JEREMI 51:50 - Bibəl ta Sar̄

⁵⁰ Sḭḭ̄ ngé teē ta yo kaskar tə́ gə̄, ə̄sōī róbó āwī. Ī-lōōī dəba. Ī-gírī dɔ Kɔ́ɔ̄ɓē tə́ loo kə́ sa̰y nəkɔ́ ń ī-ndiī tū tə́ noō ō, ādə̄ əga kemsí dɔ Jerusalem tə́ ō.

Bible sar

⁵⁰ Sḭḭ̄ ngé teē ta yo kaskar tə́ gə̄, ə̄sōī róbó āwī. Ī-lōōī dəba. Ī-gírī dɔ Kɔ́ɔ̄ɓē tə́ loo kə́ sa̰y nəkɔ́ ń ī-ndiī tū tə́ noō ō, ādə̄ əga kemsí dɔ Jerusalem tə́ ō.

JEREMI 51:50 Referans Kwoze

JEREMI 44:28

De kə́ kutədə́ i ngá̰ý aĺ gə̄ kə́ teēn̄ ta yo kaskar tə́ a ḭḭn̄ Ejiptə yā tél kaw̄ gogə́ dɔ nang kə́ Juda tə́. Ɓá anī, ngé gə̄ malang ń ndin̄ kə kumdə́ Juda tə́ á reē ɓɔ̄ɔ̄n̄ rɔ̄də́ Ejiptə tə́ ní, a gerə̄n̄ ké najə̄ i yāḿ aké i yādə́ nin̄ wa.

PĀ GƏ̄ 122:6

Ī-dəjeī lápə́ya tām̄ yā ɓē kə́ Jerusalem tə́. Ɓē kə́ Jerusalem, ādə̄ ngé gə̄ ń nel̄də́ seí ngá̰ý ní ndin̄ jəke kanjə̄ sōl̄ yá̰á̰ kógə̄ḿ.

JEJU TEĒ KUM JA̰A̰ 18:4

Anī m-ōō ndū de kə́ rang dɔ rā̰ tə́ əda na: Sḭḭ̄ gír deē yāḿ gə̄, ī-teēī kɔ̄ɔ́ kem ɓē ń toō tə́ na sōgə́ ī-rāāī majaĺ ń ni-rāā ní ō, yá̰á̰ kə́ tōr̄ ń əndān̄ dɔ danaá tām̄ yān tə́ ní rāāsí ō.

JEREMI 51:45

Sḭḭ̄ ń i gír deē yāḿ gə̄ ní, ī-teēī kɔ̄ɔ́ kem ɓēé, ādə̄ náā nəkɔ́ ɓáa njan adə̄n. Tɔdɔ̄ wōn̄g yā Kɔ́ɔ̄ɓē ḭḭ seneé kə ngangá ngá̰ý.

IJAI 51:11

Ngé gə̄ ń Kɔ́ɔ̄ɓē gān̄g dɔdə́ ní, a télən̄ yā reē. Nin̄ a ugə̄n̄ Siyo̰ kə kɔŕ rɔ̄nelēé tadə́ tə́. Rɔ̄nel̄ kə́ ta ngóyn gətóo a rāā ta kumdə́ kadə̄ ndə́lē, rɔ̄nel̄ kə́ ngá̰ý a dān̄ gōdə́. Ka̰a̰ tápə̄ ō, nōō rɔ̄ ō, a gətóon̄ kɔ̄ɔ́.

JEREMI 51:6

Ī-teē ā̰yī naā kɔ̄ɔ́ Babilon, ādə̄ náā nəkɔ́ ɓáa njan adə̄n. Ré i beé aĺ anī, ā óyiī dan ń a əndanən̄neé najə̄ yá̰a̰ rāān kə́ gotə aĺ gə̄ tə́ ní. I kum mbang dal ba̰ā̰ yā Kɔ́ɔ̄ɓē. Ni əgān i kərā yá̰a̰ gə̄ ń rāā ní.

JEREMI 50:8

Ā̰yī naā kɔ̄ɔ́ kem ɓē kə́ Babilon tə́, ɓē yā Kalde gə̄ tə́. Ī-teēī kɔ̄ɔ́ ba ī-toī tītə̄ bal bə̄yā̰ gə̄ kə́ njə̄rān̄ kété no yá̰a̰ kul̄ madə̄də́ gə̄ tə́ beē.

JEREMI 31:21

Ī-túdə̄ yá̰a̰ gə̄ kə́ yā kɔjəń yá̰a̰ dɔ róbə yāí tə́. Ī-túdə̄ yá̰a̰ gə̄ kə́ yā kɔjəń bəlo gə̄ ō, kūngə́ loo gə̄ ō, kə́ dɔ róbə njə̄rāí tə́. Ə̄ndā ma̰ȳ róbə́ ń ā ún gō ō, ā ī-njə̄rā dɔ tə́ ō ní majə. Ngōmandə Israel, ī-tél ī-reē. Ī-tél ī-reē laā, kum kə̄ rɔ̄ ɓē yāí gə̄ tə́.

IJAI 52:2

Ī-gógə̄ bumbə́rú ń utə̄ gidə rɔ̄í ní kɔ̄ɔ́. Jerusalem, ḭ̄ ń i dəngáý ní, ḭ́ḭ dɔɔ́ ba ī-ndi gotií tə́! Siyo̰, ḭ̄ ń i dəngáý ní, ɔ̄r̄ súĺ kə́ kɔ́ɔ́í tə́ kɔ̄ɔ́!

IJAI 48:20

Ī-teēī kɔ̄ɔ́ kem ɓē kə́ Babilon tə́, ā̰yī ɓē ń toō kɔ̄ɔ́. Ə̄nīī mbēr̄ najə̄ kə́ kijə ń toō kə rɔ̄nelēé, ī-selíī najə̄ ní bátə́ ta ngóy dɔ nang tə́. Ə́daī na: Kɔ́ɔ̄ɓē ɔr̄ Jakob nge kəla yān ɓəloó kɔ̄ɔ́.

EJEKIEL 6:9

A əga kem deē yāsí gə̄ ń teēn̄ ta yo tə́ ní dɔḿ tə́, dɔ dáń nápar de gə̄ ń a əhɔn̄də́ nin̄ dɔ gúú tə́ aw̄n̄ sedə́ dandə́ tə́ ní, nin̄ ń m-ā m̄-tétə̄ ngarā̰ kemdə́ kə́ a rāā ájə́ba ń mbātə́m̄ kɔ̄ɔ́ ní ō, kumdə́ gə̄ kə́ rāān̄ háĺ ájə́ba kə ɓesə̄ yādə́ gēé ō ní. Nin̄ a a̰ā̰n̄ ta kum naā to̰ alé ɔjəń dɔ yá̰á̰ kə́ majaĺ ń nin̄ rāān̄ ní ō, sɔɔ̄ń dɔ yá̰á̰ kə́ majaĺ ngá̰ý gə̄ malang yādə́ ō.

DANIEL 6:11

Dan ń Daniel oō kadə̄ ndangən̄ ndū najə̄ kə́ beé anī, tél aw̄ kújə yān tə́. Ni al̄ aw̄ kem kújə yān tə́ ba teē ko̰rō̰n gə̄ kə́ dām̄ kə́ Jerusalem tə́. Ni a tétə̄ kejən i loo ń noō tə́ n a ndɔ̄ń Nə́ɓā yān ō, a tɔ̄yń Nə́ɓā yān ō nja mətá ndɔ̄ kógə̄ḿ ní. Ni-rāā tītə̄ ń a rāań kété gə̄ ní.