JEREMI 51:56 - Bibəl ta Sar̄

⁵⁶ A̰á̰ā̰, nge nujə loo reē i kənī Babilon rɔ̄ɔ̄ tə́. Əhɔn̄ go̰ rɔ̄ɔ̄ yān gə̄ ō, tétə̄n̄ ga̰ gərā yādə́ gə̄ ō. Kɔ́ɔ̄ɓē i Nə́ɓā kə́ ī-rɔ̄ɔ̄n a rɔ̄ɔ̄ī ō, ī-rāān yá̰á̰ kə́ majaĺ a téləń adī gogə́ ō.

Bible sar

⁵⁶ A̰á̰ā̰, nge nujə loo reē i kənī *Babilon rɔ̄ɔ̄ tə́. Əhɔn̄ go̰ rɔ̄ɔ̄ yān gə̄ ō, tétə̄n̄ ga̰ gərā yādə́ gə̄ ō. Kɔ́ɔ̄ɓē i Nə́ɓā kə́ ī-rɔ̄ɔ̄n a rɔ̄ɔ̄ī ō, ī-rāān yá̰á̰ kə́ majaĺ a téləń adī gogə́ ō.

JEREMI 51:56 Referans Kwoze

HABAKUK 2:8

Sḭḭ̄ ɔ́yiī yá̰a̰ yā nápar de gə̄ ngá̰ý dɔ gúú tə́. Adə̄ gotə gír de gə̄ ń na̰ȳn̄ ní, a ɔyn̄ yá̰a̰ yāsí gə̄ dɔ gúú tə́ tītə̄ ń noō ō. Tɔdɔ̄ sḭḭ̄ ī-ɓōkíī mósə de gə̄ nang tə́ ō, ī-rāāī yá̰a̰ kə dɔ́nɔ́ ō. Ī-rāāī yá̰á̰ ń noō i kə gō dɔ nang gēé ō kə ɓē gēé ō, kə de kə́ kemeé gēé ō!

JEREMI 51:48

Tā anī dɔ rā̰ ō, dɔ nang ō, yá̰a̰ malang kə́ tū tə́ ō, ənīn̄ pā tetə rɔ̄ɔ̄ dɔ Babilon tə́. Tām̄ ngé nujə loo sák sák gə̄ ḭḭn̄ i mbɔ́r ɓē kə́ ko̰ó̰ tə́ n reēn̄ ní. Najə̄ ń Kɔ́ɔ̄ɓē əda ní n noó.

JEREMI 51:6

Ī-teē ā̰yī naā kɔ̄ɔ́ Babilon, ādə̄ náā nəkɔ́ ɓáa njan adə̄n. Ré i beé aĺ anī, ā óyiī dan ń a əndanən̄neé najə̄ yá̰a̰ rāān kə́ gotə aĺ gə̄ tə́ ní. I kum mbang dal ba̰ā̰ yā Kɔ́ɔ̄ɓē. Ni əgān i kərā yá̰a̰ gə̄ ń rāā ní.

PĀ GƏ̄ 46:9

Ī-reē á̰a̰ī kəla rāā Kɔ́ɔ̄ɓē, yá̰á̰ kə́ dɔ nang tə́ gə̄ ń ni nujəń sák sák ní!

JEREMI 51:24

Yá̰á̰ kə́ majaĺ gə̄ malang ń Babilon ō, de gə̄ malang kə́ Kalde tə́ ō rāān̄ Siyo̰ ní, m-a m̄-tél yā rāā sedə́ ta kumsí tə́. Najə̄ ń Kɔ́ɔ̄ɓē əda ní n noó.

IJAI 59:18

Yá̰á̰ ń de gə̄ asən̄ kənge ní, ni a téləń yā kadə̄də́. Wōn̄g yān i tām̄ yā ngé rɔ̄ɔ̄ seneé gə̄ tə́, ndéy i tām̄ yā madə̄ ba̰ā̰n gə̄ tə́, ɓē kə́ sa̰y gə̄ gə̄gē i tām̄ yādə́ tə́.

PĀ GƏ̄ 76:3

Kújə ndin i kem ɓē kə́ Salem tə́, loo ndin i Siyo̰.

NDŪ NAJƏ̄ 32:35

Dal ba̰ā̰ i yāḿ, m-ā m-ə̄gādə́ tām̄ kəla rāādə́ gə̄ tə́ ndɔ̄ ń nin̄ a əsōn̄neé tə́ ní. Tɔdɔ̄ ndɔ̄ yá̰á̰ kə́ to kum kaȳ aĺ yādə́ dɔ i ngɔr.

JEJU TEĒ KUM JA̰A̰ 19:2

Tɔdɔ̄ sarya gāngə̄n i rɔ̄kum ō, i kə́ gōtə́ ō. Ni-gān̄g sarya dɔ dəyá̰ ájə́ba kə́ bo ń nujə dɔ nang kə rāā ájə́ba yānneé ní ō, əndan najə̄ ɓōkə́ ń ni ɓōkə́ mósə́ ngé kəla yān gə̄ nang tə́ ní ō.

JEJU TEĒ KUM JA̰A̰ 18:20

Dɔ rā̰, ī-rāā rɔ̄nel̄ tām̄ nujə ń ni nujə sák sák kɔ̄ɔ́ tə́ ní! Ba sḭḭ̄ deē yā Nə́ɓā gə̄ ō, ngámbang kəla gə̄ ō, ngé koō ta gə̄ ō ní, ī-rāāī rɔ̄nel̄ ō. Tām̄ Nə́ɓā gān̄g sarya dɔn tə́ i najə̄ yá̰á̰ kə́ majaĺ ń ni-rāā sesí tə́ ní.

JEJU TEĒ KUM JA̰A̰ 17:16

Gajə dā̰ kə́ kutə gə̄ ń na m-á̰a̰ā̰ ō, dā̰ ní ō, a imə̄n̄ dəyá̰ kə́ nge rāā ájə́ba ní. Nin̄ na a taān̄ yá̰a̰ yān malang adə̄ rɔ̄n i karī. Nin̄ na a əsan̄ dā̰n ba na a róōn̄ gotən kə́ na̰y horoó.

2 TESALONIK 1:6

Ngé gə̄ ń rāān̄ adə̄ wur kɔl əsō dɔsí tə́ ní, i gōtə́ kadə̄ Nə́ɓā rāā adə̄ wur kɔl əsō dɔdə́ tə́ ō.

EJEKIEL 39:9

Israel gə̄ a teēn̄ kem ɓē yādə́ gə̄ tə́ kɔ̄ɔ́. Nin̄ a rāān̄ hor kógə̄ḿ, a əlan̄ hor dɔ yá̰a̰ rɔ̄ɔ̄ gə̄ yā madə̄ ba̰ā̰də́ gə̄ tə́. Der gə̄ malang, kə́ dūú gē kə́ bo gē, ga̰ gərā gə̄ ō, kum gərā gə̄ ō, kaskar gə̄ ō, nənga gə̄ ō, yá̰a̰ gə̄ malang ń noō ní, a əlan̄ hor dɔ tə́ ɓāl̄ sīrí.

EJEKIEL 39:3

Gō tə́ anī m-ā m-ə́ndaī: M-ā m̄-tetə ga̰ gərā yāí kə́ jī gelií tə́ kɔ̄ɔ́ ō, m-ā m̄-rāā kum gərā yāí gə̄ kə́ jī ko̰í tə́ kadə̄ teē tə́sōn̄ nang tə́ kɔ̄ɔ́ ō.

JEREMI 51:30

Go̰ rɔ̄ɔ̄ kə́ Babilon tə́ gə̄ lōōn̄ gír rɔ̄ɔ̄ tə́ kɔ̄ɔ́. Nin̄ ɓɔ̄ɔ̄n̄ rɔ̄də́ gə́lé kújə gə̄ tə́, tɔ́gə́də́ kə́ ngá̰ý ní gətóo kɔ̄ɔ́. Nin̄ sɔlə̄n̄ yélélé tītə̄ de kə́ dəyá̰ beē. De gə̄ əlan̄ hor dɔ kújə gə̄ kə́ Babilon tə́ ō, tétə̄n̄ gində̄ kutə̄ ta róbə́ kə́ tū tə́ gə̄ kɔ̄ɔ́ ō.

JEREMI 50:36

Ādī kaskar ɔdə kɔdə̄ sāā yān gə̄ ō, tɔdɔ̄ i mbóo de gə̄. Ādī kaskar tə́gā go̰ rɔ̄ɔ̄ yān gə̄ tə́nīdə́!

JEREMI 50:10

Ɓē kə́ Kalde tél i yá̰á̰ kə́ kəhɔ ta rɔ̄ɔ̄ tə́, adə̄ de gə̄ malang ń nārə̄n̄ yá̰a̰ yān ní əsa ndānə̄n̄. Najə̄ ń Kɔ́ɔ̄ɓē əda ní n noó.

JEREMI 49:35

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Ga̰ gərā yā Elam ń i ngaa dan tɔ́gən kə́ ngá̰ý ní, m-ā m̄-tétə̄ kɔ̄ɔ́.

IJAI 35:4

Ngé gə̄ ń tɔ́gə́də́ ur̄ wak kɔ̄ɔ́ ní, ə́daīdə́ na: Ādī tɔ́gə́sí to! Ī-lōōī ɓōĺ! Nə́ɓā yāsí n toó. Ni-reē i dal ba̰ā̰sí tə́ ō, i rāā madə̄ ba̰ā̰sí gə̄ yá̰á̰ kə́ majaĺ ń nin̄ rāān̄ sesí ní tə́ ō, nəkɔ́ reē i kajəsí tə́ ō.

IJAI 34:8

I ndɔ̄ ń Kɔ́ɔ̄ɓē a daləń ba̰ā̰ dɔ dɔ Edom gə̄ tə́ ní, i ɓāl̄ ń nge rɔ̄ɔ̄ dɔ ɓē kə́ Siyo̰ tə́ a dəjeńdə́ gíŕ yá̰a̰ rāādə́ gə̄ ní.

IJAI 21:2

Kɔ́ɔ̄ɓē rāā adə̄ m-á̰á̰ yá̰á̰ kógə̄ḿ kə́ to ɓōĺ ngá̰ý: Nge ɓoo rɔ̄n tū yā madə̄n tə́ kə́ kété jóo, tél nge tél kɔ̄ɔ́ gō madə̄n tə́, nge nujə loo rāā kəla yān. Kɔ́ɔ̄ɓē əda na: Elam gə̄, ə̄nī rɔ̄ɔ̄! Sḭḭ̄ Medə gə̄, ī-gīrī gidə ɓē! M-ā m̄-rāā kadə̄ gír kɔjə rɔ̄ yān malang gān̄g.

PĀ GƏ̄ 137:8

Banī ḭ̄ Babilon, a nujən̄ seí sák sák kɔ̄ɔ́. Rɔ̄ ngé kəgāī kə̄rā yá̰a̰ gə̄ ń ī-rāā sejí ní a nel̄də́.

PĀ GƏ̄ 37:15

Banī kaskar yādə́ a ɔsə i kújə́ mósə́də́ nin̄ kɔ́ gə̄ ō, ga̰ gərā yādə́ a tétə̄ kɔ̄ɔ́ ō.

1 SAMUEL 2:4

Ga̰ gərā yā go̰ rɔ̄ɔ̄ gə̄ i kə́ tétə̄ kɔ̄ɔ́, ba de gə̄ ń tə́sōn̄ ní əngen̄ tɔ́gə.

TA KƏLA 49:24

ba ga̰ gərā yān ngan̄g. Nə́ɓā kə́ nge tɔ́gə yā Jakob rāā adə̄ jī Jəjep ənge tɔ́gə. I tītə̄ ń noō n ni téləń nge ngɔ̄m̄ yá̰a̰ kul̄ gə̄ ō, mbal̄ ń Israel ndə̄nā rɔ̄n tū tə́ ní ō.

JEREMI 51:53

Ká ré Babilon al̄ ndiń i dɔɔ́ dɔ rā̰ tə́, rāań loo kə́ ngan̄g utə̄ń gidən, adə̄ deē asə kugə̄ gōn tə́ aĺ gə̄gē anī, m-ā m-ə́lá ngé nujə loo gə̄ kadə̄ aw̄n̄ bátə́ ugə̄n̄ gōn tə́ yā nujə seneé. Najə̄ ń Kɔ́ɔ̄ɓē əda ní n noó.

AMOS 2:15

Nge kur gərā a asə ra dɔɔ́ aĺ ō, nge ka̰ȳ ngɔ̄də̄ a teē kum tə́ aĺ ō, ngé kal̄ sə́nda a ajə rɔ̄n aĺ ō.

ABƏDIAS 1:15

A̰á̰ā̰, ndɔ̄ ń mā Kɔ́ɔ̄ɓē m-ā m̄-gāngəń sarya dɔ nápar de gə̄ tə́ malang ní, dɔ to ngɔr. Yá̰á̰ ń ḭ̄ ī-rāā kə madí gēé ní, a rāān̄ seí ō. Yá̰a̰ rāāí kə́ majaĺ gə̄ a télən̄ yā kəsō dɔí tə́.

NŌŌ RƆ̄ 3:64

Kɔ́ɔ̄ɓē ā ī-rāādə́ ngarā̰ kum yá̰á̰ ń rāān̄ seḿ ní yā kəndań njadə́.