JEREMI 6:14 - Bibəl ta Sar̄

¹⁴ Nin̄ tebəlen̄ ngá̰ý loo kəda gír deē yāḿ gə̄ ń nujən̄ sák sák tə́ ní na: Loo to majə, loo to majə. Banī yá̰á̰ kógə̄ḿ sḛ́ý kə́ to majə gətóo.

Bible sar

¹⁴ Nin̄ tebəlen̄ ngá̰ý loo kəda gír deē yāḿ gə̄ ń nujən̄ sák sák tə́ ní na: Loo to majə, loo to majə. Banī yá̰á̰ kógə̄ḿ sḛ́ý kə́ to majə gətóo.

JEREMI 6:14 Referans Kwoze

EJEKIEL 13:10

Ngé koō ta gə̄ gólə̄n̄ gír deē yāḿ gə̄ ədan̄ na: Yá̰a̰ malang i kə́ njə̄rā majə, tá yá̰a̰ malang i kə́ a̰a̰ gō naā alé. Gír deē yāḿ gə̄ əndān̄ ndogə̄ mbal̄, banī nin̄ ɓáa nel̄də́ i rāā hō̰rō̰ dɔ tə́.

JEREMI 23:17

Nin̄ nāān̄ kəda ngé gə̄ ń kídə̄n̄ najə̄ yā Kɔ́ɔ̄ɓē ní na, Kɔ́ɔ̄ɓē əda na: Yá̰a̰ malang a njə̄rā majə tām̄ yāsí tə́. Nin̄ ədan̄ náā nəkɔ́ ń a rāā dɔ ngan̄g kə̄ non tə́ ní na: Yá̰á̰ kə́ to kum kaȳ aĺ a əsō dɔí tə́ alé.

JEREMI 4:10

M-ə́da na: Aa, Kɔ́ɔ̄ɓē Nə́ɓā, kə́ rɔ̄kum tə́ ní, ḭ̄ ī-gól̄ gír de gə̄ ń toō dan ń ḭ̄ ə́dádə́ na: A əngen̄ lɔm ní, tɔdɔ̄ jə-to dan koy yo kaskar tə́ ɓáý.

NŌŌ RƆ̄ 2:14

Ngé koō ta yāí gə̄ a̰a̰n̄ yá̰á̰ kə́ kanjə̄ kumən gə̄ ō, kə́ rɔ̄kum aĺ gə̄ ō tām̄ yāí tə́. Nin̄ ɔjən̄ yá̰á̰ kə́ gōtə́ aĺ yāí kə̄ ndágá wáńg alé, yā kadə̄ yá̰á̰ ń a reē kə̄ dɔí tə́ ní kə rāāī gáŕ. Yá̰a̰ gə̄ ń nin̄ a̰ā̰n̄ ba ədanī ní i yá̰á̰ kə́ kanjə̄ kumən gə̄ ō, i gól̄ loo ō.

JEREMI 14:13

m̄-téĺ m-ə́da na: Á, Kɔ́ɔ̄ɓē Nə́ɓā, yá̰á̰ ń ngé koō ta gə̄ ədan̄də́ ní n toó: Sḭḭ̄ ā á̰a̰ī kaskar aĺ ō, ɓō a rāāsí aĺ ō. Banī m-ādə̄ ā ī-ndiī majə rɔ̄kum loo ń toō tə́.

2 PIYER 2:1

Ngé koō ta kə́ rɔ̄kum aĺ gə̄ ton̄ dan gír de gə̄ yā Nə́ɓā tə́ kété, adə̄ ngé ndóō de gə̄ yá̰á̰ kə́ rɔ̄kum aĺ gə̄ a ton̄ dɔ dáńsí tə́ ō. Nin̄ a udən̄ dansí tə́ yā ndóō de gə̄ yá̰á̰ kə́ rɔ̄kum aĺ gə̄ ō, yá̰á̰ kə́ majaĺ ngá̰ý gə̄ ō, loo mundə̄ tə́ jəke. Ngoldə́ ń gān̄g dɔdə́ ní gə̄gē nin̄-aw̄n̄ bátə́ mbātə́nən̄ kɔ̄ɔ́. Nin̄-ndɔ́rə̄n̄ kudə kɔ̄ɔ́ reēn̄neé dɔ rɔ̄də́ nin̄ kɔ́ gə̄ tə́, ba kudə kɔ̄ɔ́ yādə́ ní a ɔr bā̰ā̰ alé.

IJAI 30:26

Ndɔ̄ ń Kɔ́ɔ̄ɓē a ndem̄ ta do yā gír deē yān gə̄ anī, dan ń ni a rāā do yā gír deē yān gə̄ kadə̄ idə̄ ní, nāā a ndə́lē tītə̄ mbang ō, mbang kə́ ndɔ̄ kógə̄ḿ a ɔsə, loo kə́ unjə̄ kow yā mbang kə́ ɔsə ndɔ̄ kógə̄ḿ a asən̄ naā kə loo kə́ unjə̄ kow yā mbang kə́ ɔsə ndɔ̄ sīrí.

MISE 2:11

Tá de kə́rēý gə̄ ɔrə̄n̄ najə̄ kə́ sor̄ gə̄, ədan̄ na: Ā ā̰yī kasə nduú ō, kasə kə́ ngan̄g ō. Tá ngé kɔr̄ najə̄ wa gə̄ ngeé ń toō ədan̄ ɓáý to̰ na: Israel gə̄ ń teēn̄ ta yo tə́ ní, Nə́ɓā a ɔsə njadə́ kə̄ naā tə́.

EJEKIEL 13:22

De gə̄ ń kété nin̄ i ngé rāā yá̰á̰ kə́ gōtə́ gə̄ ní, sḭḭ̄ ɔ̄rī tɔ́gə́də́ kɔ̄ɔ́ kə ta kūl̄ najə̄ kə́ sor̄ yāsí gēé, banī mā m̄-gḛy rāādə́ yá̰á̰ kə́ majaĺ alé. Sḭḭ̄ ə́laī go̰ kem de kə́ majaĺ gə̄ tə́ adə̄ nin̄ nan̄neé kə̄ loo rāā háĺ kə́ majaĺ yādə́ tə́ kadə̄ oynə̄ń.

JEREMI 14:17

Ḭ̄ ā ə́dádə́ najə̄ ń toō: m̄-ndi i kə man̄ nōó kumḿ tə́ ndɔ̄ɔ́ ō, kadaá ō, kanjə̄ dəba. Tɔdɔ̄ yá̰á̰ kə́ to kum ko̰ ngá̰ý nujə kə ngōmandə ń i gír deē yāḿ gə̄ ní.

JEREMI 5:12

Nin̄ mbātə́n̄ Kɔ́ɔ̄ɓē ba ədan̄ na: Kɔ́ɔ̄ɓē gətóo, yá̰á̰ kə́ to kum kaȳ aĺ a rāājí alé, j-a j-oyiī yo kaskar aĺ ō yo ɓō aĺ ō.

JEREMI 28:3

Na̰y ɓāl̄ jōó ngóy kadə̄ m-ā m̄-tél kə yá̰a̰ rāā kəla gə̄ malang kə́ kem kújə yā Kɔ́ɔ̄ɓē tə́ ń Nabukodonosor, mban̄g kə́ Babilon tə́ ɔy loo ń toō tə́ aw̄ń Babilon ní, yā reēń gogə́.

IJAI 1:6

Ḭḭ njasí tə́ bátə́ dɔsí tə́ ní, loosí kógə̄ḿ kə́ yá̰a̰ rāā aĺ gətóo. Rɔ̄sí malang i do ō, gotə ndéy ō, do kə́ ta ra kə wōyōó ō. Deē tə́go ta aĺ ō, deē ndem̄ ta aĺ ō, deē rāā yibə̄ ta tə́ aĺ ō.

1 TESALONIK 5:3

Dan ń de gə̄ a ədan̄ na loo na to lɔm kɔ̄ɔ́ ō, yá̰á̰ kə́ yā rāā yá̰a̰ na gətóo ō anī, yá̰á̰ kə́ nujə sák sák a teē dɔdə́ tə́ gidə kógə̄ḿ, tītə̄ kem kə́ ɔsə kə dəyá̰ beē, adə̄ nin̄ a teēn̄ kum tə́ alé.

2 SAMUEL 17:3

Gō tə́ anī m-ā m̄-tél kə de gēé malang yā reē sedə́ kadī. Tɔdɔ̄ deē ń ī-sāā kadə̄ gətóo kɔ̄ɔ́ ní ré oy anī, de gə̄ malang a télən̄ yā reē rɔ̄í tə́ ō, a ndin̄ majə ō.

IJAI 30:10

Nin̄ ədan̄ ngé koō ta gə̄ na: Ī-lōōī ka̰a̰ yá̰á̰ ɓáý to̰! Ī-lōōī kədají yá̰á̰ kə́ rɔ̄kum! Ə́daījí yá̰á̰ kə́ nel̄ gə̄, ə́daījí yá̰á̰ kə́ nel̄jí ādə̄ j-oō kété, ká ré i yá̰á̰ rɔ̄kum aĺ gə̄gē ní.

EJEKIEL 13:16

Ngé koō ta kə́ Israel tə́ gə̄ ń kété nin̄ a ɔrə̄n̄ i najə̄ kə́ ndɔ̄ń tə́ kə́ dɔ ɓē kə́ Jerusalem tə́ ní, nin̄ gətóon̄ kɔ̄ɔ́. Yá̰a̰ gə̄ ń nin̄ a̰a̰n̄ ní, ɔjən̄ kadə̄ yá̰a̰ malang i kə́ njə̄rā majə. Tá yá̰a̰ malang i kə́ a̰a̰ gō naā alé. Yá̰á̰ ń Kɔ́ɔ̄ɓē Nə́ɓā əda ní n noó.

EJEKIEL 14:9

Yá̰á̰ kə́ rang ń asə rāā yá̰á̰ ɓáý to̰ ní n toó: Ré nge koō ta kógə̄ḿ ndúm̄, adə̄ i nəkɔ́ n tūr̄ najə̄ əda anī, kumən na i mə̄kɔ́ Kɔ́ɔ̄ɓē n m-ə́ya̰n adə̄ rāā yá̰á̰ ń noō ní. Ɓá tā ba m-ā m-ɔ́jə́ tɔ́gə́ḿ dɔn tə́ ō, m-ā m-ɔ̄rən kə̄ gogə́ kɔ̄ɔ́ dan Israel gə̄ ń i gír deē yāḿ gə̄ ní tə́ ō.

MISE 3:5

Najə̄ ń Kɔ́ɔ̄ɓē əda dɔ ngé koō ta gə̄ kə́ ngé ngól̄ gír deē yāḿ gə̄ tə́ ní n toó: Ré deē ul̄də́ majanī, nin̄-ənīn̄ mbēr̄ lɔm. Ba ngé kəla yá̰a̰ tadə́ tə́ aĺ gə̄ ɓáa nin̄ rɔ̄ɔ̄n̄də́.