JEREMI 52:3 - Bibəl ta Sar̄

³ I wōn̄g n ndḛḛ̄ Kɔ́ɔ̄ɓē rāā kadə̄ yá̰á̰ kə́ majaĺ gə̄ ń noō reēn̄ dɔ ɓē kə́ Jerusalem tə́ ō, kə́ Juda tə́ ō ní. Ta tɔ̄l̄ ta anī, ni-tə̄ɓā de kə́ kemeé gə̄ əndādə́ sa̰y kɔ̄ɔ́ rɔ̄n tə́. Sedekias mbātə́ kəla dɔn gír tɔ́gə yā mban̄g kə́ Babilon tə́.

Bible sar

³ I wōn̄g n ndḛḛ̄ Kɔ́ɔ̄ɓē rāā kadə̄ yá̰á̰ kə́ majaĺ gə̄ ń noō reēn̄ dɔ ɓē kə́ Jerusalem tə́ ō, kə́ *Juda tə́ ō ní. Ta tɔ̄l̄ ta anī, ni-tə̄ɓā de kə́ kemeé gə̄ əndādə́ sa̰y kɔ̄ɔ́ rɔ̄n tə́. Sedekias mbātə́ kəla dɔn gír tɔ́gə yā mban̄g kə́ *Babilon tə́.

JEREMI 52:3 Referans Kwoze

IJAI 3:1

Yá̰a̰ kəsa kə́ kəndā dɔ jī ō, man̄ ō, kə́ kem ɓē kə́ Jerusalem tə́ ō, kə́ kem ɓē ko̰o̰ kə́ Juda tə́ ō ní, Kɔ́ɔ̄ɓē kə́ bo kə́ tɔ́gən i ngá̰ý, ni ń i ngol ní, a ɔy malang kɔ̄ɔ́. Yá̰a̰ malang ń nin̄ əndān̄ tɔ́gə́də́ dɔ tə́ ní, ni a taā jīdə́ tə́ kɔ̄ɔ́:

2 YÁ̰A̰ GƏ̄ 36:13

Mban̄g Nabukodonosor ń ni ənī míndən adə̄n kə rī Nə́ɓāá ní ni mbātə́ kadə̄ ndi dɔn tə́ ō. Ni rāā dɔ ngan̄g, mbātə́ tél kə̄ rɔ̄ Kɔ́ɔ̄ɓē Nə́ɓā yā Israel tə́.

IJAI 19:4

M-ā m-ə́la dɔ ɓē kə́ Ejiptə gíŕ tɔ́gə yā ngol kógə̄ḿ kə́ kumən o̰o̰n aĺ tə́, mban̄g kógə̄ḿ kə́ nelə̄n rāā de gə̄ yá̰á̰ kə́ tōr̄ a ndi dɔn tə́. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, ni ń i ngol ō ní, əda ní n toó:

KOHELET 10:16

Yá̰á̰ kə́ to kum kaȳ aĺ i yā ɓē ń mban̄g kə́ tū tə́ i ngōn̄ ɓáý ní ō, ngār kə́ kemeé gə̄ i ngé kəsa yá̰a̰ dəloí ɓatə gə̄ ní ō!

Gōsə̄ najə̄ gə̄ 28:2

Ré de kə́ kem ɓēé gə̄ malang əsōn̄ wōn̄g anī, ngār gə̄ i ngá̰ý. Banī yá̰a̰ njə̄rā kə gōó i kə ta kūl̄ de kógə̄ḿ kə́ kemən ger̄ najə̄ ō, ni ger̄ yá̰a̰ ō.

1 MBAN̄G GƏ̄ 10:9

Kɔ́ɔ̄ɓē Nə́ɓā yā Salomo̰ ń gə̄rā Salomo̰ kadə̄ o̰o̰ ɓē dɔ Israel gə̄ tə́ ní, ādə̄ de gə̄ ɓōkə́nən̄ tɔ̄ȳ. Kɔ́ɔ̄ɓē na tár Israel gə̄ na i kə́ njɔ́ḿ gə̄ tə́ á na əndā Salomo̰ kadə̄ ni i mban̄g yādə́ kadə̄ gān̄g sarya yādə́ kə gō gēé ní.

2 SAMUEL 24:1

Wōn̄g rāā Kɔ́ɔ̄ɓē kə ngán Israel gēé ɓáý to̰. Ni sə̄lā Dabid dɔdə́ tə́. Mērən tə́da kutə Israel gə̄ ō, Juda gə̄ ō,

TA KƏLA 4:14

Ɓōólaā ī-tə̄ɓām̄ kɔ̄ɔ́ dɔ nang ń toō tə́, adə̄ m-āw̄ yā ɓɔ̄ɔ̄ rɔ̄ḿ kɔ̄ɔ́ sa̰y ta kumií tə́. M-ā m̄-tél de kə́ nge ndi gotə kógə̄ḿ alé, m-ā m̄-dáȳ i dɔɔ́. Náā nəkɔ́ ń a əngem̄ anī a tɔ̄lə̄m̄.

TA KƏLA 4:16

Gō tə́ anī Kain aw̄ ndi dɔ nang kə́ Nod tə́, sa̰y kɔ̄ɔ́ ta kum Kɔ́ɔ̄ɓē tə́, dām̄ ndɔr̄ Eden kə́ gír ɓē tə́ tə́.

2 MBAN̄G 24:20

I wōn̄g n ndḛḛ̄ Kɔ́ɔ̄ɓē rāā kadə̄ yá̰á̰ kə́ majaĺ gə̄ ń noō reēn̄ dɔ ɓē kə́ Jerusalem tə́ ō, dɔ ɓē ko̰o̰ kə́ Juda tə́ ō ní. Ta tɔ̄l̄ ta anī ni-tə̄ɓādə́ əndādə́ sa̰y kɔ̄ɔ́ rɔ̄n tə́. Sedekias mbātə́ kəla dɔn gír tɔ́gə yā mban̄g kə́ Babilon tə́.

JEREMI 7:15

M-ā m̄-tə̄ɓāsí rɔ̄ḿ tə́ kɔ̄ɔ́ sa̰y tītə̄ ń m̄-tə̄ɓāń ngákó̰ó̰sí gə̄ malang kə́ gír kaa yā Epəraim tə́ ní ō.

JEREMI 15:1

Kɔ́ɔ̄ɓē ədam̄ na: Ká ré Moijə nin̄ kə Samuel reē ran̄neé ta kumḿ tə́ gə̄gē anī, m-ā m-ōō ndɔ̄ȳ yādə́ kə́ tām̄ yā de gə̄ ń noō tə́ alé. Ī-tə́ɓādə́ kɔ̄ɔ́ ta kumḿ tə́, ādə̄ aw̄n̄.

2 MBAN̄G 17:18

Loo ń noō tə́ wōn̄g yā Kɔ́ɔ̄ɓē ḭḭ seneé kə Israel gēé, ni ɔydə́ aw̄ sedə́ sa̰y kɔ̄ɔ́ rɔ̄n tə́. I gír ɓē yā Juda ngóy n ndi gotoó ní.

2 MBAN̄G 17:20

I tām̄ najə̄ ń noō tə́ n Kɔ́ɔ̄ɓē mbātə́nń Israel gə̄ malang ní. Ni-əla rɔ̄sɔl̄ dɔdə́ tə́, əya̰də́ adə̄ ngé ɓogə gə̄ ɔyn̄ yá̰a̰ kənge yādə́ gə̄ ō, ta tɔ̄l̄ ta anī tə̄ɓādə́ əndādə́ sa̰y kɔ̄ɔ́ rɔ̄n tə́ ō.

2 MBAN̄G 17:23

Ta tɔ̄l̄ ta anī Kɔ́ɔ̄ɓē gḛy ka̰a̰də́ ta kumən tə́ to̰ alé. Ni ɔydə́ aw̄ sedə́ dɔ nang kə́ Asiri tə́, adə̄ ndin̄ noó bátə́ ɓōólaā gə̄gē. I beé n Kɔ́ɔ̄ɓē rāań adə̄ najə̄ ń ni-əda kété ní reē udəń gírí ní. Ni-əndā najə̄ ní i ta ngé kəla gə̄ ń i ngé koō ta yān gə̄ tə́ ní.

ESDRAS 4:15

kadə̄ de yāí gə̄ ndəlen̄ gír kem makətūbə̄ yá̰á̰ kə́ rāā yá̰á̰ jóo gə̄ yā ngé gə̄ ń o̰o̰n̄ ɓē kété noí tə́ ní. Ā ī-teē dɔ tə́ kemeé ō, ā ī-ger̄ kadə̄ de kə́ kem ɓē ngeé ń toō tə́ gə̄ i de kə́ dɔdə́ ngan̄g ngá̰ý gə̄ ō, i de kə́ ngé nujə yá̰a̰ yā mban̄g gə̄ ō, yā ngé ko̰o̰ ɓē gə̄ ō. Tá nin̄ a oōn̄ naā i kem ɓē ngeé ń toō tə́ n a ənīn̄eé wúȳ ní ō. Əlan̄ gír rāā yá̰á̰ ń noō i jóó ngá̰ý. Adə̄ i tām̄ najə̄ ń noō tə́ n nujən̄neé ɓē ngeé ń toō kɔ̄ɔ́ ní.

IJAI 36:5

Ḭ̄ ə́da na i najə̄ kə́ taí tə́ ngóy n ā ə́ngeń kajə ō tɔ́gə ō loo rɔ̄ɔ̄ tə́! Ə̄ndā kemií i dɔ náā tə́ n ī-mbātə́nń koō najə̄ taḿ tə́ ní?