JEREMI 6:10 - Bibəl ta Sar̄

¹⁰ M-ā m-ɔ̄r̄ najə̄ i kə náā? I náā n i kə́ kum tə́ yāḿ kadə̄ de gə̄ oōneé najə̄ kɔrə̄ḿ ní? Á̰a̰ī, nin̄ mbīdə́ i kə́ kutə̄ kɔ̄ɔ́. Asən̄ nēl̄ mbīdə́ koōń najə̄ alé. Rāān̄ najə̄ yā Kɔ́ɔ̄ɓē i ndū kə́ deē tájə̄ tə́, adə̄ ndigən̄ koō alé.

Bible sar

¹⁰ M-ā m-ɔ̄r̄ najə̄ i kə náā? I náā n i kə́ kum tə́ yāḿ kadə̄ de gə̄ oōneé najə̄ kɔrə̄ḿ ní? Á̰a̰ī, nin̄ mbīdə́ i kə́ kutə̄ kɔ̄ɔ́. Asən̄ nēl̄ mbīdə́ koōń najə̄ alé. Rāān̄ najə̄ yā Kɔ́ɔ̄ɓē i ndū kə́ deē tájə̄ tə́, adə̄ ndigən̄ koō alé.

JEREMI 6:10 Referans Kwoze

KƏLA RĀĀ 7:51

Sḭḭ̄ i ngé dɔ ngan̄g gə̄, ngarān̄g kemsí ō, mbīsí ō, i kə́ kutə̄ kɔ̄ɔ́. Sḭḭ̄ i ngé mbātə́ najə̄ kə́ ta Ndíĺ kə́ Táĺ tə́ kə dɔ ndɔ̄ gə̄ tītə̄ yā kaasí gə̄.

JA̰A̰ 7:7

Banī nin̄-imə̄mə̄n̄ mā i tɔdɔ̄ kəda ń m-ə́da kə̄ ndágá wáńg na kəla rāādə́ gə̄ i kə́ majaĺ ní.

JEREMI 7:26

Banī nin̄ oōn̄ ndūḿ alé, nin̄ nēlə̄n̄ mbīdə́ alé, ba rāān̄ dɔ ngan̄g, kemdə́ ndul mān̄ yā kaadə́ gə̄.

HEBƏRO 11:7

I kə ta kūl̄ taā kem n Noe oōń tā yā Nə́ɓā ní. Nə́ɓā tāān najə̄ yá̰á̰ ń a rāā yā rāā yá̰a̰, banī ni asə ka̰ā̰ kə kumneé aĺ ɓáý ní. Ni oō ta Nə́ɓā adə̄ rāā to bo yā kajəń gír kojə yān ō, dā̰ rɔ̄n nəkɔ́ ō. Dan ń ni-rāā yá̰á̰ ń noō ní, ni-gān̄g i sarya dɔ de kə́ dɔ nang tə́ gə̄ tə́ ō, Nə́ɓā rāān de kə́ gōtə́ tə́ kə ta kūl̄ taā kem yānneé ní ō.

IJAI 53:1

Najə̄ kə́ kijə ń j-oō ní, i náā n taā kem ní? I náā n a̰a̰ tɔ́gə yā Kɔ́ɔ̄ɓē ger̄ ní?

Teē Ngán Israel gə̄ 6:12

Anī Moijə tél əda Kɔ́ɔ̄ɓē na n-ger̄ kɔr̄ najə̄ alé, ngán Israel gə̄ gə̄gē na oōn̄ najə̄ kɔrə̄n aĺ anī, Parao̰ tá ké a oō najə̄ kɔrə̄n i ba̰ý wa.

2 TIMOTE 4:3

Tɔdɔ̄ ndɔ̄ gə̄ a reēn̄ noó kadə̄ de gə̄ a ndigən̄ yá̰á̰ ndóō kə́ rɔ̄kum to̰ alé, ba a rāān̄ i yá̰á̰ ń kemdə́ gḛy ní. Adə̄ a ɔyn̄ ngé ndóōdə́ yá̰a̰ gə̄ kə́ kadə̄ a ndóōn̄də́ i yá̰á̰ ń nel̄də́ koō ní.

KOLOSƏ 1:28

I Kərist ngeé ń toō n j-ɔjə de gə̄ malang najə̄ yān ní. Jə-tāādə́ kógə̄ḿ kógə̄ḿ ō, j-ɔjədə́ yá̰a̰ kə kum kedēé ō, kadə̄ de gə̄ kógə̄ḿ kógə̄ḿ télən̄ de kə́ majə ɔtə̄ kə taá gə̄ kə gō ɓoo naā yādə́ kə Kərist.

Makətūbə̄ ń Pol ndang adə̄ Rom gə̄ ní 7:22

Ndū najə̄ yā Nə́ɓā nel̄ kemḿ ngá̰ý,

KƏLA RĀĀ 7:60

Gō tə́ anī ɔsə kejən nang tə́ ba əga kɔŕ ngá̰ý əda na: Kɔ́ɔ̄ɓē, ī-lōō kəndā najə̄ yá̰á̰ kə́ majaĺ ń toō dɔdə́ tə́. Dan ń əda najə̄ ń noō oy anī əhɔ tan kə̄ naā tə́.

JA̰A̰ 9:40

Parijiyḛ gə̄ ń ndin̄ seneé ní oōn̄ najə̄ ń toō anī, dəjen̄ na ké nin̄ i ngé ka̰a̰ loo aĺ gə̄ ō wa.

Najə̄ kə́ Majə yā Jeju ń Luk ndang ní 20:19

Ngé ndóō de gə̄ ndū najə̄ gə̄ kə ngol gə̄ kə́ dɔ ngé tun̄ yá̰a̰ gə̄ tə́ a sāān̄ kəhɔ Jeju kə̄ ta jī tə́ beē, ba nin̄-ɓōlə́n̄ ngán Israel gə̄. Tɔdɔ̄ nin̄-gerə̄n̄ majə kadə̄ kūjə́ najə̄ ń Jeju əda ní sɔɔ̄ i dɔdə́ nin̄.

Najə̄ kə́ Majə yā Jeju ń Luk ndang ní 11:45

Anī nge ndóō de gə̄ ndū najə̄ gə̄ kógə̄ḿ əda Jeju na: Ngoljí, ɔ̄r̄ najə̄ tītə̄ ń noō anī ī-tájə̄jí i jḭḭ ō.

MATIYE 3:7

Dan ń Ja̰a̰ a̰a̰ Parijiyḛ gə̄ ngá̰ý ō, Sadusiyḛ gə̄ ngá̰ý ō, reēn̄ rɔ̄n tə́ kadə̄ n-rāādə́ batém anī ədadə́ na: Sḭḭ̄, gír kaa lī kakə́m gə̄, wōn̄g yā Nə́ɓā ń a reē ní, i náā n ɔjəsí loo ka̰ȳ ta tə́ kɔ̄ɔ́ ní?

AMOS 7:10

Amasia ń i nge tun̄ yá̰á̰ kə́ kem ɓē kə́ Betel tə́ ní, əla kəla rɔ̄ Jeroboam mban̄g kə́ Israel tə́ tə́, ni ədan na: Amos sāā mbəreī kɔ̄ɔ́ dɔ kōr̄ kāgə̄ mbang kə́ Israel tə́ tə́. De kə́ kem ɓēé gə̄ asən̄ tə́gā tadə́ dɔ najə̄ kɔrə̄n gə̄ tə́ to̰ alé.

EJEKIEL 33:9

Ba ré ḭ̄ ī-tāā de kə́ majaĺ ní, ī-dəjen kadə̄ tūr̄ hálən, banī ni-rāā nge ń noō alé. Anī deē ngeé ń noō a oy najə̄ yá̰a̰ rāān gə̄ kə́ gōtə́ aĺ tə́, banī ḭ̄ ā ájə rɔ̄í.

EJEKIEL 33:3

Dan ń nge kum̄ loo a̰a̰ ngé rɔ̄ɔ̄ gə̄ yā madə̄ ba̰ā̰ loo reē tə́ anī, ni kɔ̄ŕ bərúnjə yā tāań de gə̄.

JEREMI 4:4

De kə́ Juda tə́ gə̄ ō, de kə́ kem ɓē kə́ Jerusalem tə́ gə̄ ō, ə́jaī mɔtəsí tām̄ yā Kɔ́ɔ̄ɓē tə́, ə́jaī mɔtə kə́ dan wursí tə́. Ré i beé aĺ anī, wōn̄g yāḿ a ndūbə̄ tītə̄ hor yā ko̰o̰ loo kanjə̄ kadə̄ deē asə tɔ̄l̄ ɔjəń dɔ kəla rāāsí kə́ majaĺ ngá̰ý gə̄.

PĀ GƏ̄ 119:174

Kɔ́ɔ̄ɓē, m̄-gḛy kadə̄ ájəm̄ kə jīí, ndū najə̄ yāí nel̄ kemḿ ngá̰ý.

PĀ GƏ̄ 119:77

Ɔ́jəm̄ kadə̄ ī-tárəm̄ anī m-ā m-ájə gogə́, tɔdɔ̄ nelə̄m̄ mā rāā yá̰á̰ ń ndū najə̄ yāí əda ní ngá̰ý.

PĀ GƏ̄ 119:70

Kemdə́ magə́rā kɔ̄ɔ́, banī nelə̄m̄ mā rāā yá̰á̰ ń ndū najə̄ yāí əda ní ngá̰ý.

PĀ GƏ̄ 119:35

Āw̄ seḿ dɔ róbə yā gō míndí gə̄ tə́, anī rɔ̄ḿ a nelə̄m̄ ngá̰ý loo kun gō tə́.

PĀ GƏ̄ 119:24

Yá̰a̰ gə̄ ń ə́dá ní adə̄mə̄n̄ rɔ̄nel̄ ngá̰ý, m-ə́nge kɔjə̄ kə́ majə gə̄ tū tə́.

PĀ GƏ̄ 119:16

Yá̰a̰ gə̄ ń ī-ndang kadə̄ yā rāā ní nelə̄m̄ ngá̰ý. dɔḿ ndígə̄nal najə̄ yāí alé.

PĀ GƏ̄ 40:8

Tā anī m-ə́da na: Á̰a̰ā̰, mə̄kɔ́ m̄-reē rɔ̄í tə́. M-ə́ngé yá̰á̰ ń kadə̄ m̄-rāā ní kem ndāŕ ndang najə̄ kógə̄ḿ kə́ ɓír̄ gidə naā tə́.

NDŪ NAJƏ̄ 29:4

Ni-rāāsí adə̄ ī-njə̄rāī kem dəla loo tə́ ɓāl̄ kutə sɔ́, banī kūbə̄ kə́ rɔ̄sí tə́ ngísə aĺ ō, sākə̄rā kə́ njasí tə́ gán̄g aĺ ō.

JEREMI 5:21

Gír de kə́ mbóo gə̄ ō, kə́ kur̄ dɔdə́ gətóo gə̄ ō, ōōī najə̄ ń toō. Kumsí i noó banī á̰a̰ī loo alé. Mbīsí i noó banī ōōī loo alé.

IJAI 42:20

Ḭ̄ gír de gə̄ yā Israel, ḭ̄ á̰á̰ yá̰a̰ gə̄ ngá̰ý, banī yá̰á̰ kógə̄ḿ kə́ ndi dɔí tə́ gətóo. Mbīí gə̄ i mbī kə́ majə gə̄, banī ḭ̄ ōō yá̰á̰ kógə̄ḿ alé.

JEREMI 7:13

Dan ń sḭḭ̄ ī-rāāī yá̰a̰ gə̄ ń toō malang ō, m-ɔ̄r̄ najə̄ sesí kə̄ nja naā tə́ ba ī-mbātíī koō ō, m̄-ɓārsí ba ī-mbātíī ndigə ō ní,

JEREMI 35:13

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda ní n toó: Āw̄ ə́da de kə́ Juda tə́ gə̄ ō, de gə̄ ń ndin̄ Jerusalem tə́ ní ō na: Ā ī-mbātíī yá̰a̰ gə̄ ń m̄-ndóōsí ní ō, ā ī-mbātíī najə̄ kɔrə̄ḿ gə̄ ō i bátə́ rə́ngáý tə́? Najə̄ ń Kɔ́ɔ̄ɓē əda ní n noó.

EJEKIEL 3:7

Banī ngán Israel gə̄ a ndigən̄ koō najə̄ yāí alé, tɔdɔ̄ nin̄ ndigən̄ koō najə̄ yāḿ alé. Tām̄ nin̄ malang ní dɔdə́ ngan̄g ngá̰ý ō, dumə̄n̄ naā ngá̰ý ō.