JEREMI 51:51 - Bibəl ta Sar̄

⁵¹ Dan ń de gə̄ tájə̄n̄jí ō, tə̄rā gə̄ reē udən̄ kem loo kə́ táĺ tə́ kem kújə yā Kɔ́ɔ̄ɓē tə́ ō ní, rɔ̄jí nel̄jí aĺ ō, rɔ̄jí sɔl̄jí ō.

Bible sar

⁵¹ Dan ń de gə̄ tájə̄n̄jí ō, tə̄rā gə̄ reē udən̄ kem *loo kə́ táĺ tə́ kem *kújə yā Kɔ́ɔ̄ɓē tə́ ō ní, rɔ̄jí nel̄jí aĺ ō, rɔ̄jí sɔl̄jí ō.

JEREMI 51:51 Referans Kwoze

NŌŌ RƆ̄ 1:10

Nge rɔ̄ɔ̄ḿ əla jīn ɔyń yá̰a̰ yāḿ kə́ majə ngá̰ý gə̄ malang kɔ̄ɔ́. Jerusalem a̰a̰ nápar de gə̄ ń ɔ̄gə̄də́ kaw̄ dan ngé kán̄ naā yāí gə̄ tə́ ní loo kudə tə́ kem loo kə́ táĺ yān tə́.

PĀ GƏ̄ 79:4

Madə̄ ɓējí gə̄ tájə̄n̄jí, de gə̄ ń ndin̄ kə gō gidəjí ní əgōn̄jí ō, mbóon̄ sejí ō.

MISE 7:10

Dan ń madə̄ ba̰ā̰jí gə̄ a a̰ā̰n̄ yá̰á̰ ń noō anī, rɔ̄də́ a sɔl̄də́. Kété ní, nin̄ dəjen̄jí najə̄ ədan̄ na: Ba Kɔ́ɔ̄ɓē ń i Nə́ɓā yāsí ní, a rā i rí? A tə́ɓān̄də́ njadə́ tə́ tītə̄ loo kəɓa bɔr kə́ kum róbə kɔsə gə̄ tə́ beé, adə̄ j-a j-a̰ā̰ kə kumjí.

DANIEL 11:31

Áskar gə̄ ń ni a əla sedə́ ní a reēn̄ yā ndi ta loo kə́ táĺ ń i loo kə́ ngan̄g ní tə́ ō, a rāān̄ loo kə́ táĺ ní loo kə́ karī tə́ ō, a rāān̄ kadə̄ gír tun̄ yá̰á̰ kə́ kə dɔ ndɔ̄ gə̄ gān̄g ō, a udən̄ yá̰á̰ kə́ to yḛr kum kə́ nge nujə loo dɔ loo tun̄ yá̰á̰ tə́ ō.

EJEKIEL 36:30

Kāgə̄ yāsí gə̄ a anə̄n̄ ngá̰ý ō, ndɔr̄ yāsí gə̄ a teēn̄ kōō ngá̰ý ō, kə ta kūlə̄ḿ. Loo ń noō tə́ rɔ̄sí a sɔl̄sí najə̄ yā ɓō kə́ rāāsí tə́ ta kum nápar de gə̄ tə́ to̰ alé.

EJEKIEL 24:21

ngán Israel gə̄ ní n toó: Mā Kɔ́ɔ̄ɓē Nə́ɓā m-ā m-ə́ya̰ de gə̄ kadə̄ rāān̄ loo yāḿ kə́ táĺ ń i yá̰a̰ kɔjə rɔ̄ yāsí ō, nel̄sí ka̰a̰ ngá̰ý ō, ā ī-ndiī ā ə̄ndāī kemsí i dɔ tə́ ō ní, loo kə́ karī tə́. Ngáńsí kə́ dəngam gə̄ ō kə́ dəyá̰ gə̄ ō ń ə́ya̰īdə́ kem ɓē kə́ Jerusalem tə́ ní, a tɔ̄lə̄n̄də́ kə kaskaraá.

EJEKIEL 9:7

Anī Kɔ́ɔ̄ɓē adə̄ ndūn əda na: Ī-rāāī kújə yā Kɔ́ɔ̄ɓē ādī téĺ kə́ yḛr, ādī nīń gə̄ taān̄ loo ndágə loo kə́ gīr̄ gidə kújə yān gə̄ tə́, ba gō tə́ anī ī-teēī ndágá!

EJEKIEL 7:18

Nin̄ a o̰o̰n̄ kūbə̄ kəhɔ ndoō ō, ɓōĺ a ndewdə́ ō. Ta kumdə́ i kə rɔ̄sɔlɔ̄ɔ́ ō, nin̄ malang a dəsān̄ dɔdə́ kɔ̄ɔ́ ō.

NŌŌ RƆ̄ 5:1

Kɔ́ɔ̄ɓē ādə̄ əga kemií dɔ yá̰á̰ ń rāājí tə́ ní, ī-teē kumií á̰a̰ń tájə̄ ń de gə̄ tájə̄n̄jí asə naā beé ní.

NŌŌ RƆ̄ 2:20

Á̰a̰ā̰, Kɔ́ɔ̄ɓē, á̰a̰ā̰ majə ké i náā n ī-rāān beé toō wa. Ní, kə dəyá̰ gə̄ kə əsan̄ ngán kemdə́ gə̄ ń i ngáń kə́ majə asə naā beé gə̄ ní a? Ní, kə de gə̄ kə tɔ̄lə̄n̄ ngé tun̄ yá̰a̰ gə̄ ō, ngé koō ta gə̄ ō, kem loo kə́ táĺ yā Kɔ́ɔ̄ɓē tə́ kɔ̄ɔ́ a?

JEREMI 52:13

Ni-əla hor dɔ kújə yā Kɔ́ɔ̄ɓē tə́ ō, kújə yā mban̄g tə́ ō, dɔ kújə gə̄ malang kə́ kem ɓē kə́ Jerusalem tə́ tə́ ō. Mandang ní, ni tə́la hor i dɔ kújə yā de kə́ bo gə̄ tə́.

JEREMI 31:19

Dan ń m-ə́lá gír reē kə̄ rɔ̄í tə́ anī, m̄-ndə̄ngā rɔ̄ḿ ngá̰ý, najə̄ yā tūr̄ ń m̄-tūr̄ gidəḿ taí tə́ kɔ̄ɔ́ ní. tá dan ń kumḿ teē dɔ yá̰a̰ gə̄ ń m̄-rāā tə́ ní anī, kemḿ rāām̄ sarya. Rɔ̄ḿ sɔlə̄m̄ ō, m̄-ger̄ yá̰á̰ kə́ yā rāā aĺ ō, i yá̰á̰ kə́ to rɔ̄sɔl̄ gə̄ ń m̄-rāā kə ngōn̄ dūúḿ ní n m-ā m-ə́ngá ndéyn toó.

JEREMI 14:3

Ngol gə̄ əlan̄ de kə́ yá̰a̰ aĺ gə̄ kɔdə maná. Nin̄ ugə̄n̄ ta bəlo man̄ tə́ anī, əngen̄ man̄ alé, adə̄ tél reēn̄ gogə́ kem yá̰a̰ karī. Gerə̄n̄ yá̰á̰ kə́ yā rāā aĺ ō, dɔ kumdə́ tə́la naā ō, urə̄n̄ wak ō.

PĀ GƏ̄ 109:29

Ādə̄ əlan̄ rɔ̄sɔl̄ kūbə̄ tə́ rɔ̄ ngé tétə̄ najə̄ dɔḿ tə́ gə̄ tə́, ādə̄ selə́n̄ rɔ̄sɔl̄ yādə́ dɔdə́ tə́ tītə̄ kūbə̄ kūl̄ beé!

PĀ GƏ̄ 79:12

Kɔ́ɔ̄ɓē, gír de gə̄ ń ndin̄ ɓē kadəjí tə́ ní sāān̄ taí. Ādə̄ əgānī kə̄rā ndū gə̄ ń tájə̄nī ní nja sīrí.

PĀ GƏ̄ 79:1

Pā yā Asap. Nə́ɓā, nápar de gə̄ taān̄ loo dɔ nang yāí tə́. Nin̄ rāān̄ adə̄ kújə́ kə́ táĺ yāí téĺ kújə́ kə́ yḛr ō, nin̄ nujən̄ ɓē kə́ Jerusalem sák sák kɔ̄ɔ́ ō.

PĀ GƏ̄ 71:13

Ngé gə̄ ń sāān̄ tɔ̄lə̄m̄ ní, ādə̄ rɔ̄də́ sɔl̄də́ ō, yá̰á̰ kə́ majaĺ teē dɔdə́ tə́ ō! ngé gə̄ ń sāān̄ kadə̄ yá̰á̰ kə́ majaĺ teē dɔḿ tə́ ní, ādə̄ kídə̄n̄də́ ō əlan̄ rɔ̄sɔl̄ dɔdə́ tə́ ō!

AMOS 7:9

Loo ndɔ̄ȳ gə̄ yā kojə yā Isaak ní, m-ā m̄-nujəń kɔ̄ɔ́ ō, loo kə́ kɔr̄ kam̄ tām̄ yā Nə́ɓā tə́ gə̄ yā Israel ní, m-ā m̄-nujəń kɔ̄ɔ́ ō, m-ā m̄-rɔ̄ɔ̄ kojə kə́ ndogó mbangāá yā Jeroboam ō.

MISE 6:16

Sḭḭ̄ ī-ndájī jī bēl̄ loo rāā yá̰a̰ gə̄ yā mban̄g Omri ō, yā ngōnə̄n Akab ō, yā kojə yān ō. Sḭḭ̄ ī-ndájī jī bēl̄ loo rāā yá̰a̰ yādə́. Adə̄ m-ā m̄-nujə ɓē bo yāsí kɔ̄ɔ́. I beé n de kə́ rang gə̄ a əgōn̄neésí sḭḭ̄ de gə̄ ń ī-ndiī kemeé ní. Rɔ̄sɔl̄ ń rāā gír deē yāḿ gə̄ ní, a rāāsí.

PĀ GƏ̄ 89:46

Ī-gān̄g ta ɓāl̄ balsáa yān kɔ̄ɔ́, ə́la rɔ̄sɔl̄ dɔn tə́.

IJAI 13:1

Najə̄ kə́ dɔ Babilon tə́ ń Ijai kə́ ngōn̄ Amots ənge kem yá̰á̰ ń ni a̰ā̰ tə́ ní.

IJAI 14:1

Kɔ́ɔ̄ɓē a a̰a̰ kum tō ndoō yā Jakob. A̰á̰ā̰, ni a ɔjə ɓáý to̰ kadə̄ i ni n gə̄rā Israel ní. Ni a əndā Israel gə̄ dɔ nang yādə́ tə́ ō, tə̄rā gə̄ a ɓoon̄ rɔ̄də́ naā tə́ sedə́ ō, a télən̄ kojə yā Jakob gə̄ ō.

IJAI 21:1

Najə̄ yā dəla loo kə́ kadə bā bo tə́ ngɔr. Madə̄ ba̰ā̰ ḭḭ dəla loo tə́ reē, ḭḭ i kem ɓē kógə̄ḿ kə́ adə̄ de gə̄ ɓōĺ tə́ n reē, tītə̄ néĺ kə́ əla kə tɔ́gɔ́, kə́ ənda gō nang kə́ Negeb mān̄ beé.

IJAI 47:1

Najə̄ ń Kɔ́ɔ̄ɓē əda ní n toó: Ḭ̄ ɓē kə́ Babilon, ī-risə kɔ̄ɔ́ dɔ kōr̄ kāgə̄ mbang yāí tə́, ba ī-ndi kum bumbə́rú tə́. A̰á̰ā̰, ɓē yā Babilon gə̄, ī-ndi dɔ nang tə́. Ngɔlaā ní a ɓāríīn̄ na i Babilon kə́ ger̄ gō yá̰á̰ láẃ ngá̰ý to̰ aĺ i kə́ bátə́ gə̄ tə́.

JEREMI 25:26

mban̄g gə̄ malang kə́ mbɔ́r ɓē kə́ ko̰ó̰ tə́ ń ndin̄ ngɔr ō, ndin̄ sa̰y ō ní, ɓē ko̰o̰ gə̄ malang ń ndin̄ kə gō loo gēé dɔ nang tə́ ní ō. M-ādə̄ mban̄g kə́ Sesak adə̄ a̰ȳ ta tɔ̄l̄ ta tə́ ō.