JEREMI 6:12 - Bibəl ta Sar̄

¹² I de kə́ rang gə̄ n a ndin̄ kem kújə yādə́ gə̄ tə́ ní. Ndɔr̄ yādə́ gə̄ a télən̄ i ndɔr̄ yā de kə́ rang gə̄ ō, I de kə́ rang gə̄ n a ɓīīn̄ kə nə̄yá̰də́ gēé ō ní. M-ə́la jīḿ kə̄ dɔ de kə́ kem ɓēé gə̄ tə́. Najə̄ ń Kɔ́ɔ̄ɓē əda ní n noó.

Bible sar

¹² I de kə́ rang gə̄ n a ndin̄ kem kújə yādə́ gə̄ tə́ ní. Ndɔr̄ yādə́ gə̄ a télən̄ i ndɔr̄ yā de kə́ rang gə̄ ō, I de kə́ rang gə̄ n a ɓīīn̄ kə nə̄yá̰də́ gēé ō ní. M-ə́la jīḿ kə̄ dɔ de kə́ kem ɓēé gə̄ tə́. Najə̄ ń Kɔ́ɔ̄ɓē əda ní n noó.

JEREMI 6:12 Referans Kwoze

JEREMI 8:10

Tām̄ ń toō tə́ ní, m-ādə̄ nə̄yá̰də́ gə̄ de kə́ rang gə̄ ō, m-ādə̄ ndɔr̄ yādə́ gə̄ ngé gə̄ ń a taān̄ jīdə́ tə́ kɔ̄ɔ́ ní ō. Tɔdɔ̄ de kə́ yá̰a̰ aĺ gə̄ ō, de kə́ bo gə̄ ō malang naā tə́ i ngé rāā ta nar gə̄. Háĺ ngé koō ta gə̄ ō, ngé tun̄ yá̰a̰ gə̄ ō i háĺ kə́ rɔ̄kum alé.

IJAI 5:25

I tām̄ najə̄ ń toō tə́ n wōn̄g rāā Kɔ́ɔ̄ɓē ngá̰ý kə gír deē yān gēé ní. Ni ɓir̄ jīn ba un kə̄ dɔɔ́ əndańdə́. Mbal̄ bo gə̄ ndewn̄, nīń de gə̄ to kə̄ kum róbə kɔsə gə̄ tə́ tītə̄ loo gə̄ kə́ kánə̄n̄ yá̰á̰ kə́ yḛr gə̄ tū tə́ beē. Yá̰a̰ malang ń noō rāā yá̰á̰ ɓá tā, banī wōn̄g yā Kɔ́ɔ̄ɓē tetə alé. Ni əhɔ jīn kə́ ɓir̄ dɔɔ́.

SOPONI 1:13

I beé ɓá ní, a ɔyn̄ yá̰a̰ kənge yādə́ gə̄ dɔ gúú tə́ ō, a nujən̄ kújə yādə́ gə̄ kɔ̄ɔ́ ō. Nin̄ rāān̄ kújə gə̄, banī a ndin̄ kemeé alé. Nin̄ əhɔn̄ kāgə̄ nduú gə̄, banī a a̰ȳn̄ kasən alé.

NŌŌ RƆ̄ 5:11

Nin̄ ɓīīn̄ kə dəyá̰ kə́ Siyo̰ gə̄ ō, kə ngáń kə́ mandə kə́ Juda tə́ gə̄ ō, dɔ gúú tə́.

NŌŌ RƆ̄ 5:3

Jə-téĺ ngáń kə́ hal bɔbə̄ rāādə́ gə̄ ō, kó̰ó̰jí gə̄ ton̄ tītə̄ dəyá̰ kə́ ngaa koy gə̄ ō.

NŌŌ RƆ̄ 3:3

Ni ɓir̄ jīn əndamə̄ń ba tél əndamə̄ń ɓáý to̰, dəloí bátə́ loo sɔl̄.

NŌŌ RƆ̄ 2:8

Kɔ́ɔ̄ɓē núm̄ kadə̄ kə n-nujə ndogə̄ mbal̄ yā ngōmandə kə́ Siyo̰ kɔ̄ɔ́. A ənī kəlā kə́ yā jɔ̄r̄yɔń gidə loo kadə̄ asə naā ō, a tél kə jīneé karī kanjə̄ nujə loo aĺ ō. Ni-rāā adə̄ loo déw yā ngé rɔ̄ɔ̄ gə̄ ō, ndogə̄ mbal̄ ō, ton̄ ndoō ngá̰ý.

JEREMI 38:22

Dəyá̰ gə̄ malang ń na̰yn̄ kem kújə yā mban̄g kə́ Juda tə́ ɓáý ní, aw̄n̄ sedə́ kum kə̄ rɔ̄ de kə́ bo gə̄ yā mban̄g kə́ Babilon tə́. Dəyá̰ gə̄ ní ədan̄ na: Madə̄ taí kə́ ngá̰ý gə̄ kɔ́lnī ba o̰o̰n̄ ɓē dɔí tə́. Dan ń njaí dubə̄ bɔrɔɔ́ anī, nin̄ ɔrə̄n̄ rɔ̄də́ kɔ̄ɔ́.

IJAI 10:4

Yá̰á̰ ń sḭḭ̄ ásiī rāā ní, i rugə nang tə́ dan dəngáy gə̄ tə́, aláa i kəsō nang tə́ dan nīń gə̄ tə́ ngóy. Nge ń noō gə̄gē rāā adə̄ wōn̄g yā Kɔ́ɔ̄ɓē tetə alé, jīn kə́ ɓir̄ i kə́ kəla kə̄ dɔɔ́ ɓáý.

IJAI 9:17

A̰á̰ā̰, kem ndul i yá̰á̰ kə́ o̰o̰ loo tītə̄ hor kə́ o̰o̰ kōn̄ kə́ tayā tayā gə̄ beé. Hor ní əhɔ túpə kámbə gə̄ kə́ kem ku kāgə̄ gə̄ tə́ ō, rāā adə̄ sa hor kə́ ra kə ngālāá ɓururu ḭḭ ta kaw̄ dɔ rā̰ tə́ ō.

IJAI 9:12

Kɔ́ɔ̄ɓē ənda gír deē yān gə̄, banī Israel gə̄ télən̄ kə̄ rɔ̄n tə́ alé, nin̄ tūrə̄n̄ rɔ̄də́ kə̄ rɔ̄ Kɔ́ɔ̄ɓē kə́ bo kə́ tɔ́gən i ngá̰ý tə́ alé.

1 YÁ̰A̰ GƏ̄ 21:16

Dabid ənī kumən kə̄ dɔɔ́ anī a̰a̰ de kə́ dɔ rā̰ tə́ yā Kɔ́ɔ̄ɓē ɓōdə̄ loo tə́, ra i dɔ dán dɔ rā̰ nin̄ kə dɔ nangaá tə́. Nge kəla ní ɔr̄ kaskar yān kem hɔ̄pə̄n tə́, ba əla kum kə̄ dɔ ɓē kə́ Jerusalem tə́. Dabid nin̄ kə kum kɔ̄ɔ́ gə̄ ń əlan̄ kūbə̄ kəhɔ ndoō rɔ̄də́ tə́ ní əsō sébən̄ kumdə́ nang tə́.

JEREMI 7:20

I tām̄ ń toō tə́ n najə̄ ń Kɔ́ɔ̄ɓē Nə́ɓā əda ní n toó: M-ā m̄-bə̄gā wōn̄g yāḿ, wōn̄g kə́ ngá̰ý yāḿ dɔ loo ń toō tə́ ō, dɔ de gə̄ tə́ ō, dɔ dā̰ gə̄ tə́ ō, dɔ kāgə̄ kə́ bembeé gə̄ tə́ ō, dɔ kum kōō gə̄ kə́ teēn̄ dɔ nang tə́ tə́ ō. I hor kə́ a oy aĺ bátə́.

JEREMI 15:6

I ḭ̄ n ə́yam̄ kɔ̄ɔ́ ō, ī-tūr̄ gidií taḿ tə́ kɔ̄ɔ́ ō ní. M-ə́la jīḿ kə̄ dɔí tə́ kadə̄ m̄-nujə seí. Kɔr asəm̄ ta tə́gā taḿ tə́.

JEREMI 21:5

I mə̄kɔ́ n m-ā m̄-rɔ̄ɔ̄sí ní, kə tɔ́gə jīḿ kə́ ra dɔsí tə́ dɔɔ́. M-ā m̄-rɔ̄ɔ̄sí kə wōngōó, i wōn̄g kə́ to ɓōĺ ngá̰ý ō.

JEREMI 38:23

A aw̄n̄ kə nə̄yá̰í gə̄ malang ō, ngání gə̄ ō rɔ̄ Kalde gə̄ tə́. Īkɔ́ ā a̰ȳ yā tɔȳdə́ aĺ ō. Mban̄g kə́ Babilon a əhɔī kə jīneé ō, a əla hor dɔ ɓē ń toō tə́ ō.

EJEKIEL 35:3

Ə́dádə́ na najə̄ ń Kɔ́ɔ̄ɓē Nə́ɓā əda ní n toó: M-ā m̄-rāā yá̰á̰ kə́ tōr̄ sesí! Ḭ̄ Edom, m-ā m-ɔ́jə́ tɔ́gə́ḿ dɔí tə́. M-ā m̄-nujiī kɔ̄ɔ́ ō, m-ā m̄-rāāī kadə̄ ā ī-tél dəla loo ō.

MISE 2:4

Kum mbang ngeé ń noō tə́ ní, de gə̄ a ənīn̄ pā ń toō sesí, a ənīn̄ pā yo ń toō: Táān̄ yá̰a̰ yājí gə̄ malang kɔ̄ɔ́. Gír deē yājí gə̄ aw̄n̄ kə dɔ nang to̰ alé. Ngé kɔy yá̰a̰ yājí gə̄ dɔ gúú tə́, kēgə̄n̄ naā ndɔr̄ yājí gə̄ dɔ dáńdə́ tə́. Nin̄ táān̄ yá̰a̰ yājí gə̄ malang kɔ̄ɔ́ i najə̄ rí tə́?

SOPONI 1:4

M-ā m̄-rāā yá̰á̰ kógə̄ḿ kə dɔ nang kə́ Juda ō, kə de gə̄ malang kə́ kem ɓē kə́ Jerusalem tə́ ō. Gotə jī bēl̄ loo rāā ɓesə̄ Baal ń a na̰y ní ō, yá̰á̰ ń a rāā kadə̄ əga kem de gə̄ dɔ ngé tun̄ yá̰a̰ gə̄ yā nə́ɓā ń noō tə́ ní gə̄gē, m-ā m̄-rāā kadə̄ a gətóon̄ kɔ̄ɔ́ loo ń toō tə́.

NŌŌ RƆ̄ 5:2

Télən̄ kə yá̰a̰ kənge yājí adə̄n̄ tə̄rā gə̄ ō, kújə yājí gə̄ télən̄ yá̰a̰ kənge yā de kə́ deē ger̄də́ aĺ gə̄ ō.

EJEKIEL 7:24

M-ā m̄-reē kə nápar de gə̄ kə́ kemdə́ ndul ngá̰ý yā kadə̄ a taān̄ kújə yādə́ gə̄ kɔ̄ɔ́. M-ā m̄-nujə kɔjə rɔ̄ yā de kə́ ngan̄g ngá̰ý gə̄ kɔ̄ɔ́ ō, de gə̄ a rāān̄ loo yādə́ kə́ to ɓōĺ gidə i loo kə́ karī tə́ ō.