JEREMI 6:1 - Bibəl ta Sar̄

¹ Ngán Benjamḛ gə̄, ī-teēī kɔ̄ɔ́ Jerusalem ba ī-sāāī loo ɓɔ̄ɔ̄ rɔ̄ yāsí loo kə́ rang tə́. Ī-kɔ̄ríī tōw̄ Tekoa tə́. Ə́laī dərapóo kə̄ dɔɔ́ dɔ ɓē kə́ Bet Kerem tə́. Yá̰á̰ kə́ to kum kaȳ aĺ ḭḭ dām̄ mbɔ́r ɓē kə́ ko̰ó̰ tə́ a reēsí noó, ā ī-nujiī nujə kə́ to ɓōĺ ngá̰ý.

Bible sar

¹ Ngán Benjamḛ gə̄, ī-teēī kɔ̄ɔ́ Jerusalem ba ī-sāāī loo ɓɔ̄ɔ̄ rɔ̄ yāsí loo kə́ rang tə́. Ī-kɔ̄ríī tōw̄ Tekoa tə́. Ə́laī dərapóo kə̄ dɔɔ́ dɔ ɓē kə́ Bet Kerem tə́. Yá̰á̰ kə́ to kum kaȳ aĺ ḭḭ dām̄ mbɔ́r ɓē kə́ ko̰ó̰ tə́ a reēsí noó, ā ī-nujiī nujə kə́ to ɓōĺ ngá̰ý.

JEREMI 6:1 Referans Kwoze

NEHEMI 3:14

Deē ń rāā ta róbə dɔ bū loo ní i Malkia kə́ ngōn̄ Rekab. Ni i ngār kə́ gō nang kə́ Bet Kerem tə́. I ni n rāā tar óbə́ ní ō, tə́lá bápə gə̄ ta tə́ ō, rákə̄ yá̰a̰ ta tə́ ō, əga kélé ta tə́ ō ní.

JEREMI 6:22

Najə̄ ń Kɔ́ɔ̄ɓē əda ní n toó: Gír deē kógə̄ḿ gə̄ ḭḭn̄ mbɔ́r ɓē kə́ ko̰ó̰ tə́ a reēn̄ noó, nápar de kə́ ngá̰ý gə̄ ḭḭn̄ ta ngóy dɔ nang tə́ a reēn̄ noó.

2 YÁ̰A̰ GƏ̄ 11:6

Rāā i ɓē kə́ Betlehem ō, Etam ō, Tekoa ō,

2 SAMUEL 14:2

Ni-əla gō dəyá̰ kógə̄ḿ kə́ kumən edə̄ ngá̰ý tə́ kem ɓē kə́ Tekoa tə́ adə̄ reē, ba ədan na: Ā ī-rāā tītə̄ kə́ deē yāí kógə̄ḿ oy adə̄ ā ə́hɔ i ndoōn. Ā ō̰ō̰ pír ō, ā ī-ndum yibə̄ aĺ ō, ā ī-rāā tītə̄ kə́ ḭ̄ i dəyá̰ kógə̄ḿ kə́ a əhɔ i ndoō deē yān kə́ oy jóó ngá̰ý beé.

NGÉ SARYA 1:21

Ba Yebus gə̄ ń ndin̄ Jerusalem ní ngán Benjamḛ gə̄ tə̄ɓān̄də́ kɔ̄ɔ́ alé, adə̄ ndin̄ naā tə́ sedə́ kem ɓē kə́ Jerusalem tə́ bátə́ ɓōólaā.

AMOS 1:1

Makətūbə̄ yā Amos ɔjə i gotə najə̄ kɔr̄ Amos. Ni i nge ngɔ̄m̄ yá̰a̰ kul̄ gə̄. I de kə́ kem ɓē kə́ Tekoa tə́. Ɓāl̄ jōó kə̄ kété no tə́ pá tá kadə̄ dɔ nang ndebə ní, Kɔ́ɔ̄ɓē ɔjən yá̰á̰ kə́ kadə̄ əda dɔ ɓē ko̰o̰ kə́ Israel tə́. I dan ń Ojias ndiń mban̄g Juda tə́ ō, Jeroboam kə́ ngōn̄ Joas ndiń mban̄g Israel tə́ ō ní.

JEREMI 25:9

m-ā m-ə́la gō gír de kə́ mbɔ́r ɓē kə́ ko̰ó̰ tə́ gə̄ ō, m-ā m̄-ɓār̄ nge kəla yāḿ Nabukodonosor, mban̄g kə́ Babilon tə́ ō, yā reē sedə́ kadə̄ rɔ̄ɔ̄n̄ ɓē ń toō ō, de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ malang ń gīrə̄n̄ gidə ní ō. M-ə̄ndādə́ dɔ jīḿ yā rāādə́ kadə̄ télən̄ ndágə loo kə́ to kum ko̰, kə́ de gə̄ a əgan̄ kɔŕ ɓōĺ dɔ tə́ ō, yá̰á̰ kə́ nujə sák sák kə́ njɔ́ḿ gə̄ tə́ ō.

JEREMI 10:22

De gə̄ oōn̄ kōō yá̰á̰ kógə̄ḿ kə́ a reē kə̄ dɔdə́ tə́ ō, kə́ ḭḭ dām̄ mbɔ́r ɓē kə́ ko̰ó̰ tə́ ba yéȳ yá̰a̰ kə ngangāá ngá̰ý ō. A reē yā rāā ɓē kə́ Juda tə́ kadə̄ tél loo kə́ to kum ko̰ ō, kadə̄ telən̄ loo ra tal̄ gə̄ ō.

JEREMI 4:29

Dan ń kōō ngé kal̄ sə́nda gə̄ ō, ngé kur gə̄ra gə̄ ō a ɓār̄ anī, de kə́ kem ɓēé gə̄ malang a̰ȳn̄ naā kɔ̄ɔ́. Udən̄ kem ku kāgə̄ gə̄ tə́ ō, alə̄n̄ dɔ mbal̄ gə̄ tə́ ō, teēn̄ kɔ̄ɔ́ kem ɓē bo gə̄ tə́ malang. De kógə̄ḿ kə́ na̰y kem ɓēé gətóó bátə́.

JOJUE 15:63

Yebus gə̄ ń ndin̄ Jerusalem ní, Juda gə̄ asən̄ tə́ɓādə́ alé, adə̄ nin̄ kem ɓē kə́ Jerusalem tə́ kə Juda gēé bátə́ ɓōólaā.

AMOS 3:6

Deē a kɔĺ tōw̄ rɔ̄ɔ̄ kem ɓēé kanjə̄ kəla ɓōĺ kem de kə́ kem ɓēé gə̄ tə́ a? Yá̰á̰ kə́ to kum kaȳ aĺ kógə̄ḿ a reē dɔ ɓē tə́ kanjə̄ kadə̄ i Kɔ́ɔ̄ɓē n əlań a?

JAKARI 6:6

Púsə rɔ̄ɔ̄ ń sə́ndá kə́ ndul gə̄ unən̄ ní, aw̄ kum kə̄ dām̄ mbɔ́r ɓē kə́ ko̰ó̰ tə́ ō, sə́ndá kə́ ndaa gə̄ aw̄n̄ kum kə̄ no ɓē tə́ ō, sə́ndá kə́ ɓál gə̄ aw̄n̄ kum kə̄ dām̄ mbɔ́r ɓē kə́ geleé tə́ ō.

NEHEMI 3:5

De gə̄ ń rāān̄ kəla kadə Sadok tə́ ní i de kə́ Tekoa gə̄. Banī de kə́ bo yādə́ gə̄ mbātə́n̄ rāā kəla ń kɔ́ɔ̄ kəla gə̄ ɔjən̄də́ ní.