JEREMI 52:12 - Bibəl ta Sar̄

¹² Kem ɓāl̄ kə́ nge ko̰ kutə gidə i ndōhó ń Nabukodonosor ndiń mban̄g Babilon tə́ ní, kə ndɔ̄ kə́ nge ko̰ sīrí yā nāā kə́ nge ko̰ mí anī, Nebujaradan ngol ngé ngɔ̄m̄ mban̄g gə̄ ń i nge kəla yā mban̄g kə́ Babilon ní, udə kem ɓē kə́ Jerusalem tə́.

Bible sar

¹² Kem ɓāl̄ kə́ nge ko̰ kutə gidə i ndōhó ń Nabukodonosor ndiń mban̄g *Babilon tə́ ní, kə ndɔ̄ kə́ nge ko̰ sīrí yā nāā kə́ nge ko̰ mí anī, Nebujaradan ngol ngé ngɔ̄m̄ mban̄g gə̄ ń i nge kəla yā mban̄g kə́ Babilon ní, udə kem ɓē kə́ Jerusalem tə́.

JEREMI 52:12 Referans Kwoze

2 MBAN̄G 25:8

Kem ɓāl̄ kə́ nge ko̰ kutə gidə i ndōhó ń Nabukodonosor ndiń mban̄g Babilon ní, kə ndɔ̄ kə́ nge ko̰ sīrí yā nāā kə́ nge ko̰ mí tə́ anī, Nebujaradan ngol ngé ngɔ̄m̄ mban̄g gə̄ ń ni i nge kəla yā mban̄g kə́ Babilon ní, udə kem ɓē kə́ Jerusalem tə́.

JAKARI 8:19

Ndi ń ā ī-*ndiī ɓō tām̄ yā Nə́ɓā tə́ kem nāā kə́ nge ko̰ sɔ́ tə́ ō, mí tə́ ō, kem nāā kə́ nge ko̰ sīrí tə́ ō, kutə tə́ ō ní, ngɔlaā a télən̄ i ndɔ̄ naā gə̄ kə́ rɔ̄nel̄ i ngá̰ý tū tə́ ō, kem de gə̄ a nel̄də́ ngá̰ý tū tə́ ō, tām̄ yā gír de gə̄ kə́ Juda tə́. I beé ní, ī-gḛyiī najə̄ kə́ rɔ̄kum ō, ndi lɔm ō.

JEREMI 52:29

Kem ɓāl̄ kə́ nge ko̰ kutə gidə i sɔ́sɔ́ ń Nabukodonosor o̰o̰ń ɓē tə́ ní, ni-əhɔ de gə̄ 832 Jerusalem tə́ aw̄ sedə́.

JEREMI 39:9

Nebujaradan ngol ngé ngɔ̄m̄ dɔ mban̄g əhɔ ngé kənge yá̰a̰ gə̄ ń na̰yn̄ kem ɓēé ní ō, de gə̄ ń a̰ȳn̄ ta rɔ̄ɔ̄ tə́ ba nam̄nən̄ ní ō, dɔ gúú tə́ aw̄ sedə́ Babilon.

2 MBAN̄G 24:12

Loo ń noō tə́ mban̄g Joakin əya̰ rɔ̄n adə̄ mban̄g Nabukodonosor. Ni teē kem ɓēé reē rɔ̄ mban̄g Nabukodonosor tə́. Reēn̄ nin̄ i kə kó̰o̰neé ō, kə ngé kəla yān gēé ō, kə de kə́ bo yān gēé ō, kə ngol áskar yān gēé ō. Mban̄g kə́ Babilon əhɔdə́ dəngáy. I kem ɓāl̄ ko̰o̰ ɓē yā Nabukodonosor kə́ nge ko̰ sɔ́sɔ́ tə́.

JEREMI 52:14

Ngol ngé ngɔ̄m̄ dɔ mban̄g un ndūn adə̄ ɓūtə̄ áskar gə̄ malang kə́ Kalde tə́ gə̄ adə̄ tɔ̄ɔ̄n̄ ndogə̄ mbal̄ kə́ gidə ɓē kə́ Jerusalem tə́ kɔ̄ɔ́.

TA KƏLA 37:36

De kə́ Madian gə̄ aw̄n̄ kə Jəjepé Ejiptə tə́, aw̄ igən̄ seneé jī Potipar tə́. Potipar i de kə́ mban̄g Parao̰ ənī kemən adə̄n ō, ni i ngol áskar yān gə̄ ō.

ESDRAS 5:12

Banī kaadə́ gə̄ na rāān̄ adə̄ wōn̄g na rāā Nə́ɓā kə́ dɔ rā̰ tə́ adə̄ na əladə́ kem jī Kalde deē ń i Nabukodonosor mban̄g kə́ Babilon tə́ ní. Nabukodonosor na nujə kújə ngeé ń toō kɔ̄ɔ́ ō, na ɔy ngán Israel gə̄ aw̄ sedə́ Babilon ō.

NEHEMI 2:3

banī m-ə́da na: Kɔ́ɔ̄ ɓē gə̄, yá̰á̰ ń m̄-ndə̄ngā tām̄ yāí tə́ ní i kadə̄ ī-ndi kə kumií ngándáńg! Dan ń ɓē ń dubə̄n̄ kaaḿ gə̄ kemeé ní i kə́ nujə sák sák kɔ̄ɔ́ ō, bápə́ kə́ ta tə́ gə̄ i kə́ hor o̰o̰ kɔ̄ɔ́ ō ní, loo kadə̄ dɔ kumḿ a nelə̄m̄ i ba̰ý?

PĀ GƏ̄ 79:1

Pā yā Asap. Nə́ɓā, nápar de gə̄ taān̄ loo dɔ nang yāí tə́. Nin̄ rāān̄ adə̄ kújə́ kə́ táĺ yāí téĺ kújə́ kə́ yḛr ō, nin̄ nujən̄ ɓē kə́ Jerusalem sák sák kɔ̄ɔ́ ō.

DANIEL 1:1

Kem ɓāl̄ ko̰o̰ ɓē kə́ nge ko̰ mətá yā Joakim mban̄g kə́ Juda tə́ ní, Nabukodonosor mban̄g kə́ Babilon reē gīr̄ ɓē kə́ Jerusalem kə rɔ̄ɔ́.

JEREMI 1:3

Kɔ́ɔ̄ɓē ɔr̄ najə̄ seneé ɓáý to̰ i ɓāl̄ yā Joakim, ngōn̄ Joas, mban̄g kə́ Juda tə́, bátə́ ta tɔ̄l̄ ta ɓāl̄ kə́ nge ko̰ kutə gidə i kógə̄ḿ yā Sedekias, ngōn̄ Josias, mban̄g kə́ Juda tə́, bátə́ kadə̄ əhɔn̄neé de kə́ Jerusalem gə̄ dɔ gúú tə́ aw̄n̄ sedə́ dɔ nang kə́ rang tə́, kem nāā kə́ nge ko̰ mí tə́.

JEREMI 32:29

Kalde gə̄ ń ənīn̄ ɓē ń toō rɔ̄ɔ̄ ní a udən̄ kemeé. A əlan̄ hor dɔ tə́ yā róōnəń naā tə́ kə kújə gə̄ ń de gə̄ róōn̄ yá̰a̰ ndējə̄ gə̄ kə́ tām̄ yā Baal tə́ ō, tə́ten̄ kasə adə̄n̄ nə́ɓā kə́ rang gə̄ ō, dɔ tə́ dɔɔ́ adə̄ wōn̄g rāām̄ ní. Kɔ́ɔ̄ɓē ɔr̄ najə̄ i tītə̄ ń noō.

JEREMI 39:11

Nabukodonosor, mban̄g kə́ Babilon ɔr̄ najə̄ yā Jeremi kə Nebujaradan kə́ ngol ngé ngɔ̄m̄ dɔ mban̄g ba ədan yá̰a̰ gə̄ kə́ yā kadə̄ rāā:

DANIEL 2:14

Daniel ɔr̄ najə̄ kə Ariok ngol ngé ngɔ̄m̄ mban̄g gə̄ ń teē a aw̄ kə̄ tɔ̄l̄ ngé kum kedə̄ gə̄ kə́ Babilon tə́ ní kə kum kedēé ō, kə miyḛ́ré ō, Ni dəjen na kə́ mban̄g gān̄g sarya kə́ ngan̄g ngá̰ý beē i tām̄ rí tə́ wa. Anī Ariok ɔjən gír najə̄ ní.