰, Kɔ́ɔ̄ɓē a rāā i sarya kə gír deē yān gēé, ni-dəje Israel gíŕ yá̰a̰ rāān gə̄.

OJEE 10:13

Banī sḭḭ̄ ī-ndɔrī i kem ndul, yá̰á̰ ń ə́jaī ní, i yá̰á̰ kə́ majaĺ ō, ə́saī i kan̄ sor̄ ō. Israel, ḭ̄ ə̄ndā kemií i dɔ tɔ́gí īkɔ́ tə́, i dɔ ngé rɔ̄ɔ̄ yāí gə̄ kə́ nin̄ i ngá̰ý tə́.

OJEE 4:6

Gír deē yāḿ gə̄ a oyn̄ i tām̄ nin̄ ger̄mə̄n̄ alé. Sḭḭ̄ ī-mbātíī gerə̄m̄. I tām̄ najə̄ ń toō tə́ n m̄ gḛy najə̄ yāsí to̰ aĺ ní. Sḭḭ̄ i ngé tun̄ yá̰a̰ yāḿ gə̄ to̰ alé. Dɔsí ndígə̄nal yá̰á̰ ń Nə́ɓā yāsí ndóōsí ní kɔ̄ɔ́ ɓá ní, dɔḿ mā a ndígə̄nal ngáńsí gə̄ ō.

JEREMI 22:29

Dɔ nang yāḿ, dɔ nang yāḿ, ōō najə̄ yā Kɔ́ɔ̄ɓē.

JEREMI 6:10

M-ā m-ɔ̄r̄ najə̄ i kə náā? I náā n i kə́ kum tə́ yāḿ kadə̄ de gə̄ oōneé najə̄ kɔrə̄ḿ ní? Á̰a̰ī, nin̄ mbīdə́ i kə́ kutə̄ kɔ̄ɔ́. Asən̄ nēl̄ mbīdə́ koōń najə̄ alé. Rāān̄ najə̄ yā Kɔ́ɔ̄ɓē i ndū kə́ deē tájə̄ tə́, adə̄ ndigən̄ koō alé.

JEREMI 19:15

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: M-ā m̄-rāā kadə̄ yá̰á̰ kə́ to kum kaȳ aĺ gə̄ malang ń m-ɔ̄r̄ najə̄də́ ní əsōn̄ dɔ Jerusalem tə́ ō, dɔ ɓē gə̄ malang ń ni-o̰o̰ ɓē dɔ tə́ ní ō, tɔdɔ̄ nin̄ rāān̄ dɔ ngan̄g ō, mbātə́n̄ koō najə̄ yāḿ gə̄ ō.

IJAI 66:18

Kɔ́ɔ̄ɓē əda na: m̄-ger̄ yá̰a̰ rāādə́ ō, gír̄ yādə́ ō. m̄-reē i kɔsə dɔ nápar de gə̄ malang kə́ ta kɔr̄də́ i tayā tayā tə́ kə̄ naā tə́. Nin̄ a reēn̄ ō, a a̰a̰n̄ kɔsə go̰n yāḿ ō.

IJAI 59:7

Njasí gə̄ a a̰ȳn̄ ngɔ̄də̄ a aw̄n̄ i kə̄ rāā yá̰á̰ kə́ majaĺ tə́, de gə̄ kə́ najə̄ gətóo dɔdə́ tə́ ní, sḭḭ̄ ī-tewleī loo tɔ̄l̄də́ tə́. Sḭḭ̄ ī-gírī i rāā yá̰á̰ kə́ majaĺ ngóy. Loo malang ń sḭḭ̄ ī-teēī tū tə́ ní, i yá̰a̰ rāā kə́ kə dɔ́nɔ́ n a to tū tə́ ō, i yá̰á̰ kə́ nujən a to tū tə́ ō.

Gōsə̄ najə̄ gə̄ 28:9

Ré deē kógə̄ḿ rāā mbī mbóo ta ndū najə̄ yā Kɔ́ɔ̄ɓē tə́ anī, ndɔ̄ȳ yān gə̄gē i yá̰á̰ kə́ yḛr.

Gōsə̄ najə̄ gə̄ 15:26

Gír̄ rāā yá̰á̰ kə́ majaĺ gə̄ i yá̰á̰ kə́ yḛr ta kum Kɔ́ɔ̄ɓē tə́, banī najə̄ kə́ kɔr̄ kə kem kə́ majaá unjə̄ njáý njáý.

1 SAMUEL 15:26

Banī Samuel ədan na: M-ā m̄-tél yā kaw̄ seí alé, tɔdɔ̄ ḭ̄ ī-mbātə́ rāā yá̰á̰ ń Kɔ́ɔ̄ɓē ɔjiī ní, Kɔ́ɔ̄ɓē mbātíī kɔ̄ɔ́, adə̄ ḭ̄ i mban̄g yā ngán Israel gə̄ to̰ alé.

1 SAMUEL 15:23

Tɔdɔ̄ mbātə́ ndū Kɔ́ɔ̄ɓē i yá̰á̰ kə́ majaĺ ngá̰ý tītə̄ rāā kɔdə̄ sāā ō, rāā dɔ ngan̄g i yá̰á̰ kə́ majaĺ ngá̰ý tītə̄ rāā ɓesə̄ ō. Adə̄ dan ń ḭ̄ ī-mbātə́ najə̄ ta Kɔ́ɔ̄ɓē tə́ ɓá ní Kɔ́ɔ̄ɓē mbātíī kɔ̄ɔ́ ō. Adə̄ ḭ̄ i mban̄g to̰ alé.

NDŪ NAJƏ̄ 32:1

Dɔ rā̰, ī-nēl̄ mbīí ōoń najə̄ kɔrə̄ḿ. Dɔ nang, ōō yá̰a̰ gə̄ ń m-ā m-ə́dá ní.

NDŪ NAJƏ̄ 30:19

Ɓōólaā m-ún dɔ rā̰ ō, dɔ nang ō, kadə̄ nin̄ i ngé kəda najə̄ kə́ kum tə́ dɔí tə́. Yá̰á̰ ń m-ə̄ndā noí tə́ ní i ndi kə kumuú nin̄ kə yoó ō, i tɔ́r̄ ta nin̄ kə ndɔ̄ĺɔ́ ō. Ā ī-gə̄rā i ndi kə kumuú kadə̄ ī-ndiń kə kumií kə ngání gə̄ ō, ngán kaaí gə̄ ō.

NDŪ NAJƏ̄ 4:26

Ré ī-rāāī yá̰á̰ kə́ majaĺ kə́ beé gə̄ anī, m-ə́dásí ɓōólaā m-ādə̄ gān̄g ō, dɔ rā̰ nin̄ kə dɔ nang i kə́ kum tə́ yāḿ gə̄ ō. Ā ī-gətóoī kɔ̄ɔ́ kə̄ ta jī tə́ beē dɔ nang ń ā ə́ngeī gidə bā Jurdḛ kə́ dām̄ kə́ nú tə́ ní. Ā ī-ndiī tū tə́ dan i ngá̰ý aĺ n ā ī-gətóoīneé kɔ̄ɔ́ malang ní.

JEREMI 4:4

De kə́ Juda tə́ gə̄ ō, de kə́ kem ɓē kə́ Jerusalem tə́ gə̄ ō, ə́jaī mɔtəsí tām̄ yā Kɔ́ɔ̄ɓē tə́, ə́jaī mɔtə kə́ dan wursí tə́. Ré i beé aĺ anī, wōn̄g yāḿ a ndūbə̄ tītə̄ hor yā ko̰o̰ loo kanjə̄ kadə̄ deē asə tɔ̄l̄ ɔjəń dɔ kəla rāāsí kə́ majaĺ ngá̰ý gə̄.

JEREMI 4:14

Ī-tə́go kem ndul kə́ kemií tə́ kɔ̄ɔ́ malang yā kadə̄ ə́ngeń gān̄g dɔ. I rə́ngáý tə́ n gir̄ kə́ majaĺ gə̄ a teēn̄ kemií tə́ kɔ̄ɔ́ ní?

JEREMI 6:18

I beé ní nápar de gə̄ ōōī. Majə kadə̄ sḭḭ̄ ngé kán̄ naā gə̄, ī-gerī yá̰á̰ ń a rāā yá̰a̰ loodə́ ní.

JEREMI 11:11

I tām̄ ń toō tə́ n najə̄ ń Kɔ́ɔ̄ɓē əda ní n toó ní: M-ā m̄-rāā kadə̄ yá̰á̰ kə́ to kum kaȳ aĺ a reē dɔdə́ tə́ ō, nin̄ a asən̄ teē kum tə́ aĺ ō. A ɓārə́mə̄n̄ kadə̄ m̄-dḭḭ̄də́, ba m-ā m-ōō ndūdə́ alé.

JEREMI 15:6

I ḭ̄ n ə́yam̄ kɔ̄ɔ́ ō, ī-tūr̄ gidií taḿ tə́ kɔ̄ɔ́ ō ní. M-ə́la jīḿ kə̄ dɔí tə́ kadə̄ m̄-nujə seí. Kɔr asəm̄ ta tə́gā taḿ tə́.

JEREMI 19:3

Ā ə́da na: Mban̄g kə́ Juda tə́ gə̄ ō, sḭḭ̄ de gə̄ ń ī-ndiī Jerusalem tə́ ní ō, ōōī najə̄ yā Kɔ́ɔ̄ɓē. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda ní n toó: M-ā m̄-rāā kadə̄ yá̰á̰ kə́ to kum kaȳ aĺ əsō dɔ loo ń toō tə́. Adə̄ deē nəkɔ́ ń oō najə̄n anī a jənga.

JEREMI 29:19

Tɔdɔ̄ nin̄ oōn̄ najə̄ yāḿ alé. Nin̄ ń m̄-to dan kəla ngé kəla yāḿ gə̄ ń i ngé koō ta gə̄ rɔ̄də́ tə́ ní, oōn̄ najə̄ yāḿ alé. Najə̄ ń Kɔ́ɔ̄ɓē əda ní n noó.

JEREMI 49:37

m̄-rāā Elam gə̄ adə̄ ndewn̄ ta kum madə̄ ba̰ā̰də́ gə̄ ń i nge sāā tɔ̄l̄də́ gə̄ ní tə́, ta kum ngé gə̄ ń ndigən̄ ka̰a̰də́ kə kumdə́ aĺ ní tə́. m̄-rāā adə̄ yá̰á̰ kə́ to kum kaȳ aĺ əsō dɔdə́ tə́, adə̄ i wōn̄g yāḿ kə́ al̄ naā. Najə̄ ń Kɔ́ɔ̄ɓē əda ní n noó. m̄-ngɔ̄də̄də́ kə kaskaraá yā tɔ̄l̄də́ bátə́ kadə̄ təgān̄.

AMOS 2:4

Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Juda gə̄ dɔ tə́ i ngá̰ý. Ni kə́ majaĺ ngá̰ý tɔȳ madə̄ gə̄ i nge ń toō: Yá̰a̰ gə̄ ń m̄-ndóōdə́ ní, nin̄ mbātə́n̄ kɔ̄ɔ́. Yá̰a̰ gə̄ ń m̄-ndang kadə̄ yā rāā ní, rāān̄ aĺ ō, gólə̄n̄ rɔ̄də́ tītə̄ yā kaadə́ gə̄ ń unən̄ gō nə́ɓā kə́ rɔ̄kum aĺ gə̄ ní ō. Nə́ɓā gə̄ ní ran̄ dɔ tə́ noō gólə̄n̄də́ ō. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní.

MISE 1:2

Sḭḭ̄ gír de gə̄ malang, ōōī! Ḭ̄ dɔ nang ō, de kə́ dɔ nang tə́ gə̄ ō, ī-nēlī mbīsí! Kɔ́ɔ̄ɓē Nə́ɓā a ndi loo yān kə́ táĺ tə́ yā kəndāń najə̄ dɔsí tə́.

IJAI 5:24

I tām̄ najə̄ ń toō tə́ n nin̄ a ton̄ tītə̄ mu kə́ hor o̰o̰ ní, aláa a ton̄ i tītə̄ mu kə́ tutə kə́ udə lim kɔ̄ɔ́ kum ta ndo̰ hor gə̄ tə́ ní. nin̄ a ndumən̄ i ngəradə́ tə́. Hútə̄də́ a ḭḭ nél tītə̄ bumbə́ru beé. Tɔdɔ̄ nin̄ kídə̄n̄ yá̰á̰ ndóō gə̄ yā Kɔ́ɔ̄ɓē kə́ bo kə́ tɔ́gən i ngá̰ý, nin̄ mbātə́n̄ najə̄ kɔr̄ Nə́ɓā kə́ táĺ yā Israel.

JEREMI 4:16

Ī-tāāī nápar de gə̄, ə́daī Jerusalem ādə̄ ger̄ gō yá̰á̰ ní. Ngé taā ɓē gə̄ ḭḭn̄ dɔ nang kə́ sa̰y ngá̰ý tə́ a reēn̄ noó. Nin̄ a əgan̄ kɔŕ dɔ ɓē bo gə̄ kə́ Juda tə́.

JEREMI 8:5

Jerusalem, i tām̄ rí tə́ á gír de gə̄ ń toō tūrə̄n̄ gidədə́ kɔ̄ɔ́ taḿ tə́ ō, túyn̄ taā kem yādə́ kə̄ nodə́ tə́ kanjə̄ kadə̄ asədə́ ō ní? Nin̄ gólə̄n̄ rɔ̄də́ kə̄ nodə́ tə́ ba mbātə́n̄ tél dɔ njadə́ tə́.

JEREMI 21:14

M-ā m̄-rāāsí yá̰á̰ kə́ tōr̄ kə gō yá̰a̰ rāāsí gə̄. M-ā m-ə́la hor dɔ kāgə̄ kújə́ kə́ ngá̰ý gə̄ yā mban̄g tə́. A o̰o̰ yá̰a̰ gə̄ malang ń gīr̄ gidə ní

DANIEL 9:11

Israel gə̄ mānə̄n̄ dɔ ndū najə̄ yāí ō, tūrə̄n̄ gidədə́ kɔ̄ɔ́ taí tə́ kanjə̄ koō ndūí ō. Loo ń noō tə́ ndɔ̄ĺ ō kōnjə̄ ō ń ndangən̄ kem makətūbə̄ ndū najə̄ yā nge kəla yāí Moijə tə́ ní reē dɔjí tə́ sɔɔ̄n̄ mbātə́ najə̄ yājí.