JEREMI 51:57 - Bibəl ta Sar̄

⁵⁷ M-ādə̄ de kə́ bo yān gə̄ ō, kum kɔ̄ɔ́ yān gə̄ ō, ngé ko̰o̰ ɓē yān gə̄ ō, ngé rāā sarya yān gə̄ ō, go̰ rɔ̄ɔ̄ yān gə̄ ō, kasə nduú adə̄ rāādə́. Nin̄ a ɓīīn̄ ɓīī kə́ njɔ́ḿ gə̄ tə́ ō, a ndólə̄n̄ to̰ aĺ ō. I Mban̄g ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní n əda najə̄ ń noō ní.

Bible sar

⁵⁷ M-ādə̄ de kə́ bo yān gə̄ ō, kum kɔ̄ɔ́ yān gə̄ ō, ngé ko̰o̰ ɓē yān gə̄ ō, ngé rāā sarya yān gə̄ ō, go̰ rɔ̄ɔ̄ yān gə̄ ō, kasə *nduú adə̄ rāādə́. Nin̄ a ɓīīn̄ ɓīī kə́ njɔ́ḿ gə̄ tə́ ō, a ndólə̄n̄ to̰ aĺ ō. I Mban̄g ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní n əda najə̄ ń noō ní.

JEREMI 51:57 Referans Kwoze

JEREMI 46:18

Mban̄g ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní əda na: Tītə̄ ń m̄-ndiń kə kumḿ noō, ni a reē, a to i tītə̄ mbal̄ Tabor kə́ ra dan mbal̄ madə̄n gə̄ tə́ beē ō, i tītə̄ mbal̄ Karmel kə́ ra dan bā bo tə́ beē ō!

JEREMI 48:15

Nge nujə kə dɔ nang kə́ Moab sák sák aw̄ kə̄ kənī ɓē yān gə̄ rɔ̄ɔ̄ tə́. Balsáa kə́ kɔl watang gə̄ kə́ Moab a aw̄n̄ kə̄ ta yo tə́. I mban̄g ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní n əda ní.

JEREMI 25:27

Ā ə́dádə́ na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda ní n toó: Ā̰yī ādə̄ rāāsí ō, ī-tōmbī ō, ī-teē ī-tə́sōī kanjə̄ kadə̄ ḭ́ḭī dɔɔ́ ō, dan ń a á̰a̰ī kaskar ń m-ā m-ə́la dɔ dáńdə́ tə́ ní.

JEREMI 51:39

rɔ̄də́ a əɓa təngā ō anī, m-ā m-ə̄ndā dɔ yá̰a̰ kəsa kə́ ngá̰ý naā tə́ tām̄ yādə́ tə́, m-ā m-ādə̄də́ kasə kadə̄ rāādə́ ngá̰ý ō, nin̄ a ɓīīn̄ ɓīī kə́ njɔ́ḿ gə̄ tə́ ō, a ndólə̄n̄ to̰ aĺ bátə́ ō. Najə̄ ń Kɔ́ɔ̄ɓē əda ní n noó.

JEJU TEĒ KUM JA̰A̰ 18:9

Dan ń mban̄g kə́ dɔ nang tə́ gə̄ ń ɓīīn̄ seneé loo ájə́ba tə́ ō, tə́ndān̄ yá̰á̰ kə́ majə ngá̰ý yādə́ gə̄ kə ta naá ō, a a̰a̰n̄ sa hor kə́ dɔn tə́ anī, a nōōn̄ ō, a əndan̄ kadədə́ najə̄ yān tə́ ō.

MALASI 1:14

Majanī deē kógə̄ḿ aw̄ kə́ dā̰ kə́ majə gə̄ dan yá̰a̰ kul̄ yān gə̄ tə́. Ré deē ní ənī ndūn ō, ndējə̄m̄ dā̰ kə́ majaĺ ō anī, yá̰á̰ kə́ to kum kaȳ aĺ a reē dɔ kɔ́ɔ̄ tə́! Tām̄ mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́da na: Mā i mban̄g kə́ bo ō, nápar de gə̄ ɓōlə́n̄ tɔ́gə́ḿ ō.

NAHUM 1:10

Nin̄ ń a̰ȳn̄ yá̰a̰ tītə̄ ngé kasə rāā gə̄ ní, ton̄ tītə̄ túpə kōn̄ gə̄ kə́ tə́lan̄ jīdə́ kem naā tə́ beē. Hor a o̰o̰də́ malang tītə̄ mu kə́ tutə beé.

IJAI 37:36

De kə́ dɔ rā̰ tə́ yā Kɔ́ɔ̄ɓē ugə̄ gérger yā Asiri gə̄ tə́, ba rāā adə̄ de gə̄ dūbú kə kutə sɔ́sɔ́ kə kalən kə́ mí oyn̄. Teē dəloí kə ndɔ̄ kə́ noō anī, áskar gə̄ teēn̄ dɔ de kə́ koy gə̄ ń noō tə́ malang.

IJAI 6:5

Anī m-ə́da na: Yá̰á̰ kə́ to kum kaȳ aĺ a teē dɔḿ tə́! Mā i kə́ taḿ tḭ̄ḭ̄ kɔ̄ɔ́! Mā i de kə́ taḿ i kə́ yḛr ō, m̄-ndi i dan de gə̄ kə́ tadə́ i kə́ yḛr tə́ ō, kumḿ a̰a̰ mban̄g ń i Kɔ́ɔ̄ɓē kə́ bo kə́ tɔ́gən i ngá̰ý ní ō!

IJAI 44:25

Ngɔlaā ní m-ɔ̄r̄ tɔ́gə najə̄ kɔr̄ kɔdə̄ sāā gə̄ kɔ̄ɔ́. m̄-rāā adə̄ ngé kəda yá̰á̰ kə́ a rāā yā reē ɓáý gə̄ a̰ȳn̄ kɔ̄r̄ kɔ̄ɔ́. M-ūtə̄ ta ngé kum kedə̄ gə̄ kɔ̄ɔ́ ō, m-ɔ́jə kə̄ ndágá kadə̄ yá̰á̰ ń nin̄ gerə̄n̄ ní i yá̰á̰ kə́ to mbóo ō.

JEREMI 13:13

anī ā ə́dádə́ na: Najə̄ ń Kɔ́ɔ̄ɓē əda ní n toó: M-ā m̄-rāā kadə̄ kasə a rāā de gə̄ malang kə́ kem ɓē ń toō tə́ ō, a rāā mban̄g gə̄ kə́ gír yā Dabid tə́ ń ndin̄ dɔ kōr̄ kāgə̄ mbang yān tə́ ní ō, ngé tun̄ yá̰a̰ gə̄ ō, ngé koō ta gə̄ ō, de gə̄ malang kə́ kem ɓē kə́ Jerusalem tə́ ō.

JEREMI 50:30

A̰á̰ā̰, ndɔ̄ nəkɔ́ ń noō tə́ ní, ngé rɔ̄ɔ̄ yān kə́ balsáa gə̄ kə́ ngé gə̄ a tə́sōn̄ ndágə loo yān gə̄ tə́, ngé rɔ̄ɔ̄ yān gə̄ malang ní, rāān̄də́ adə̄ ndin̄ kə tadə́ kə́ mbóó. Najə̄ ń Kɔ́ɔ̄ɓē əda ní n noó.

EJEKIEL 20:33

Tītə̄ ń m̄-ndiń kə kumḿ rɔ̄kum noó, yá̰á̰ mā Kɔ́ɔ̄ɓē Nə́ɓā m-ə́dá ní n toó: M-ā m̄-rāā yá̰a̰ i kə tɔ́gə́ḿ malang ō, m-ā m̄-bə̄gā wōn̄g yāḿ kə́ ngá̰ý dɔsí tə́ ō, m-ā m-ó̰o̰ ɓē dɔsí tə́ i tītə̄ ń noō ō.

NAHUM 3:18

Ḭ̄ mban̄g kə́ Asiri, ngé ko̰o̰ ɓē yāí gə̄ ɓīīn̄ i ɓīī kə́ njɔ́ḿ gə̄ tə́ ō, go̰ rɔ̄ɔ̄ yāí gə̄ ɔrən̄ rɔ̄də́ mer to̰ aĺ ō. Gír deē yāí gə̄ tə̄ndān̄ naā tḭ̄ḭ̄n̄ kə̄ dɔ mbal̄ bo gə̄ tə́ ō, de kə́ yā kɔsə njadə́ kə̄ naā tə́ gətóo ō.