JEREMI 51:8 - Bibəl ta Sar̄

⁸ Ba Babilon teē əsō gidə kógə̄ḿ ō, tétə̄ rárák ō. Ī-nōōī najə̄ yān tə́, ī-rāāī bəto kāgə̄ ta don tə́, na majanī do ní a edə̄.

Bible sar

⁸ Ba Babilon teē əsō gidə kógə̄ḿ ō, tétə̄ rárák ō. Ī-nōōī najə̄ yān tə́, ī-rāāī bəto kāgə̄ ta don tə́, na majanī do ní a edə̄.

JEREMI 51:8 Referans Kwoze

JEREMI 46:11

Ngōmandə kə́ Ejiptə, āw̄ Galaad ī-sāā bəto kāgə̄ kə́ yā rāā ta do tə́. Ī-rɔ̄ɔ̄ dɔ rɔ̄í tə́ kə kḭ̄ḭ̄ gə̄ kə́ gíŕdə́ i ngá̰ý ɓá tā, ba i ndańg karī, yá̰á̰ kógə̄ḿ kə́ asə kadī rɔ̄ ngān̄g gətóo.

IJAI 21:9

Á̰a̰ī, deē kógə̄ḿ a reē noó! Ndi i kem púsə rɔ̄ɔ̄ kə́ sə́nda gə̄ jōó unən̄ tə́. Ni əga kɔŕ, əda na: Ɓē kə́ Babilon əsō, ɓē kə́ Babilon əsō! Yá̰á̰ kə́ tɔ́sə̄ kum gotə nə́ɓā yān gə̄ ton̄ nang tə́ malang, tétə̄n̄ rárák kɔ̄ɔ́.

JEJU TEĒ KUM JA̰A̰ 14:8

Anī de kə́ dɔ rā̰ tə́ kə́ rang kə́ nge ko̰ jōó utə̄ gōn, əda na: Babilon ń i ɓē bo ní, əsō kɔ̄ɔ́, əsō kɔ̄ɔ́! Ni-adə̄ nápar de gə̄ malang kasə nduú ń i ájə́ba kɔ̄r̄ yān ní adə̄ a̰ȳn̄.

JEJU TEĒ KUM JA̰A̰ 18:2

Ni-əga kɔŕ ngá̰ý əda na: Babilon ń i ɓē kə́ bo ní əsō kɔ̄ɔ́, əsō kɔ̄ɔ́! Adə̄ tél i loo ndi ndíĺ kə́ majaĺ gə̄ ō, loo ɓɔ̄ɔ̄ rɔ̄ yā ndíĺ kə́ yḛr gə̄ malang ō, yā yel̄ kə́ yḛr gə̄ malang ō, yā dā̰ kə́ yḛr gə̄ malang kə́ majən̄ aĺ ta kum de gə̄ tə́ ō.

JEREMI 50:2

Ədaī najə̄ ń toō dan nápar de gə̄ tə́ ādə̄ de gə̄ gerə̄n̄ gō. Ə̄nīī najə̄ ní mbīdə́ tə́ ādə̄ oōn̄. Ə́daī ādə̄ de gə̄ oōn̄, ba ī-lōōī ɓɔ̄ɔ̄ dɔ najə̄ ní. Ədaī na: Taān̄ ɓē kə́ Babilon kɔ̄ɔ́, ɓesə̄ Bel i kə rɔ̄sɔlɔ̄ɔ́, ɓesə̄ Marduk əsō tétə̄ rárák kɔ̄ɔ́. Nujən̄ ɓesə̄ yān gə̄ sák sák kɔ̄ɔ́.

JEREMI 48:20

Rɔ̄ Moab sɔlən̄ adə̄ tɔ́gən ur̄ wak kɔ̄ɔ́. Ī-nōōī kə̄ dɔɔ́ ɓoo ɓoo ō, ī-ɓārí yá̰a̰ ādə̄ dḭḭ̄n̄sí ō. Ə̄nīī mbēr̄ kadə man̄ Arnon tə́ ə́daī na: Nujən̄ ɓē kə́ Moab sák sák kɔ̄ɔ́.

NAHUM 3:19

Rɔ̄ɔ̄ ń tetiī ní i kə́ njɔ́ḿ gə̄ tə́ ō, do gə̄ ń ə́ngé ní, a asən̄ kedə̄ aĺ ō. De gə̄ malang ń oōn̄ kōōí ní, əndan̄ jīdə́ gíŕ yá̰á̰ kə́ to kum kaȳ aĺ ń teē dɔí tə́ ní. Tām̄ i náā n a̰a̰ tápə̄ najə̄ yá̰a̰ rāāí gə̄ kə́ kumií o̰o̰ī loo rāā tə́ aĺ alé ní? Yá̰a̰ rāāí gə̄ ní, loo dəba tadə́ gətóo!

DANIEL 5:24

I tām̄ najə̄ ń noō tə́ n ni-əla jī deē reē ndang yá̰á̰ ń toō ní.

EJEKIEL 30:2

Ḭ̄ ngōn̄ deē, ɔ̄r̄ najə̄ ādə̄m̄, ə́da na: Najə̄ ń Kɔ́ɔ̄ɓē Nə́ɓā əda ní n toó: Ī-nōōī rɔ̄sí tām̄ yā ndɔ̄ ń yá̰á̰ kə́ to kum kaȳ aĺ a rāań yá̰á̰ tə́ ní.

JEREMI 51:41

I ba̰ý á taān̄ ɓē kə́ Sesak ō, ndin̄ kemeé ō, ni ń i ɓē kə́ rīn ɓār̄ taā gō dɔ nang malang ní? I ba̰ý á ɓē kə́ Babilon tél loo i kə́ to kum ko̰ dáń ɓē gə̄ yā nápar de gə̄ tə́ ní?

JEREMI 48:31

I tām̄ najə̄ ń toō tə́ n m̄-nōō najə̄ yā Moab tə́ ní. m̄-ɓār̄ ɓār̄ kadə̄ dḭḭ̄n̄ Moab kə taá malang. m̄-toō rus rus najə̄ yā Kir Heres gə̄ tə́.

JEREMI 8:22

Bəto kə kāgə̄ kə́ yā rāā ta do tə́ gətóo Galaad i mbée a? Nge rāā de gə̄ mo̰y gətóo noó a? I tām̄ rí tə́ á rɔ̄ gír deē yāḿ gə̄ əsō naā tə́ aĺ ní?

IJAI 47:9

I beé ní, yá̰á̰ kə́ to kum kaȳ aĺ kə́ gír jōó gə̄ ń toō a teēn̄ dɔí tə́ i gidə kógə̄ḿ. Kem ndɔ̄ kə́ kógə̄ḿ beē tə́ ní, ā ī-tḭ̄ḭ̄ ta ngání gə̄ ō, ā ī-tél dəyá̰ kə́ ngaa koy ō. Yá̰a̰ malang ń ngé kəga gə̄ rāān̄ ní ō, yá̰a̰ malang ń ngé mbōlí gə̄ rāān̄ ō ní, a asən̄ kɔgə̄ yá̰á̰ ń noō rāā yá̰a̰ alé.

IJAI 47:11

Á̰a̰ā̰, yá̰á̰ kə́ to kum kaȳ aĺ kógə̄ḿ a teē dɔí tə́, ā ger̄ loo tūr̄ tan kɔ̄ɔ́ dɔí tə́ alé. Yá̰á̰ kə́ to kum kaȳ aĺ kógə̄ḿ a əsō dɔí tə́, ā ásə kəja rɔ̄í kɔ̄ɔ́ ta tə́ alé. Nél man̄ kə́ əla kə ngangá ngá̰ý kə́ ásə kəndā dɔ rɔ̄í danaá kété najə̄n tə́ alé, a əla gidə kógə̄ḿ kum kə̄ dɔí tə́.