JEREMI 6:13 - Bibəl ta Sar̄

¹³ Ngáń kə́ dūú gə̄gē, de kə́ tɔgə gə̄gē, malang rāān̄ ɓō yá̰a̰ kənge adə̄ al̄ naā ngá̰ý. Ngé koō ta gə̄ ō, ngé tun̄ yá̰a̰ gə̄ ō, malang rāān̄ háĺ kə́ gōtə́ alé.

Bible sar

¹³ Ngáń kə́ dūú gə̄gē, de kə́ tɔgə gə̄gē, malang rāān̄ ɓō yá̰a̰ kənge adə̄ al̄ naā ngá̰ý. Ngé koō ta gə̄ ō, *ngé tun̄ yá̰a̰ gə̄ ō, malang rāān̄ háĺ kə́ gōtə́ alé.

JEREMI 6:13 Referans Kwoze

JEREMI 23:11

Ngé koō ta gə̄ ō, ngé tun̄ yá̰a̰ gə̄ ō nujən̄ háĺdə́ adə̄ m-á̰a̰ kem ndul yādə́ kem kújə yāḿ tə́ gə̄gē. Najə̄ ń Kɔ́ɔ̄ɓē əda ní n noó.

JEREMI 8:10

Tām̄ ń toō tə́ ní, m-ādə̄ nə̄yá̰də́ gə̄ de kə́ rang gə̄ ō, m-ādə̄ ndɔr̄ yādə́ gə̄ ngé gə̄ ń a taān̄ jīdə́ tə́ kɔ̄ɔ́ ní ō. Tɔdɔ̄ de kə́ yá̰a̰ aĺ gə̄ ō, de kə́ bo gə̄ ō malang naā tə́ i ngé rāā ta nar gə̄. Háĺ ngé koō ta gə̄ ō, ngé tun̄ yá̰a̰ gə̄ ō i háĺ kə́ rɔ̄kum alé.

MISE 3:11

Ngé rāā sarya gə̄ a gāngə̄n̄ sarya i gíŕ yá̰á̰ kə́ kadə̄də́ karī tə́ tə́ ō, ngé tun̄ yá̰a̰ gə̄ a ndóōn̄ de gə̄ ndū najə̄ i gíŕ yá̰a̰ kəngeé ō, ngé koō ta gə̄ a ədan̄ yá̰á̰ kə́ ndɔ̄ń tə́ i gír naraá ō. Nin̄ əndān̄ tɔ́gə́də́ dɔ Kɔ́ɔ̄ɓē tə́, ba ədan̄ na: Kɔ́ɔ̄ɓē i sejí, adə̄ yá̰á̰ kə́ to kum kaȳ aĺ a teē dɔjí tə́ alé.

JEREMI 22:17

Banī kumií ō, gír̄ kə́ kemií tə́ ō, ran̄ i dɔ yá̰á̰ kə́ tām̄ yāí īkɔ́ tə́ ngóy ō, gerə̄n̄ i kənī mósə de kə́ najə̄ gətóo dɔn tə́ nang tə́ ō, ī-rāā yá̰a̰ kə dɔ́nɔ́ ō, rāā kum de gə̄ ndoō tə́ ō ngóy.

MISE 3:5

Najə̄ ń Kɔ́ɔ̄ɓē əda dɔ ngé koō ta gə̄ kə́ ngé ngól̄ gír deē yāḿ gə̄ tə́ ní n toó: Ré deē ul̄də́ majanī, nin̄-ənīn̄ mbēr̄ lɔm. Ba ngé kəla yá̰a̰ tadə́ tə́ aĺ gə̄ ɓáa nin̄ rɔ̄ɔ̄n̄də́.

JEREMI 14:18

Ré m-āw̄ kem ndɔr̄ gə̄ tə́ a, i nīń de kə́ oyn̄ yo kaskar gə̄ n ton̄ toó. Ré m-údə kə̄ kem ɓēé a, i ngé gə̄ ń ɓō rāā kumdə́ ndoō tə́ ní n ton̄ toó. Ngé koō ta gə̄ ō, ngé tun̄ yá̰a̰ gə̄ ō, njə̄rā ɔrə̄n̄ gō loo kem ɓēé kanjə̄ ger̄ kum yá̰á̰ kógə̄ḿ.

JEREMI 5:31

Ngé koō ta gə̄ ɔrə̄n̄ najə̄ kə́ rɔ̄kum aĺ ō, ngé tun̄ yá̰a̰ gə̄ sāān̄ i kə̄ ta yādə́ nin̄ kɔ́ gə̄ tə́ ō, ba hál gə̄ ń noō malang asə kum gír deē yāḿ gə̄. Ní ḭ̄ deē ā ī-rāā i rí kə́ rang gō tə́ to̰?

IJAI 57:17

Israel rāā yá̰a̰ adə̄ najə̄ i dɔn tə́, kə ta kūl̄ gḛy yá̰a̰ malang sɔɔ̄ń ngurən. Nge ń noō rāā adə̄ wōn̄g rāām̄ ō, dan ń wōn̄g rāām̄ ní, m-ə́ndan ō. Kété ní m̄-ndigə ka̰a̰n to̰ alé. Tá ni dum̄ naā ngá̰ý, adə̄ ni na̰y kə̄ loo kun róbə yān nəkɔ́ tə́.

2 PIYER 2:3

Sɔɔ̄ń rāā ta nar kə́ kemdə́ tə́ ní, ngé ndóō de gə̄ yá̰á̰ kə́ rɔ̄kum aĺ gə̄ ngeé ń toō, a ndóōn̄sí najə̄ kə́ tūr̄ gidə kɔ̄ɔ́ kə kum kedēé gə̄ yā kəsańsí. Banī a gāngə̄n̄ sarya dɔdə́ tə́ ngɔr ō, a nujən̄ sedə́ sák sák ngɔr ō.

1 TIMOTE 3:3

i de kə́ nge rāā ɓəlo kasə aĺ ō, nge rɔ̄ɔ̄ de gə̄ aĺ ō, banī ni i de kə́ hálən sɔl̄ lɔm ō, nge kɔ̄l̄ kə de gēé aĺ ō, rāā ta nar aĺ ō,

Najə̄ kə́ Majə yā Jeju ń Luk ndang ní 16:14

Parijiyḛ gə̄ nel̄də́ nar ngá̰ý, adə̄ dan ń nin̄-oōn̄ najə̄ gə̄ ń toō anī, lurən̄ Jeju.

EJEKIEL 33:31

Adə̄ nin̄ reēn̄ ngá̰ý ndin̄ nang tə́ noí tə́. Nin̄ oōn̄ najə̄ kɔrīí gə̄, banī rāān̄ yá̰a̰ gə̄ ń ə́dá ní alé. Nin̄ a rāān̄ i yá̰á̰ kə́ nel̄də́ gə̄ ō, a sāān̄ i yá̰á̰ kə́ majə tām̄ yādə́ tə́ gə̄ ō ngóy.

EJEKIEL 22:12

Ḭ̄ Jerusalem, ɓēé looí de gə̄ a taān̄ kadə̄ karī gə̄ jī de gə̄ tə́ a tɔ̄l̄nəń de gə̄ ō, de gə̄ a adə̄n̄ de gə̄ nar loo tə̄nā tə́ a taānəń manə̄n kə́ ngá̰ý al̄ naā dɔ tə́ ō, de gə̄ a kə́ran̄ madə̄də́ gə̄ dɔ yá̰a̰ yādə́ gə̄ tə́ ō. Ba mā ɓáa dɔdə́ ndígə̄naləḿ kɔ̄ɔ́ i kə́ njɔ́ḿ gə̄ tə́. Najə̄ ń mā Kɔ́ɔ̄ɓē Nə́ɓā m-ə́dá ní n noó.

NŌŌ RƆ̄ 4:13

Yá̰á̰ ń noō rāā yá̰a̰ i najə̄ majaĺ yā ngé koō ta yān gə̄ tə́ ō, najə̄ yá̰á̰ kə́ gōtə́ aĺ gə̄ yā ngé tun̄ yá̰a̰ yān gə̄ ń ɓōkə́n̄ mósə de kə́ gōtə́ gə̄ nang tə́ kem ɓēé ní ō.

JEREMI 32:32

najə̄ yá̰á̰ kə́ majaĺ gə̄ malang ń Israel gə̄ ō, Juda gə̄ ō rāān̄ tə́ ní. Nin̄ ō, mban̄g yādə́ gə̄ ō, de kə́ bo yādə́ gə̄ ō, ngé tun̄ yá̰a̰ yādə́ gə̄ ō, ngé koō ta yādə́ gə̄ ō, de kə́ Juda tə́ gə̄ ō, de gə̄ ń ndin̄ Jerusalem ō ní,

JEREMI 2:26

Tītə̄ ń rɔ̄ nge ɓogə kə́ əhɔnən̄ dɔ ɓogə yá̰á̰ tə́ sɔlə̄n ní, de kə́ Israel tə́ gə̄ rɔ̄də́ sɔl̄də́ i beé ō, nin̄ ō, mban̄g yādə́ gə̄ ō, de kə́ bo yādə́ gə̄ ō, ngé tun̄ yá̰a̰ yādə́ gə̄ ō.

JEREMI 2:8

Ngé tun̄ yá̰a̰ gə̄ mbātén̄ kəda na: Kɔ́ɔ̄ɓē i rá? Ngé ger̄ ndū najə̄ gə̄ gerə̄mə̄n̄ alé. Ngé ngɔ̄m̄ yá̰a̰ kul̄ gə̄ mbātə́mə̄n̄ kɔ̄ɔ́. Ngé koō ta gə̄ ɔrə̄n̄ najə̄ kə rī ɓesə̄ Baal ō, nin̄ a̰ȳn̄ ngɔ̄də̄ gō nə́ɓā gə̄ kə́ kanjə̄ kumən gə̄ tə́ ō.

IJAI 28:7

Ngé tun̄ yá̰a̰ gə̄ ō, ngé koō ta gə̄ ō ní, nin̄ gə̄gē ɔrə̄n̄ najə̄ i kə̄ noó ngóy sɔɔ̄ń kasə nduú. Kasə rāādə́ adə̄ njə̄rān̄ a bḭ́ḭ̄n̄ i mbée. Nin̄ ɔrə̄n̄ najə̄ i kə̄ nuú ngóy sɔɔ̄ń kasə. Kasə nduú rāādə́ adə̄ kumdə́ a̰a̰ loo to̰ alé. Kasə rāādə́ adə̄ njə̄rān̄ a bḭ́ḭ̄n̄ i mbée. Dan ń nin̄ a̰a̰n̄ yá̰a̰ anī, ɔrə̄n̄ najə̄ i kə̄ nuú ngóy. Dan ń nin̄ a gāngə̄n̄ sarya anī, a̰a̰n̄ yá̰a̰ unjə̄ alé.

2 PIYER 2:1

Ngé koō ta kə́ rɔ̄kum aĺ gə̄ ton̄ dan gír de gə̄ yā Nə́ɓā tə́ kété, adə̄ ngé ndóō de gə̄ yá̰á̰ kə́ rɔ̄kum aĺ gə̄ a ton̄ dɔ dáńsí tə́ ō. Nin̄ a udən̄ dansí tə́ yā ndóō de gə̄ yá̰á̰ kə́ rɔ̄kum aĺ gə̄ ō, yá̰á̰ kə́ majaĺ ngá̰ý gə̄ ō, loo mundə̄ tə́ jəke. Ngoldə́ ń gān̄g dɔdə́ ní gə̄gē nin̄-aw̄n̄ bátə́ mbātə́nən̄ kɔ̄ɔ́. Nin̄-ndɔ́rə̄n̄ kudə kɔ̄ɔ́ reēn̄neé dɔ rɔ̄də́ nin̄ kɔ́ gə̄ tə́, ba kudə kɔ̄ɔ́ yādə́ ní a ɔr bā̰ā̰ alé.

JEREMI 2:29

I tām̄ rí tə́ á ī-rāāmī kə najá ní? Sḭḭ̄ malang ī-mbātə́mī kɔ̄ɔ́. Najə̄ ń Kɔ́ɔ̄ɓē əda ní n noó.

JEREMI 17:11

Deē ń ɔsə dɔ dūbə̄ yá̰a̰ kənge naā tə́ kə róbəneé aĺ ní, to i tītə̄ kerwḛy kə́ ɔbə̄ kaa kə́ i ni n ənī ní alé. Teē kə̄ danaá rik anī, yá̰a̰ kənge yān a əya̰n kɔ̄ɔ́ dan majə kə́ ngá̰ý tə́. A əsō ō, a tél de kə́ kur̄ dɔn gətóo kə̄ non tə́ ō.

JEREMI 27:15

M-ə́ládə́ aĺ ō, najə̄ gə̄ ń a ɔrə̄n̄ kə́ ngé koō ta gə̄ tə́ kə rīḿ ní i najə̄ kə́ rɔ̄kum aĺ ō. Adə̄ i tām̄ ń toō tə́ ń sḭḭ̄ ō, ngé koō ta yāsí gə̄ ō ní, m-ā m̄-tə̄ndā yā tḭ̄ḭ̄sí ō, ā oyiī ō ní.

JEREMI 42:1

Tā anī Yohanan kə́ ngōn̄ Karea ō, Ajaria kə́ ngōn̄ Hosaya ō ń nin̄ i ngol ngé rɔ̄ɔ̄ gə̄ malang ní ō, kósə de gə̄ malang, adə̄ i ngáń kə́ dūú gə̄gē, de kə́ tɔgə gə̄gē ní, ndɔ́tə̄n̄

JEREMI 23:10

De gə̄ malang kə́ kem ɓēé rāān̄ rāȳ, adə̄ ɓē nujə ō, ndɔ̄ĺ i dɔ tə́ ō. Yá̰a̰ tutə malang loo ń yá̰a̰ kul̄ gə̄ a o̰o̰n̄ tū tə́ ní. O̰o̰ de gə̄ i ta rāā yá̰á̰ kə́ majaĺ ō, əhɔn̄ rɔ̄də́ tɔgə i ta nujə loo ō ngóy.