JEREMI 52:10 - Bibəl ta Sar̄

¹⁰ Mban̄g kə́ Babilon mēr̄ tə́jā míndə́ ngán Sedekias gə̄ ta kumən tə́. Ni adə̄ tə́jān̄ míndə de kə́ bo gə̄ malang kə́ Juda tə́ Ribəla tə́ ō.

Bible sar

¹⁰ Mban̄g kə́ Babilon mēr̄ tə́jā míndə́ ngán Sedekias gə̄ ta kumən tə́. Ni adə̄ tə́jān̄ míndə de kə́ bo gə̄ malang kə́ *Juda tə́ Ribəla tə́ ō.

JEREMI 52:10 Referans Kwoze

JEREMI 22:30

Kɔ́ɔ̄ɓē ɔr̄ najə̄ i tītə̄ ń toō: Ī-ndangiī najə̄ kə́ dɔ deē ń toō tə́! I de kə́ nujə kɔ̄ɔ́. I ngōn̄ kə́ dəngam kə́ kəla rāān teēn yá̰á̰ tə́ aĺ bátə́ dan ń ndiń kə kumneé ní. Dan ngán kaaí gə̄ tə́ ní, nge kə́ kal kógə̄ḿ kə́ a asə ndi dɔ kōr̄ kāgə̄ mbang yā Dabid tə́ ō, kə́ a asə ko̰o̰ ɓē dɔ Juda tə́ ō ní gətóo.

2 MBAN̄G 25:7

Tə́jān̄ míndə ngán Sedekias gə̄ ta kumən tə́. Gō tə́ anī Nabukodonosor tɔ́sə̄ kumən tɔ̄ɔ̄ ō, do̰ō̰n kə súĺ kə́ rāā kə nə̄ngá kasaá adə̄ ngan̄g ō, ba əla seneé Babilon.

NDŪ NAJƏ̄ 28:34

Yá̰a̰ gə̄ ń a rāān̄ yá̰a̰ ta kumií tə́ á á̰a̰ kə ndɔ̄ gə̄ ní, ta tɔ̄l̄ ta anī a rāānī kadə̄ kɔ̄r̄ rāāī.

TA KƏLA 44:34

Ré ngōn̄ ní i seḿ aĺ anī, loo kadə̄ m̄-tél m-āw̄ rɔ̄ bɔbə́ḿ tə́ gətóo. m̄-gḛy kadə̄ yá̰á̰ kə́ to kum kaȳ aĺ rāā bɔbə́ḿ ta kumḿ tə́ alé.

TA KƏLA 21:16

ba ɔr̄ rɔ̄n ndi sa̰y. Loo kə́ dɔ dáńdə́ tə́ asə kə dɔ dán loo ń deē ur gərā anī a əsō tū tə́ ní, tɔdɔ̄ ni-əda na kə n-a̰a̰ ngōnə̄n loo koy tə́ alé. Adə̄ aw̄ ndi sa̰y ndi a nōō.

EJEKIEL 9:6

Ī-tɔ̄lī ɓə́ga gə̄ ō, ngásáā gə̄ ō, ngámandə gə̄ ō, ngán gə̄ ō, dəyá̰ gə̄ ō! Ī-rāāī ādī nin̄ gətóon̄ kɔ̄ɔ́ malang! Banī de gə̄ malang ń əjan̄ yá̰a̰ nɔtə nodə́ tə́ ní, ī-lōōī kɔdə rɔ̄də́. Ə́laī gír kem loo kə́ táĺ yāḿ tə́ laā. Loo ń noō tə́ nin̄ əlan̄ gír tɔ̄l̄ kum kɔɔ̄ gə̄ ndin̄ ta kújə yā Kɔ́ɔ̄ɓē tə́ ní.

JEREMI 34:21

Ba Sedekias, mban̄g kə́ Juda tə́ ō, de kə́ bo yān gə̄ ō, tā anī m-ā m-ə́ládə́ jī madə̄ ba̰ā̰də́ gə̄ tə́ ō, jī ngé ndə̄ngādə́ yo gə̄ tə́ ō, jī ɓūtə̄ ngé rɔ̄ɔ̄ yā mban̄g kə́ Babilon tə́ gə̄ ń ndɔ́tə̄n̄ kə gérger yādə́ ń gīrə̄n̄neé gidə ɓē ní i ngɔr ɓáý ní ō.

EJEKIEL 24:5

Ɔ́y dā̰ ngán batə̄ gə̄ ń i dā̰ kə́ ngəra aĺ ní ō, ī-ɓōkə́ kə̄ngā gə̄ gíŕ jóó ō, ba ə̄ndā horó malang ādə̄ nēgə́ dul dul. Ādə̄ kə̄ngā gə̄ gə̄gē a ndīrə̄n̄ ō.