JEREMI 51:6 - Bibəl ta Sar̄

⁶ Ī-teē ā̰yī naā kɔ̄ɔ́ Babilon, ādə̄ náā nəkɔ́ ɓáa njan adə̄n. Ré i beé aĺ anī, ā óyiī dan ń a əndanən̄neé najə̄ yá̰a̰ rāān kə́ gotə aĺ gə̄ tə́ ní. I kum mbang dal ba̰ā̰ yā Kɔ́ɔ̄ɓē. Ni əgān i kərā yá̰a̰ gə̄ ń rāā ní.

Bible sar

⁶ Ī-teē ā̰yī naā kɔ̄ɔ́ *Babilon, ādə̄ náā nəkɔ́ ɓáa njan adə̄n. Ré i beé aĺ anī, ā óyiī dan ń a əndanən̄neé najə̄ yá̰a̰ rāān kə́ gotə aĺ gə̄ tə́ ní. I kum mbang dal ba̰ā̰ yā Kɔ́ɔ̄ɓē. Ni əgān i kərā yá̰a̰ gə̄ ń rāā ní.

JEREMI 51:6 Referans Kwoze

JEREMI 50:8

Ā̰yī naā kɔ̄ɔ́ kem ɓē kə́ Babilon tə́, ɓē yā Kalde gə̄ tə́. Ī-teēī kɔ̄ɔ́ ba ī-toī tītə̄ bal bə̄yā̰ gə̄ kə́ njə̄rān̄ kété no yá̰a̰ kul̄ madə̄də́ gə̄ tə́ beē.

JEREMI 50:28

Kōō yá̰á̰ kógə̄ḿ ɓār̄, i ngé ka̰ȳ naā gə̄ ō, ngé teē ta yo tə́ Babilon gə̄ ō n reē ədan̄ najə̄ dal ba̰ā̰ yā Kɔ́ɔ̄ɓē Nə́ɓā yājí kem ɓē kə́ Siyo̰ tə́ ní, i dal ba̰ā̰ kə́ dɔ rā̰ tə́.

JEREMI 50:15

Ə́gaī kɔŕ tetə rɔ̄ɔ̄ dɔn tə́ kə̄ ta loo gə̄ tə́ malang. Kāgə̄ ngaa dan kújə yān kə́ ngan̄g gə̄ tétə̄n̄ kɔ̄ɔ́, ndogə̄ mbal̄ yān gə̄ əndan̄ nang kɔ̄ɔ́. I Kɔ́ɔ̄ɓē n dal ba̰ā̰ ní. Ī-daliī ba̰ā̰ dɔn tə́, ī-rāain̄ yá̰á̰ ń ni-rāā kə madə̄n gēé ní.

JEREMI 51:45

Sḭḭ̄ ń i gír deē yāḿ gə̄ ní, ī-teēī kɔ̄ɔ́ kem ɓēé, ādə̄ náā nəkɔ́ ɓáa njan adə̄n. Tɔdɔ̄ wōn̄g yā Kɔ́ɔ̄ɓē ḭḭ seneé kə ngangá ngá̰ý.

JEREMI 25:14

Tɔdɔ̄ nápar de kə́ ngá̰ý gə̄ ō, mban̄g kə́ tɔ́gə́də́ i ngá̰ý gə̄ ō, a o̰o̰n̄ ɓē dɔdə́ tə́. M-ā m-ādə̄ əgān̄ kə̄rā yá̰a̰ gə̄ ń rāān̄ ní ō, jī bēl̄ loo rāā yá̰a̰ yādə́ gə̄ ō.

TƏ́DA 16:26

Moijə əda de gə̄ na: Ī-ndɔ́tiī kɔ̄ɔ́ kadə kújə yā ngé kem ndul gə̄ ń noō tə́. Ī-lōōī kɔdə rɔ̄ yá̰a̰ yādə́ kógə̄ḿ, na sōgə́ óyiī sedə́ loo ń Nə́ɓā a əndadə́ tām̄ yá̰á̰ kə́ majaĺ gə̄ malang ń nin̄ rāān̄ tə́ ní.

JEJU TEĒ KUM JA̰A̰ 16:19

Ɓē bo kēgə̄ naā tə́ gír loo mətá ō, ɓē gə̄ yā nápar de gə̄ tə́sōn̄ ō. Loo ń noō tə́ əga kem Nə́ɓā dɔ Babilon ń i ɓē kə́ bo ní tə́, yā kadə̄ ni-adə̄n kópə ń kasə wōn̄g yān a nēgə́ kemeé ní.

1 TIMOTE 5:22

Ī-lōō tewle kəndā jīí dɔ deē kógə̄ḿ tə́. Əla rɔ̄í dan majaĺ yā deē tə́ alé. Ī-ngɔ̄m̄ hálí īkɔ́, ādə̄ ḭ̄ i de kə́ ūnjə̄ njáý njáý.

JEREMI 51:50

Sḭḭ̄ ngé teē ta yo kaskar tə́ gə̄, ə̄sōī róbó āwī. Ī-lōōī dəba. Ī-gírī dɔ Kɔ́ɔ̄ɓē tə́ loo kə́ sa̰y nəkɔ́ ń ī-ndiī tū tə́ noō ō, ādə̄ əga kemsí dɔ Jerusalem tə́ ō.

JEREMI 51:11

Ɔ́liī ta kum gərā gə̄ ādī atə, Ɔ́yiī der gə̄ ō. Kɔ́ɔ̄ɓē ndól̄ ángal mban̄g gə̄ kə́ Medə tə́. A̰á̰ā̰, ni núm̄ rāā ń toō kə Babilon: I nujə seneé sák sák. I dal ba̰ā̰ yā Kɔ́ɔ̄ɓē, i dal ba̰ā̰ kə́ dɔ rā̰ tə́.

JEREMI 51:9

Jə-nāā rāā kadə̄ do Babilon edə̄, ba dum̄ kedə̄. Ɔ́tiī tan tə́, ādə̄ náā nəkɔ́ ɓáa tél aw̄ ɓē yān tə́. Tɔdɔ̄ najə̄ yān aw̄ bátə́ ɔtə̄ dɔ rā̰ tə́ ō, ugə̄ dɔ kil̄ man̄ gə̄ tə́ ō.

JEREMI 50:31

Dəyá̰ kə́ nge ngonjə̄, m-ə́hɔī ɓōólaā tā! Ndɔ̄í asə, adə̄ i kum mbang kə́ kadə̄ m-ə́ndaīń. Najə̄ ń Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý əda ní n noó.

IJAI 48:20

Ī-teēī kɔ̄ɔ́ kem ɓē kə́ Babilon tə́, ā̰yī ɓē ń toō kɔ̄ɔ́. Ə̄nīī mbēr̄ najə̄ kə́ kijə ń toō kə rɔ̄nelēé, ī-selíī najə̄ ní bátə́ ta ngóy dɔ nang tə́. Ə́daī na: Kɔ́ɔ̄ɓē ɔr̄ Jakob nge kəla yān ɓəloó kɔ̄ɔ́.

JEREMI 46:10

Banī ndɔ̄ ní i ndɔ̄ kə́ kadə̄ Nə́ɓā, Kɔ́ɔ̄ɓē kə́ bo kə́ tɔ́gən i ngá̰ý daləń ba̰ā̰ dɔ madə̄ ba̰ā̰n gə̄ tə́. Kaskar ń nujə loo ní, əsa yá̰a̰ ndān̄ ō, mósə de gə̄ rāān kə́ kasə tə́ ō. I yá̰a̰ kəsa kə́ bo ngá̰ý kə́ ndējə̄ Nə́ɓā, Kɔ́ɔ̄ɓē kə́ bo kə́ tɔ́gən i ngá̰ý, kem ɓē kə́ mbɔ́r ɓē kə́ ko̰ó̰ tə́, kadə bā Opəratə tə́.

JEREMI 27:7

Ni ō, ngōnən ō, ngōn̄ kaan ō ní, nápar de gə̄ malang a rāān̄ kəla yā kadə̄də́. Gō tə́ anī, yá̰á̰ ń rāā ɓē ń toō ní, a rāā ɓē yān ō. Nápar de kə́ ngá̰ý gə̄ ō, mban̄g kə́ tɔ́gə́də́ i ngá̰ý gə̄ ō a o̰o̰n̄ ɓē dɔ ɓē yān tə́.

JEREMI 25:16

A a̰ȳn̄ ō, a bḭ́ḭ̄n̄ ō, tāmə̄n̄ mbitə mbitə ō, dan ń a a̰a̰n̄ kaskar ń m-ə́la dɔ dáńdə́ tə́ ní.

Gōsə̄ najə̄ gə̄ 13:20

Nge njə̄rā kə ngé kum kedə̄ gēé a tél de kə́ nge kum kedə̄, ba nge kaw̄ ɓē de kə́ mbóo gēé ngándáńg a ənge yá̰á̰ kə́ tōr̄.

NDŪ NAJƏ̄ 32:43

Ādə̄ nápar de gə̄ malang tɔ̄ȳn̄ gír de gə̄ yā Kɔ́ɔ̄ɓē. Tɔdɔ̄ Kɔ́ɔ̄ɓē a dal ba̰ā̰ mósə́ ngé rāā kəla yān gə̄. Ni a rāā kadə̄ ba̰ā̰ əsō dɔ madə̄ kɔ̄lən gə̄ tə́. I beé n a utə̄ń dɔ majaĺ yā dɔ nang yān ō, dɔ majaĺ yā gír deē yān gə̄ ō ní.

NDŪ NAJƏ̄ 32:41

Ré m-ɔ́l kum kaskar yāḿ adə̄ atə ō, ndə́lē pipir ō, ré m-ún sarya kə̄ jīḿ tə́ ō anī, m-ā m̄-dal ba̰ā̰ dɔ madə̄ ba̰ā̰ḿ gə̄ tə́ ō, de gə̄ ń imə̄mə̄n̄ ní m-ā m-ə̄gādə́ ō.

NDŪ NAJƏ̄ 32:25

Kəyā kaskar a tɔ̄l̄ de gə̄ ndágá ō, ɓōĺ a tɔ̄l̄ de gə̄ kújú ō. Balsáa a oy ō, ngōmandə a oy ō, ngōn̄ kásə̄ a oy ō, de kə́ tɔgə ɓə́ga a oy ō.

IJAI 63:4

Kemḿ tə́ ní m̄-ndigə i dal ba̰ā̰ḿ. Kum mbang gān̄g dɔ gír deē yāḿ gə̄ asə.

JEREMI 48:6

Āyī naā, ādə̄ náā nəkɔ́ anī njan adə̄n! Sḭḭ̄ ī-tél ī-toī tītə̄ ɓē kə́ Aroer ń ra i kum dəla loo tə́ ní.

JEREMI 51:36

I tāmə̄n̄ ń toō tə́ n Kɔ́ɔ̄ɓē ɔr̄ najə̄ tītə̄ ń toō beé ní: M-ā m-ə̄ndā rɔ̄ḿ ta najə̄ yāí tə́ ō, m-ā m̄-dal ba̰ā̰í ō. M-ā m̄-rāā kadə̄ bā bo kə́ Babilon tə́ tél loo kə́ tutə kɔ̄ɔ́ ō, kadə̄ kəɓa man̄ yān iī kɔ̄ɔ́ ō.

JEREMI 51:56

A̰á̰ā̰, nge nujə loo reē i kənī Babilon rɔ̄ɔ̄ tə́. Əhɔn̄ go̰ rɔ̄ɔ̄ yān gə̄ ō, tétə̄n̄ ga̰ gərā yādə́ gə̄ ō. Kɔ́ɔ̄ɓē i Nə́ɓā kə́ ī-rɔ̄ɔ̄n a rɔ̄ɔ̄ī ō, ī-rāān yá̰á̰ kə́ majaĺ a téləń adī gogə́ ō.

NŌŌ RƆ̄ 3:64

Kɔ́ɔ̄ɓē ā ī-rāādə́ ngarā̰ kum yá̰á̰ ń rāān̄ seḿ ní yā kəndań njadə́.

PĀ GƏ̄ 94:1

Kɔ́ɔ̄ɓē, Nə́ɓā kə́ nge rāā ba̰ā̰, Nə́ɓā kə́ nge rāā ba̰ā̰, ɔ́jə kə̄ ndágá kadə̄ ī-ndi noó.